قـعـودكـ فــي البـيــت لــوحــدكــ .. مـــارأيـــك ؟!

[نجديــــة]

,,


الســـــلام عليــكم ورحمــة الله وبركــاته

دغري لباب الدكان , عفواً :d دغــري للمــوضــوع >>لاتنكتين :113:

بـدايــة .. للإسف الشديـد عنــد خــوالي ليــس هنــاك من يمــاثلني فـي السن أو أكبـر قليـلاً :eek5
, بعكـس أعمــامـي :023: فهنــاك جميـع الأعمـار والمقاسات (ماشاء الله , تبارك الله)
فغالباً بيت خوالي ( يـوم الخميـس) مايصير فيه إلّا "مبزرة" وجـذاعــين " يــامـا دخـلو , يـاما طلعـوا , ســــردادي , مــردادي على هالحـريـم ,
الله يصلحهم , وأصغــرهـم تقريـباً كبــري "يعني أتغطى عنـهــم" :eek5
بالمختـصـر المفيــد , مـن أجــي لمــا أعتب عتبــة باب شارعهم وأنــا عاكفـة بالغرفة بلحـالي
>>تقريباً يعني لا أحد يصدق قـوة :113:

ومتعــارف عنــدنا , أو ربـمـا عند غالب اللي حــولنــا , يكـون "يـوم الإربــعاء للأعمــام , ويـوم الخميـس للخــوال ,
ويوم الجمـعـة جلسة بالبيت للإستعداد ليــوم السبت :( "
مـــالكم بالطــويلة >>إيقالة ماطولت :113:
( ترا كل هالقرق وحنا مادخلنا موضوعنا الصدزي)

فعنـدمــا يكــون عنــدي إختبــار ( والله يعظم أجر مدرستنا ماتسد وقفت عنهن :113: ) ليـوم السبت , نذهب الأربعاء لأعمامي ,
والخميس غالباً ماأكون معارضة في الذهاب لخوالي :eek5 وأسبب فوضة بالبيت علشان ماروح بحجة عندي إمتحان السبت
وإذا قالت لي أمي ياحبيلة :eek5 خوذي كتابك , أقول كسل بيتهم كئيب ياناس تنسد نفسي
, شلون أبذاكر عندهم , عاد كأني أبذاكر بالبيت بس شيء بالنفس , أفتعل العلث علشان ماروح ,
ولّا غالباً الأمتحان سهل ..
فيجلس لأجلي أخي يابعدي :eek5 , وأحياناً جدتي ماتطريله الطلعة يوم الخميس
وتقول أبجلس عند نجدية بالبيت :118::118::118: والله يا أنا أناقـز من الفرحــة بعد
, ياعلّني فدا جديدتي , وهـ بس , مادري وشلون أبجازية أنا :eek5
وأحيــاناً كثيــرة عنــدمــا تتـصكك فــي وجـهـي السبُـل والطــرق , أكتــم غيـضـي وأذهب معهم
وبسراحة لا رحت لخوالي وناسة شوي , بس أمللل من جلسة الحريــم :eek5

,,

المــراد أنّ في الإمتحـانـات النهـائية هذهـ الأخيـرة , وقبلها بأسبـوع كنت أذاكر دروسي , تعرفون ثالث ثانوي ونسبة وحالتنا حالة :eek5
الكسلان يصير شاطر بذيك السنة , المهم جدتي "أم أمي"
تعبت ذيك الفترة واضطرت أمي تروح تزورهـ ببيت خوالي طبعاً , خواتي تعلقاً بأمي , قالوا نبي نروح معك ,
وأخواني والبابا مهب موجودين , وجدتي رايحة لعمتي , أهم شيء جت لمي أمي قالت يالله
ألبسي عباتك نبي نروح لأهلي :eek5 , وأنا هالمره صادقة أبذاكر , أمتحانات نهائية
قالت أمي: شلون .. تجلسين بلحالك بالبيت ..؟؟
قلت :أيه عادي .
قالت : مابعد أنهبلت أجلس بنيتي لحاله واتسبدية الدنيا توحش

((والله يانا رحمة أمي ياحياتي :eek5 , بس كســل قســم بالله:eek5))


قلت :هالدبهرق مهب لازم يروحن معك , ممدي على خوالي , خليهن يجلسن عندي .
وبصوت واحد من خواتي : لااااااااااااااااااااااااااااااا , ودنـا نــروح

