كليات البنات...........وحفل الزحام

[هايدي الجميلة]

إقيمت عصر أمس الخميس 26/5/1430هـ حفل تخريج كليات القصيم جميعها(بنات):re
وكان الزحام شديييييييييييدجداً جداً .. الإنتظار طوييييييييييييييل عند الدخول :i121
لدرجة وجود حالات إغماء من شدة الزحمة :oo
والتفتيش على الجولات من بعيييييييييد تقول المسؤولة عن التفتيش للحاضرات وين جوالاتكم ؟
البعض يخرجه والبعض يقول :مامعي ،،،،يردن سرعة الدخول للقاعة
وظلت كثير من الحاضرات واقفات لعدم كفاية المقاعد.
ومسيرة الخريجات "":090:
الطالبات في الطابق العلوي بدون مسؤولة تنظمهن فهن ينظمن أنفسهن ..الأقوي يأتي أولاً
وبض الطالبات سرن مع غير أقسامهن .........وبعضهن سرن مرتين

فأين التنظيم ؟وأين المسؤول؟

[د/الفـهـد]

فأين التنظيم ؟وأين المسؤول؟

^^

التنظيم اعتقد كل بنت عمرها فوق 20

يعني فاهم وهي اللي تنظم نفسها

والمسؤل كل مسؤل على نفسه

لماذا نبحث عن السلبيات ونتهرب عن الايجبيات

~

[سوآلف حرف]

اول شي هذي 3000 طالبه >>عددهن كثير
ثاني شي ما اعتقد انهن صغار منشان ينظم

[قطرات]

طبيعي يكون زحمه ومافي تنظيم ... صعب ينظمون حفل يجمع امة محمد لو ايش ... اهم شي مافي حالات وفيات الحمدلله والا الباقي حدث ولا حرج
تحياتي لك هايدي

[ذيب التلعة]

اول شي هذي 3000 طالبه >>عددهن كثير
ثاني شي ما اعتقد انهن صغار منشان ينظم

[آنسة ليمونة]

الـ 3000 طالبه في الدور الرابـع - واتوقع إنهن أكثر من ذالكـ -
في موقع

حاآر وكتمه - الحرم أوسع منه -
وطريقه ترتيبهم لهن :
مرهـ قالوا رحو يسار ومره قالوا رحوا يمين الدرج


وشيء طبيعي على هالعدد ماراح يصير تنظيم
كلن وده يسوي اللي يبي

وشكراً

[ليالي الشتاء]

hhاحمدووووووووو ربكم انه فيه تخريج ايامنا لاتخريج ولا خبة

[California]

^ ^

اي والله احمدوآ ربكم

[الصقر الاسود]

البناتـ كبار يعني كل وحده تنظم نفسه
وبعدين تبون تنظيم ياعمري الي ينظمون
حشــــ ى لوهم شمس يبدون على الظله
تحياتي ...:)

[هايدي الجميلة]

شكراًعلى المرور
لكن مهما كان ومهما كان عمر الطالبات ....لابد من التنظيم
يعني تقسم الخريجات على مرحلتين خريجات كليات بريدة لحالهم وخريجات بقية القصيم لحال على يومين
أرتب عن هالزحمة

[سوآلف حرف]

اول شي هذي 3000 طالبه >>عددهن كثير
ثاني شي ما اعتقد انهن صغار منشان ينظم


ياشين نسخ لصق:i121

[OO وليــد OO]

اول شي هذي 3000 طالبه >>عددهن كثير
ثاني شي ما اعتقد انهن صغار منشان ينظم
8888
عناد


توهم هذي بدايتهم اصبري عليهم لمين يتعودون
ويجيتس السنع

[فوشيا]

شكراًعلى المرور
لكن مهما كان ومهما كان عمر الطالبات ....لابد من التنظيم
يعني تقسم الخريجات على مرحلتين خريجات كليات بريدة لحالهم وخريجات بقية القصيم لحال على يومين
أرتب عن هالزحمة

انا معك مهما كانت اعمارهن لازم تنظيم لانهن خريجات..

[تاجرصغير]

فعلا محتاجين تنظيم مهما كان العدد وكل مازاد العدد يحتاج تنظيم اكثر


وانتم تعرفون الحريم والدبرة

اسمحو لي على هالكلام بس كل مرة تدبر من جهة وتقل انها هي اللي عازمتهم

[جنيه فوشيه]

ياحبكم للإنتقاد
ونظرتكم دائماً سلبيه

شي طبيعي يبي يصير حوسه وتسذا

[همـس الرحيـل]

ياشين نسخ لصق:i121
خخخخخخخخخ يابعد تسبدي انتي:eek5 عادي تعودي :d

[منوره]

