المساعد الشخصي الرقمي

مشاهدة نسخة كاملة : يازين بريده لو تصير مثل ؟؟؟؟

ابويسرى
14/6/1430 هـ, 07:48 صباحاً
يوم الخميس طلعت انا والشباب لعنيزه بصراحه عجبتني مررررررررررره وقلت وينك يابريده اهتمام بالشباب شي مو معقول والله كنت اضن اني بالشرقيه او الطائف دبابات انواع واشكال عربات اللي يسحبها الخيل مساحة المنتزه اكبر من عنيزه طيب بريده ليش والا عيال الزوجه الاوله محرومين .....


الشباب اخذين راحتهم مررررررررررررره تبي تفحيط دبابات سيارات اللي تبي موجود مع سيارات الشرطه موجوده بس ماتقول شي مو مثل بريده العسكري يدور عليك اي زله اعرف واحد معه دباب خاطوف يروح عليه لعنيزه ويتمشى فيه ماحد يكلمه يقول لاجيت بريده ادخل تقل حرامي لاتشوفن دوريه مع ان الدباب فيه لوحه واستماره .....


المطلوب؟؟؟؟؟


نبي نستانس بديرتنا نبي منتزهات شبابيه نبي نبي نبي نبي والا نروح عنيزه نستانس عندهم كل ماطلع منتزه لا كيلو بكيلو شبكوه وقالو عوائل الله يعين
د/الفـهـد
14/6/1430 هـ, 07:51 صباحاً
والا عيال الزوجه الاوله محرومين .....


^^

وش دخل عيال الزوجه

وبنسبه لعنيزه اهل الدبابات

ولاتنسى ان عنيزه متكاتفين يد بيد

ربك يعين

~
ليلي عذاب ؟
14/6/1430 هـ, 10:16 صباحاً
فعلا بريده مكانك سر ولكن فيه بعض التقدم تقبل مروري
فارس 7
14/6/1430 هـ, 10:21 صباحاً
يارجل عساك سالم بس ... حنا مغضوب علينا ... والله يعين ..
سـنـكـرس
14/6/1430 هـ, 04:27 مساءً
الشكوى لله إذا كنت تتمنى لديرك الدوران بالدبابات والإزعاج للمسلمين ( معروف عن الدبابات الازعاج )
وقولك مافيه حدايق للشباب مو صحيح مليانه بريدة منتزهات للشباب
جيم كولا
14/6/1430 هـ, 04:38 مساءً
نبي ونبي ونبي ونبي كل شي تبونه انتم مابقا الا تحطون بريده ملاهي كله بكبره !!!!!! بريده ماتبي الا ملاهي كبير وتصير احسن مدينه
بو عليان
14/6/1430 هـ, 04:51 مساءً
أحس يابو يسرى كلامك فيه مبالغة بعض الشيئ
لاكنه حاصل
تقبل مروري
ابووليـــد
14/6/1430 هـ, 05:07 مساءً
عنيزة معروووفه ..

وبريدة راح تكون أضل بإذن الله قريباً ..
[ معاني الروعه ]
14/6/1430 هـ, 05:08 مساءً
ياخوي وش شايف بعنيزه انا مااقول اهله مو زينين رجال ولا قلنابهم شي
بـــــــــــس الصارحة معطيه فوق حجمها....
وهي ماهي مدينة هي محافطة زيها زي الرس والمذنب بس التطور وصلها علشان اهلها
وانتبه على حسناتك بكرى تراتحاسب على الحسنات مو المدينة
[size="6"]
ابويسرى
14/6/1430 هـ, 09:13 مساءً
الشكوى لله إذا كنت تتمنى لديرك الدوران بالدبابات والإزعاج للمسلمين ( معروف عن الدبابات الازعاج )
وقولك مافيه حدايق للشباب مو صحيح مليانه بريدة منتزهات للشباب

