الى هالحد ( أنت في بريدة ) يوجد صورة

[سعداف]

بسم الله الرحمن الرحيم

وصل بنا الحد إلى هنا

يوقف من يشاء ويستهزئ و (ينفخ)

شخص ساذج

هنا نبدأ

اليوم طلعت من بيتا كالعادة يوم خميس مستانس مريت خويي وقلتله خلنا نروح مقهى جاب جهازه
ورحنا مريت من عند الأستاد (الملعب) وأناظر الناس والنصب قلت خلن أمر أشوف دخلت على شارع
الأستاد ولا الشارع واقف وقفت معهم وأشوف الناس تصفط يمين ويسار واذا به تفتيش قلت كل شي كامل رابط الحزام معي طفاية حريق رخصه
واستمارة يعني كامل والكامل الله وقفن من عند الدريشة اللي يمين وذي مخالفة قال الرخصة والإستمارة عطيناوه قال وقف على جنب :confused:
وتراوه وقف قبلي يمكن 50 شخص
رجع السرية وراح ولبقة وبا ينادي الناس نقوله وش السالفة يقول تدري بعد شوي طلع اسمي
يقول وش تبي اعطيك مخالفة :confused::(:eek:
قلت له وش مخالفته بالينا انت قال تبي ابلاك
لا بوك لا أبو اللي جابوك تشتغل
ويعطين مخالفة عدم ربط حزام الأمان
والله انه انا وخويي وخويي اللي ورى كلنا رابطين الحزام
طبعا جا دور اللي بعدي واللي بعده
وجا شخص سافل شريطين (يعني لو مايربط الكندره زين اطردوه ) قعد يددفنا

الخلاصه :
المخلافات عليه
1- وقفن من عند الدريشة اللي يمين
2- اسمه موخره (اللي بالبدله حقته )
3- يقول وش تبي قسيمه

نسيت جاء الضابط واسمه فلان بن ضبعان بن ديهيس أو زي سذا
قلت ذا يمكن العاقل خلن اهارجه
قال انتسان براسك شكوى رح اشتك
فتذكرت المثل (اذا كان رب البيت دف ضاربا فشيمة أهل البيت الرقص)

قلت مالك الا تركب السيارة وتمشي

- القروش يروحن ويجن
- شاهد كيف اصبحت الذمة عند اشخاص ...........
- نبي نلقى كل ذا بالآخر ان شاء الله

وفي النهاية

اسأل الله سبحانه وتعالى ان ينتقم من اشخاص ...........

والسلام عليكم ورحمت الله وبركاته


نسيييييييييييييييييت الصوره
هذي هي 7

http://www.buraydahcity.org/kleeja/download.php?imgf=Gso53524[1].jpg
سلام

[د/الفـهـد]

لااله الا الله

شف طال عمرك اذا كلامك فعـلآ صحيح

مالك الا الخلف

اكتب معروض كلام غير اللي تبي تقوله عشان مايعلم سكرتير المدير الخلف

ولادخلت قل المعروض خله على جنب

موضوع ثاني بس هاذا عشان مايعرف شي السكرتير وقل له السالفه كله واذا ماخذ حقك عندك الامير فيصل بن بندر واذا مانفع عندك وزاره الداخليه بالرياض
لاتسكت عن حقك

مخالفه 150 ريال على ايش

~

[سعداف]

ترا ذا الكلام قبل ساعة

[تاتا ح ب هـ186]

اقول يا خوي كلام قليل الدسم صحيح ومكانه.............

[سعداف]

اقول يا خوي كلام قليل الدسم صحيح ومكانه.............
امتنع عن الرد

[انتظرتك سنين]

والله لو اني منك لاوصل السالفه للامير الله يحفظه باذن الي ماتنام عينه ..

قسم بالله شي يقهر ..

وين الامانه ..؟

لا حول ولا قوة الا بالله

[ام ديم]

السلام عليكم

اذا سمحتولي 0000لدي مداخلة بسيطة نفس الشي حصل لاخي

وقدم معروض لمدير المرور وحدد المسؤل يوم للتفاهم مع رجل المرور الظالم

وفعلا كان هناك تجاوب من المسؤول ولا تقول عندنا واسطه0:oo0 الواسطة رب العالمين ونعم بالله





تحياتي

[خـآالد]

أنا شفت اللي يقوله terabayte بأم عيني

[ابوفيصل 911]

اتصل بالرقم 991 أو الرقم 989 واشرح ماحصل لك بالتفصيل وستجد مايسرك بأذن الله

[ابو عبدالله.]

يابعد قلبي سو الي قالولك عليه العيال اشتك للخلف او الأمير او او او
ونا كم مره صارلي نفس هالموقف وكد حطيت موضوع بس مدري وين راحله!!

[**ابو علي**]

والله ياخي كل المرور ×××××× والله يابهم ظلم مهب بحد الله يعين بس


شكررراا

[(خيال الروح)]

انا كذا رديت على كم من موضوع عن المرور الظالم


قسم با الله عقب موضوعك بصمت بصمه على انهم يدورون القسايم فقط لاغير ولاسلامه المواطن ولاشي


قسم با الله المرور فاشل فشل ذريع


ناس همهم القسايم

ولا بعد اي فرد عندهم يخلص اكثر من دفترين يرخص من ضابطه يعني يكافئه بأجازه


والله انهم انفضحو فضيحه


لزم يوضع حد للاستهتار هذا


ناس ما ربيت

[صوت اهل بريدة]

ياخوي مالك الا انك تدعي عليه........!!
وبوجه كان قلت له ربي لا يوفقك......!!
والضلم ضلمات يوم القيامه.......!!
صدقني لو سويت كذا راح يجي ويعتذر منك......!!
لاكن كل شخص واسلوبه...!!

