مهزلة معلم قراميد بجدران بريدة

[رعد3]

بسم الله الرحمن الرحيم

السلام عليكم ورحمة الله وبركاته
قبل ندخل بالموضوع لوقام احد الناس وبدأ يكتب رقم جواله على الجدران ماذا يقول الناس عنه كذلك سوف يقوم الحداد والنجار والمبلط والدهان بكتابة رقمه ومن
خلال متابعتي الكتابة معلم قراميد لم جد هذا الاببريدة بعض من يكتب له قصد ممايكتب حيث الاحظة انهم مجموعة في موسسة واحدة و كل يكتب جواله الخاص وكذلك عناد بعضهم حيث يقوم صاحب العمارة وغيرها بطمس الرقم ثم يعود بكتابته مرة اخرى وكذلك كتابة الرقم بخط كبير يشاهده البعيد قبل القريب كذلك معلم .... يعني.....؟
هولاء مالهم موسسة مثل غيرهم حتى يكتبون على الجدران على المسوولين ردعهم ومنعهم .

[حمضيات]

..


ياخلفهم


اغلبهم سوريين هاجتن بهم


ويسمع بشي اسمه الناس ترزق


وجاء وكاتبن على الجدار


المشكله ياليت الرقم مميز عشان تشفع له لا الرقم سجل مدني


والله مشكله الناس ساكته عن هاذا الشي


لاكن..


اذا احد كتب على جدار بيتكم رح وعلقه واكتب


مقتل معلم قراميد



,,

[اخو دريحم]

هل تعتقد انه معلم قرميد

ويريدعمل ...!!

ترقيم او مخدرات

والارقام بعضها لشخص واحد

والجوازات ومكافحة المخدرات والامارة والبلدية

جهات رسمية نحملها جزء من المسؤلية

ورمي الحبل على الغارب وتشوية للعمائر

ومنظر غير لائق وغير حضاري

لماذا لم يلزم معلم القرميد في ملصق 10×10سم

ويلصق عند باب العمارة وتكتب اسم الموسسة

وجوال صاحب الموسسة ومعلم القرميد

لكن لاحياة لمن تنادي مادام ان مراقبي البلدية

يشوهون البنايات بالكتب على الجدرات

وبالخط الاحمر وخط يالله يقرأ بالصف السادسة

ج وليلية . يلزم مراجعة الامانه والاسوف يطبق عليك النظام

واذا شاهد معلم القرميد كتب المراقب

كتب المعلم مايريد من الارقام لكن نفس اللون البخاخ

ياللعجب

[الناصح 999]

ردددددددددددددددددددد ياااااااااااااااااااليييييييييييييييييييل مطوووووووووووووووولك

[الصريح الفصيح]

وهل نحن على كتابة رقم معلم قرميد فقط
- افضل علشان لضربت بوية مايحتاج أساس -
يعني ماخسرنا شئ - المشكلة هو أن النظام مع الأجانب -
الله يخارجنا يارجل ياماضاع على الحاج من جمل

[سامي بريدة]

لا حيااااااااااااااااااااااااااااااااااااااة
لمن
تناااااااااااااااااااااااااااااااااااااادي

!!!!!!!!!!!!!!!!

فكم وكم وكم

كتبنا ونادينا !!!

["..SWEET.."]

من تشتكوله اولاه كلن الناس( الاكباريه) ماهمهم الا انفسهم

مير اشتكو >>لخو دريحم>>وسامي بريدة_ يمكن يستمعولكم:045::045:

[السيد سامح]

المشكلة العظما لو احد منهم سوى
عندك قرميد او مظلة وبعد مايخلص
وتحاسبة ويروح
انس انة يرجع لك لو القرميد طاح
او المظلة طاحت لو بعد شهر من تصليحة
والله تدق علية ويقولك عندي شغل واذا خلصت جيت
والله ثم والله ثم والله ماتشوفة عينك
يختفي
وانت يلمسكين خسرت
فاالحذر من المعلمين الذين يكتبون ارقامهم على الجدران
الحمد للة فية مؤسسات موجودة ومعروفة لو رجعت لهم تحصلهم في مكانهم
فلحذر الحذر الحذر

