:s

[العابرة]

دائمًا...متأخرة.!:bad

[ 1 ]
من خصالي الكريهة أن شعوري دائمًا يصِل متأخرًا, دائمًا أكون كـ البلهاء في جميع المناسبات.!
لازالت خالتي تذكرني بموقفي حين أخبرتني بزواجها قبل عامين.فـَ نكُر ضاحكين.:113:
أذكـر أني متجهة لهم في الـ7 مساء دخلت لـ غرفتها كـ العادة أنتظرها تطلق تعليقاتها الساخرة كـ:
][ عوذة منّك ما تدرين أن عندي شي ألا طابة علي ][..أو ][ يا كثثثثثثرك بَعد تعالي أمطخين.][
ولكـن صدمتني هذهِ المرة وهي مرتمية على سريرها و النفسيَّة علوووك قبل لـ أفصخ عباتي سألتها عن حالتها
عدلت من " أنبطاحها " وقالت: العابرة أنا بـَ أعرس.!!
قربت لها وأنا أرمي بـَ عباتي في أرضيَّة الغرفة وأترك ضرّبَة قويَّة في ظهرها وَ أقول : أحلى بتصيري أم.!!!!:098:
[ هذا اللي قال وين أذنك قال ذيييك ]
قوة خلينا نفلَّها بـ أقرب مكان.!!!
طلعنا وطوال مشوارنا لم أفتح موضوع الزواج كلَّة كـ : من تعيس الحظ..الحين تقدموا بشكل رسمي أو لا.
يعنيي أسئلة تنصب بالحدث الجلل:113:
ما أستوعبت ألا لما وصلت البيت فتحت المسن لقيتها على غير عادتها غير متصل و حاطة ][ يارب توفقني ][
أذكـر بمجرد ما شفت التوبيك خريتها بُكاء.. [ الصياح ذاك اللي تقولي فيه أوععععع ٍ]
وأذكر أمي سوت تحقيق ذاك اليوم..معذورة فجعتها و1
و الأحداث كثييييييييرة

[ 2 ]

من المؤسف أن تكون أنت والصفر الشمالي تقومان بنفس الدور.!
على كثر أفعالي التي تأتي مُباشرة ألا في المحك تغيب.!!
كثير ما نكون في جلّسَة فـَ تطلب أحداهن بعجل / روج/ عطر / منديل / مشفر / جوال/ إيصالها
فـ أكثر من [ البربرة التي لا داعي لها كما يقول سلطان ] وبعد أن ينشف حلق المسكية التفت لها و بكل وقاحة
وأقول: إيه ترى معي,أو أنا أوصلك..فـَ ترد و كأنها تقول لي وش عقبه.لا خلاص لقيت.!
والله أني في تلك الساعة أتمنى أن الأرض تبتلعي.وأتوعد نفسي بأن المرة القامة سـ أكون أكثر فطّنَة.
وفي كل مناسبة أعيد الكرة وأتوعد نفسي.!!:bad

[ 3 ]

ذات حفلة أرتديت ما أرتديت:113:
فـ قابلتني أحداهن وأبدت أعجابها [ تنّبيه حتى ماتقولون صاحبة هياط هذا لايعني أن لبسي واااو ولكن قالت هذا من باب الذوق لا أكثر ]
...فـَ رددت وبكل دلاخة : من ذوقك.!:023:
بعـد أن استدارت واستدرت وكل منا أتجه شطر حاجته ,وأنا أحداث أخرى أتى شريط الحدث اللي قبل شوي وتذكرت أنه من الذوق أيضًا أن أقول : يفداك.!
ولكـن كـ عادتي الفطنة تأتي متأخرة..وَ متأخرةٍ جدَّاً

[ 4 ]

ذات مرة أتجهت وحيدة لـ بيت خالتي الجديد
فـ ذهب بـ أيدي خاليات ألا من علبة شوكلاة..وهذه العلبة لم أحملها لكون بيتهم جديد وهذي أول مرة أعتب بابهم.
لا ..لا.. شلته معي حتى نحلي فيها المغربيَّة.!
وأذكـر وأنا أخذ فرفرة على بيتهم : هذي من عمتها فلانة..وهذي من جارتهم القديمة..وهذي من بنت خالتي الثانية وهكذا
لحد الحين ما ذكـرت!:094:
رحت لـ بيتنا قالت لي أمي وش شلتي عاد لـ فلانة <-اللي هي بنت خالتي
أمي واثقة أني قاشة العالم له بس تبي تعرف وش الأنواع.:094:
قلت لها وأنا أقلب في الريموت ماشلت شي.!
كشَّت علي أمي وطلعت..ملَّت وهي تذكرني تحاول أكون وحدة فطينة بس بوطبيع.!
بعد ما طلعت أمي فتحت عيوني بقوَّة وقلت صح فشلة.!
حمَّرَ وجهي خجلاً ولكن ما ينفع التحمير هذا.؟!:bad
صحيح هم غطاي ومدري وشو بس ولو أفشَّل.:035:


• هذا الموضوع نزل تحت تأثير الوحدة وحصر أخوتي يعني لا تدققون
• إذا تعرفون نوع من المصاص حلو لا تبخلون لأني هاليومين طايحة فيه بس ما أعرف الزين:113:
• أقلبوه شتّشَتة إذا تبون:113:
• من الشاطر اللي يعرف التنسيق ذااك اللي يخلي البربرة مرتَّبة.<- أبد ما تعقدت:035:

[بسمة تحدي]

هههههههههههههههههه

ياحبيلتس يالعابره

اول رد وناااااااااسه :41

زين انتي يجي متأخر انا بنفس اللحظه ابدأ اخرررررررربط :eek5

يعني دااااايم التعبير الله يهديه خااااينن :eek5:oo

اذا عبرت بشئ استانس وابدأ افكر به :d


تقبلي مروري يالغلا :p

[وَجــِّــدْ ~]

يَآبعَد الدِنيّآ إنتيٌ , لآ يضِيَّق صدْركِ
والله الحَآلْ مِنْ بعَضُه
يَآكِثّر مآأتَوعّد نفَسِيُ , إنْ شَآلله بقُول , وإنْ شَآلله بَأسّويٌ
بَس لآ جِت الصِدقّه ضَيعّت !؟ ;)
عٌمـوماً .. الفِطنَّة وَ سًرعّة البَديّهه فِطَّرهـ إلآهيّه يهَبُهآ مَنْ يشَآءْ



العَـآبِرّهـ ~
مَوضُوع رَآق لِيٌ كثَيراً
دُمتِيٌ بـِ وِدْ http://www.joroh.com/vb/images/smilies/icon26.gif (http://www.joroh.com/vb/images/smilies/icon26.gif)

[*..لــــورا..*]

【*】


وتذكرت أنه من الذوق أيضًا أن أقول : يفداك.!

آآهـ هــذي مشكلتـــي :eek5
آقهـــر قسم بالله مــآآعـرف آصير مثل النــآس
آســلوـوب وذووق ووخري عن
دآآيمــآ وجهــي بالآرض من الفشيــله

العــآآآبــره
موضوعتس خقــآآق الصــرآآحه

:)


【*】

[توولي]

..


ياعمري انتي الحال من بعضه

اشوى اثري موب بس انا اللي ذا >> افهميه عاد:113:











.

[تباشير المطر ~]

العابرة ..

أسلوب رائع وجذاب يجبر على قراة الموضوع حتى النهاية حتى عند الإنشغال ..

حبيبتي الكثير والكثير من الناس يغفل لأنه لم يتوقع مايحدث له

[ ولو كنت أعلم الغيب لستكثرت من الخير ]

ولكن القليل والقليل من يحاسب نفسه فكم أنتي رااائعه عزيزتي بمحاسبتك لنفسك

فالكثير من يركز على أخطأ غيرة وينسى ماذا قال وماذا فعل . . !

ولكن أنتي حبيبتي حاولي وحاااولي وحااولي حتى تتخلصي من هذه [ الغفله ] .. !

فليس هناك شي مستحييل

فا الهمم تُذلل الصعِاب .. !

وفقك الله حبيبتي العآآآابرة دنيا وأخره

امتعتني واضحكتني بأسلوبك وخفة دمك الرائعه ..


...


•

[ح ـايلـــيـة]

وأنا أحداث أخرى أتى شريط الحدث اللي قبل شوي وتذكرت أنه من الذوق أيضًا أن أقول : يفداك.!
إن كنت ما امون عليه أقوله من ذوقتس الله يسلمتس وبس :113:
وإن كنت أمون عليه أقول ماجبتي جديد داريه <- براا :113:

عادي يابنت الحلال وسعي صدرتس ..
كلنا الله يخلف مهناش والإستيعاب صفر والشبكة بس مربع واحد :113: !