الله يصلحهـن , مافيه مــراعــــاة لـمـشــاعــر أختهــن الكبيــرة :035::035:

قالت أمي : والحــلّ ..؟!
قلت: أبجلس بالبيت بلحالي , وكل دقيقة أتصلي علي علشان تطمنين , على أني دارية أنه مهنا إلّا العافية ,
ولّا بالله وش أدري الحرامي أني بالبيت بلحالي
( بس ياحبيله خوافة من كثر ماتسع القصص :eek5)
ترددت هي قليلاً , لكنّي جزمتها بإصراري وعلثاتي ., فوافقت على مضض :eek5

ياقلبي هي جلست بعد صلاة العشاء ربع ساعة أمر تجي مع أخوي للبيت , عجزت تتطمئن
وخاصة أن خالاتي قالوا :أنتي مهبولة تتركين بنتك بالحالة بالبيت
, وكل شوي تتصل علي , وكل شوي أقسّم له أن كل بيبان الشارع والبيبان الداخلية مقفلة وباب جناحي بعد :d
بس ماش القلب , ماتعودت الله يهديه
وهـ بس يازين الأخت الكبيرة بعد :eek5 :eek5

,,

كنت أقول تلك القصة السابقة لأحدى صديقاتي , فقالت :أن هذا الشيء جداً عادي عندنا
الجلسة في البيت لوحدي .

فأحببت أخذت أرائكم وطباعكم عن تلكم الظاهرة :d

وشكراً لكم , وللعلم أنا من مؤيدينها " والله ياهي طعمة ذيك الخلوة , لا إزعاج ولا يحزنون" :113:

بانتظــارـكم



:)

,,

[صادقة الود]

امم بصراحه انا ما اجلس بالبيت لح ـالي .. !
يصير معي اختي ..
والا اصير انا اكبر الموجودين اجلس مع اخواني الصغار ..



انتي مثلي ما عندي احد كبري :eek5
والعياال كل ابوهم كبري :(

[أشيقرية]

وَ عليكم السلام ورحمة الله وبركاته

نجدية :023: ..!

الله يعينتس :113: ..،

إجابتي على سؤالك ../..

بما أني شخصية تميل إلى الهدوء والفضاء الفارغ ،
فـ أرى ان الجلوس في البيت بـ مفردي ..
شيء رااااائع جداً ..

أسترسل بـ كتابة الخواطر ،
أنجز أعمالاً لطالما أردت إنهاءها ،
أُراجع نفسي ،

لكن في عوالمٍ الضوضاء
أبقى في حيرة !
فـ ينتابني الصمت ! ! !

<- انسجمت :113: ..

[وَتين الوَردْ ’]

وعليكم السلآم والرحمه ..


آممممممم :113:

بمآ آنه عندي أخت أصغر من فـ دآيم نجلس أنا ويآه بالبيت :d

بس أقولك يعني فيه بعض الحآلآت أهلي يروحون ويخلونن لحآلي وأنآ مآ أدري لأني أكون نآيمه :d

مآدري أحس لو اني أكون قآيمه أبخآف لحآلي :eek5

أغدين أجرب وأقولتس :d

بس طبعاً اذآ كآنوا بيروحون ومآ راح يطولون لأنهم أكيد يخآفون علي :094: :113:


مع العلم ان خوالي عندهم بنآت يعني هالأشيآء تصير بأوقآت ثآنيه غير الخوال



شكراً نـــجـــديه ع الموضوع


والله يعينتس صرآحه :02:


ويآحلووو جلسة البيت بدون بزرآن شي :)





:/

[بريداوية ام الهبال]

܀

نجديّه بسم الله عليتس طسّي لبيت خوآلتس لوّهم هنود <- :113:

بنت خآلتي دآيمن ببيتهم تقعد لحـــآله :eek5
وجي هآك المرّه ويقمز عـليهم حـرآمي :098:
والحمد لله قبل مـآيقمز بشوق جـآء أبوه وأخذه :023:
(سبحـآن الله يقول قلبي بس يقرصن :d )

-----
أنا سرآحةً مهبولة قعدة بالبيت !!تحسين إنتس فآآآآضيه :113:
بس يحطّون عندي الشقّـآله تقل تجسرن :d
ولّا ترْجد مكل مـآطق الباب جت وعيونه بجبهته :113:

موزوع قميل وتعبير أقمل يـآأقمل من القمـآل بحد زآآتوه :113:

•تَحِـhttp://www.rofof.com/img2/2sxtvi25.gif (http://www.rofof.com)ــيّة•

[أديل سليمان]

ياسلام !
أحلى أوقاتي إذا صار البيت فاضي تماما ! وناسة !
أسوي الي أبي !
ماكد راحوا أهلي لخوالي وجلست لحالي بالبيت !
أحب الروحة لخوالي لكن أعمامي الله يخلف !