[{ كل همي رضا امي }]

عاده سيئه واتمنى تزووووووووووووووووووووووووووول بسرعة ..
تحييييييييييييييييييييييييييييياتي للجمييييييييييييييييييييييييييع

[Mr.B]

اي والله
انا في بيتي صارت الجدران دليل تلفون لمعلمين القرميد
ولا حاولت امسح لانهم راح يرجعون يكتبون
واحد منهم الضاهر انه توه ضعيف كاتب رقمه بقطعه من الجبس
علي الجدار

:d

[د/ بريدة]

حتى الشيخ الونيان هرج بهم حدى الجُمع

يبي لهم عقوبة صارمة يالله يالله ينتسلون

[أكــــــــابر]

الحين وقفت على المعلم قرميد
طيب شئ عادي لو يكتب بالجدار هو كتب على جدارك وانت مليص وصلبغ لا يترزق الله وعلى فكره مو بس المعلم قرميد برضو الــــــــــــــــــــرجـــــــــــــيـــــــــــع ـــــــــــــــي
وانا أقول الله يرزقهم
أخوي كاتب الموضوع ليش مارحت لشئ السئ بجدران ديرتنا هالكلمات اللي يكتبونه هالشباب ع هالجدران
المعلم قرميد ماكتب أحبك ودق علي
ولا حبنا يانور عيني لايضيع
ولابربوج هلو
ولالوحة سيارته مع أحبتس يا......
وغيره وغيره وغيره
أتمنى أن لايطول النقاش حول ناس يترزقون الله
تحياتي

[& ابـــوتـــج &]

الحين لو تشوف اي عنارة معلم قرميد

اشغلونا

[يوسف الخالدي]

هل تعتقد انه معلم قرميد

ويريدعمل ...!!

ترقيم او مخدرات

والارقام بعضها لشخص واحد

والجوازات ومكافحة المخدرات والامارة والبلدية

جهات رسمية نحملها جزء من المسؤلية

ورمي الحبل على الغارب وتشوية للعمائر

ومنظر غير لائق وغير حضاري

لماذا لم يلزم معلم القرميد في ملصق 10×10سم

ويلصق عند باب العمارة وتكتب اسم الموسسة

وجوال صاحب الموسسة ومعلم القرميد

لكن لاحياة لمن تنادي مادام ان مراقبي البلدية

يشوهون البنايات بالكتب على الجدرات

وبالخط الاحمر وخط يالله يقرأ بالصف السادسة

ج وليلية . يلزم مراجعة الامانه والاسوف يطبق عليك النظام

واذا شاهد معلم القرميد كتب المراقب

كتب المعلم مايريد من الارقام لكن نفس اللون البخاخ

ياللعجب




كلامـــك صحيــــح :41:41 ..وأعتقد الترقيم من أهدافهــــــــــم..!! ..

[رعد3]

اخي اكابر ياليت العمالة طيبة مثل قصدك وفهمك .

واما طلب الرزق عن طروق الانظمة وليس العشوائية .

[قم قاعد]

لاااااااااااااااااااااااااااااااااااا

حياااااااااااااااااااااااااااااااة

لمـــــــــــــــــــــــــــــــن

تناااااااااااااااااااااااااااادي

[الحد]

أذكر واحد من الربع كلما طمس رقم من على جدار بيته / يتم كتابة رقم آخر .

قام وأتصل على صاحب الرقم ووصفله موقع خارج بريدة المهم بهذله بطول المشوار والسوري عجز يدل من الصبح لين الظهر وبالأخير إلتقاه ولكن بطراق _ وعطاه درس لن ينساه _

لاتبليغ ولا يحزنون _ لو كل واحد فعل مافعل صاحبنا مارءينا الكتابات على جدران بيوت ديرتنا من قبل ( البياعين والجـــر....... )

[ღ.. متآبع بصمت ..ღ]

طيب لو تبني وتبي قرميد ولا لقيت رقم مكتوب ووش راح تقول وينهم وراه ماكتبوا الرقم

[طعس™]

كلامـــك صحيــــح :41:41 ..وأعتقد الترقيم من أهدافهــــــــــم..!! ..

