قصيمي إنولدت وعشت بالخبر

[متكبر]

السلام عليكم
مساكم الله بالخير
أنا عضو جديد ....
أنا قصيمي إنولدت وعشت بالخبر(لأن خوالي مو من القصيم بل من الشرقية والظاهر الوالد يحب أمي وعاش قريب من أهلها .. بس والله أمي وخوالي يستاهلون))) وللأسف ما أعرف القصيم بالشكل المطلوب !!!!! وشاء الله إني أعمل فيها بالتكليف لمدة 6 شهور و 17 يوم وداومت ببريدة من السبت اللي راح19/2/
لذلك دخلت النت وسويت إشتراك بموقع بريدة ستي عشان أستفسر منكم عن بعض المعلومات اللي تجهلني واحتاجها خلال تواجدي بالمنطقة(الله يعينكم علي أنا واسئلتي) ... ولكم مني جزيل الشكر

سؤالي الأول
وش أفضل ثلاث كافيهات ؟ وياليت الهادي ... واللي فيه جرايد.... والنت مو مهم عندي لاني مستأجر شقة فيها نت طول الوقت ... وياليت مايكون فيه تليفزيون عشان أظمن يكون هادي(وادري طلبت صعب)
بجد أنا تعبت من الدوام والنوووووم ... لدرجة إني بودي أداوم طول اليوم .. لاني إذا طلعت من الدوام أروح للشقة وأناااام ... طبعا ما أدري وش أسوي ... والوقت قصير ولا كان جبت زوجتي .. لا سيما إنها تدرس بالكلية وهذا يخليني أقول ياولد ما يمدي ...

[الواقعي 9]

حياك الله
والنعم بك وبخوالك
وابشر بسعدك ان شاء الله
الحين يجونك القروم والذيابة ويعطونك اللي تبي
انا مالي ببريدة كثير لكن ادل به شوي
امسك طريق الملك عبدالله وفيه اكثر من كفي
وكل واحد احلى من الثاني
لكن والله ما اعرف اساميهم زين

[A N A S]

اللي على البال الآن ( بريك كافي ، فن جن كيف )

وإذا ذكرت شئ كتبته هنا :)

[بولوهي]

وفيه كفيات كثيره مرره
زي ما قال اللي فوقي راد
فن جن كيف بس تراه يكد شوي
عندك جود اللي عند اشارت المحكمه . وعندك د.كيف

[اخو دريحم]

متكبر الله لايهينك

مادام إنك من أهل الشرقية

ابسألك توصفلي مستشفى المانع في الشرقية

عندهم دكتور عيون ويعالج باليزك وهو ممتاز

5500 ريال من دون الكشفية

ويعطي اجازة شهر كامل

[(((abo saleh)))]

ابشر يسنايدي حياك الله بين اخوانك
الحقيقة فيه (فنجان كيف) على طريق الملك عبدالله شمال ادارة الاحوال المدنية
وفيه (استاذ القهوة) على طريق الملك عبدالله غرب عماير الراجحي ولكم تحياتي ,,,,,

[أمير القوافي]

يهلا فيك العشى عندي الليله وش قلت

[عزوبي محترف]

تكفى شف كوفي الابراج اللي بطريق الملك عبدالله بجنب سامره والله العيال يمدحونه وانا والله ماشفته الا مره وحده وماركزت فيه زين بس انطباعي الاول انه زين ويفتح النفس بس والله عن كلام العيال انه زين مره وفيه ناس تجلس فيه اذا انها جابت اهلها للنخيل يعني اللي مو من بريدة اقصد من المحافظات القريبه

[abo-saly]

بريك كافي طريق الشاحنات
فن جن كيف بجانب فندق موفنبيك
ستي كافيه بجانب جامع الراجحي
الابراج طريق الملك عبدالله مقابل النخيل بلازا
هذه الي أذكره ..!

تحياتي

abo-sally

[مهب الريح]

إذا تبي الكافيهات



فيه الأبراج طريق الملك عبدالله بجوار سامرة



فيه كوفي جود رائع جدا بجانب الإشارة الخماسية امام محلات الهبدان



فيه فن جن كيف يوجد بجانب فندق موفنبيك بالتحديد بمجمع بريدة إفنيو

[الزعفرانه]

بريك كاافي ...........

