وش رايكم ياهل بريدة ؟ ابشري سوني 3 ... [الأرشيف]

مشاهدة نسخة كاملة : وش رايكم ياهل بريدة ؟ ابشري سوني 3 ...

أبوأسامة300

7/3/1430 هـ, 01:57 مساءً

عقدت العزم وتوكلت على الله على اني ابشري سوني 3 :41
رحت وسالت عن اسعاره بالمحلات لاحضت ان مدينة السوني ارخص شي بفارق 200 عن اكسترا وغيره لكن كلن يسب مدينة السوني :confused:

العرض الي عند مدينة السوني لـ سوني 3
1- سعره المخفض( 1450 ) .
2- 2 شريط مجانا .
3- يد اصليه مع سلك من غير اليد الي تجي معه .
4- ياخذ السوني الي عندي القديم ( سوني 2) بــ 250 .
5- ضمان سنة .

:d لا تبخلو علينا باقتراحاتكم :d

ẦβǾŨĐỸ

7/3/1430 هـ, 02:12 مساءً

والله شيء

اشره بس وتوكل على الله

بياض الثلجة

7/3/1430 هـ, 02:16 مساءً

عرضهم مرة حلو
ومين اللي يسب مدينة السوني بالعكس اسعارهم وعروضهم مميزة

&اخت رجال&

7/3/1430 هـ, 02:27 مساءً

حميد الحميد

7/3/1430 هـ, 02:44 مساءً

طيب ابفهم وش دخل اخبار بريده

جمـــانه

7/3/1430 هـ, 02:48 مساءً

سلام ....
با العكس مدينة السوني حرامي......... لان حنا نبي نشري يو سبي لوخوي
وقال 1000 ريال ويوم سئلنا محل ثاني بخبيب قال 700 ريال شفتوا الفرق
بس روحوا لمحل ثاني بس ازين من مدينة الحراميه << اقصد السوني

shabab

7/3/1430 هـ, 03:11 مساءً

تبي شوري لاتقرب مدينة السوني <<<اسأل مجرب

أبوأسامة300

7/3/1430 هـ, 03:24 مساءً

انا عيالي شبين على يبونه
وناويه اشريه لهم ويوم شفة العرض حق مدينه السوني الى تقول عليه
جزمت اشتريلهم وياخذون السوني 2
والله عرص مغري
بس ايش صناعة
يعني هل هو اصلي ولا تجميع
ياليت تعلمن قبل اعني وروح لهم
تقولنا وش صناعته
مشكور مقدما
شركه وقطع يبانيه تجميع صيني اصلي 100%
طيب ابفهم وش دخل اخبار بريده
طيب وين احط الموضوع .. بقسم بنت بريده ولا مهرجان الربيع ؟؟ظ
سلام ....
با العكس مدينة السوني حرامي......... لان حنا نبي نشري يو سبي لوخوي
وقال 1000 ريال ويوم سئلنا محل ثاني بخبيب قال 700 ريال شفتوا الفرق
بس روحوا لمحل ثاني بس ازين من مدينة الحراميه << اقصد السوني
انا نفس الشي حصل لي ابشري مسجل سياره عنده 760 وعند غيره 650 لكن اسعاره للبلاستيشن اشرطه , يدين , تخزينه ممتازه جدا هذ شوف عيني

خان

7/3/1430 هـ, 05:45 مساءً

عالم السوني حرامي بالأشرطة

شريط السوني عند غيرة 200 وتحت وعنده 230 وفوق

وين حنا به

مشـآكـس

8/3/1430 هـ, 02:01 صباحاً

طيب ابفهم وش دخل اخبار بريده

:eek::41:d: 12

YAAZEED319

8/3/1430 هـ, 08:40 صباحاً

هههههههههه خيو ان ماجازلك السوني بعدين اسمعه مب سوني ؟
اسمه بلاي ستيشن ياحبيل قلبك المضيع
بعدين ان ماجازلك عادي تعطين اياه هديه عربون محبه

أبوأسامة300

8/3/1430 هـ, 02:45 مساءً

هههههههههه خيو ان ماجازلك السوني بعدين اسمعه مب سوني ؟
اسمه بلاي ستيشن ياحبيل قلبك المضيع
بعدين ان ماجازلك عادي تعطين اياه هديه عربون محبه

ياخي لا تدقق كلها واحد .
ابشر من عيوني اذا ما جازلي ابعطيك اياه ...