لا ياخوي افهم قصدي لو كان هناك منتزه متكامل من اناره من خدمات وغيرها ويكون خاص لشباب يعني بعيد ن البيوت
ابو شرين
14/6/1430 هـ, 11:02 مساءً
كل سنة اقضي اوقات الصيف مع الاهل في عنيزة وبرضه ماحولك احد

الا صدر هو ماحولك احد
*سـكـر خـشـن*
14/6/1430 هـ, 11:18 مساءً
آنآ رحت لمنتزهـ آلحآجب مآشآء آلله جدآ رووعــــــــــة . . آمتدآدهـ وآتسآعه
وتوزيع آلمسطحآت آلخضرآء يعني فيه تخطيط وآعجبني آكثر محطآت آلعآب آلآطفآل
آضآفه للعربآت وآلدبآبآت ومحلآت آلسوبر مآركت وسيآرآت آلآيسكريم << فعلآ آبـــــــدآع يآآهل عنيزهـ آلله يووفقكم . .

لــكــن . . تبقى بـريـدة هي آلآجمل في عيووني وليس هنآك مقآرنة بين
عآصمة آلقصيم وعنيزهـ ووجود آلتنآفس شي حلوو وآللي آشوفه حنآ تفووقنآ على آهل عنيزهـ
في آحدآث وتحديث حدآئق آلحآرآت وآلمنتزهآت آلخآصة فهي آكثر آنتشآر وآكثر ترتيب << فقط لآن آلموضوع يتكلم عن آلحدآئق وآلمنتزهآت <<


شـكـرآ يآآمآنة >>>> بـريـدة ،،
(خيال الروح)
14/6/1430 هـ, 11:38 مساءً
والله عنيزه رهيبه بالمنتزهات
العمر كله
15/6/1430 هـ, 12:11 صباحاً
والله كلامك صحيح ياابويسرى وناسه مكان عائلات ومكان للشباب يعني تبي اتودي اهلك لايضيق صدرك
BUK - KSA
15/6/1430 هـ, 12:18 صباحاً
السبب بسيط جدا

اهل عنيزة يرحبون باي شي جديد..

لااحد يزعل اذا قلت انتم ماهمكم الا الانتقاد..
مرهـ تقولون اختلاط
ومرهـ تقولون سوء تخطيط
..ومرهـ ومرهـ ومرهـ ومرهـ


(لااحد يزعل.. مجرد راي)
كريمي
15/6/1430 هـ, 12:40 صباحاً
على الأقل المدراء لأيأخذون رشاوي مو مثل ربعك الذمه لك عليه أنا لا أعممم ولكن الاغلب منهم لايضحون لمدينتهم
بل يعملون كي يقال أن فلان عمل هذا ....
بريده يبغاء لها تجديد دماء الموظفين المختصين في مجال التطوير......
عاشق عنيزه
15/6/1430 هـ, 03:00 صباحاً
لعلمكم بمنتزهات الحاجب الله لايوفق الي جابها لنا صارت الاسبوع الي فات هوشه بين 200 شاب بعنيزه

وصار هالموقع موعد للغراميين ومواعيد الحب والغزل

الله لايحلل من وهق ربعنا بالسياحه
عاشق عنيزه
15/6/1430 هـ, 03:02 صباحاً
السبب بسيط جدا

اهل عنيزة يرحبون باي شي جديد..