السلام عليكم ورحمة الله وبركاته بالنسبه لحفل تخريج الدفعه السادسه لطالبات جامعة القصيم كنت من الحضور ولقد ندمت على الحضور للحفل كان في قمة الفوضى من الباب الي انتهاء الحفل بدون ترتيب ازعاج لم تجهز السماعات بشكل جيد حيث من دخولي للحفل حتي حضرت الاميره وهم يجربون السماعات وكانت المسيره غير مرتبه وفوضي بها ودخلت طالبات الكليات مع بعض حيث انني رايت طالبات من الكليه العلميه بصف طالبات عنيزه وغيرها من الكليات وعدد من الطالبات مشو مع المسيره عدة مرات والاهالي بدون ضيافه وغيرها من السلبيات وعند القاء الاميره لكلمتها حدث صدي في السماعات وحاولو تحريك الميكرفون عدة مرات وكنت قد حضرت حفل العام الماضي فرق شاسع بينهم الله يعين الي تعبو علي الحفل واخرته اخرج بهذا المظهر وارجو ان تصحح الاخطاء في المرات الاخري

[غـــــــلا القصيم]

لابد من الحوسه والدوسه ومافيه تنظيم ابداا بس يالله يوم وعدى والغد احلى

[abdallh sama]

لاتعليق:d

[-- ســــالي --]

مشكووورة اختي علي الموضووع ............... شي طبيعي بيكوون زحمة ومافية تنظيم من كثرر الزوااار
بس والله عشت كل لحظة حلوووة بذيك اليوم ما ودي اي شي ينكد علي ولا حتي افكر
بصرااااااااااااااااااااااحة احلي خميس مر علي بحياتي
ليتهم يخرجووننا مرة ثانية هههههههههههههههه <<<<<<<<<<<<<< طمـــــــــــــــــــــــــاعة

[مغيب الشمس]

ياحلالي يااميمتي احضرت الحفله والله انه يوم كامل خادره وتعبانه :(

الراس فوق الراس اهبوا مايعرفون ولا ينظمون ولا ليه كل كليات ابو القصيم
المفروض كل كليه تسوي حفله بمقره مع عميدته :(

اذاكانوا بيجمعون كل كليات القصيم ولايعرفون ينظمون مو ملزومين يتعبون خلق الله :oo

كل كليه وتحتفل بطالبته ويكون حفل صح اكيد بيكون زحمه لكن مو صاير مثل جميع كليات القصيم ويالله من فضلك :d

الاقتصاد والعلميه يحطون حفلةتخرجهم جميع يقولون انهم مهنا عالم شويين >>>>تخطط لحاله العمه:d



اما امة محمد تجمع وتحشر بجامعه لاتنظيم لاتفتيش وش تفتيشه الراس فوق الراس على قولة امي دردبيس


:eek5امي تقول تووبه اروح لحفله تخرج خلاص يامغيب الشمس
تخرجك ماراح اروح يكفي تخرج الثانوي رحت خلاص :eek5و

:(كله منكم والله يانا حقده عليهم:(

[نجدية حرة]

بصراحة حفل وتنظيم يفشششششششششششششششششششششششششششششششششششششششششششششششش شل
بمعنى الكلمة من جد يفشل وكأنة بالمنة !!!
واول مرة بحياتي تمر علي معانات واهانات مثل ذاك اليوم!!!
بعد ماطقوا العالم عند الباب ساعة دخلوهم بشين نفس وقعدة العالم تمشي مساااااااااااااافة طويلة على بال مانوصل المبنى! اللي فسخت نعالها وصارت تمشي حافية واللي هلكت وجلست تريح خصوصا انه فيه امهات كبار مساكين مايتحملون!!!
ولما جاء الفرج ووصلنا المبنى بعد جهد جهيد ونلقى ذيك الزحمة وسوء التنظيم وسوء المعاملة!!!
جوع وعطش وحتى دورة المياه الله يكرمكم انحرمنا منها((قال ايش قال ممنوع دورة المياه يالله يالله وتشر بيدينها على برا!!!))
احس اني رحت مكة حجيت ورجعت بس بدون اجر للاسف!!
ورجولي بدون مبالغة لسى متورمة وتعورني من الوقفة وذاك المشي
يعني على بلاطة اسوء حفل وتنظيم مر علي في حيااااااااااااتي الا اسوء يوم مر علي بحياتي الله لا يعيدة

وبعدين اللي يقولون كبار ومو محتاجين تنظيم صدق ضحكتوني بصراحة!!!!
اي شي فالدنيا يحتاج تنظيم كبار او صغار ولا صارت الدنيا فوضى وش ذا الكلام الغير منطقي!!!
ولو كنتوا حاظرين الحفل كنتوا عرفتوا ايش معنى كلمة فوضى وقدرتوا التنظيم

اشكرك اختي هايدي على طرح الموضوع اللي خطفتية من خاطري

[ام عزوز]

تعيشو وتاكلو غيرها

[زعيمة التمايمة]

يابعد تسبدي أنتن وربي أقراء وأضحك
هاه مابه شئ متخبي:d

[*الساهر*]