علي ابن صالح

8/3/1430 هـ, 07:10 مساءً

لا اخواني مانقوول حرامي نقوول رافع سعره شوي

ونا عندي وشاري من مدينه السوني بس قله ابي يشغل كــــــل الاشرطه وهوصحيح يفرق عن غيره بالاشرطه ..اغلى.. ولا كن نفس الجهااز يكون .. ارخص .. من غيره

وسمعت ان اللي عندهـ الضمير يعود على مدينه السوني ايماراتيات مب اصلياات مع اني شاري منه

العميل للاتي

9/3/1430 هـ, 12:45 صباحاً

أقول ان عيبه لم تلعب كوره تشوف الشاشه كانها تتحرك فوق وتحت
وبعدين انا لعبت في شريط كوره بطي جدا جدا وممل في لعب الكوره
اما الاشرطه الاخرى لااعلم

أبوأسامة300

9/3/1430 هـ, 01:18 صباحاً

ياجماعة تراي شريت اليوم << باركو لي
لكن موب من مدينة السوني من العمار وسعره بـ 1529 ويتميز بانه معه يد اصليه لا سلكيه وسعر اليد الاصليه
الا سلكيه بـ200 .. يعني الي يبي يشري يشري من العمار .. وشكرا ..

جمـــانه

9/3/1430 هـ, 01:38 صباحاً

مــــــــــــبروك..
الله يعطيك خيره ويبعد عنك شره

أبــو بــدر

9/3/1430 هـ, 01:48 صباحاً

للمعلوميه..! سوني 3 انواع يختلف من صناعه لاخرى وسعة التخزين وكذلك الضمان بالاضافه امكانية تشغيل الالعاب(الالعاب له انواع) وعلى فكره فيه سوني 3 بالفين وزود وفيه على قولك بالف وخمس.. وعلى العموم الله يوفقك والمارين على الرد واللي مامروا... ومبروك على الجهاز انصحك بحرامي السيارات مايمل

عبووود

9/3/1430 هـ, 03:10 صباحاً

والله انا اقول

كلن ينام على الجنب اللي يريحه

والجنب اللي يريحن هومدينة السوني في بعض الاغراض من عندهم وبعض الاغراض من عند غيرهم ازين

رأي وليس اقتراح

حنشول

9/3/1430 هـ, 03:14 صباحاً

ياجماعه انا عندي سوني 2
وش الفرق بينه وبين 3
غير اسعروش عرض
مدينه السوني تبديل
وكم يصير حسابه كامل
مع التبديل وكل قشه
اعذرون على الاطاله
تحياتي لكم

روح تحتضر

9/3/1430 هـ, 04:02 صباحاً

الله يخلف عليك عقلك بس

ام الزلمات

9/3/1430 هـ, 04:04 صباحاً

شباب الغرب
يصنعون النووي وياصلون القمر
وانتم للحين تلعبون سوني

FUNOoOoOoN

9/3/1430 هـ, 06:21 صباحاً

أخوي لا تقرب البلاستيشن 3
لاتشري إلإ x box x360
لأنه البلاستيشن 3 أشرطة من 250ريال وفوق و ‏x box x360 ب15 ريال وألأشرطة نفس الأشرطة

حنشول

9/3/1430 هـ, 08:29 صباحاً

888888888888
اخوي كم سعره وش الفرق بينه وين سوني 3
مشكووووووووووووووووووووووووووووووووووووور

حـنيت

9/3/1430 هـ, 09:05 صباحاً

انا اخواني شروهـ .. بالعطلهـ ..

الطويله

لكن تصدقون بالله عجزت احبه ..

ما أدري ليه

احسن ما به الكورهـ ..

والله يوفقك ..

YAAZEED319

9/3/1430 هـ, 09:07 صباحاً

أقول ان عيبه لم تلعب كوره تشوف الشاشه كانها تتحرك فوق وتحت
وبعدين انا لعبت في شريط كوره بطي جدا جدا وممل في لعب الكوره
اما الاشرطه الاخرى لااعلم

غلطان انا واخوك بكلامك
الكورة ازين من بلاي تيشن 2 للمعلوميه

عبدالله @ الشهري

9/3/1430 هـ, 09:12 صباحاً

ليش ما تشتري

اكس بوكس
مايكروسوفت

فارس بريدهـ

9/3/1430 هـ, 03:27 مساءً

سلام ....
با العكس مدينة السوني حرامي......... لان حنا نبي نشري يو سبي لوخوي
وقال 1000 ريال ويوم سئلنا محل ثاني بخبيب قال 700 ريال شفتوا الفرق
بس روحوا لمحل ثاني بس ازين من مدينة هالحراميه << اقصد السوني

البي اس بي فيه نوعين نوع مبرمج نوع مو مبرمج والي مبرمج اغلى يكون سعره1000 ريال لان الي مبرمج يشتغل على الذاكره وتقدر تحميل في العاب على الذاكره
اما الي غير مبرمج يكون سعرهب 700 ولا يشتغل على الذااكره بس على الاشرطه والاشرطه غاليه سعرها وتوصل الى 150 ريال

ღ.. متآبع بصمت ..ღ

9/3/1430 هـ, 03:49 مساءً

والله مالي خبرة بذولي

ولو سمحت حط الموضوع بتقنية حديثة

سليل المجد

9/3/1430 هـ, 06:02 مساءً

اشوف ابو عمار مسوين تخفيضاااااات