لااحد يزعل اذا قلت انتم ماهمكم الا الانتقاد..
مرهـ تقولون اختلاط
ومرهـ تقولون سوء تخطيط
..ومرهـ ومرهـ ومرهـ ومرهـ


(لااحد يزعل.. مجرد راي)

حنا وبريده على الاقل نشتغل ونتنافس ونشرف لاقصيم

لكن انت وش زينت انت وربعك ؟

لو انت مميز لك الحق تنتقد وتحرض مابين المدينتين ولكن لاذي ولابنت اللذي هنا المصيبه ياخوي
ام ملووحي
15/6/1430 هـ, 03:30 صباحاً
فعلا

اذ فكرنا بمكان حلو نطلع نفكر باماكن عنيزه بس نستبعده

به منتجعات ومنتزهات

غيررررررررررر


وشكراا عالطرح
ابوفيصل 911
15/6/1430 هـ, 04:05 صباحاً
أعلنت الهيئة العامة للسياحة والآثار أن مهرجان (عنيزة الربيعي) مهرجان الغضا30 والذي نظم خلال إجازة منتصف العام الدراسي قد حل بالمركز الثاني من حيث عدد الزوار لمقر المهرجان في فترة الإجازة بعد محافظة جدة التي احتلت المركز الأول بشكل عام وحقق المركز الرابع من حيث عدد الزوار الشامل لموسم الربيع بعد مدينة حائل ومدينة بريدة وجاء إعلان الهيئة بناء على تقارير أعدها مركز متخصص للإحصاءات تعاقدت معه الهيئة وطبقا للإعلان فان مهرجان الغضا30 بعنيزة جاء بعد دراسة شملت إحصاءات كل المهرجانات الربيعية التي نظمت في عدة مدن سعودية خلال إجازة منتصف العام الدراسي وكان مهرجان الغضا بعنيزة قد وجد اهتماما خاصا من الهيئة العامة للسياحة والآثار نظير التميز الشامل الذي وجدته النسخ السابقة من المهرجان والشعبية الكبيرة التي اكتسبها وشهدت فعاليات المهرجان في نسخته الأخيرة الآلاف من الفعاليات المتعددة التي حققت رغبات كل إفراد الأسرة من الأطفال والشباب والنساء إضافة إلى برامج الجاليات وذلك في عشر مواقع متعددة ومختلفة وان كانت الفعاليات الرئيسية قد احتضنتها منتزهات الغضا وكان بفكرة بسيطة وفعاليات خفيفة في مخيم خاص في غابات الغضا بعنيزة حيث كانت البداية في عام 1410ه ليشهد بعد ذلك تطورا كبيرا تحول خلالها من مهرجان شبابي وترفيهي إلى مهرجان سياحي وشامل وكبير من جهته علق المشرف العام على مهرجان الغضا30 المهندس عبد العزيز الزنيدى عن اعتزازه بالمكانة التي وصل إليها المهرجان من خلال إحصائيات الهيئة العامة للسياحة والآثار الرسمية مؤكدا أنها تعطى دلالة للتميز والمكانة الرفيعة التي وصل إليها المهرجان وحقق من خلالها رضاء الزوار والسياح وتناول الزنيدى خطة عمل مهرجان الغضا 30 والتي أدت إلى النجاح الكبير للمهرجان مؤكدا أن فريق العمل قد نجح تماما في رسم الاستراتيجية المناسبة ونفذها بالشكل المطلوب مبينا أن الفعاليات كانت تتميز بالشمولية والمستوى الممتاز ووجه الزنيدى شكره الخاص لسعادة محافظ عنيزة المهندس مساعد السليم والى الدكتور مقبل المقبل على جهودهم وعطاء اتهم التي أدت إلى هذا النجاح الكبير للمهرجان كما وجه الزنيدى تقديره الخاص للهيئة العامة للسياحة والآثار والتي هي الداعم الرئيسي والاهم لكل المهرجانات السياحية السعودية.
خـلوني بـروحي
15/6/1430 هـ, 06:02 صباحاً
أقول أحمدوو ربكم ان عندنا ملاهي العقاب وفرحيننبوه
لا يشيلونه عناا بعد

بريده خلهاا على ربك الغلطاان اللي يسكن فيهااا

لا من شعب حسد غل ما كنهم مسلمين ولا من مرور ورب البيت صار لي اسبوع يومين لازم اعطى مخالفه