لكن إذا راحوا للسوق أجلس لحالي بالبيت عادي !

شكرا نجدية ..

[هايين]

انا ارفض الجلوس وحدك رفضا باتا
الوحده المستمره تسبب المرض النفسي
والدنيا تخوف
لو يجدع عصفور حصاه بالصطح انهبلتي
الله لايخليك من القلب الحنون
امين

[ما تَهَاب]

ياحبي لامك وخالاتك :p قسم ذكرنن لامي وخالاتي خوافاااات والقهر انهن يخوفن بعض يعني احياناً امي يصير الوضع عندها عادي اذا كانت فيه الخدامة عندي بس مجرد ماتدري خالتي الله يطول عمرها تجي امي تغير رايها :bad ..
والا اخوي الكبير اف ياهو الله يهديه معقدن بحياتي مستحيل يخلين اجلس بروحي مع ان عمامي بجنبنا وان شاءالله ماكو خطر بس عنيـــد يقهر يقهر:eek5 << كبت العشاء :mad: ..
وغالباً اذا جلست يكون معاي احد يااما استدعي اختي من برا :d والا اختي الصغيرة تكون وياي :) ..

وياحلو الجلسة بالبيت :41 ..

[أراسيل سلمان]

هييييييي عاطي قووة ..
انا بيتنا احيانن تروح لحدى الطلعات.! وأنا لا <ماتعرف تبالغ !

بس بجد متعودة دايم لحالي بالبيت اقفل البيبان واقرا الورد ومهنا الا العافيــــــــة
ما أحب الوسواس الزايد

[غ دير المح ـبة]

قريت العنوان وفهمته شي ثاني,
أحسبك قصدك أن المرة تجلس بين أربع جدران وزوجها يروح ويطلع ويخليها لحالها<<كل على همه سرى

لأني هاللحين جالسه بلحالي ومهيتن أبو الشباب من العصر حد النوم,يييييييييع مللل

المهم :
يووووووووه رجعتين 3سنين ورا, ياسلاااااام على ذيك الايام ونااااااسه

جلوس البنت لحالها بالبيت أتوقع شي عادي بس لازم عندها أحد أي كان
أذكر أمي أحيان تروح لخالاتي وأنا ماأروح وتخليني بس عندي الشغاله وأبوي يكون فيه,,

من الأفضل إنك تحتاطين وماتجلسين لحالك. الزمن اللحين يخوووووووف

موفقه يالغلا,,,,,

[BU7OOR]

أعانك الله يابعد الدنيا :023: !


مير لابغيتي تقعدين لحالك ببيتكم ابد دقي علي أجي لك وإلا نشقلك عندنا وإلا مرون أروح معك لخوالك :013: !


وأنا مؤيدة مافيش مشكلة , بالنسبة لي الحرامي لا طب علينا بيتوحش مني ويهج :113: !

وصدق اقري وردك وهجي الباب لاتصكينه عشان الحرامي يدري ان هالبيت ماعنده الا الدجة :113:


وقسم انا منول أقول وراه مايطب علينا حرامي :113: , وأجبت على نفسي , اننا دايم بابنا مفتوح فلذلك يمكن الحرامي يحسبه مسجد :d <~ تحليل منطقي :113:

[*..لــــورا..*]

▌


يــــآآآه القعده بالبيت لحــآلي ومـآآدرك
مالقعده بالبيت لحــآلي

:113:

يـآأنـآ آعشقه عشـــق
يـأأختي ونـــآسه مـآفيه آزعـــآج ولٌا شي
مع آنـ آمـــي يـآحبيله مــآتبين آقعد لحــآلي
بس آحيــآنآ إيقـــآلي عندي
شغـــل همن مــآتخــآلف :109:

بس غــآلبآ آقعــــد آنـآ وآختي اللي تكبرني سناً
>>آرووح ملح مع اللغــه :065:


وصــــرآإآإآإحــــه بعذرتس لو مـــآرحتي
لخــوآلتس آنـــوآع الأحبـــآط

:098:

[..احساس..]

