المساعد الشخصي الرقمي

مشاهدة نسخة كاملة : ســــــــــــــؤال ؟؟؟؟؟

& ابـــوتـــج &
7/6/1430 هـ, 01:19 صباحاً
بسم الله الرحمن الرحيم
السلام عليكم ورحمة الله وبركاته

ودي اسئلكم سؤال

لو انت رئيس البلديه اول شي بتسويه ؟ :confused:
الصريح الفصيح
7/6/1430 هـ, 01:29 صباحاً
أغير كل موظفي البلدية - وأمنع دخول الفول والخبز التميس للدور الثاني ( خاصة ) ريحة كأنك بالنازية
& ابـــوتـــج &
7/6/1430 هـ, 01:38 صباحاً
أغير كل موظفي البلدية - وأمنع دخول الفول والخبز التميس للدور الثاني ( خاصة ) ريحة كأنك بالنازية

اشكرك اخوي على مرورك
ضايق الصدر
7/6/1430 هـ, 02:02 صباحاً
احط لي شارع خاص لي وحي سكني متوفر فيه كل شي لي انا والعائله
احساس بنوته
7/6/1430 هـ, 02:46 صباحاً
ادري مافيه امل يخلون الحرمه رئيسة البلديه بس نحلم شوي وش ورنا

اولا شي ابخليهم يخلصووون الحفريات بسرعه اعوذبالله مايخلون الواحد يرتاح من طلعت على الدنيا وهم يحفرون ويدفنون
مطعونه بشوكـه ~
7/6/1430 هـ, 05:02 صباحاً
اثمن بيوت اهالي الاسكااان حي 6<<اللي غرقوا ...

بسسسسسسسسسسسسسسسسسسس
الرااقي
7/6/1430 هـ, 05:23 صباحاً
أخلي بريدة باريس المملكة وليست باريس نجدفقط
سرعة تنفيذالمشاريع
أرصفة
أنارة
سفلتة
تشجير
نظافة
ألى الخ
هب النسيم
7/6/1430 هـ, 05:24 صباحاً
صيانة الشوارع
واشيل المطبات اللي بطريق حويلان
والله تكسرة سياراتنا وروسنا
اخو دريحم
7/6/1430 هـ, 07:52 صباحاً
اولا طرد جميع من قال انا بنقالي عن نظافة بريدة والرجاع البكستانيين

ثانيا مراقبين البلدية تقاعد مبكر

ثالثا زفلتت اشارة الموطأ

رابعا تغيير سيارة نقل لحوم مقصب بريدة

خامسا قلع اشجار البرسوبس من بريدة

سادسا نفد بريدة تزرع ثيل للشباب
فارس 7
7/6/1430 هـ, 07:55 صباحاً
تغيير جميع [ حرامية ] البلدية ...

سادسا نفد بريدة تزرع ثيل للشباب

هههههههه الله يصلحك دجيت بـ الدوله ...
سـنـكـرس
7/6/1430 هـ, 09:07 صباحاً
أول ما أقوم به هو عمل غير مكلف ،، لكن إذا عملته سيأتيني الخير الكثير ،،
الا وهو سفلتة الشارع الذي عند اشارة الموطأ ،، الآن له مايقارب ستة شهور على ماهو عليه ،، الاسفلت مبشور والمطبات فيه حدث ولا حرج ،، مع العلم انهم لو يجزمون عليه مايجلس ولا يومين بالكثيرررررررررر ،،
لكن مانقول الا ( حسبنا الله ونعم الوكيل )
،
،
،
شكرا لك اخي على الموضوع ،، تقبل مروري
ابوولعf
7/6/1430 هـ, 09:07 صباحاً
والله امنع وظائف الوسطه
ابو ســــــامـــي
7/6/1430 هـ, 01:50 مساءً
اول شي السلام عليكم ،،،

ثاني شي افتح لي ايميل خاص لاستقبال طلبات المواطنين و(المواطنات) بعض الحريم رايهم افضل من راي بعض الرجال
واخلي لي مكتب خاص لا ستقبال المواطنين للي ماعندهم ايميل
بعدين ابدا باالاطلاع على الطلبات

رابع شي اسوي اجتماع مع بعض الموضفين الذين يقومون بالمهمات
خامس شي ابد من جنوب بريده او شرقه لا نها احياء تحتاج لاعاده النظر بمضوعها

لانها البلديه ماعطهم وجه خاصه شرق بريده الي صوتهم لم يسمع حتا الان

وهمن ابدا بوضع اماكن للشباب واماكن للنساء واماكن للعوائل
وازين الحفريات والمطبات وووو .................؟
البرسوبس اول الشجر يتم قلعه

واخصص لكل جهه من بريده فرقه يعني الشمال فرقه والجنوب فرقه وهكذا ‘‘‘ وهكذا متعوب عليه

الفرق ذي تهتم بالجهه المخصصه له من ناحيه ترتيبها الشواع الشجر والحدائق والمحلات من ناحيه النضافه وو....الخ؟
وهذا الي ابسويه لو صرت رئيس البلديه
jooody
7/6/1430 هـ, 09:03 مساءً
اجيب باباي واخليه يقلب بريده كلهااااااااااااااا
*سـكـر خـشـن*
8/6/1430 هـ, 12:03 صباحاً
أغير كل موظفي البلدية - وأمنع دخول الفول والخبز التميس للدور الثاني ( خاصة ) ريحة كأنك بالنازية


