عازف الكيبورد
12/7/1423 هـ, 12:50 صباحاً
دحيم في باريس
طبعا مالها داعي نطب بالقصه عرض ونحش في ام دحيم على طول
اول شي خل نعرف منهي ام دحيم
ام دحيم وما ادراك منهي ام دحيم
هي اسطوره من اساطير الحب الافلاطوني والهيام والعشق
اما المواصفات الخارجيه لها فهي سته سرندل فتحه ومراتب جلد
امزح
صح انها عجوووز بس عاد قمه في الجمال
العيون مصاقيل كويتيه
والخشم سلة بيض قصدي سلة سيف
وجها يذكرني لامني كشت مع اهلي في الثمامه تشوفون طعس التحدي وشلون محفر كنه خشتها
ومع هذا فسبب ذهابها لباريس مسابقة ملكة جمال العالم
اييييييييه وصلنا الزبده
في يوم مشرق غائم جزئيا الى ممطر نسبيا
لبست ام دحيم زنوبتها الخضراء (سارقتها من الحرم)
و
توجهت الى مقر الجوازات تبي طلع بصبورط
المهم وقفت عند الموظف المسؤول
ام دحيم : مساك الله بالخير ياللحية الغانمه
الموظف : (وش ذا الوجه الكدر ) سمي طال عمرك امري
ام دحيم : عطني جواز ابي اسافر
الموظف: وينا فيييييييه تحسبينها بقاله يا خاله هذي يبيلها معامله
ام دحيم : (تتلفت وراها ويمين ويسار ) وجع منهي الخاله عسى منتب تعانيني :toobad:
الموظف لايكون قلت شي غلط
ام دحيم : تدري اني اصغر من بنتك بس هذي من اثار التعريه ذالعرافيط الي انت تشوف
الموظف: (ياصبر الارض) يا بنت الحلال يبغالك ست صور شمسيه وصوره من دفتر العائله وميتين ريال
ام دحيم : وراه ميتين ماتخليه بميه طلبتك لا تردني كبر امك الله يجزاك خير ياوليدي
الموظف : لعنبوتس توك اصغر من بنتي وهالحين كبر امي هذا كله عشان ميه بعدين هذي تسعيرة الحكومه انا ما بيدي شي
وخذي الاستماره هذي عبيها
--------
المهم راحت ام دحيم وتهاوشت مع الهندي وبالطقاق صورها مع انه احترق الفلم عشرين مره
------
وترجع ام دحيم للموظف
ام دحيم : دوك صوري وميتي الله لايبارك لك فيها
الموظف : (يا والله النشبه) هالحين وراتس مغطيتن وجهتس بالصوره
ماتنفع جيبي غيرها
=======================================
وانتظرونا بالجزء الثاني ....
تحياتي ,, : 12
طبعا مالها داعي نطب بالقصه عرض ونحش في ام دحيم على طول
اول شي خل نعرف منهي ام دحيم
ام دحيم وما ادراك منهي ام دحيم
هي اسطوره من اساطير الحب الافلاطوني والهيام والعشق
اما المواصفات الخارجيه لها فهي سته سرندل فتحه ومراتب جلد
امزح
صح انها عجوووز بس عاد قمه في الجمال
العيون مصاقيل كويتيه
والخشم سلة بيض قصدي سلة سيف
وجها يذكرني لامني كشت مع اهلي في الثمامه تشوفون طعس التحدي وشلون محفر كنه خشتها
ومع هذا فسبب ذهابها لباريس مسابقة ملكة جمال العالم
اييييييييه وصلنا الزبده
في يوم مشرق غائم جزئيا الى ممطر نسبيا
لبست ام دحيم زنوبتها الخضراء (سارقتها من الحرم)
و
توجهت الى مقر الجوازات تبي طلع بصبورط
المهم وقفت عند الموظف المسؤول
ام دحيم : مساك الله بالخير ياللحية الغانمه
الموظف : (وش ذا الوجه الكدر ) سمي طال عمرك امري
ام دحيم : عطني جواز ابي اسافر
الموظف: وينا فيييييييه تحسبينها بقاله يا خاله هذي يبيلها معامله
ام دحيم : (تتلفت وراها ويمين ويسار ) وجع منهي الخاله عسى منتب تعانيني :toobad:
الموظف لايكون قلت شي غلط
ام دحيم : تدري اني اصغر من بنتك بس هذي من اثار التعريه ذالعرافيط الي انت تشوف
الموظف: (ياصبر الارض) يا بنت الحلال يبغالك ست صور شمسيه وصوره من دفتر العائله وميتين ريال
ام دحيم : وراه ميتين ماتخليه بميه طلبتك لا تردني كبر امك الله يجزاك خير ياوليدي
الموظف : لعنبوتس توك اصغر من بنتي وهالحين كبر امي هذا كله عشان ميه بعدين هذي تسعيرة الحكومه انا ما بيدي شي
وخذي الاستماره هذي عبيها
--------
المهم راحت ام دحيم وتهاوشت مع الهندي وبالطقاق صورها مع انه احترق الفلم عشرين مره
------
وترجع ام دحيم للموظف
ام دحيم : دوك صوري وميتي الله لايبارك لك فيها
الموظف : (يا والله النشبه) هالحين وراتس مغطيتن وجهتس بالصوره
ماتنفع جيبي غيرها
=======================================
وانتظرونا بالجزء الثاني ....
تحياتي ,, : 12