مهزلة إسمها: الشام شامك...!

[جحا]

بسم الله الرحمن الرحيم

السلامُ عليكم ورحمة الله وبركاته


مساكم الله بالــ نور.. والــ سرور..


تطمنوا يارواااد الــ مطعم الـ مسمى بــ: ( الشام شامك )

تراني مالقيت فيه لا حشرة.. ولا قذارة.. ولا ولا ولا..


وليعلم الـ جميع أنني لم أكتب هذا الــ موضوع حُباً للـ إنتقاد الذي أصبح سمةً وظاهرة من ظواهر شباب بريدة..

ولم أكتبه حقداً على مطعم.. أصبح من أفضل مطاعم مدينة بريدة ( حسب رأي المعجبين به ) .!


طبعاً أمس الـ ثلاثاء طلعت أنا و2 من عيال عمي نتعشى..

وين نتعشى وين نتعشى وين نتعشى..؟

ماكدونالدز..؟ لالالالالا مقاطعة مقاطعة..

كنتاكي..؟ لا آولاهـ ،، يبغى لك 3 ايام تعصر بطنك من الــ آلام..

هرفي..؟ حامت كبودنا منه..

داجن..؟ نقز مررررررر.. وبدا يعطينا مجاني من كثر ما نروووح له..

كودو..؟ ما انزنقنا قبل آذان الــ فجر ولا حصلنا مطعم إلا هو علشان ندخله.. تونا بدري الــ ساعـ 10..

وين وين وين..؟


أنا وواحد من عيال عمي ما قد جربنا الــ شام شامك..

واحد مننا قد جربه.. وقال:

سرينا له..


أدري بــ ينقز ملقوف ويقول:

ورا ما تعشى بــ بيتكم.. وطبخ الــ والدة ووو.. وهلم جرررى من سواليف عام 1400هـ..

أحيان تضطر تاكل برى.. لــ أي سبب..



طبعاً دخلنا..

وكل واحد منكم يفرد اصابعه ويبدأ يعد معي حومة الــ كبد..

طبعاً هذا يقاله من أفضل الــ مطاعم عندنا بــ بريدة.. :41

طبخاً ، ونظافة ، وديكور ، وووو...


1- دخلنا ولا أحد عبرنا من موظفين الـ مطعم.. واللي أعرفه إن المقاصف وهي مقاصف إذا دخلت ركض العامل وجلس يمسح بالطاولة ويسحب لك الــ كرسي.. ( مسوي متحمس الــ عامل )
نمشي هالــ شئ..

2- والله يا جماعة يقومون الناس من الــ طاولة.. تجلس وسخة بــ أكلهم وخرابيطهم..

أليس منكم رجل رشيد يجي يمسح..

يعني لازم أجلس واتقبل بقايا أكل ناس..

وتحوم كبدي قبل آكل..

يعني أبجديات مطعم.. ( يقوم زبون ) تركض يالعامل تمسح طاولته ،، أحتراماً لــ غيرهـ..

لكن مع الــ أسف..



3- جاك اللي يمسح الــ طاولة..

أندونيسي ومتزكرت..

ووينه عند روووحه..

يوم جلس ينظف ،، وقرب من عندي.. يوم هب الــ نسناس ( عرق إبط ) الله لا يبلانا ،،، ;)

هههههههههههههههههههههههه وش انا مزين بــ ذاك الــ يوم علشان أنبلي بوهـ.. :eek5

ومتحمس الــ إندونيسي يمسح ويهبهب من هالــ روايح..

أنا تسان أشك بــ عيال عمي.. بس كل ما قرب لي زادت الــ ريحة..

وتأكدت وجزمت.. حتى عيال عمي لاحظوا..

مشوا الــ موضوع.. لا تدققون..


طبعاً طاولة طول بــ عرض ما فيها إلا منيو واحد ( قائمة طلبات وحدة ) نتهاوش عليها..

جاء اللي ياخذ الطلب ووقف فوق روووسنا...

قسم بــ الله أنواااع شينة الــ نفس..

شنب.. ومعبس ، ويزفر.. قسم بالله لو معي كوبون عشاء مجاني ما عاملنا بهالــ أسلوب..