• إذا تعرفون نوع من المصاص حلو لا تبخلون لأني هاليومين طايحة فيه بس ما أعرف الزين

إسكتي بس طايحتن به عرض :113:
به نوع احبه مره أعرف شكله مادري وش اسمه :d
أظنه بلوب بلاك أو شي كذا ..
عموما كبير شوي أكبر من الغندور <- قلبت الموضوع :113:

• من الشاطر اللي يعرف التنسيق ذااك اللي يخلي البربرة مرتَّبة.<- أبد ما تعقدت
وشو التلقائي تقصدين ؟ :113:
تلقينه بلوحة التحكم عند تعديل الخيارات :) ,

ودوم أخطمي هيك :113:

[pink touch]

:eek5 :eek5 :eek5

ياحياتي لا يهمك على ماقالوا البنات الحال من بعضه
كلنا مثلك ..!

مايجي الكلام الزين والردود السنعه الا اذا رحت للبيت :bad


كثري لنا من هيك طلعات ;)

[أشيقرية]

ـهههههههههههههههههههههههههههههههههههههـ

وراتس شايلتن هم أنتي :113: ..!
عادي الحال من بعضــه :113: ..

تدرين اننا يا اللي كذا :113: ..
اهون من اللي تقول كلام بـ غير موضعه :(

أعطيك مثال :113: !!!

مره كنت اصب القهوة لـ وحدة من بنات خلق الله :113: ..
يوم مديت لها الفنجال قالت [ يفدا فلانه <- وحده جنبها ] !
واللي جنبها بـ عالم آخر :113: .!
ماعليش مالها موقع من الاعراب :113: !

وعلى قولة حايلية ../..

إن كنت ما امون عليه أقوله من ذوقتس الله يسلمتس وبس
وإن كنت أمون عليه أقول ماجبتي جديد داريه <- براا :113:

ناافس الفووكرااه :113: ..

مثل مره وحده من صديقاتي صادفتها بالملاهي <- سجع :113: -> برا :113: ..
المهم شافت شنطتي وقالت الله مره حلوه ماشاء الله .. قلت لها [ أدري ] <- عادي أموون :113: .!

حايلية .. بلاك -_-" ! فضحتينا :113: <- تشفير :113:

[العابرة]

هلاااااا بسمة.
قولي يا الذكيَّة [ أولي :113: ] كذا يقولون اللي تهمَّهم المراكز الأولى.:113: <- أبد ما قد تقوطرت سعابيله ودَّه تجرَّب لذَّة الأول :037:
يخربط شلون؟!:113:
يعني مثل صاحبتنا اللي بعزاء يوم دخلت تسلم وشافت وحدة مبطية عنه قالت: الله يبارك بهالساعة اللي شفتك به:113:

أنتِ ومرورك ومطافيك كلَّه مقبول عندي.


هلااااا وَجــِّــدْ ~
ماش..ماش أنا أحس أن حالتي غير:113:.حالتي متأزمة يا شيخة
يا بنت الناس حتَّى تعبيري إذا شفت شي ما أقوله, يعني على سبيل المثال نفرة قالت لي عاش من شاف هالوجه تطير عيوني بعدين أقول :
أأ..إه.أأأأ أ و1
وهذا مما لاشك فيه أنه الحرمان العاطفي:113: هو اللي خلاني أفقد التعبير في هذه اللحظة..يعني لو أمي بدال التحبيب اللي تحببن بوه كل صباح تقولي من نوع هالكلام اللي يقوطر عذوبة كان صرت بنتون تعرف التعبير في مثل هذه الحالات.:113: <- أويلاه من يسد خشته يعني ما تقرأ حرفين ألا صاجة الخلق
يا وَجــِّــدْ ~ أنا ترى موب طموحي كبير..يعني إذا قال لي أحد كلمة أصكَّة بـَ بيت شعر أو حكّمَة
لا أبي بس التعبير يكون مع البث مايكون متأخر. : (


تسلمين لي .

[العابرة]

هلااااا *..لــــورا..*
الحال.متأزم...متأزم الله لايعوق بشر..
مايخليك كبر السمسَمه ألا إذا صرتي بـ زواج..عزيمة
زيارة مريض..تفقدين حسيَّة التعبير.!!:035:

الخقَّة أنتِ يا الغلا.


هلاااااا توولي
لا الحمد لله فيه أنا أجسرك:113:



هلاااااا نورة11
لا والله يا قلبي أنا مو من النوع اللي إذا جت تنام تقعد تقول: ياربيه أنا سويت كذا..وأخطيت في كذا
ياليتني منهم
لا أنا دائمًا أشوفن أحسن نفرة بالسعوديَّة.:094: :113:
بالنسبة للمشكلة اللي هي الغفلة فقع الله كرشته
صحيح مع المحاولة الواحد يتحرَّر من مشكلته.
ولا مستحيل مع الإصرار.
بس ذا الإصرار وينه.؟!

