مواقف مبكيه لا تنسى

[ليالي الشتاء]

:eek5المواقف كثيره لاكن نبي موقف ابكاك ولم تنسيه حتى ها الحظه ابدى انا الاول يوم وفاة عمي الغالي كان ابوي مرافق معه باالرياض يوم توفى نقل لبريده با الاسعاف وابوي وراهم با السياره لحاله تخيلو اخوه وصديقه بنفس الوقت واغلى اخوانه له وانا بحياتي شفت الوالد يصيح لمى دخل للبيت كان ابوي متاثر با الحيل وحنا منهارين تخيلو اتجه لمي انا وضمن وقعد يصيح مثل الطفل مع العلم انه الكل موجود الى انه اختارن من بد الجميع وعلى فكره انا البكر للوالد هطا الموقف الاول ادا شفت مواقفكم قلت الثاني وتراه الموقف الاول له سبع سنوات كانه امس الله المستعان:eek5

[وردة نهر]

أشكرك أختي ليالي الشتاء والله موقفك مبكي مره أقشعر جلدي وجتني العبره وانا أقراه الله يرحمه ويسكنه فسيح جناته

والله ألان مايحضرني موقف مبكي الله لا يجيبه يارب بس أكيد فيه بس ماأذكر

[ضـ القمــر ـــوء]

’’’


ثــلاثــة مــواقف لمـ أنساهـــمـ أبــداً:


الأول /يـومـ أن رأيــت والـدي يبكــي علـى فــراق أخيــهـ (عمــي) رحمـهـ اللـهـ
الثـانـي/يـومـ وفــاة خــالــي رحمـهـ اللـهـ
الثـالــث/يــومـ وفـاة والــدي رحمـهـ اللـهـ




’’’

[ام ملووحي]

يوم راح اخيي للعراق قبل 5 او6 سنين
حبيب مررررررررررره وخدوم

انشالله من الشهداء


------------------
شكرررررررررررررا

[الداعية الصغيرة]

انا من يوم وعيت على الدنياء كنت احب خالي وكان يحبني واعمارنا متقاربه يعني اكبر مني بسنتين
والكل يغار من محبتي له
وشكله احد صكنا في عين


قبل سنوات صار بيني وبين خالي مشكله تافهه بل اكثر من تافهه
الموقف الذي ابكاني
كان خالي رفض يسلم علي في يوم العيد تخيلو في يوم العيد

والله بكيت قهر
حاولت اسامحه بعد كم سنه سامحته لاكن الحين علاقتنا مو زي قبل

بنات امانه مو قهررررررررررر

[هايين]

^^^^ الا قهر
****









انا عندي موقف دائما ابكي عليه
واحيانا تطلع مني ونه احس نفسي بنقطع














كانت بنتي قاعده عند التلفزيون
مريت عليها لقيتها نايمه على وجهها
قلت تمام ابصلي العصر وانام انا وياها
صليت ورحت لها ابشيلها عشان احطها بفراشها
تطول بالنومه اذا كانت بفراشه



ياللهول ماذا ارى



انها جثه هامده
(...) (...)
:eek5:eek5




لاحياة لمن تنادي بكيت حاولت الصراخ ولكن صوتي خنق


اللهم أجرني في مصيتي واخلف لي خيرا منها
لله ماخذ ولله ماعطى
:035:


الحمد لله عوضني
ببنوته مثل القمر
بس مانسيت الاولى

[اميرة البحار الـ7]

الله يجعلها لك شفيعه
الله لايحول بينك وبينه بالمعاصي ويجمعكم بجنات النعيم ومن يقرأوالمسلمين اجمعين
اااااااااامين يارب العالمين

[ليالي الشتاء]

يا الله ياها يين موقفك مره احزني يا رب تكون لك شفيعه يوم القيامه وااااااااااااااااااااااسفه لو قلبت عليكم المواجع

[ريكا]