ههههههه

صراااحة الوضع ايزي عندي >> هو صح مكان ايزي هوووني :09:>>:113:

بالأمتحانات لازم الخميس الأوول اجتماع عماني
والخميس الثاني خوالي والعكس صحيح :113:

وبطبيعة الحال الوالدة بتاعي تطلع
وأنا أقعد بالبيت لوحدي
و تقول ابحط الشغالة
بس انا أعيي >> من يقوول أني أخاف من بني شغال :08:

والحمدلله
مانب من اللي يصدقوون القصص والخرابيط
بس ولو الحرص واجب :113:

[乂♥ متفائلة ♥乂]

حنا عكس :d

أنا اللي أطلع وأمي تجلس .. :113:

أحس عاادي جداً .. بس أنا ما أطيق جلسة البيت لا معي أحد ولا لحالي ..

[غنوجة نجد]

هههههههههههههههههههه
ياقلبي انتي ....
بس امك معاها حق .. الحين ماما<< لاتفوتكم ..
ترفض رفضاُ اي تعيي .. نجلس . اذا فيه امتحانات ., تجلس ماتروح عشانن ,,
بس صدق مايصلح ,, تقعدين الحالك ,, بنت عمتي ,, جلست لحالهحين بالبيت .. ونهبلت والحين حاله يكسر الخاطر,,
الله يصلحك>> بدت تقص .. هع

[●غزآل العآرضية~]

ماشالله تبارك الله وتسألين ؟! :eek5
أنا أمنية حياتي بيتنا يفضى :eek5
24ساعة يدهر أحد داخل وأحد طالع وكان بيت بحور مسجد إنا بيتنا صيدلية :eek5

تجنن القعدة بروحك ، هدوء ، تخطيط ، كل شي تسوينه بركادة وتفضين لعمرك جد ..

[•°انكسار الأماني°•]

أنا طلعاتي برا البيت قليلة حد الإنعدام .
إذا بيرفعون أهلي ضغطي يقولون ترانا معزومين وإلا عازمين ياهي غثة :oo
أحياناً وبعد إختبارات الشهر الأول و الشهر الثاني أسوي رحلة للسوق أتمشى أنا وشلتي المصونة .
وإلا نجتمع في الملاهي وهذا التصرف يحصل معي مرة أو مرتين على الأكثر .
لذا تجديني متقوقعة داخل بيتنا دايم الدوم لاروحة ولاجية وأهلي طبعاً ماأجبرهم يجلسون معي .
إيزي يمر أسبوعين وأكثر من بيتنا للجامعة من الجامعة لبيتنا ومنهما للمسجد ومن المسجد إليهما :S << كلاكة >> أقصد في رمضان قبل القفزة :113:
بصراحة مافيه شيء يجذبني في الحياة ,, لاألعاب لاأسواق لامطاعم ولايحزنون كل ماحولنا خرابيط وهياط :093:
البقاء في البيت فيه خصال حلوة وجميلة وأهمها إنك ماتشوفين شيء مايرضيك وهذا عكس الشارع .
شخصياً لاأفضل الإلتقاء بالأقارب دائماً مع كوني أحبهم جداً جداً لكن مو حلى أقابلهم .
أغلب إجتماعتي أفضلها مع الجيران أو الصديقات والأخيرات حالة خاصة لايعدلهن أحد .

هكذا أيامي و فقط ....,

شكراً لروعة مجلسك شيختي .

[أم جمانه]

وعليكم السلام ورحمه الله بركاته

انا اول ماقعد بالبيت يوم على بعض
الا مشاوير اروح لهذي وارجع عند ذيك
ونتجمع هنا وهناك كنت طول فترة زواجي كذا
لما صارت لنا ظروف وصرنا كل البيتماحد يطلع الا الاولاد
يعني كأنه عين وصابتنا
وصرنا كل البنات وامي ما نحب نطلع كلش
والحين اختي موظفه وامي تقعد لحالها بالبيت وانا
على النت دايما
زوجي دايما بالدوام او نوم او مع الصحبه
انا نت وصديقتي الله يحفظها بس تلفون تجيني او اروح لها
ما ننقطع يومين على بعض
الزبه صرت احب قعدة البيت حتى لو اقعد لحالي وماحب اطلع

