الفززززعه ياشباب [الأرشيف]

الاصفراني

7/7/1430 هـ, 03:18 مساءً

من عنده معرفه بفضل جامعه للانتساب فيها وهل تعرف احد منتسب بها للاهميه وجزاكم الله خير

الحلة464

7/7/1430 هـ, 05:16 مساءً

جامعة الإمام محمد بن سعود بالرياض فيه إنتساب تقليدي ومطور
التقليدي/ ببلاش بس الإختبارات باالرياض بعد ماتجتاز الدورة التأهيلية قيمتها3000

المطور / بعد الدورة التأهيلية كل مستوى2500ريال وتختبر في أي مكان وأسهل من التقليدي بكثير

اللغز

7/7/1430 هـ, 06:10 مساءً

أخوووي الحلة 464
ممكن تفصيل عن التقليدي بارك الله فيك ...

الحلة464

7/7/1430 هـ, 07:05 مساءً

أبشر طال عمرك
في البداية يتم التسجيل في الدورة التأهيلية عن طريق موقع العماد بالإنترنت ويرسل المستندات عن طريق البريد وأيداع مبلغ 3000رسوم الدورة التأهيلية
يرسلون لك عن طريق الإيميل إسمك ورقمك السري للدخول في موقعك
تطبع المذكرات من النت أو تشريها من مكتبة الجامعة أو اللي حوله
تختبر طبعا إختبار نظام مطور إختيار الجواب فقط والإمتحان بسيط بإذن الله باالمدينة اللي أنت تبي بريدة ( المعهد العلمي)
بعدها تروح للرياض وتختار أحد الأقسام أصول دين دعوة لغة عربية والظاهر قسم إلإدارة تقليدي
وبعدها تجي وقت الإمتحانات للرياض وتختبر والمذكرات من مكتبة الجامعة أو المكاتب اللي حوله
لاوفيه ترم صيفي يعني ثلاث سنوات إذاشديت حيلك وتخرج

لمزيد من المعلومات إدخل موقع العمادة ثم نظام التعلم عن بعد سيفيدك بإذن الله بكل ماتريد
وفق الله الجميع