[غارق]

رابط الحزام متأكد أنت هههههههه

انا اتوقع إنك رابطه عقب ما حاذيتهم وأكيييييييييييييييد وشافوك او شئ

[swelem]

فيه كلمه اذكر يقوله لي ابوي اول ما اشترى لي سياره

( البس لبس العاقلين ما أحد يقول عنك مجنون )

بمعنى :

لاتشمع ولاتضلل ولاتفرد قذلتك ولا تفصط شماغك ... إلى آخره من هالأهتمامات الي طايحين به عيالنا الله يصلحهم

ولله الحمد ما أتذكر وقفت عند تفتيش او وقفني عسكري اوغيره

مع العلم اني ماأعرف لاطفاية الحريق على قولتك ولاأتذكر اني ربطت حزام الأمان حتى عند تفاتيش الطرق السريعه نفسها..

نصيحه لوجه الله فقط ..

[طعس™]

ههههه حقك وماجاك من قالك قله انت تبلانا

[ابويسرى]

اقول سدد المخالفه قبل تندبل عليك وكل امرك الله وماعليك وادع على من ضلمك وش ترجي من عسكري مامعه شهاده ان كان معه ماتعدى ثانوي لا وليلي واهليه عسكري ماعنده ثقافه ولاعنده احترام للغير وشلون ترجي منهم شي فوق مستواهم ولا اعمهم بالهرج لا والله فيهم رجال والف نعم لاكان الله يعينك لابلاك واحد معه شهاده ليلي

[أم جحا]

حاميها حراميها :026: حاميها حراميها :026: حاميها حراميها

[أم جحا]

فيه كلمه اذكر يقوله لي ابوي اول ما اشترى لي سياره

( البس لبس العاقلين ما أحد يقول عنك مجنون )

بمعنى :

لاتشمع ولاتضلل ولاتفرد قذلتك ولا تفصط شماغك ... إلى آخره من هالأهتمامات الي طايحين به عيالنا الله يصلحهم

ولله الحمد ما أتذكر وقفت عند تفتيش او وقفني عسكري اوغيره

مع العلم اني ماأعرف لاطفاية الحريق على قولتك ولاأتذكر اني ربطت حزام الأمان حتى عند تفاتيش الطرق السريعه نفسها..

نصيحه لوجه الله فقط ..


ماشاء الله تبارك الله زين اللي ياخذ النصيحة من الناس وخاصه أبوه وأهله
الله يتمم عليك :d

[عبدالعزيز@]

السلام ،،،،

الصراحة ان كلامك صحيييح ،،،، والدليل انه جاين على الاميل عسكري واقف ومعه سيكل ،،، قصدي دباب بالشارع والسيارات خر مر .. وهو يختار من يعطي قسيمه ويكتب القسايم على الناس ظلم وإفتراء ،،،،
وين النظام عنه مثل هذه الاشكال ....... والله قهر ..

اصبر واحتسب ،،، ههههههههههه وردد يالييييل ماطولك ..

[بندوري]

تدري وش المصيبة...

بعد انه من ضمن المرور من يجي يدور معهم وينصب ولاجاء استلامة قلب على العالم صزز اللي قال ان المرور

التالي بهم صغارين مابعد كبرت عقلوهم مرور اخر زمن ..

تقبل مروري..

[أسير الواقع1]

فيه كلمه اذكر يقوله لي ابوي اول ما اشترى لي سياره

( البس لبس العاقلين ما أحد يقول عنك مجنون )

بمعنى :

لاتشمع ولاتضلل ولاتفرد قذلتك ولا تفصط شماغك ... إلى آخره من هالأهتمامات الي طايحين به عيالنا الله يصلحهم

ولله الحمد ما أتذكر وقفت عند تفتيش او وقفني عسكري اوغيره

مع العلم اني ماأعرف لاطفاية الحريق على قولتك ولاأتذكر اني ربطت حزام الأمان حتى عند تفاتيش الطرق السريعه نفسها..

نصيحه لوجه الله فقط ..


صدقت أخوي



هذا هو الصحيح


تحياتي

[روحي قصيمي]

ذولا المرور الي يعطون قسايم الحين

جديدين وفرحين إنهم توهم معينين وعاد تعرف طافين بالتعيين

عشان كذا عطوك مخالفة يالحبيب

تقبل المرور

[الوسيــــطى]

لا حول ولا قوه الا بالله

[ضحكتي ماركة]

الشكوى لله ياما في الحبس مظاليم >>على قولة اخواننا المصريين
عادي تحصل كثير زي كذا وانواع التحرش على غير سنع
مير الشكوى لغير الله مذلة

[الــبــتــار]

لاحول ولا قوة إلا بالله

[السيد سامح]

قال ماعندك لوحه اماميه

و كنت ناوي اركب اللوحه اذا وصلت البيت





والله محد قالك تمشي بدون لوحة

[حاني الروح]

وتستًمِر مهازل القسايمـ...
طبعآ اعطاء المُخَالفَات اجتهادات شخصي..كل واحد ومزاجُه...

الله يخارجنا منهم بس ويكفينا شرهم..

[سيار نجد]

جيدين بمخالفات تشميع وتضليل وحزام امان ,,,
والعمال يقطعوون اشارات ويمسك المسار الأيسر يمشي 20 ’’
ويوقفون خطأ ’’ وبلاوي ماتعد ولاتحصى من هالعمال ’’
ومخلين الدعوى سااااايبه ’’’
الخطأ على بعض أفراد المرور والا فيه أفراد رجال وعاقلين بصرااحة ,,’’