إنحطاط أخلاق في فرع الخدمة المدنية ببريدة

[المنسقه1]

ِِالسلام عليكم ورحمة الله وبركاته
أنا كتبت هالكلام ووالله العظيم اني ميته قهر
كلمت امس على ديوان الخدمة المدنية ببريدة عندي استفسار بخصوص طلبات التوظيف ؟
رد علي واحد وقلت له سؤالي
جاوب علي وقال تعالي بكرى جيبي اوراقك
رحت من بكرى للقسم النسوي وما فهموا وش أبي
المهم يوم رجعت دقيت على اللي كلمته بالأمس
وقلت له اني جيت للقسم النسائي قال ايه انت اللي سألت عن كذاوكذا
ثم رد علي بصوت خافت ما أدري وش يقول
توقعته يكلم اللي جنبه أو يخلص معاملة أحد سكت أنا شوي بعدين
سكت هو وقلت ألو ؟؟
رد علي بنفس الصوت يقولي عطني رقم جوالك وانا ادق عليك اقولك<<وش يبي ذا
:i121الضغط عندي وصل حده بس تمالكت نفسي عشان اشوف وش اسمه
طلبت منه اسم المسؤل قال مافيه احد مسؤل قلت طيب من اكلم اذا دقيت قال فلان الفلاني ما أدري إذا اسمه او يتبلى على أحد
قلت عطني التحويلة قال ماله تحويله.. كلم بعد شوي ((تكلم معي بصيغة المذكر))
ولاعطاني رد الله لايوفقه


وكلهم نفس هالتافة
واحد ثاني طلب من اختي الرقم من قبل
بس توقعته قاعدة شاذه طلعوا كلهم كذا ((حسبي الله عليهم ونعم الوكيل))
بالله مافيه احد يوقفهم عند حدهم
المشكلة انه يمثل قطاع حكومي
أبوي تعبان والا كان قلت له وأنا واثقه انه بيخليه يحرم يرد على التلفون مرة ثانية


وبما اننا نتكلم عن الخدمة المدنية
بالله القسم النسوي ليش مفتوح ؟!!
عشان يتقهون ويقولن مانعرف شي...ماجانا شي بهالخصوص ... خليني اسأل قسم الرجال
وأنت وش قاعدة تسوين ؟؟!! كل صبح تداومين حتى الآن مافهمتي شغلك؟؟!!
والله العظيم مهزلة :i121
حسبي الله عليهم

[ابن الدر]

لا تحزنين السخافة في كل مكان حتى في المدارس الي هي شعاع العلم ،قسم بالله شفت نظرات في احدى اللقاءات التربوية بين مشرفه ومديرة مدرسه خجلت من نفسي .

[ابراهيم الفهد]

ان كان كلامك صحيح ..

فالله يخلف ... من حينهم دابلين كبودنا بقل الوظايف والمعامله الزفت الي نشوفها منهم ( تقول انهم بيدفعون من جيبهم رواتبنا )



الله يعينه على الدعاوي الي تجيبه كانه فعلا" هذا الي صاير


المفروض ينتبه لخواته ويشوف وين رايحات... احسن من انه يتبلى بنات خلق الله

يغازل وخواته ما يعلم بها الا رب العباد ..! : (

[سعيد بن مسعدة]

انتبهي لنفسك يا أختي ، بعدين خلي أخوك وإلا أي رجال يكلمهم ويوقفهم عند حدهم ..........ز

[الوزير الفدرالي]

المشكلة أن هالنوعييية ( غالبا ) يصير مضبطن له واحد بشغلة ويكون مسئول عشان لاصارت مشكلة أو شكوى

عليييه أثرة يحمية ,,

الله يستتتتتتتر عليكن وعلى بنات المسلمين ..