[نبض القصيم]

انا مو مع البنت الى تجلس لوحدة انا اذكر فية وحدة زيك كذا كانت ماتروح لبيت عمانة بحجة انة مافية احد بعمرة ومرة طفا الكهرب وخافت طلعت بالحوش وكان اصوات عمال ومافية احد يقدر يجيبة كانت مناحة بين الام والبنت بعدة صارت البنت تجى ومعة اللاب توب يعنى اى شى يوسع الصدر ويطمن الام

[كنز الألوان]

عااااادي أجلس باالبيت لحالي
إذا راحت أمي لبيت جدتي بوسط الإسبوع (مالي خلق أروح على قولتك داخل طالع)

أما يوم الإربعاء والخميس أروح إذا ماكان عندي إختبار
وإذا كانوا الي كبري بيجون

وبس


.

[Moonlight]

عااااااااااااااادي جدا

منذ أن كنت يرقة وأنا أقعد بالبيت ، بالأول كان فيه جدتي وبعد ماتوفت الله يرحمه ويجعل منزله في عليين صرت اجلس لحالي، بس عاد اقرأي وردك ، واللي يريحك سويه ,ومع الوقت يتعودون ويصير عادي, وكلمي أمك باللين ،وأكيدي له أن وقت الإختبارات غير ويحتاج مذاكرة ، وإذا قدرتي تروحين بالثانوي الحين فإنه مستحيل تطلعين بالجامعة وقت الإختبارات ، يعني بك بك القعدة بروحك السنة هذاي أو الجاية
ربي يحفظك

[@صاحبه السمو@]

وه بس يازينه قعدة البيت لحالكـ:072:
والله انه رهيبه بس لامهات الله يهديهن
يسمعن هالقصص وكل حد تشب الثانيه:(
بس واللله اذا قعدت ماارتاح بس عيوني على البيبان:eek:
والشبابيك واذا نزلت مارقيت واذا رقيت فوق مانزلت يعني قلق

[زمردة]

إذا لزم الأمر<<< أجلس لحالي...

بس لأنو طبعي ماأحب الوحدهـ.. ماأحب أجلس لحالي..
أروح مع أهلي لو للبقاله..!

كسل بالبيت لحالي... ماغير أدوج..!

[قماري]

خخخخخخ حالتس عصيبه .. :113:

انا مثلتس ماتطيعن امي اقعد بالبيت لحالي اذا صاروا بيروحون لاحد ..:bad

بس عادي لو بتروح لسوق ولا لشي وبتتأخر ..مع انه نفس الحاله اذا صاروا بيروحون لاحد ..:(

ومره قعدت لحالي الصبح ..امي مسافره والباقي الي بالمدرسه والي بدوامه ..مابه الا انا لحالي ..:eek5..ومير يتصل واحد عساه الماحي هبل بي ...مخلي صوته صوت عجوز ..واحسبه ام جيراننا ..ويسألن عندتس احد ..وانا من قوووة الغباء قلت :لاااا.. :eek5:(..ومير يغير صوته ويطلع الصدزي ..وقسم بالله انواع الوحشه ..واروح اقفل كل البيبان ..<< تراه قبل مشراعات ماهمه ..:d :(..

ايه وعاد عقبه وشسموه ذا ..:rolleyes:

موزوع حلوو ومفيد ..:41

[جروووووح صامته]

هلا بك نجديه...
اخبارتس؟؟واخبار ثالث؟؟

اما انا دايم امي تطلع وانا اجلس بالبيت لحالي عاااااااااادي جدا وش فيها انا الحين اهلي طالعين ومافيه بالبيت الا انا واطلع بالحوش وانزل وارقى ومافيه عندي الا روحي>>وحده غبيه <<لاخدامه ولا اخت ولا بزو ولاهم يحزنون
وبعض المرات يجي الخوف على امي الله يخليه وتقول ماني طالعه ومخليتك امشي معي ثمن اضطر واروح وانا ماودي بس من شان الماما...

[بنت رجال]

عند اللزوم قعدة البيت

كذا الامتحانات مافي احد يجي ولا روحات وخصوصاً خواتي قولهم الاستراحة تناديكم وتضفهم امي هناك

واذاكر وه بس يازين الهدوآآآآآآآء

وشسمه عادي ـمي عنده قعدة البيت بلحالي :)

واذا النفسيه يمين ويسار ماكو احد ...

