اعتماد نفق بطريق الملك عبد الله يبتدي من الاحوال حتى سامره

[راع الابل]

تم اعتماد نفق على طريق الملك عبد الله استكمالا لمشاريع التنمية التي يتم اعتمادها في مملكتنا الحبيبة 0 فهذا النفق يبتدي من شرق الاحوال المدينة يتجه للشمال حتى سامره ليكون تقاطع طريق الملك عبدالله مع طريق الملك فهد على ثلاث مسارات مسار الجسر من فوق باتجاه الغرب الثاني النفق باتجاه الشمال جنوب والثالث يكون بالجهة اليمنى من الشارع ليلتف الى الغرب للقادم من الشمال والى الشرق للقادم من الجنوب تحياتي

[الــبــتــار]

الله يبشرك بالخير

[ابو فيصل 55555]

اكيد هذا الخبر الحلو .
الله يبشرك بالخير ويعطيك العافيه .

[كلمنتان]

بشرى خير يارب مايروح خمس سنوات إلا هو مخلص

[ابو رينز]

الله يستر خلص نبي نبدا نضيع ببريده يعني لو تغلط بمخرج يبيلك ربع ساعه عشان ترجع للطريق الي تبغاه

يا بلادي واصلي والله معاكي
واصلي واحنا وراكي
الله يعطيني طولة العمر
عشان اشهد الازدهار.

[أرسلان]

الله يبشرك بالخير

بس أحب أقولك (احلق شنبي إذا صلحوه)

[mans]

هل تم اخذ مخاطر الأمطار بالحسبان خاصة وأن الجميع يعام أن مسار النفق المذكور يقع في نفس لتجاه مسار شعيب الفاجرة والسلام!!!!!!!!!!!!!!!!

[ابوولعf]

الله يبشرك بالخير ويعطيك العافيه

[سوالف]

فعلاً بشرى ساااااااااااااااااااااارة
مشكور على هذا الخبر . .

[PHOTO SNIPER]

لا تفرحون لين نعرف اي شركة بتمسكة..


اذا هي شركة الرواف الله يخلف بيتحول الى قبر ..

[تروكي]

المشكلة متى يخلص هالمشروع . شكله يبغاله اربع سنوات على ما بال ما يخلص . الله يعين

[dr House]

ياليت يكون الشغل صح

مو عشر سنين يصلحونه ويغسلون جيرانا بيتهم وينغرق النفق

[راع الابل]

اشكر الجميع على التفاعل ارجوا ان نرى العمل به باسرع وقت وبافضل انجاز تحياتي للجميع

[مدرسة الريادة]

شكراااااااا على الموضوع

[المتلولس]

تم ترسية المشروع على الشركة الكبرى الرائدة ببريدة شركة الرواف

بالتوفيق لهم....

[الصريح الفصيح]

باليت هالنفق بشرق بريدة - كل شئ للشمال - الأبن المدلل - يبةن يطلعون الشمال غصب من خلف ذلك أكيد الأمانة والمجلس البلدي الشمالي - عقب مايصير لو الفراش من الشرق بالمجلس البلدي - قاتل الله التعصب كم هو قاتل ومفرق

[بريدساوي]

بريدة تحتاج الكثير مثل هذه المشاريع لكن المشكلة في تأخير التنفيذ ! ! !

[ب ر ي د ا و ي]

الحمد لله

اغديه ينفع عيالي بعام 2030 يعني يخدم الاجيال القادمه
والا حنا بدري علينا الانفاق

[ابراهيم الفهد]

ياليت نلحق عليه قبل ما نموت : (

[XXOO]

مصدرك ؟؟؟؟؟

[كاتم العبارات]

الله يبشرك بالخير بس اغدية يكون الشغل متقن وسريع



شكرا لك على الموضوع ,,,,,,,,,,,,

[ღ.. متآبع بصمت ..ღ]

مشكووووور على الخبر

بس أغدينا نلحق عليه قبل نموت وهو ماخلص

[الجوال777]

تم اعتماد نفق على طريق الملك عبد الله استكمالا لمشاريع التنمية التي يتم اعتمادها في مملكتنا الحبيبة 0 فهذا النفق يبتدي من شرق الاحوال المدينة يتجه للشمال حتى سامره ليكون تقاطع طريق الملك عبدالله مع طريق الملك فهد على ثلاث مسارات مسار الجسر من فوق باتجاه الغرب الثاني النفق باتجاه الشمال جنوب والثالث يكون بالجهة اليمنى من الشارع ليلتف الى الغرب للقادم من الشمال والى الشرق للقادم من الجنوب تحياتي

يعني ماكفاهم اللي يموتون بالتخصصي من سؤ التصريف لمياه السيول عندما تقتحم المستشفى !!!

يبي يحطون نفق في بطن الشعيب اللي يجي من عند طريق الاستاذ الرياضي علشان يموتون الناس بوسطه ارجوا من المسؤولين التريث في مثل هذه الامور ووضع دراسات مستفيضه ووضع حلول قبل البدء باي عمل مثل هذا !!!! خصوصا" انه لايوجد كفاءات في امانة القصيم تسوي دراسه لمثل هالمشاريع

والله ولي التوفيق

[جريــــح1]

الله يبشرك بالخير ..

انا بصفتي اريد بريدة مثل الرياض بالانفاق والجسور وكذلك تشييد المباني .....,لكن بدون زحمه

وهذا اول الطريق للانجازات .....

متى سيتم بدا العمل فيه وكذلك الانتهاء منه ؟؟؟؟

[راع الابل]

لمن طلبو المصدر راجع جميع المواضيع التي وباالاصح المشاريع التي اخبرت بها هل هي على ارض الواقع ام لا علما بان لدي الكثبر لكن اريد ان تكون لها طابع او رونق خاص لدى القاري تحياتي

[عبدالله الصالح]

مسلسل تقطيع الشوارع والدربكه مستمر .. ولاعزاء للمتفائلين ..

كم سنه حتى ينتهي؟؟؟؟؟؟

والله ملينا .. ودنا بالتطور لكن دبّ فينا اليأس مع براثن التحويلات والمطبات والحفر ...؟؟؟؟؟؟؟؟؟؟؟