ترا معنا فلوس ( إوالله ) ،، وراوهـ علينا..

وحنا نختار ونتقنى الــ طلبات ،، وهو يقول:

شو طلبكوووم..؟ شو طلبكوووم..؟ شو طلبكوووم..؟ بتل يعيدهـ.. حامت تسبدي.. قام يهوووش آخر شئ..

نعنبوا ابليسك وراك حاقرنا.. ما جزنا لك..!

لحى.. وشنبات ،، وطول وعرض.. والــ سوري مصمم على الــ نرفزة..


طلبنا..



ههههههههههههههههههههههههههههههههههههههه أول مرررررررة أشوف مطعم يجيب لك طلبك بالــ تقسيط..

يا ناس الــ مقصف وهو مقصف ما يعطيك سندوتشة قبل سندوتشة.. يمدهن لك جميع..

والشام شامك يجيب صحن فخار.. بعدوهـ بــ ربع ساعة.. صحن كباب.. 5 دقايق صحن رز.. دقيقتين يجيك حمص..

هههههههههههههههههههههههههههه وداهية الدواهي نطلب صحن بطاطس يقول ما فيه..

ههههههههههههههههههههههههههههههههه أخزاك ربي خياط الملابس لو توقف عندوهـ وتقول أبي صحن بطاطس عطاك.. فما بالك بــ مطعم مشاوي..

ما علينا.. طبعاً الــ كبة مافيه..

ترى الــ ساعة 10 بالــ ليل.. يعني أفضل وقت..


ههههههههههههههههههههههههههههههههههههههههه هههههههههههههههههههههههههههه شلون يجيب الــ طلب خوينا..

يوقف بــ نص الــ صالة ويقول: مين طالب عصير بورتوئال..؟ مين طالب صحن فخار..؟ مين طالب صحن روز..؟

هههههههههههههههههههههههههههههه يسلم لي هالــ تنظيم..

طبعاً مافيه عربية تشيل الــ أكل..




رفعنا أصابعنا ،، : 12 وجانا الــ طلب..









قسم بالله حامت كبدي من كثر ما أكتب..


لكم خلق أكمل..؟ :41

والا أسكت..؟ :d


والله يابوهـ شئ يولي.. موب شئ اللي رااااح.. :S <------ صح يالــ دعاية.. :rolleyes:

[ابريداوي عاشق]

مشكور ياعزيزي
بعض كلا مك موجود بالمطعم والبعض لا لا للاسف وسلوب مبالغ فيه اشوي وزد عليه اشوي ثانيه (( حومة))

على العموم مشاركة جيدة ونتطلع لك في المستقبل القريب احسبه البعيد


مشكور يالغالي

[اخو دريحم]

أسكت تكفى حامت كبدي

[جحا]

هلا بك اخوي عاشق..

الــ عفو يالــ غالي..

والله ياخوي اني مختصر قد ما أقدر..

والا الــ أصل شئ يقهر ويحز في الــ خاطر...

وشاكر تجشمك وتحملك قراءة الــ موضع لــ آخرهـ..

منور الــ موضوع.. ومشرف صاحبه.. لا خلا ولا عدم..

[جحا]

أسكت تكفى حامت كبدي


هههههههههههههههههههههههه ماشفت شئ.. :d

[الـدعساوي]

الشام شامك ماهنا احسن منه

رحت لمه اكثر من مرة خدمات وطبخ لايعلى عليه وش تبي اكثر من هيك

على العموم ل=الناس تختلف بالطباع , ويبدوا انه عندك قل صبر اجل بين طلب وطلب ربع ساعة قصدك ربع دقيقة ربع ساعة قاضين متعشين

ليس لي اي صلة بالمطعم لكن من اشياء رأيتها

وتذكر كل به شين وزين والبعض زينه يطغى على الشبن

لكن انت ذكرت فقط الشين

شكرا لك

[مهاجره بغلاكم]

.................................................. ...لا تعليق

[الـدعساوي]

ان تسانك امس جايه فتقل شايفك الساعة حوالي عشر وفوق << تسنه مابه الا هو بالمطعم

بالطاولة الثانية من جهة المغاسل او الثالثة

لاني شفت الرز جاكم بعد المشاوي بفترة غير بعيدة


كب العشاء :)

[خواش]

خدماته سيئه

وعمال شايفين انفسهم هاذا غير شويهم نصه دم مانضج

يوم شالفو الزباين كثرو شافو انفسهم علينا


من جد من اشكالهم احسد فيهم حقد

يحس بنقص اذا ومرته او خدمك بشي



يازين البيت ولاطبخ الاستراحه انواع الفله والانبساط;)

[فتى الظل]

...