[المنسقه1]

مشكورين على المروروالتفاعل .........
بصراحة أبوي تعبان والا كان قلت له وأنا واثقه انه بيخليه يحرم يرد على التلفون مرة ثانية
لكن حسبي الله ونعم الوكيل

[د. كيف]

لله درك وأختك من قبل

كم من البنات تنخدع بهؤلاء الشهوانيين حتى تسقط في يده , ثم تندم ولات حين مندم .

والله يا أختي أتمنى ما تفوتين الموضوع
يعني كلمي ممن تثقين فيه من إخوانك أو أعمامك بالموضوع حتى يكون عبرة لغيره .

أما السكوت عنه وأمثاله , فبالتأكيد أنه سيكرره مع غيرك , وقد لا تكون مثلك أو أختك بعدم التجاوب معه , فتسقط في يده .

كفانا الله شر من به شرّ , وهدى الله من آذانا في أعراضنا .

[المستشار]

أنا أؤيد كلام أخوي د كيف ..
المفترض ما تخلين الموقف هذا يعدي ..ّ
لازم يتأدب هالموظف هو و غيره ..
و أنا أقترح إنك تبلغين الهيئة ، و هم راح يتصرفون صح معه ..


و أرقام الهيئة موجودة في كل مكان ..
إذا أسكتي عنه راحي يغرر ببنات الناس .. !

[الصباخ]

أنت قويّة وأختك قويّة وذكيات وفاهمات وعاقلات..
لكن غيركم قد تنغر بكلامه وتصدق إنه يبي يتوسط لها ويبتزها بعد كذا!!..
لذلك حاولي إنك تبلغين الهيئة أو تبلغين من تثقين فيه علشان يتأدب هالموظف ومن على شاكلته..
بارك الله فيكِ..

[عزوزتي]

ومع كل هذا لايزال البعض ينادي بالاختلاط وقيادة المرأة للسياره !

هذا اللي يخوفنا مثل هؤلاء حتى وهم يعملون بدائره حكوميه

وعبر أسلاك الهاتف يحاولون المساس بالمرأة ؟

عموما ليتك أخذت أرقام جوالاتهم ومن ثم قمت بالاتصال

بالاماره وأخبرتيهم بالأمر وياحبذا تسجيل كلامهم !

( الله يستر على بنات المسلمين )

[عبدالله]

للظلم نهاية............................

[نـــNAــونا]

الخدمة المدنية وما أدراك ما الخدمة المدنية


الله يوفقك يا أختي ويستر عليك

وبالنسبة للإستفسار عندهم عن طلبات التوظيف والله ما عندهم سالفه كلن يعطي رأي من راسه

والدعم والمساعده مثلهم وأردي نفس الأسئلة يردون بإجابات مختلفه


بحلنا بهم حطوا جامعه لا حطو كليه

تاريخ التخرج تحت لا فوق ما ندري وش يرضيهم


الله يرزقنا وياك بما يسرنا ويغنينا عن خلقه

[راقيه باخلاقي]

اختي وانا اؤكد صحة كلامك
وحده من معارفي عطاها واحد من الموظفين رقم جواله
وقال اذا احتجتي شي دقي علي طوالي وانا بالخدمه
الله يستر علينا ويكفينا شر من فيه شر

[talal242]

للظلم نهاية............................ في كل مكان

[اضواء]

المفروض ماتسكتين وتتصلين على الهيئه

[خـآالد]

إن كان كلامك صحيح

فـوالله إنها مهزلة

[بودرة نونو]

اختي .. وجميع الاخوات ,,
الكون لايخلى من الطيب والخبيث في كل مكان وكل مجال ...
انا كلمت كم مرة على الديوان ,, اتكلم معه برسمية وحزم ويتعامل معي بالمثل ..
جوزيتي خيرا انتي واختك ..
لكن يجب على كل امراءة ان تكون رسمية جدا ولو تجاوز المتحدث لاتسكت او تنهي المكالمة بل تهدد وتبلغ المسئول مباشرة ..
كانت لصديقة لي حادثة مشابهة مع البنك وكان يملك معلومات كاملة عنها من الكمبيوتر ,,تجاوز وسمح لنفسه باان يستخدم هاتفها النقال بعد ان سرقه من ملفها ..
اخبرت زوجها واتفق مع الهيئة وضبطوه وفصل من العمل .. كان درس له .. لو كل من تعرضت لمثل ماحدث وتصرفت بحزم لما تجاوزو .. بالتوفيق

[أبو رُبـــــى]

أخيتي .. حفظك الله من كل مكروه ..