مايصيرن مثل موقفي

كانت
جددتي

الي يخطا عليه ولا تزعل قلبهه ابيض ناصعع بالمستشفى

وقمت واثري غايبه من المدرسه ورحت لم أخوي قلت علي إختبار وراه ماقومتن

قالي إنطمي يمكن جدتي تموت <<< وهي مايته بس يبي يغبي عن وش قالو لك بزر

قعدت بالفراش وارغييي

دريت إنه ماتت

ونزلت تحت لقيت أمي وابوي قاعدين إتصلت امي ع أبوه وقالت تلبك الحل

قلت منهي
قالت إقالتس ماتدرين

قلت وشو
قالت جدتس ماتت

خنقتن العبره وسكرت إثمي وصيح (إنصدمت)
وجت عمتي كانت بالمدينه وتبي تزور جدتي

واثره مايته جدتي (الله يغفلر له ويرحمه)

وابوي يعطي عمتي المسك

قلت ودي أروح لم مغاسل الموتى قال لا لا لا (يدري إني بدوخ من الصدمه)

واثروه خواتي يبي يروحن قالهن إيه

وراحت إختي لم المغاسل وشافت جدتي

وبتلت تصيح

وجى العزا
وجت عمتي
وخمتن
وبتلت أصيح


عجزت أكمله دمعن عيوني عجزت أناظر الكبورد

[كلاسيكيه]

السلام عليكم

إن القلب ليحزن وإن العين لتدمع----------------هكذا الفراق

إلي يومكم هذا أبكيه بقلب صامت واذا تذكرته بديت اتوتر واسال نفسي انا وين بالضبط تمر ثواني بعدها يرجع فكري

إني تركت أحب أرض عشت فيها وأصبحت ذكريات تقتلني معنويا اذا تذكرتها لكن عاشر من تعاشر لابد من الفراق

بالتوفيق+_+

[تباشير المطر ~]

اللهم ارحم موتاااكم وموتانا وموتى المسلمين
واجعلهم من أهل الفردوس الأعلى ,
الكثير من المواقف الحزينه التي تمر بنا
ولكن كما قيل [ لولا مصائب الدنيا لوردنا الأخره مفلسين ]
من المواقف المبكية في حياتي موت الكثير من احبابي رحمهم الله
وجعلهم الله من اهل الفردوس الأعلى واللهم لاتفجعنا بحبيب والمسلمين
هناك مواقف مبكية غير الموت ..
عندمــا تتحطم الأحلام أو تتنازلين عنها رغمـا ًعنك يحق لك البكاء
عندما ترين الناس الأن وقلة المروءه يحق لك البكاء
عندما يتغيير شخص تحبينه يحق لك البكاء
والكثير الكثير ولكن الإنسان لايحـــــزن عندما يتذكر [ الله ] جل في علاه
فهو سبحانه من يمسح الحزن والهم عن القلب عند صدق الجوء إليه
وفقك الله دنيا وآخره حبيبتي ليالي الشتاء

[بريده أم المدن]

أناوالله ماأنساموت جدي رحمه الله
كنت متعلقه فيه بالمره وكنت
الوحيده من أحفاده يغلين بالمره:eek5
حتى يوم مات أحس الدنياصارت ظلماء:eek5
والله إلى الحين مانسيته وهومن زمان
ميت يوم كنت صغيره بس متعلق بافكاري




:eek5:eek5:eek5


الله يرحمه

[لنوني الحلوه]

[المواقف جدا صعبه وكثيره بس

هـــــــــــذي بعضها....واللهم لك الحمد كما ينبغي لجلال وجهك وعظيم سلطانك...ولاحول ولا قوة الا بالله

موت ابوي الله يرحمه والاحساس انتس تعشين بدون اب يارب ترحمه وتغفرله

وتعب امي يارب تخليه لي وتطول لي بعمره وكان مفاجى ومافي سبب للاطباء

بس الحمدلله بدت تتحسن

والاخير وإن شاء الله يكون هذا اخر موقف مبكي لي وهــــــــــ:badــــــــــو

تعبي اللي معي وهد جسمي سبحان الله ومالقيت للحين تشخيص

مــــــــــــناســــــــب ماغير التخرصات عندهم...والشكوى لله....وحسبي

الله ونعم الوكيل :035: [/SIZE]

[ما تَهَاب]

الله يرحم موتانا وموتاكم ويغفر للمسلمين :eek5 ..