يومين لازم هذا شي لا بد منه ليش عشان مرة مطفي الانوار والباقي تضليله ورب البيت اني درت السعودية مدينة مدين وانا مضلل كل السيارة لمدة تقريباً شهر والله ما حد قال شي اللهم مرة واحده قالي خفف من تضليلك علماً اني حاطها كاتم

واول ما دخلت بريده تفتيش ام سدرة ويصكونن بقسيمه ويوم دخلت للديرة برضوو صكون بقسية

خلهاا على ربك انا مدري وش شايفين انفسهم والله حالناا ماراح يتغير ابد ابد حسد غل عناد كل شي
وليته على التضليله تهوووون ما خفي كان اعظم

وخلهاا على ربك
ام ملووحي
15/6/1430 هـ, 06:33 صباحاً
صدق الحسسسسسسسسسسسسسسسسسسسد
يستنشق بهواء بريده

!!!


الجار يحسد جاره وياويلك تطري زينه كان علطول بصمه عليك نحوووووووووووووت

عنيزه اهله غييييييييييييررررررر

تعامل شكل علم طموح -----

ترى بريده بهاال5 سنين قلبت بسرعه تطورت مره


صدق احمدوا ربكم طلعت المنتزهات ببعض الاحياء


بالشكر تدوم النعم

--------------------

وشكررررررررررررررا
الوطاة
15/6/1430 هـ, 07:29 صباحاً
ياحول تتمنى لبريدة الدبابات والأزعاج
انا اقول اهل عنيزة يقولون ياليتنا مثل بريدة
الناس يبحثون عن الراحة
وانت تتمنى الأزعاج والا نسيت العريق واوههههههههههههههههه
ابويسرى
15/6/1430 هـ, 02:33 مساءً
ياحول تتمنى لبريدة الدبابات والأزعاج
انا اقول اهل عنيزة يقولون ياليتنا مثل بريدة
الناس يبحثون عن الراحة
وانت تتمنى الأزعاج والا نسيت العريق واوههههههههههههههههه





المشكله ان فيه مراهقين او مادري كيف مثل اخونا ذا كيف نبي الازعاج على كلامك انت خابر منتزه بوسط الحاره او الحي او بوسط الديره اكيد المنتزه بيكون خاص لشباب وبر الديره يعني بالبرااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااان فهمت انت وغيرك
الاسلمي
15/6/1430 هـ, 02:59 مساءً
[size="7"]بريدة عا لمية ولاكن اين البلدية
وثاني شي عنيزة صايرت حائل حنا دائم با العطلة نطلع لحائل يا خي شي مو طبيعي واللة انة خلابة
بريدة الاول طبعن احبة
والله يا عيال يوم شفت منتزة عقدة انجنيت ماني با السعودية
يا خي شف واحكم.............................. حــــــــــــــــــــائـــــــــــــــــــــــــل~ ~~~~~~~~~~~~~~وبس والله قريبةhttp://www7.0zz0.com/2009/06/06/22/898357882.jpg
BUK - KSA
15/6/1430 هـ, 03:21 مساءً
حنا وبريده على الاقل نشتغل ونتنافس ونشرف لاقصيم

لكن انت وش زينت انت وربعك ؟

لو انت مميز لك الحق تنتقد وتحرض مابين المدينتين ولكن لاذي ولابنت اللذي هنا المصيبه ياخوي

اولا اشك انك من عنيزه

ثانيا يوم تتكلم عن البكيرية عمرك رحتلها؟؟ ابصم بالعشر انك ماتعرف مكانها

ثالثا يكون بعلمك ان افضل منتزهـ بالقصيم (هندسيا-وطبقا لهيئة السياحة) موجود في البكيرية (حديقة المضمار.. على الدائري).. ويكون بعلمك ان اغلب زواره من عنيزة وبريدة والبصر والرس..