الله يسلمك ويرفع قدرك.

[العابرة]

هلااااااااااااااااااااا ح ـايلـــيـة
اللي تمونين عليه حصل خير بس اللي ماتموني عليها بالمرَّة
وتنّشَب بحلقك كل ما تشوفك تقعد تقول من هالكيلام على قولتك..أن شاء الله لو تقول ثوبك شين هنا بعد أصير:o
تلخبط الفيوز عندي وأعجز أعبَّر.!

إسكتي بس طايحتن به عرض:113:
به نوع احبه مره أعرف شكله مادري وش اسمه:d
أظنه بلوب بلاك أو شي كذا ..
عموما كبير شوي أكبر من الغندور <- قلبت الموضوع:113:
وشسمه ذا الحال من بعضه زاد من كثر أني أكل ولا أعرف أسمه البقالة بدل ماتكون فل من المنتجات صايرة فل من قراطيسي:113:
بس تعالي على طاري غندور صاير الجديد مهناش طعم:113:
الأول اللي قرطاسه ورديَّة هو أطلق بس أختفى :(
و المصاص اللي تقصدين هو اللي يجي بأول شي حااااامض <- أبو التوصيف اللي تعرفونه:113:

وشو التلقائي تقصدين ؟ :113:
تلقينه بلوحة التحكم عند تعديل الخيارات :)

لوحة التحكم ..؟! تصدقين صرت أحس لوحة التحكم مثل أمريكا كل شي تسويه.:113:
لا غلط عليك مو التنسيق هذا اللي الحين كل النفرات مسوينه
أقصد هنا (http://www.awlup.com/up5/get-2-2009-1ei7cfil.jpg)طبعًا لا أحد يدقق تراي أخذته عشوائي[/COLOR]

أقول شرايك نفتح العليان:113:
صرنا خبرة بكل شي.
ألا على طاري الخبرة..هذا السؤال لك ولكل من بقلبه رحمه..وأراد فعل خير وجمع قلبين بالحلال.<-:113:
أذكـر قديم..قدييييم يعني من يوم السعودية عبسة
أذكر فيه شوكلاه أسمه أن كنت مو غلطانة [ غندر ]
شكله قريب لـ حلاو التوفي ذاااك اللي قرطاسته أحمر بـ ذهبي
بس الفرق هو شوكلا واللي جواه توفي سايح...أووووف ياهو عذاب بعد
اللي بـ أصل له ماقد شفتوه : (

[العابرة]

هلااااااا pink touch
معي علم أنهن كلهن مثلي:113:
طيب وش الحل مع هالعلَّة..قسم احس وجه النفرة اللي قدامي دائمًا كذا [ :113: ] تكلم بشي همن أديور به لـ أقصى الشمال.:×



هلااااااااااااااا أشيقرية
لا أنا ما شلت هم.أخاف بعد يزوَّد وزني فوق على زوده:113: أنا بس حزينة أووووي على ما أصابني.:113:
من ناحية أهون من اللي تقول كلام موب وقته أبد فـَ هو أهون
أجل يفدا فلانة وأنتِ وين رحتي.ههههههههههههههههههههههههههههههههه
طيب خوذي هذي وحدة عندهم عزيمة كبيرة وهالعزيمة قايمة على ناس أول مرة تشوفهم:113: <- أزين للفشلة
عاد وهي مسوية روحة سنعة وما أتكلت على أحد راحت هي تقدم لهم الحلى فـ قالت له الأم [ والأم لسى صغيرة وسنعة يعني أهم شي تسمع :113: ]
الله يجزاك خير
ردت المسكينة كانت تبي تقول [ شرفتوا ولا كلفتوا ] قالت كلفتووووو
عاد حنا للحين ماسكين عليه نقول مقطعات قلبك الفلوس وهن يروحن لـ حقين الحلى :113:

فوكرة حايلية فوكرة خطيرة...بس دائمًا أصير بموقف لا أُحسد عليه مثل أحد توه جاي من سفر أو أحد توه طالع من مستشفى.:113:
هنا ...الخبط بــ أبو..أبو الكلام..
مشاعري أحسه عنده أضطراب:113: <- سامعة هالكلمة ولاتدري وين تحط

مثل مره وحده من صديقاتي صادفتها بالملاهي <- سجع-> :113: برا :113:..
المهم شافت شنطتي وقالت الله مره حلوه ماشاء الله .. قلت لها [ أدري ] <- عادي أموون :113:.!