جدتي الله يغفر لها توفت وانا بخامس وكانت عندنا بالبيت ودايم جالسة بجنب فراشها لدرجة ان الناس صاروا يسموني العجوز من كثر ماأنا متأثرة في كلامها وفيها عموماً , فـ لمّا توفت ماتتصورون كيف فقدتها وكانت آخر أيامها عند عمي الكبير سبحان الله ؛ طول عمرها عندنا وآخر شهر تقريباً وافقت انها تجلس عنده على انها ماتبي تبعد عنا بس مكتوب انها تموت بالقصيم ومكتوب انها تموت واحنا مشتااااااقين لها ومكتوب اني ادق على بيت عمي قبل موتها بساعات بسمع صوتها وترد بنت عمي وتصرفني الله يسامحها .. ورب البيت اني مشتااااااقة لها مامليت منها ,, بس مافي أمل الا بالجنة يارب لاتحرمني :eek5 ..

الله لايجيب لي ماينسيني اياها ..

وموقف ثاني ابي انساه ابي امسحه من ذاكرتي فـ مااطيق اتكلم فيه :eek5 ..

[احزان الشيشان]

والله أن الفراق صعب...بس الحمدلله على كل حال...

هذه حال الدنيا....والله لن يبقى أحد الا وجه رب العالمين..

فارقوني أحبتي..أمي ..أخواني ..خالي ..جدتي..زوجي.. عمي...الله يرحمهم جميعا....ويجمعني بهم في دار خلدا....

[مطعونه بشوكـه ~]

..الصراحــة موقف امي كنا جايين من الرياض رايحين للقصيم .. ووصلنا الى محطه المجمعه ,,,,
فتكرمون نزلنا لدورات المياه .. عششان بنصلي وفجاءة لقيت الولدة طايحة مع حريم واركض لابوي ينتظرنا برآ ,,,
واخيرآ جاء الاسعاف المجمعه وشال امي .. واحنا وراء الاسعاف ونصيح صياح حتى ابوي اول مره اشوفه يصيح ..
ونقطع الاشارات الين وصلنا الاسعاااف .. والحمدلله تطممنا ع حالتهــا ...




والثاني ..
مره سافرنا لأبهأأأ بالصيف .. وبعدهــا رحـــنا للمكه ..
المهم احنا جينا من برد الى حر اللي هي مكه .. يعني الاجواء .. غيرت على ابوي .. \\

ومن يوم وصلتنا بمكه ابوي تعبااان يقول كل ششي يوجعن .. المهم قال يلا بنمشى لللقصيم .. بريدة
يوم وصلنا للبريدة .. ونستريح ,, يوم صار بكرى ويطيح علينا فجأءة .. ومايتكلم ابوي علينا وانهبلنااا .. وصياح ,, الين جاء الاسعاااااف .. وشافه قال السكر منخفض وفايروس
الاجواء ..

الصراحـــة مواقف مره مرت علي مبكيه.. علي ..
والله يبعدنا عنهآآآ ..

[مجربة الغربة]

اه يااخوات اقرأ مواضيعكن والله اني ابكي تذكرت اخي الله يرحمة وجميع المسلمين تعب ودخل المستشفى ثم توفى كلها في شهرواحد كان فيه سرطان الله يسكنه جنات النعيم يارب ويثبته عند السوال وجميع المسلمين وكل مانظر لاولادي اتذكره رغم ان له سنتين لكن والله كأنه امس الله المستعان

[BU7OOR]

هُم السابقون ونحن اللاحقون ..~
لاشيء أشدًّ مرارة من مرض / موت .. صآحب قلب نحبّه ..~


أتمنى لكم مواقف معقودة بالسعادة , وجنّبكم الله كل ضيق و هم !