استاذ القهووه ...........

فن جن كيف ...........

هذولي الكافياات ......

[اجمل احساس**]

وعليكم السلام..

اذكر فيه كافي حول النخيل بوه شكل واحد فاتح اثمه ومطلع ألسانوه لونه احمر..
اذا صار النخيل على يمينك صار هو يسار قبل الدوار
وعاد لا احد يلومن هذا وصف البنات...:d

[بريدة دانة العرب]

بريك كوفي على طريق الشاحنات ومافيه تدخين وهادئ راح ترتاح هذا على طريق الشاحنات مقابل باوارث وانت متجه للجنوب

[أم جمانه]

بالتوفيق متكبر

[وحـيــد الـجـزيـرة]

لعل الأخوان يفيدونك

ولا تشيل هم تراك نفسي انا هذاي بالخفجي :)

[الكــــــبسوله]

قلت قصة حياتك كلها علشان مقهى ؟ ههههههههههه


شكلك طيب وعلى نياتك بقوه ..


بالنسبه للمقاهي زي ماتفضلو الاخوان فيه مقاهي كثيره منها فن جن كيف والقهوه العالميه و استاذ القهوه وبريك كافي وستي كافييه وغيرها وبالنسبه للهدوء كلها هاديه ..

وحياة سعيده :)

[بريداوي هايت]

متكبر الله لايهينك

مادام إنك من أهل الشرقية

ابسألك توصفلي مستشفى المانع في الشرقية

عندهم دكتور عيون ويعالج باليزك وهو ممتاز

5500 ريال من دون الكشفية

ويعطي اجازة شهر كامل





خلف ستي ماكس اللي مقابل الواجهه البحريه بالخبر

[نجمة]

السلام عليكم اخي اتمنى انك تغير لقبك لان الكبر لله سبحانة ماعليش لاتزعل

اما بنسبة للكفيات
فاحسن شي بريك كافي

[YAAZEED319]

هههههههه انت قد تعينت بالمنطقه الخطا
تجي من الخبر لبريده الله يالدنيا الناس نهج وانت تجي
بس ازين شي لك انك تدبر لك شي ويقعدونك بمكانك لان بريده ماراح ترتاح فيها لانك ماتعودت

[متكبر]

الواقعي9/بريدة ستي/بولوهي/اخو دريحم/عبدالله/مدافع بريدة/عزوبي محترف/ابوسالي/ناطحة سحاب /الزعفرانة/أجمل إحساس/بريدة دانة العرب/القتيلة
أشكركم جميعا واشكر لكم مروركم
قبل يومين تعرفت على سوري يقولي إنه شغال في مطبعة ... وطلعت وياه البارح لكفي إسمه أستاذ القهوة وبجد حلوو والمهم هاااااادي جدا وبرضه أللوانه هادية بس مشكلته مزحوم بالجلسات ... ولفت نظري شيئ غريب جدا جدا الغريب إن كاونتر الإستقبال كبير جدا(حق فنادق) لكن الأغرب خلف الكاونتر أرفف يوجد عليها علب أشبه ما تكون بالشراب اللي يباع في البارات مع الفارق الكبير لانها عبارة عن علب نكهات للقهوة وبجد الشكل جدا رائع بس بجد صاحب المحل أو القائم فيه جريئ جدا ... وبعدين المدخل والضوء الخافت إضافة للعبوات الخلفية يحسسك إنك مو بالسعودية ... للمعلومية أنا بملاحظتي هذي مو ناقد ...بل أعجبني الكفي واعجبتني الجرأة ... وتقبلوا تحياتي .. واليوم إنشاء الله بطلع أنا وصاحبنا لكفي ثاني وبقولكم مرأياتي عنه ..... (لا يفوتكم ((مرأياتي)) .. ما سميت نفسي متكبر عبث ..هههاااي) والله أمزح مالها دخل .
أخو دريحم أبشر بجاوبك على طلبك بس للمعلومية ما جاوبتني ولا قلت إني ما أعرف .. أمزح معك الحبايب ما قصروا وإنت منهم
سألت عن وصف مستشفى المانع
مستشفى المانع اللي بالخبر طبعا ... هذا على طريق الأمير طلال .. أسهل طريق تقدر تدخل منه عن طريق الكورنيش عند المدخل حق ستي ماكس بعد ما تسوي يوتيرن من إشارة المرديان أو يسمونها تقاطع الببسي مع الكورنيش ... وللمعلومية تراني دقيت على زوجتي وخليتها ترسلي رقم المستشفى في بطاقة أعمال لانه مخزن عندها وخذ هذا هو الرقم حق المستشفى 8987000