ولكن يجب عدم السكوت على هذا الشيء .. وإبلاغ الهيئة كما ذكر الأخوان قبلي ..

حمانا الله وإياكم من كل سوء ..

[ُEng'r.Farhan415]

يا أخوان كل اداره فيها الصالح والطالح وصدقوني مثل ماذكرت اختنا عن كذا واحد انهم سيئين اكيد ان في هالإداره كثير أهل خير ودين وياخافون الله ومثل ما ان من عايله واحده وكلهم من اب واحد وام واحده مايكونون سوى بالأخلاق كيف أجل بالإدارات الحكوميه ألي كل واحد من ديره.
بس المفروض ان المسؤولين يختارون الصالح عشان يرد على شوون الموظفات او طالبات العمل.
ولكن وهذا المهم اطلب من اخواتي اذا حصل وكلمن أي شخص غريب ان يكون كلام الواحده جاف ولفيه اي نعومه ولا لين حتى لايطمع الذين في قلبهم مرض.

[MaGeeDo]

الله يستر عليك ويحفظك وبنات المسلمين ..


لكن زي ماقالو الي قبلي عندك الهيئه ..

يربونه ويربون خوياااااهـ ان كان فيه احد مثله ...

[عنابة]

وأنتي ما تعرفين صنين إذنه بهرجن يفقع قلبه ؟


والله يقهرنن هالبنات الضعيفات


ويقولن ليه الشباب يتحرشون بنا

بعذرهم ما شافوا منكن الا الضعف والليونة


والله لو انا منتس لأصنه بكلمة تخليه يسويها على روحه حتى يتوب عن هالفسق

[شيكوماتي]

الله يستر على بنات المسلمين

[عجاج]

الله يكون بعونك

[عجاج]

نصيحتي لك اختي أن تكلمي أي قريب لك ابوك أو اخوك أو عمك أو خالك ..
تخبريه بكل ما حصل وأن يذهب لمدير فرع وزارة الخدمة المدنية لكي يحاسب هذا الموظف

[المنسقه1]

أشكركم كلكم واحد واحد على التفاعل
وإن شاء الله الموضوع ماراح يعدي على خير
بس أنا كتبت أبفضفض وأبحذر بنات المسلمين من هالنوعية الحمقاء

واللي يقول ان كان كلامي صدق فوالله العظيم ان كلامي صدق


و يا أخت بودرة نونو أنا مادقيت عليهم استهبل انا داقة ابخلص شغلي وشي أكيد أبتكلم برسمية

أما أنت ياعنابة أول شي أنا ماني ضعيفة ويخسى اللي يتحرش فيني والله لأكسر خشمة
وما أسمح لك توجهين لي هالكلام
حنا بنات حمايل وألزم ماعلي سمعتي وسمعة أهلي
تعرفينن يوم انك تقولين ماشافوا منكن الا الضعف والليونه



تحيتي للكل

[عنابة]

أما أنت ياعنابة أول شي أنا ماني ضعيفة ويخسى اللي يتحرش فيني والله لأكسر خشمة
وما أسمح لك توجهين لي هالكلام
حنا بنات حمايل وألزم ماعلي سمعتي وسمعة أهلي
تعرفينن يوم انك تقولين ماشافوا منكن الا الضعف والليونه

تحيتي للكل

ما قصدت اللي براسك الله يصلحك


أقصد وراه الوحدة منا اذا تحرش به الواحد ما تسل إلسانه وتمحطه به ؟

وتسانهو قدامه ما تفسخ جزمته وعلى راسه بالكعب