رابعا جامعة الراجحي بالبكيرية (اكبر جامعة بالقصيم) وهي غير ربحية وتحتوي على مستشفى جامعي وتستقبل الطلاب من عام 2010

خامسا مدرسة تعليم قيادة (بالبكيرية) للبكيرية ومراكزها فقط (قيد الانشاء)
وفيه سابعا وعاشرا و..و..و..و
بس لاعمرك تدعي انك من عنيزة
BUK - KSA
15/6/1430 هـ, 03:35 مساءً
ونشرف لاقصيم


عزيزي..
بالسنوات الاخيرة جميع الفرق الكروية القادمة للقصيم(سعودية-اجنبية) تسكن بالبكيرية.. ليس فقط لوجود فندق رمادا العالمي فيها.. ولكن لوجود افضل مبنى نادي رياضي بالقصيم لدينا للتدرب

وعلى طاري رامادا..
بدا الآن العمل في برج (بودل للاجنحة الفندقية) بالبكيرية والمكون من 10 طوابق والنهاية المتوقعة بعد عامين

وانا لااقصد بكلامي ان البكيرية تصل لمستوى بريدة وعنيزة.. واكن اقصد ان لاتتكلم عن شي لاتعرفه..

وتحياتي لك
سلف ريال
16/6/1430 هـ, 05:07 مساءً
ياناس تطورا حتى بالمقارنه
اذا تبي تقارنون قارنوا بمدينه ارقى
دحومي
16/6/1430 هـ, 06:13 مساءً
لاكن شف البلاوي الي عندهم امس حطوا منتزهات وخربيط اليوم جابو محمد عبدوه يغني وبكرا يحطون سينما
رومانسية حلوة
16/6/1430 هـ, 11:02 مساءً
اولا مشكور
واقولك احمد ربك ماجربت حبست البنات
على الاقل انتم تطلعون من البيت
وبريدة هذي وهي عاصمة القصيم بس بكل حالاتها حلوة
ذو الجناحين
16/6/1430 هـ, 11:32 مساءً
بما ان عملي يساعدني على الوقوف على الكثير من الحقائق الخفية نصيحتي للمتوهقين ولا ينظرون إلا بعين واحدة أخذ الحيطة والحذر من هذه التجمعات المختلطة في كل مكان وبخاصة الي في عنيييييييييزه فلقد أدمنت عائلة بسبب روحة وحدة فقط وما خفي كان أعظم ( من التلصص على الأعراض ) وغيرها اللهم هل بلغت اللهم فاشهد
ذو الجناحين
16/6/1430 هـ, 11:34 مساءً
بما ان عملي يساعدني على الوقوف على الكثير من الحقائق الخفية نصيحتي للمتوهقين ولا ينظرون إلا بعين واحدة أخذ الحيطة والحذر من هذه التجمعات المختلطة في كل مكان وبخاصة الي في عنيييييييييزه فلقد أدمنت عائلة بسبب روحة وحدة فقط وما خفي كان أعظم ( من التلصص على الأعراض ) وغيرها اللهم هل بلغت اللهم فاشهد
حكيم الجزيرة
16/6/1430 هـ, 11:35 مساءً
ياوييييل اللي ماله بريدة
نادي النصر
16/6/1430 هـ, 11:42 مساءً
مرحبا اخوي

اقول يغديك تروح تفحط وتستانس واذا تعبت ارجع لم اهلك
عاشق عنيزه
17/6/1430 هـ, 04:23 صباحاً
اولا اشك انك من عنيزه

ثانيا يوم تتكلم عن البكيرية عمرك رحتلها؟؟ ابصم بالعشر انك ماتعرف مكانها

ثالثا يكون بعلمك ان افضل منتزهـ بالقصيم (هندسيا-وطبقا لهيئة السياحة) موجود في البكيرية (حديقة المضمار.. على الدائري).. ويكون بعلمك ان اغلب زواره من عنيزة وبريدة والبصر والرس..

