وش الحل؟؟

[سحابة]

يا جماعة الخير وش الحل؟؟؟
مشكلة تواجهني و تواجه كثير من الشباب بكشتات البر خصوصا اذا كانت الكشتة طويلة (أيام مثلا)>>>طالت المقدمة صح؟:099:
المشكلة هي المغص اللي مايجي الا بالكشتات
بالبيت البطن مضبوط مابه الا العافية ؛؛؛؛اذا جت الكشتة الله لايوريك <امساك , أصوات داخل البطن ,....>
ياأهل الخبرة وش رايكم؟ وش الأسباب ؟ وش الحل ؟

[عاشق الهارموني]

والله حتى انا مثلك مادري ليش

[المستشار]

المشكلة هي إما من كثرة الدهون بالطبخ ..
أو أننا نبلا ببعض المرات بواحد طبخه لك عليه ،، فيحوس لك الباطنية حوس
و لا تنسى إنك بالبر عادة تنسى إيديك ، و تبتل ترفع من هالنعم ..

و الحل .. !
هو الشاهي الأخضر [ بدون سكر ] بعد تناول أي وجبة دسمة بساعة تقريبا ً..
يسلت لك جميع الدهون من البطن ، و أيضا ً النعناع و أيضا ً الزنجبيل ..
لكن أقواها على الإطلاق ( الشاي الأخضر ) ..

و أسأل مجرب و لا تسأل قرناس <------ يا حول يا قرناس :)

[أبوراشد]

السبب الشاهي بعد الأكل مباشره

,,,

[وحـيــد الـجـزيـرة]

عليك بأكل البصل واااجد :41

للي به امساك ولا يحس انه يبي يستفرغ :s


جربته وحده بوحده : 12

[قرناس]

إضافة الى ماقال الزيبان أبومحمد ,,
ركزوا على ( الماء ) لأن بعض الشباب خزانهم هماج
وعند الطبخ ( لاتكثرون البهارات والصلصة ) , وبشكل عام
لاتخربطون واجد لأني اللي اشوفه أن كشتاتنا كله أكل بأكل وبين
كل وجبة ووجبة شابورة وفصفص !
الاقتصار على وجبتين فطور وغشاء شي طيب

[(((abo saleh)))]

لا تاكل اكل واجد ومثل ماقال لا تشرب الشاي بعد الاكل مباشرة

[مفحط بمشايه]

اعطيك وصيه خذ معك صبره وخروع

والله يانت تبي تنبسط مع خوياك