طبعاً إذا كنت تقصد فرع شمال بريدة !!




فأما من ناحية ( شين نفس ) اللي يسجل طلباتك وأنت على الطاولة فعزالله إنك صدقت !!
مره جيت أنا واثنين من الشباب ( قبل ثلاث شهور ) !! واستغربنا من ( أبوشنب !! ) مسوي نفسه "بلطجي الشام !! "
تحلف إنه مابقى إلا يجلدنا بالعصا !!
حتى قال صاحبي : ( هذا وش فيه !! نفسه على راس خشمه !! ) ...,
والمشكلة لو تتكلم عليه " بشدة " أو تستنكر عليه " شينة نفسه " يمكن يحط لك " بلاء بطعامك !! " ..,






..

[الـــرزة]

ابشركم ما أعرفه
وين موقعه ؟؟؟؟؟؟؟؟؟؟؟؟؟؟ تراي مهب مع الناس والي عندي ماله خلق يعلمن عن شي ........... لللللللللللللللللللللللللللللللللللللللللللللللللل للللللللوووووووووووووووووووو

[ثلجه]

بسم الله الرحمن الرحيم

ادري بــ ينقز ملقوف ويقول:

ورا ما تعشى بــ بيتكم.. وطبخ الــ والدة ووو.. وهلم جرررى من سواليف عام 1400هـ..

أحيان تضطر تاكل برى.. لــ أي سبب..


هههههههههههههههههههههههههههه وداهية الدواهي نطلب صحن بطاطس يقول ما فيه..

ههههههههههههههههههههههههههههههههه أخزاك ربي خياط الملابس لو توقف عندوهـ وتقول أبي صحن بطاطس عطاك.. فما بالك بــ مطعم مشاوي..

يوقف بــ نص الــ صالة ويقول: مين طالب عصير بورتوئال..؟ مين طالب صحن فخار..؟ مين طالب صحن روز..؟
هههههههههههههههههههههههههههههه يسلم لي هالــ تنظيم..
طبعاً مافيه عربية تشيل الــ أكل..
رفعنا أصابعنا ،، : 12 وجانا الــ طلب..


لكم خلق أكمل..؟ :41

والا أسكت..؟ :d


والله يابوهـ شئ يولي.. موب شئ اللي رااااح.. :S <------ صح يالــ دعاية.. :rolleyes:

هههههههههههههههههههههههههههههههههههههههههههههههههه ههههههههههههههههه
هههههههههههههههههههههههههههههههههههههههههههههههههه ههههههههههههه
مت من الضحك على صحن البطاطس
وووقفة الشامي بوسط المطعم يقول مين الطلب
هههههههههههههههههههههههههههههههههه
ههههههههههههههههههههههههههههه


انا اقوول كمل انا متابعه ابشوووف وش نهايته :d
ابسأللك ماتدري بوووه قسم للعوايل ارووح اعزم اهللي به
اشوووف طريقة تلبية الطلبات للعوائل مثل تلبية الطلبات للشباب

علشان انقل طريقة تلبيتهم للعوائل من موقع الحدث
كثير امر من عنده بس مانتبهت اذا فيه قسم للعوائل ولا لا

[اجمل غلا]

وعليكم السلام ورحمة الله وبركاته


هذولا هم اهل بريده((البعض منهم مب كلهم ))


اذا شافوا احد ناجح حقدوا عليه وقاموا يطلعون عليه اشاعات


بس مااقول الا الحمدلله والشكر ..

[سيار نجد]

جاء اللي ياخذ الطلب ووقف فوق روووسنا...

قسم بــ الله أنواااع شينة الــ نفس..