رابعا جامعة الراجحي بالبكيرية (اكبر جامعة بالقصيم) وهي غير ربحية وتحتوي على مستشفى جامعي وتستقبل الطلاب من عام 2010

خامسا مدرسة تعليم قيادة (بالبكيرية) للبكيرية ومراكزها فقط (قيد الانشاء)
وفيه سابعا وعاشرا و..و..و..و
بس لاعمرك تدعي انك من عنيزة

مايهمني تشك او لا
فانا من بارس نجد خلابه القصيم وروحه واقسم بذلك ولكن هل تقسم انت باني بريداوي مثل ماكتبت بالخاص لي ؟؟؟؟؟؟؟؟
ولكن تتواجد هنا لكي تثير بيننا بين اهل بريده فهذا مستحيل وسوف نضل نشرف القصيم وانتم مازلتم بالطابور الخامس من خلفنا
انت بالنسبه لعنيزه ولاشي وحتى لو صار جامعه وغيرها الي بيهشن ذذبان بروحهن
*بريداوي*
17/6/1430 هـ, 04:35 صباحاً
اقول وش قصدكم . ؟؟

كلش ولا بريده .. وبعدين كل مازينوا عنيزه شئ بتزينون مثلهم ؟ .. لاتقارن عنيزه ببريده .. عنيزه شئ وبريده شئ

وكلهن فيهن الخير والبركه << حسيت اني شايب

صحيح عنيزه فيها تنظيم وتسذا لكن بريده تبقى الجميله بنظري طبعا بريده لها جاذبيتها ولها مكانتها ..
طمــ عالي ــوحي
17/6/1430 هـ, 04:40 صباحاً
يحول الي ماله بريده
نجدية حرة
17/6/1430 هـ, 04:48 صباحاً
احين انتم يالشباب يالحرين واللي عايشين في مجتمع ذكوري بحت واللي اعطى الرجل كامل الحرية تشتكون من الحجرة والعقد والقيود؟!!!!!

اجل حنا يالبنات وش نقول؟؟!!!!!!!!

حكم القوي!!!
نجدية حرة
17/6/1430 هـ, 05:25 صباحاً
يالله الاالحين فيه ناس عقدتهم عنيزة وبريدة ومدري ايش؟!

اعقلوا ياناس تراكم ضحكتوا علينا العالم!!

لدرجة اني بالصدفة مرة فتحت قنات ام بي سي اف ام واتاري فيه هوشة بين بريداوي وعنيزاوي وواضح ان المذيع رغم انه (كويتي) متعود على هالموال عاد يرقع السالفة ويقول: لطالمى كان هناك تنافس جميل بين اهالي عنيزة وبريدة !!

يامعودين بوش واتوقع اوباما بعد يدرون بالهوشات!!

بدل هالمناقر اللي ماراح يجيب نتايج ياليت تتنافسون بشي ينفكم وينفع اهلكم وينفع بلدنا وديننا!!

تعلموا تثقفوا املوا اوقاتكم باللي ينفع ارفعوا روس اهلكم وبلدكم (ومدينتكم او محافظتكم مايهم) فيكم !!

اماksa - buk كلامك عالعين والراس وكله صح ماننكر بس هد اللعبة شوي حتى معروف عن اهل البكيرية اطباء ومشايخ وتجار ماشالله العلم والثقافة والثقل والاحترام وش فيك بتخربها؟!

ومن قال ان بريدة مافيها شي صحيح انها تمشي الهويدا لكن تقريبآ في السنوات الست او السبع الاخيرة انجزت انجازات موفقة وعظيمة!!

اما عاشق عنيزة فأسمحلي انت ابو التناقض كله!!
وعموما ان كنت من بريدة او عنيزة فنحن لانتشرف بأمثالك من الجهلة السوقيين اللي ثقافتهم لا تتعدى اصابع اقدامهم..