تكفون يالقصمان فزعتكم انا الحوطي اللي معكم فيذا

[الحوطي]

انتم يالقصمان ... تراكم راعين فزعات ..
ابسئلكم وشلون اكتب مشاركــته ...

رحت لمقهى وكلمة لي واحد وفتح لي ذا الشاشه وقال لي اكتب فيذا وادعس اللي تحت وتلقى موضوعك بس المشكله الين بغيت اكتب موضوع ثاني وش اسوي بغيت ابلغ الشرطه من القهر تكفون علموني عندي مواضيع كثيره ابكتبها لكم فيذا

يالله يالقصمان فزعتكم نكفون

[مدحت شوقي بريده]

هلا بالحوطي ......

يالله حــيـــه .... حيه والا عقرب ... ههههههههه


اقوال .... يقولون فيه حواطى يلاحقون عماني

ليـــه

يحسبونه سندباد ........ هههههههه

شف يالغالي....

اذا بغيت تحط موضوع اطلع فوق وتلقى موضوع جديد
اضغط عليه ويفتح لك الصفحه
واكتب الين تمل
وبعدين تلقى تحت ... اعتمد الموضوع الجديد كمان دوس عليها ويصير موضوع بالصفحه العامه

ويالله جرب ... الله يعين الجهاز عليك
الله من صغر الأصابع يالحوطي ..

[الحوطي]

هالحين يالقصمان
ذابـيـن ذا المصري علي ذبحني ترى
ياخوي ماحب المصاروه لاعاد ترد علي
اذا القصمان ماعبروني ومسوين زحمه انا القصمان فينا وفينا
واخرتها يفزع لي مصري ماهقيتها منك ياهل بريده
ولا واحد رد علي واعطاني وجه

[كيش إشمنت]

شف أنت حوطي شّح
كويّش
أنا من أول كنت مشادق واحد حوطي
بش هاللحين شاعلته قل ليش
عشانه شوى بي مقلب شييييييييييييين
وإنا إنشان شاد بكلامي وأبي أشدقائي يشيرون شّيي

بش ياحي أنت طلبك شعب شوي
تقلون عطونا وشهه
ياحي إطلب شّي شاني
حرام يعني وشهي شعبه شداً أعطيك إياه
ياحي شوجتي تقول معشي
وخلاش أنا شّي شوجتي أبقولك معشي
بش ميخالف تبي شن من شنوني قلعته لك مو مشكله بش وشهي لالالالالالالالا


بش وش تبي هاللحين شف ودك تكتب موشوع شديد شح
إرشل رشاله لوشارة المعارف عشان يطلعون لك تشريح بعدين لاطّلعوا لك تشريح
إرشل رشاله للمشرف العام حق المنتدى هاشا بعدين لاوافق على الرشاله
تعال لمّي أنا تعرف منهو أنا أنا (كيش إشمنت) المشرف المرشّح للإنتخابات
بعدين لاوافقت أنا خلاش تكتب كل شّي يعشبك وترشله للمشحح الإشتماعي
وإشا وافق المشحح الإشتماعي يرشل موشوعك للمنتدى العام بعدين
تشوفه بالمنتدى
بش هاشي الطريقه شهله ماتبي شيّ

إن شالله فهمت كويّش

مع الشلامه شق الحمامه

[@ شعاع الاسلام @]

أهلا بك يا الحوطي .....

يا بني ترى الاستاز (( مدحت بيه باشا شوئي بريده )) ولدنا وسعودي لا تصدق أنه مصري ويا ويا بني أنت كيف وضعت موضوع ( تكفون يا القصمان فزعتكم أنا الحوطي اللي معكم فيذا )

أتبع نفس الطريقة ...... والسلام عليكم ورحمة الله وبركاته ......

اللهم يا محي العظام وهي رميم أنصر أخوة لنا تركوا البلاد والاولاد والاموال لرفع راية الجهاد اللهم آمين بنصر مؤزر وعاجلا غير آجل اللهم آمين .......

[مدحت شوقي بريده]

ماتبي ((( المصارو ))) يردو عليك ...

ليه مش هما بني ادمين زيك ... والا انتا مخلوق من طين وهما لا
وبعدين انتا حار ماتستنا شويا يجو لك القماعه يابني ....

ياحبيل ميدك بس ...

[شيخ بريدة]

ياالحوطي يااخوي ياالباليــّة ياالمنسّم ياحبي لك.

خل عنك هالإخوان(غير شعاع الإسلام) تراهم مضيّعين ومخذرفين تعرف اهل بريدة راعين استهبال وخذرفة وتراهم مشيّبين واتركهم خلهم يستهبلون ويحطون حرتهم بك ياالحوطي<==تراي امزح معك ومعهم.

اسمعن زين لاادعسك بذا تفهم تبي تحط موضوع رح لموضوع جديد ثمّن يدخل لك واكتبه وارعص اعتمد الموضوع وانثبر انت وموضوعك هههههههههههههههه امزح قسم بالله.