[متكبر]

وحيد الجزيرة / أشكرك على مرورك
الكبسولة / تقولي إني قلت قصة حياتي عشان مقهى !!! معليش أنا طبيعتي ما أحب الإختصار واحب القرق
تقولي شكلي طيب !!! إذا هي مدح فنعم صحيح وإذا هي ذم أتمنى تكوني غلطانة .. بس لا يغرك كلامي تراني أعني مابين السطووووور .... وبجد أنا دائما يقال عني طيب لكني أنا شخصيا غير مقتنع بذلك وبودي أكون طيب بس مالظاهر أقدر .... وتشكرين على مرورك
نجمة/ أشكرك على ملاحظتك بس للمعلومية المتكبر هو الله ومتكبر هو أنا وذلك باعتباره إسم وليس صفة
يزيد / ما أوافقك على رسالتك بل أخالفك وبقوة ... وبالعكس أصلا أنا جاي مكلف 6 شهور وكان بالإمكان أرفض التكليف بس أنا حااااب ...صحيح إني أشكو من فراااااغ بس مو مشكلة طبيعي تروح لمكان غريب تمر على شيئ زي كذا .....

[تميمي وافتخر]

بريك كفي مافيه تلفزيونات وهادي ومحترمين
فن جن كيف فيه تلفزيون واحد ونفس طريقة بريك كفي وكل الإثنين ممنوع التدخين فيهم

[أبوعبدالملك]

،


حياك الله في بلدك الثاني ..

بلد عمومك..

( د. كيف ) أحلى كوفي شوب بجوار دوار التخصصي مقابل فندق موفنبيك...

.

[ksa.0077]

السلوب مو سلوب شرقاوي شكرا

[‏!مدحدره نحو القمه]

السلوب مو سلوب شرقاوي شكرا

تدري أنك فاضي ..خخخخ

[عبدالله الصالح]

الكلام ما ينفع..

راسلني على الخاص

نقوم بالواجب ... وأعرفك ببريده شارع شارع..

حياك الله ..

لا تتغلى علينا ومسوي نفسك شرقاوي ..

قل تم ولا ترى زعلي يرحل ديره..

انتظرك ..

[باربي بريده]

جووووووووود حلووووووووووووووو وحياك الله ببريده

[متكبر]

أهلين
تميمي/ ابو عبدالملك/ يعطيكم ألف ألف عافية
ksa00077 /// أشكرك على مرورك .... وردي عليك أقولك نعم كلامك صحيح والظاهر أنا معرف بنفسي من موضوعي(قصيمي ........ ) وبعدين وش مشغل بالك ...خلني مو قصيمي ولا شرقاوي ولا نجداوي خلني جنوبي وش مزعجك ؟ المهم يكفيني منك مرورك الكريم واشكرك ألف .
مدحدرة نحو القمة// مو من حقك تردين على ( ksa00077 ) قبل أرد عليه أنا ..... تراني أمزح هذي بوابة مفتوحة للجميع ... كان بودي أكتفي بردك عليه بس معليش كأن أسلوبك عليه قوي شوي وقلت بلطف الجو شوي ..
db2000 صدقني كلامك هذا أصبح نادر الأيام هذي .... يعني لما تقول لأحد مثل كلامك هذا يقول الطرف الثاني بنفسه وش يبغى هذا أكيد عنده شيئ ما لزم علي عبث ... فلك مني ومن حاتم الطائي ألف ألف ألف ألف ( تحية وشكر)
بس بسألك سؤال .. أنا قاعد أشوف الصورة .. بقالة الشماسية لبيع قطع غيار السيارات !!! كيف يصير كذا ؟؟؟
باربي بريدة// تقولين (جووووووووود حلووووووووووووووو وحياك الله ببريده) وش تقصدين ؟؟ حياك الله ببريده مفهومة بس اللي قبلها ما فهمتها ومعليش تراني كثير ما أدلخ ...