لكن روحه لخوالي اها الوالده تعطين اجره اقعد والسبب مافي صغيرة كبيرة مدري وشو (( عمرنا متقارب قووووه))

واذا رحنا قمصان وهبال والليل نجتمع عند احد ونام المجموعه كــــــــــامله ...

وعند أهلي بحكم ان عمومتي الله يخليهم مو بنفس المنطقه اول من يروح أنااذا فيه اجتماع دوريه شي ريح عزيمه

الله يسعدك نجديه :) ...

[نـــNAــونا]

أمممممم

أنا ما أحب قعدة البيت أبدن أبدن

لو بيروحون مشوار أول من ينقز بالسياره هو أنا

وغالبا اروح ومستحيل باباتي يتركني بالبيت وحدي لو أيش ما يصير

أقلها إركبي أوديك بيت عمك لانه قريب عندنا بنفس الحي

لكن إنه يتركني بالبيت مستحيل حتى امي ما تطيع

ولو بتروح امي لخوالي واووو يا الوناسه هم خارج بريده إذا رحنا لازم ننام هناك بغالب المرات

ومثلك جميع الأعمار والمستويات الدراسيه

وااااو ذكرتيني وإشتقت لهم الإسبوع اللي فات ما رحت لهم والإسبوع القادم بيروحون عمره يعني بأخذ إسبوعين ما شفتهم

[نبع الوفآآء]

اما بصراحه عااااااااااااادي عندي اجلس بالبيت لحالي بس تكون يا الشغاله او اختي عندي << باللهي

بس بعض الاياام امي تنط برااس امي شيطاانه تقوول مافيه قعده بالبيت بس تدروون وش القهر مااتقول كذا اللى اذا انا مالي خلق ارووح للعزيمه وبعض الايااام اذا كنت متحمسه للعزيمه تقووول مافيه رووحه بس انا برووح همن تجين كأأأبه انا واختي وننقهررر بقوووه

على العموم تقبلي مروري على صفحتس اخيتي العزيزه<<< ياعيني عللغه

[كيان مجروح]

والله ماأجلس لحالي بالبيت
رجل إميمتي الله يطول بعمره برجلي


كيــــــــــ مجروح ــــــــــــــان

[Tasting me life]

احسن شي تجلسين لوحدك بالبيت يااااااااااااااااه ام الروقاااااااااااااان :41
تمخمخيييين على كيفك
والمشكله اذا دقوا على اقاربي ليه ماشفناك ؟! مانيب فاااااااااضيه وقت ثاني اشوفكم هههههههه

[أحلى صبية]

أأنا من عشاق البيت اذا صار فاضي لأنه يكون هدوء واسوي اللي أبي

بدون وجع راس ....

بالنسبه لي تكت ايزي...عاااااااااااااااااااادي...بس أحيان أمي ماتخلين ...

بس الاغلبيه أكون نايمه وذا سألون مستحيل أقوم من الفراش عشان طلعه

يعني متى ماصحيت جيتكم...<<

>>ياحرام مرة كانو بيطلعون وعيييت أصحى قلت بنام اذا صحيت جيتكم أثر الاهل جلسوا
يحترونن يوم صحيت لقيت الناس يقولون
قامت قامت وعليهم عبيهم والله من جد رحمتهم حارمتهم الطلعه؟؟؟؟....

وعادي أقـــرى وردي وبلا وسوســـه الحمدلله أمــــان...،،

[الصابره]

انا من المؤويدين اللي يجلسون بالبيت عادي جداااااااااااااااااااااااااااا ياختي وناسه الجلسه بالبيت مادري ليش احب الجلسه فيه وبقووووووووووووووووووووه بعد حتى احيانا الآربعا والخميس مااطلع ابد

[احلا بنت]

اجلس احافض على ديني قبل كل شي

[نجود]

انا والله اكثير اقعد لحالي في البيت انا والشغاله اسمع صوت هواء وباب وطرخ وطريخ واخاف واتحش ياربيه وادق على صديقتي وانا ارجد من الخوف اقول ادخوا المسن علشان ماحس بلوحده وهن يضحكن علي ودك من يطحون بطاحونه ههههههههههههههههههه

[اخت صعفق]

انا اهلي قد ساافرو وقعدت انا واخيي بالبيت ماعندنا مايقول ربي.. ويجن يسيرن لمي البنياات وفله
انشاء الله مهنا الا العاافيه
بس اليوم منقهرن مولمتن ثياابي ويوم قمت اثر الدنياا خاامده حتى شغالتنا طااسه يامن المهيد ونا الحين بالحاالي
ريضين يجون هالحواال ..