الصراحه أنا سمعت المعاناة من كلاام أمي وأختي الخريجة

اولا أنا وديت أمي وأختي 2ونص تقريباً مافيه مشاكل لازحمه ولاشي عدد قليل من السيارات طبعاً هذا لآني أحضرتهم بالوقت المطلوب منهم

بعد مانزلتهم والكلاام لآختي:: مشووا مسافة يقال أنها 200 م وهي تقول أتوقعها 2000 م مو 200 << ترحم

بعدها جاهم التفتيش الأول طبعا عن البطاقات الى الآن حلو جاهم بعد كذا التفتيش الثاني (( تفتيش المطار ع قول خيتو ))

قالت لهم كل وحده اطلع جوالها من الشنطة وادخل الشنطة بالجهاز وأي كيس معها<< طبعاً الجوال ماناظرته حتى

بعد كذا جاء تفتيش سيئات المعامله ايه سيئات بألفاظهم وتصرفاتهم الوحده تمرط الكيس منك تقل أصغر عيالها قال إيش الأكل ممنوع << عاد تقل عطونا شي

طبعاً ياحياتي خيتوو مامعها الا عصير ومويه وأخذتها منها حسبي الله عليها

المهم بعد كذا ولله الحمد وصلوا بالسلاامة للقاعة تقول خيتو أمي نزلت عباتها وراحت لمكان الزوار أما هي فنزلت وعلى بسم الله علينا خبوها وطلعوها فوق للدور الرابع

وينعاد مسلسل التفتيش مره أخرى بس هالمره أهون شوي أول وحده ع الدرج شافت البطاقة بعد صعود كم من درجه ثاني وحده تشوف البطاقة برضو مع اللبس << حتى مايكون مخالف

المهم من هنا بدأ مسلسل الحجره ع الخريجات والجوع والحر والعطش الى مالا نهاية وكل ماجت خريجة دفها على فوق

استمر طبعا توافد الخريجات الى الساعه 4 وعلى الساعة 3ونص قالت لهم اللتي يقال انها منظمه أول مايذن صلوا وتجمعوا حتى ننظم المسيرة << امحق بس

طبعا البنات تجمعوا بس على ايش ولا شي حوسه ووقفة رجلين وياما قالوا لهم ياما قالوا لهم يسار طبعا هم حاطين لكلية العلوم والآداب ببريدة مكان كبر عيني << أختي والتدقيق ^_^

على بالهم اننا حبتين المهم اختلط الحابل بالنابل وصارت عنيزة مع الرس مع بريدة مع كل اللي تبي وصاروا يقولون لنا امشوا على اية حال ومن قبل كانوا طالبين منا نمشي بالبطاقات اللي معطيننا اياها وبعد هالحوسة قالوا لنا لا هونا نزلوها << حتى مايتفشلون قدام الآميرة

طبعا كانوا يمشون على ولا شي لا أنشودة لا قصيدة لاااا شي فقط مسيرة والناس ماهم لمهم << الله يفشلهم والله اني أمشي وانا متفشلة

المهم بعد المسيرة قالوا لنا روحوا المطعم طبعا هالكلاام الساعة 6 (( لاحظوا قايلين الحفل بيبدأ 4 ولا بدأ إلا 5ونص)) فيه اكل يوم رحنا وش نشوف ولاااشي مجرد عصيرات وموية المهم قزرناها وشرينا مويه نرطب فيها حلوقنا وطلعنا نتطلع على الحشود الغفيرة التي تملأ الأدوار

بعد كذا ع الساعة 7 ونص خلص الحفل والحمد لله اننا سليمين ونزلنا تحت سيده لآمهاتنا حتى نطلع لآنو بصرااااحه ملييييينا بالله عمركم شفتوا ناس بحفل تخرجها تمل بس والله بعذرنا من التنظيم الرائع اللي شفناه

كل ماورد في الأعلى على لسان خيتوو وأنا أقول لها الحمد لله ع سلااامتكم ومن هالحفلة اتوقع امي ماتعتب دربهم مره ثانيه هع

وأقول بس خليك من حفلااتهم أهم شي إنك أنبسطي مع صحباتك وعقبااال التخرج الحقيقي (( الوثيقة ))

تحياااتي للجميع وآسف ع الإطالهـ بس كان هذا ببعض مما وقفت عليه أمي أخيتي الله يخليهم لي

والسلااام ختاااام

[مطعونه بشوكـه ~]

\\ياشينهم (file://\\ياشينهم) هم ونظاهم ... وه بس ..\\

\\الله (file://\\الله) يعيننا عفبال التخرج الحقيقي\\

[وردة حياتي]

مشكورة حياتي على طرحك الموضوع
الخطا الرئيسي من المنظمين المفروض ان قبل الحفل على الاقل بثلاث ايام يسوون بروفات للبنات مو قبل الحفل يثلاث ساعات
حتى لو كان عمرهم فوق العشرين مو كل البنات تعرف النظام والتنظيم

هذا رايي