[سـهـام]

هايين ..الحمد الله على كل حال..
ذكرتين بقصة أمي يوم فقدت ابنيها في لحظه واحده وفجأه...طبعا في المااااااااااضي
صارت لا تتكلم مده من المصيبه ...
واصعب موقف مر علي:
وفاة زميله لنا يوم كنا بالثانوي بحادث
قلب الحدث حياتي

[أحلى صبية]

ذكـــــــــــــرتوني بخالتي الله يرحمها ويغفر لها توفت بعز شبابها وله ثلاث اطفال
قبل خمـــــس سنوات الله يغفر لها ويرحمها ويجعل قبرها روضه من رياض
الجنه..............

كنت فـــــراقها مره صعب علينا خاصــه لما نشـــوف عيالها تقطــــع قلوبنا لكن
هذا حكم الله ولا اعتراض على حكمه خالقنا...

[{قصيم..~]

يوم لاينسى في حياتي =)


رجعت من المدرســة وكنت تعبانه علطول رقيت غرفتي ونمت مادريت إلا يوم جت امي تقومــن بسررعــه قومي أنا انهبلت قالت وشكله تصيح بسرعة لبسي خواتك وتعالي مع أبوكـ ابروح أنا

طار عقلي وين تبي تروحين طلعت ولبست عباته أنا علطول قمت وأتصل على أبوي أشوف وش السالفة قاللي :

جدتكـ تعابنه وراحت تزورهـ <<أنا ماصدقت قلت أكيد فيه شيئ ثاني

قومت خواتي ولبستهن وكان عندي إختبار أخذت كتابي معي أتصلت على أبوي وجاء وأنا طاير عقلي

وأختي الصغيره بس تسأل رفعت ضغطي

يوم وصلنا بيت خوالي
دخلت وأنا مدري وش السالفة لقيت كل واحد جالس بمكان ويصيح علطول شكيت بلأمر قلت إن جدتي ماتت
وفعلا صار تفكيري بمحله الله يرحمه

ومأنسى اليوم 27 \1\1430
الله يرحمكـ يايمه
رحت من بعدهـ يعني غبت الأحد وكان علينا إختبار أنا ويني وين الإختبار وزعت المعلمة الأوراق وقبل ماتعطيني جلست أصيح قالت لي وشفيك عجزت أتكلم قالت خلاص مو لازم تختبرين اليوم
يوم هديت قلتله قالت عــادي أختبركـ بعدين

الله يخليه جزاهـ الله خير
إنا لفراقكـ يامعلمتي لمحزونون ضاق صدري يوم دريت إنكـ تبي ترووحين =(

[ليالي الشتاء]

:eek5,والله ثم والله اني اتفاعل مع قصصكم وتخنقني العبره لاكن الدنيا له وجهين وجه حلو وجه مر لو مو موجود ها التقلب كان ماعرفنا طعم الحلو شوفو حكمت ربي وجعل للانسان النسيان ولا كان علوم لاكن اكرر ثم اكرر اسفه على تقليب المواجع:oo:eek5

[الملونة]

[center]لحضات محزنة ومبكية قد تمر علينا لكن إذا اصبنا الحزن او الهم....
فعليا اللجؤ ...
إلى الأستغفار...
وقرائة القرآن...

وسننسى كل احزننا بإذن الله ...
وانا انصح لكل من مات والديه ان يطبق قول رسول الله...
قال رسول الله صلى الله عليه وسلم:
(((إذا مات ابن آدم انقطع عمله إلا من ثلاث :
صدقة جارية
او علم ينتفع به
او ولد صالح يدعوا له)))


[size="7"]~~