[بحر الهناء]

مسسسسسسسسسسسستحيل اكون بالبيت لحالي ....كان يطلع براسسسي نخل من الخوف
:eek5:eek5:eek5:eek5:eek5
اخاف من ظلالي .....لازم معي احد بالبيت.

[الأميرة]

الصراحه قمة الونااااسه لصرت لوحدي في البيت باالعربي أعشق الوحده 0000
الصراحه انا اهلي من النوع الفيلسوف اللي يرفظ الشي لكن انا مالقيهم وجه يعني ماخلي لهم مجل 000
حاليآ انا جالسه لوحدي باالبيت 000
لكن والله احس بلذه ومتعة الوحده 000
لكن اللياتعجب منه ايش البنت ممنوع تجلس لحالهاااا وش العقد النفسيه اللي باالمجتمع ؟؟!

[pink touch]

مستحيل أجلس لحالي

يا أختي الدنيا تخوف والله ..!


وبالنسبة للأهل اللي يتركون بناتهم نايمين ويطلعون

ماينفع الله يستر لو انا بمكانهم كن أموت من الخوف

تخيلي أقوم من النوم والبيت مافيه أحد يمه أخاف !!!

خصوصا النايم خطر والله لويحلم حلم شين ويقوم واااو أنوا ع الخوف .

وأمي ماترضى أجلس لحالي ..

بعض الأحيان نجلس انا وخواتي أصغر مني وقريباتي 3 أو 4 بس قليل جدا ..


صحيح أحيانا يكون عندك امتحانات أو مالك نفس بالطلعه

بس ماينفع تجلسي لحالك تروحي أحد قريب لك او يجي لك أحد ..!

أما المتزوجه فحالــة خاصه الشكوى لله :d وش تسوي !!

تقضي شغلاتها وتورد على نفسها وتتصل بزوجها ..!

خصوصا ان أغلب المتزوجات يكونون ساكنين شقق أو دور فوقي

يعني ان شاء الله ماعليها خوف !

أما اللي ساكنه بيت كبير فغالبا يكون عندها أطفال وماتخاف ..!


مشكورة حبيبتي نجديـــــــــة .

[الام الحنون 8]

الموضوع حلوو بس

البنت ميصلح تجالس لوحده

يسبب فرغ عنده وتبدا اتفكيررر

لان الشطان شطررر

والله يحفظ بنت المسلمين

ودمتي0000000000000000000000

[هذيان حلم]

يالغلا

انا اشوف جلسة البنت بلحالة ماله داعي

والدنيا تخوف والشيطان حريص

وغير كذا ترا الجلسة والوحده تجيب الامراض النفسيه والوسوسة وانتبهي لنفسك تكثرين جلوس بالبيت

وانا اقولك ياما راح تجلسين بلحالك لاتزوجتي:)

فاحرصي على الطلعه من الحين :)

عاد انا شخصيا امووووت على الطلعه اي احد يبي يروح لشي ويبي مرافق اقول موافقه بدون سؤال خخخخخ

والعباية معلاقه بالشماعه مايمديني اشيله خخخخ
والله يستر علينا وعلى جميع المسلمين..

[كتكوته]

والله انا ماأحب البنت تقعد بروحها بالبيت لان الدنيا تخوف..
وصاروا اللي يبون الشر يترصدون
تصدقون مدرس لاخوي سودادني جاي يدرسه بالبيت ويوم طلع الرجال رحمناه واثر سيارته مجطوله من البويب..
تكتن العبره صراحه..
فيه ناس فاضيه ترقب وترصد الله يمحاهم عن الارض ..وبلغ الرجال الشرطه ومن بكرا لقيناه مغرز به بالنفود ومخربه ومفحط فيها وخله على ربك بس..؟؟؟
وصرت اخاف اجلس بروحي..

[شاطى الراحه]

مو دايم

[sooso]

وشدعوااااااااا ..
مرررا عادي اجلس فالبيت لوحدي :)