سجع:113: أبد مالعب بـك أبو أبو الشعر الشعبي:113:
صديقاتك..قرايبك كثير يكونون ستر وطباقة لك..بس المشكلة وأبو المشكلة إذا صرتي أول مرة تشوفينهم / ماتمونين عليهم: (

[هايين]

مدهشه ايتها العابره

عادي الي بخاطرك قوليه وفضفضي

قبل ينتهي الحصار

اما الفطنه خوذي وخلي

نو بربلم عاد وشي انتي ترجمي

شكرالك

[كنز الألوان]

ههههههههههههههههههههههههههههههههه
كلكم نفس الشيء(سمسم سواء)


لا أنــــــــــــــــــــــــــــــــــــــــــــــــ ـــــــا وأعوز باالله من كلمه أنــــــــــــــــــــــــــــــــــــــــــــــــ ــــــــــــــــــا

أردى منكن


قبل أيام قالتلي وحده مبروووووووك\..........(عشاني عطلت)
قلتله : هاه ايه

(وشلون تجي مادري)



شكريات على الموضوع الي وضحلي إنه به أحد مثلي

[أراسيل سلمان]

جـــــــــل من لا يغفل ولا يسهو ولا ينســـــــــــــــــى.!
كلنا مثلـك وأردى بعــد (ابتسامـة)
لا تدقق ياجميـل

[BU7OOR]

والله انك مفههيه :090:

ياختي عادي تصير بأرقى العوايل :113:


تدرين عاد انا اكب ابوين العشا شي مناسب وشي ماله دخل بس على المستمع ان يختار الإجابة الصحيحة :113: !


‏*‏ مرة وحده بالمدرسة قالت لي : تهبلين بحور:080: !
وش قلت له :113:
وه الله يسلمك انت أهبل وأهبل :023: ! <~ :113:

المشكله كنا ننزل بالدرج إلا وطالعات لنا معلمتين هع ودي بس يعرفن ان استهبل :113:



اتمنى ان تصلح شبكاتنا عاجلا،

دمتي :080:

[ما تَهَاب]

ياحبي لك يالعابرة:107:

عادي كلنا تجينا هالحالة بس اهم شي الأخلاق<<خاشة عرض:cool:..


اشين شي عندي اذا أحد قال لي مشتاقين وقلت "الله يسلمك" والله ياانا اتفشل احس اني بزر ساعتها:bad ..

انتِ اهون مني,,,
انا مشكلتي العويصة "استغفر الله" اني ماأعرف اجامل واذا الله قدّر علي وتميلحت وجاملت يبين علي وهـ بس والله اني احياناً ودي اجامل بس اقول وشوله اتعب نفسي وانا بيبين علي اسكت ابرك:oo ..<<فضفضة:p ..



[ يبي لنا نستضيف طارق الحبيب فيذا...;) ]

[ح ـايلـــيـة]

بس تعالي على طاري غندور صاير الجديد مهناش طعم
الأول اللي قرطاسه ورديَّة هو أطلق بس أختفى
و المصاص اللي تقصدين هو اللي يجي بأول شي حااااامض <- أبو التوصيف اللي تعرفونه

غندو وع خرب من تالي أتركيه :113:
إيواااه هذا هو وه بيقنن :023: ولونه أسود :d

أقول شرايك نفتح العليان
صرنا خبرة بكل شي.
ألا على طاري الخبرة..هذا السؤال لك ولكل من بقلبه رحمه..وأراد فعل خير وجمع قلبين بالحلال.<-
أذكـر قديم..قدييييم يعني من يوم السعودية عبسة
أذكر فيه شوكلاه أسمه أن كنت مو غلطانة [ غندر ]
شكله قريب لـ حلاو التوفي ذاااك اللي قرطاسته أحمر بـ ذهبي
بس الفرق هو شوكلا واللي جواه توفي سايح...أووووف ياهو عذاب بعد
اللي بـ أصل له ماقد شفتوه :

وش عليانه نفتح بنده أصرف :113: .. حاقرتنا أنتِ وخشتس :113: ..
لا ما أعرفه .. كانتس لقيتي كت كات اللي بقصدير علمين وين هو به <-بقاله مب موضوع :113: ..

حايلية .. بلاك -_-" ! فضحتينا <- تشفير
أُص محد إنتبه :113:

المهم حاولي تحطين ورقه وتسجلين به ملاحظاتس على روحتس ..
ولصقيه بالمرايه عشان كل مره تشوفين كشرتس تقرينه وتثبت بذهنتس ماتنيسن
<- من يقول إن آخر سطرين عشان ما يقولون رد خارج الموضوع : )
<- من بيقول غيرتس :113: !