[خواش]

هلابك والله

مع اني منب من بريده ولا اعرف اغلب القهاوي

انصحك تسجل بنادي اذا عندك فراغ ويضيق صدرك

واذا تبي توصيف النادي ببريده حاضرين

[فهد التميمي]

الله يعينك
مشاكل

[متكبر]

سلاااااااااااااام
خواش//
فهد التميمي//
أشكركما على المرور وبالنسبة للنادي كلامك ممتاز وبجد ذكرتني وياليت تقولي عن أفضل النوادي الموجودة ... وياليت المسبح يكون حلووووووووووو لأني للاسف رياضة السباحة هي فقط من تسيطر على رغبتي وبقوة جامحة ... وإذا يحصل بلياردو.... وبولنق ... بس المهم السباحة قبلهم كلهم

[متكبر]

السلاااااام على الجميع
أستأذن حضراتكم لمدة يومين لأني مسافر... وعلى السبت نتواصل ..
وبالتوفيق

[خواش]

يوجد نادي مادري هو جنب او فوق شركة الاتصالات السعوديه وموبايلي

بالضبط خلف عمو حمزه

بس مادري هو بوه مسبح ولالا


وايضا بشارع خضيرا

تحياتي لك وتوصل بالسلامه

[حـنيت]

اتمنى يكون الموجودين فادووك ..!

[مدرسة أهلية]

اخو دريحم
فيه الكحال ازين من المانع لعمليات العيون

راعي الشرقية الحال من بعضه انا مولود وعايش بالدمام بس الفرق اني برجع القصيم على طول

اتمنى لك التوفيق

[اخو دريحم]

اخو دريحم
فيه الكحال ازين من المانع لعمليات العيون

راعي الشرقية الحال من بعضه انا مولود وعايش بالدمام بس الفرق اني برجع القصيم على طول

اتمنى لك التوفيق

مدرسة اهلية

قصدك الكحل أنت من بريدة وتسمي الكحل (اكحال )

واسمه بالعربي الاثمد

[ρίє¢є Όƒ Сђoсoζάtє]

ياحظك ببريده واهلها صدق انت محظوظ واكيد الوالده داعيتن لك
شف ياخوي بريده يوم ونص الا انت حافظه ان شاء الله طعيمه هالبريده
وبالنسبه للكافيات والله مادري ماعندي خبره ابدن تبي مطاعم اقدر افيدك
بالتوفيق..رحله طيبه

[موكاتشينو]

حيــــــــــــــــــــــــــــــــــــــــــــــــ ـــــــــــــــاكـــــ اللــــــــــــــــــــــــــه

[متكبر]

ملفعة بنات بريدة وش دعوى هذي قدسية ...!!!!!!!!!!!!!!! ؟خليتيها الحرم المكي الشريف على غفلة ... ماهو إقلال منها لكن !!! الزود مهب .... تدرون آآآآآآسف صح كلامك .... أدري إني بتلفع لو كملت ؟؟

[على بالي]

أخـــــــــــــــــــوي فيه كفي يحبه قلبك هــــادي جدأ ورمنسي وسرعت النت عندهـ 5 قيقا
أمسك الدائري من الجنوب يجيك خط الرياض أمش 310 كيلو وتحصل علي يمينك وراء الفيصلية
يحبه قلبك بس أنت رح لمه .

ــ أتمني لـك إقامة سعيدة في ربوع بريدة عرووس نجد وترجع لهلك سالماً غــانم ــ

[على بالي]

أخـــــــــــــــــــوي فيه كفي يحبه قلبك هــــادي جدأ ورمنسي وسرعت النت عندهـ 5 قيقا
الوصف :
أمسك الدائري من الجنوب يجيك خط الرياض أمش 310 كيلو وتحصله علي يسراك وراء الفيصلية
يحبه قلبك بس أنت رح لمه .


ــ أتمني لـك إقامة سعيدة في ربوع بريدة عرووس نجد وترجع لهلك سالماً غــانم ــ