يااخي كل هالراس المنتفخ الي بك ولاتعرف تحط موضوع كمخة انت لو انت مصارو قلنا مايخالف بس انت حواطو.



طيب زين نشوفك على خير ولانشوفك على شرّ بسم الله عليك يامصعب<==يخلط بين الحواطى.

[الحوطي]

وش ذا كيش اشمنت مايعرف يحكي كل كلامه شين شين ياخوي رح صلح سنونك والا اصابعك علشان نعرف وش تقول

[الحوطي]

شعاع الأسلام وش دراني عنه قاعد من الصبح يبربر علي مأدري وشهو يقول مايرد علي فيذا الا هو قهرني وينكم انتم وبعدين الحين عرفة اكتب الموضوع خلاص مشكورين

[الحوطي]

شيخ بريده معكم فيذا شيخ والله تمام اجل الوالده عندها كنم سؤال ماعاد يحتاج نور على الدرب
وفر حجرات الرادو بعدين وشذا الأنقليزي ارعص وكمخه من اول احسب انك شيخ صدقي ويوم قريت كلامك عرفت انك شيخ تسلاب انت خراط مانتاب شيخ الله يرحم المشايخه بس لاتزعل من كلامي تراني حوطي على نياتي واللي بفلبي على لساني وحنا معروفين في الحوطه فيذاك ان اللي في قلوبنا على السنتنا

[الجارح البطل]

سم محنب تاركينك

[برجس]

هلا اخوي الحوطي :)

معك اخوك برجس من اهل القصيم ويحب الحواطا بقووووه


كنت ابجاوب على سؤالك وابفزع معك

لكن مدامك عرفت خيرها بغيرها


على فكره


ليش الناس دايم ينكتون عليكم؟؟

:D:D

[كيش إشمنت]

كاتب الرسالة الأصلية الحوطي
وش ذا كيش اشمنت مايعرف يحكي كل كلامه شين شين ياخوي رح صلح سنونك والا اصابعك علشان نعرف وش تقول



لو شمحت ياحوطي تحشب الدنيا فوشى تشي تكلمني بالطريقة هاشي
الشيد (كيش إشمنت) إشا بغى أحد يهرش معه لاشم يشيب معه واشطه
مهب واشنطون لالالالا واشطه فهمت ياأشتاش :i121 :i121


مع الشلامه شق الحمامه

[محبة بريدة]

واثرك على نياتك ياشعاع الاسلام
اما الحوطي لاتردون عليه تراه مضيع

[الحوطي]

الجارح البطل
مشكور يالحبيب


برجس والنعم فيك
بس ياخوي ذولي ينكتون علينا وحقنا بنلاقهم منهم يوم القيامـه
على فكره فيه حواطى يلاحقون عماني ليه يحسبونه سندباد


كيش اشمنت ياخوي مادري وش قاعد تقول انت
ماخذ حرف الشين وكاله عندك ياخوي


محبة بريده انا مضيع الله يسامحك وعساك تبيني اخذ فزعه من الحريم والله كان يذبحوني بالحوطه شف سعد ذا الخبل فازع بحرمه

[الكاشت 22]

اسمع يا الحوطي يا مل الهلة


كلمة ( يبربر ) في الكلام أو فلان كثير ( البربرة ) بمعنى ثرثار وهي منتشرة عند أهل الرياض

معناها عند أهل بريدة ( عنده اسهال ) فاحذر تسلم


يقولون فيه حوطي ........................... ( ما ودي أفشلك )


فهمت لا تقول يبربر مرة ثانية حومت تسبدي

ويا هلا يا مل الهلة فيك

:D : 12 :D

[شيخ بريدة]

انت ياالحوطي وراك تسذا قاعدن من اليوم تحتسي عليّ وتتطنـــّز بي وتقول انا شيخ تسلاب والله انت ***** ياال***** وثاني شيء لاتتطنز بلهجة اهل بريدة ياالبعير المنسّم
وثالث شيء انا منب شييييييييييييييييييييييييخ:i121 :i121


معنى إسمي(شيخ بريدة) يعني شايب بريدة قصدي بشيخ يعني شايب ياال***** عساك للبربرة استغفرالله.


والله ياانت حمّقتن وش اقول لك ماعليك شرهة بلاك حوطي ياالتميزة المحترقة.



مع السلامة.:D







تراي امزح معك بهالهرج كله ولاتحمق ابد يااخيّي<==يحب لهجة عنيزة هالشايب المعرعر.


ولاتحمق عليّ ومهما قلت لي من سبّ وشتم ابردّ عليك بأحسن من الي قلته.


"وإذا خاطبهم الجاهلون قالوا سلاماً"


والله إنه كان ببالي كلمات سبّ وقويّة عليك بس الله يرزقنا الحلم ياابوحوطة:D







نسأل الله الإخلاص في كل قول وعمل والسلام عليكم وآسف على هالسبّ ياخااااااااااااااااااال<== هه ناظر ادلـــّعك وانت تعيّرن وشو ذا تشششششششششششششششششششششششش.