آنت رهييييب :)

آول شي آسويه آوظف >>>> & ابـــوتـــج & وكيل للبلدية . .
ومن آلقرآرآت آفعل دور آلبلديآت آلفرعية وآمنحه كآمل آلصلآحيآت وبجميع فروعهآ <<
آيضآ آشكل لجآن وعلى وجه آلسرعة للعمل ودرآسه آسبآب تدهور بعض آلمرفقآت آلسيآحية وآعآدة تنظيم آلطرق وتهيئتهآ آضآفه آلى آني بغير لوون بدلآت عمآل آلبلدية من آصفر
آلى سمآوي <<
ومن آلقرآرآت يمنع منعآ بآتآ دخول آلتميس وآلفول آلى آلدور آلثآني فقط آلدور آلآول :)

شـكـرآ . .
& ابـــوتـــج &
10/6/1430 هـ, 03:06 مساءً
اشكركم كل من رد على هذا الموضوع

اتمنا من البلديه ان تحقق ما طلبوه مثل ازفلت شارع الموطا
عاد مره وحده وكيل للبلديه سكر خشن ههه اشكرك اخوووي
\تقبلوووووووووووووو تحياااااااااااااااااااتي
&بدر الدجى&
10/6/1430 هـ, 03:47 مساءً
اتذكر قول الحق تبارك وتعالى ( إنا عرضنا الأمانة على السموات والأرض والجبال فأبين أن يحملنها وحملها الإنسان إنه كان ظلوماً جهولا ) واجعلها نصب عيني ؟
أمير القوافي
10/6/1430 هـ, 05:45 مساءً
سوف اقوم بتحسين بريده واغير الشجر اللي ماشاء الله
ولا والمشكله الكبرى دوار الهديه 24ساعه حادث
يعني الضحيه الموااطن والمستانس البلديه
يالله عاد وش تبي تسوي حط تحت دواار الهديه الفين خط وتعجبات واستفهمات !!!!؟؟؟؟؟؟؟؟؟
والحل :
انهم يضفونه ويبدلونه بداله اشاره ويريحووون العالم
الاسلمي
10/6/1430 هـ, 06:33 مساءً
اولا اخلي بريدة حلوةة
مررررررررة
واخلي بريدة مثل حائل
SEYMOO.99
10/6/1430 هـ, 07:00 مساءً
اول شي ابسويه ابغير الموظفين وابزين اليهم مخربينه والي حاسوة وشكرا لك ياخوي
سعوديه والفخر ليه
10/6/1430 هـ, 09:03 مساءً
هييييييييييييه ....ترى ابوي يشتغل بالبلديه *************بالنسبه للي اسويه ابني مدرسه ثانويه خاااصه لحي الاسكان 3 والغي خمس دوارات من الشوارع
ابوخريف
10/6/1430 هـ, 09:18 مساءً
كـــــــــــــــــــــــــــــان اخلي الشـــــــــــــــــــــــــــــــــــرق مثل الشمال او احــــــــــــــــــــــســــــن
مهجول
10/6/1430 هـ, 09:18 مساءً
اشيل شجر البرسوبس كل ابوهن^_^
أبوعبدالملك
10/6/1430 هـ, 09:55 مساءً
،،،


* حل مشكلة طريق الطرفية من جهة الإشارة الخماسية ( يزفلت اليوم وتطلع مطاب بكرة )

* قلع أشجار البرسوبس من بريدة والمطالبة بمعاقبة من أتى بها.

* زيادة الحدائق خاصة في الأراضي المخصصة لها في الأحياء الجديدة فالأرض موجود وحكومية ومكتوبة في المخطط حديقة ... إذا ماذا بقي لزراعتها وتنظيمها.

* دراسة وضع دوار العثيم أو إزالته ووضع إشارة.

* سرعة الانتهاء من تقاطعات طريق الملك فهد ( بالتعاون مع وزارة المواصلات) .

** سرعة إنجاز طريق الملك عبدالله ( بالتعاون مع وزارة المواصلات) .

* تقليص حجم الرصيف الوسطي في شارع الثلاثين بالفايزية .

* إعادة تنظيم شارع الصناعة ليكون إتجاهاً واحداً .

* إعادة فتح شارع ( امتداد طريق النقع ) غرباً المجاور لأسواق مكة .
الصريح الفصيح
10/6/1430 هـ, 11:54 مساءً
كـــــــــــــــــــــــــــــان اخلي الشـــــــــــــــــــــــــــــــــــرق مثل الشمال او احــــــــــــــــــــــســــــن

أبو خريف كان أخلي الشرق - زهرة - بس هالمقاريد يخلون الشرق بحالة - أكيد عندهم مقاول أسمه شرق منكد عليهم وخلوا الحره بشرق بريدة - لكن اللي يوسع الصدر أن الأمين يبي يتغير ويجي واحد (!!!!!!!!!) وتنحل أزمة الشرق بس أخاف يسكن بالشمال ويحسب بريدة وحده !!
تميمي وكلي فخر
11/6/1430 هـ, 12:43 صباحاً
أغير كل موظفي البلدية - وأمنع دخول الفول والخبز التميس للدور الثاني ( خاصة ) ريحة كأنك بالنازية

سبحان الله الأفكار متقاربه .