والله ياخوي ماعندك ماعند جدتي انت واخو دريحم قال ايش ترقيم

[الحاجب]

سبق ونبه عنه شيخنا : صالح الونيان ، اطال الله في عمره على طاعته في خطبته في صلاة الجمعه قبل فتره... ولكن مازال مصر على فعله .
اتمنى من المسئولين بالبلدية النظر في هذا الموضوع ...؟

[يوسف الخالدي]

والله ياخوي ماعندك ماعند جدتي انت واخو دريحم قال ايش ترقيم

والله انت اللي ماتدري وش الطبخه ودربي دميجك ما تدري وش اللي يصــــير وشكلك تحسبها ارقام لوحات سيارات !!!

الكلام هذا ماجبناه من عندنا ؟

الكلام من رجال الهيئه حفظهم الله ..وللمعلوميه الشيخ الونيان سبق أن تكلم عن خطرهم في احدى خطبه قبل شهرين تقريبا"وذكر هذا الشيئ وقل الشيخ مايعرف وغير مطلع عن وضعهم واسباب وضع أرقامهم !وانه يقول الخطبه كذا من دون مايتاكد من الأخبار اللي فيها؟
وانت قلي ليش في كل جدار يضعون ارقامهم حتى الجدران اللي لا تستحق حتى تلييص مهوب قراميد؟

هل للعمل فقط ؟

أم لاهدافهم الأخرى ..!!

[أمير بكلمتي.]

لوتذهب إلى عماره تحصل على البيت الواحد أقل شئ 5 أرقام
المفروض توضع لصقات على العدد الكهرب والباب وغيرها يكون مكتوب عليه أسم المؤسسه ...
وتكون بتوجيهات البلديه . . .

[حـنيت]

وش ودك تقول ..

لقد اسمعة حية لكن لآحيـاة لمـن تنـادي .

[رعد3]

الى كل من يحسن الظن نقول لهم كثير منهم يكتب رقم جواله بجوار بيوت مسكونة بخط كبير يعني داخل وخارج رقمه في وجه عيالك واقول خلك فطين كفى من حركات العمالة

[almenasem]

ياخوي واحد يقول انهم كاتبين على الجدار حق استراحته

ودق عليه وقال له امسح اللي كتبت لاعمري اشوفك تكتب

تراه احسن حل

[رعد3]

صدقت لالالالالالالالالالالالالالالالالالالالالالالا
حيييييييييييييييييييييييييياة لمن تنادي

[الكادح009]

من شر حاسد اذا حسد

[الهديه ستي]

اكيد عماله سايبه والا فيه عامل يدور شغل لكفيله الكفيل نفسه والله مايدري لوكان مهب سايب كان يتبطح والراتب ماشي ماشي اهم شي عند الكفيل الميتين بالشهر والعامل من الفجر وهو يشتغل لاْنه بشهريه اوبنسبه وحنا الله يخلف
علينا

[الهديه ستي]

ودك لاكتب واحد على جدارك تدق عليه وتخليه يجي طبعاًتوهقه لاجا اول شي اتخليه يمسح المكتوب وبعد مايمسح المكتوب تلعن اللي جابه والخبر كذا ينتشر بينهم وتصير درس لغيرة وكذا صرنا انتهينا من اي واحد يكتب بالجدران

ملاحظه سمعت ان بعظهم لقصد ثاني الله يستر علينا

[ابو صالح999]

كفو:oo:102:

[الهديه ستي]

اكيد عماله سايبه والا فيه عامل يدور شغل لكفيله الكفيل نفسه والله مايدري لوكان مهب سايب كان يتبطح والراتب ماشي ماشي اهم شي عند الكفيل الميتين بالشهر والعامل من الفجر وهو يشتغل لاْنه بشهريه اوبنسبه وحنا الله يخلف
علينا