شنب.. ومعبس ، ويزفر.. قسم بالله لو معي كوبون عشاء مجاني ما عاملنا بهالــ أسلوب..

ترا معنا فلوس ( إوالله ) ،، وراوهـ علينا..

وحنا نختار ونتقنى الــ طلبات ،، وهو يقول:

شو طلبكوووم..؟ شو طلبكوووم..؟ شو طلبكوووم..؟ بتل يعيدهـ.. حامت تسبدي.. قام يهوووش آخر شئ..

هههههههههههههههههههه
شو طلبكوووووووووووووووك
والله اني كرهت المطعم من ابو شنب واخوياوه مسوين لي باب الحارة ..
وعليهم شين نفس ..
ياقف على راسك تقل اكبر همه انه يكتب الورقه ويعطيه الطباخ ..
مطعم لذيذ .. لكن لانويت تروح يجيك هم تقل تبي تدخل إختبار..

[يحب النقش]

هذا مستشفى الشام شامك لو أنا راعي المطعم تسان حطيت بجنبه فرع للتخرصي ..
هههههههههههههههههههه الله لايوفق اللي سماووووه مطعم !!

[ابووليـــد]

يالحبيـــب ..


ماشاء الله متحمس .. وش هالمبالغة بالأسلوب ..


أولاً:الساعه10 تقول مبكر ترى فيه ناس تصلي عنده الأخير ..


وحنا نطلع من الصــلاة حول الساعه 8 ..


ثانياً :انت ماشاء الله كبدك حامت من كل شي ..


حتى كتابة الموضوع ...


قسم بالله حامت كبدي من كثر ما أكتب..


زين والله ..

\\
ثالثاً: ماتلاحظ انك اشغلتنا بالمقاصف ..


أخيراً: اذا كان واحد من عيال عمك رايح لمه وراه ماقال لكم انه وصخ وان العامل وصخ ووو..الخ ...



اصلاً انت بس ودك تهرج ..


بلا توليف وكــــلام سخيـــــــف ..

[الأسمراني]

مباااااااااالغ ..!
الشام شامك ما في مثله ببريدة ..
شكلك متعشن منه غصب .. :d

[بريدااااوي]

والله انك صادز
فيهم كبر وشوفة نفس وما يواطنون السعودي
لكن الشرهه على كفيلهم
المفروض يصيخهم وخصوصا ابو شنب اللي يسجل الطلبات المحليه .
وشغلهم لا باس .
واذكركم لا احد ياكل من عندهم العصر ترى ما يزيينون بطاط ولا حمص ولا مقبلات يعني مشاوي حاف بس .
والله من شوفة النفس.
وسلامتكم

[&الأشقر&]

ان كنك صادق ياجحا ان معاملتهم كذا فهذا اشين مطعم

وانا اجزم على مقوله من مقولاتك انك صادق ان الي يلبي الطلبات ان كنه سوري فوالله ان السوريين بهم كبر عظيم وحسد

واشكرك على نصيحك لنا

وسلام

[صطيف]

شكلك مريت عليهم في اخر الشهر ولم يستلموا الرواتب علشان سذا النفس شينة والريحة فايحة يعني دااااااجين

[A N A S]

الفرع الأول أفضل من الفرع الجديد اللي بالأفق


من ناحية سرعة الطلب والمعامله .



بالتوفيق :)

[عـزتي في سمـو ذاتي]

ياخوي كلامك فاضي

المطعم مابة ازين منه

لاتقعد تبالغ شوي ممتاز وطعم

وتقول مافيه بطاطس لاتكذب فيه وانا طالبه بنفسي

ونظافة الطاولات ممتازة لاتقعد تتفلسف

وبعدين معروف اي مطعم يجيب المقبلات اول وبعدين المشاوي وما ادراك مالماشاوي

لاتقعد تخربط

[FUNOoOoOoN]

................................................لا تعليق.......................................؟

[عربجي قاااضي]

معليش ياجحا إسمح لي أقول لك : أنت كلاآآآآآكــ وتسذووب ومبآآآلغ .. وهذي الحقيقة الصدز ..

لاصرت ماإقتنعت بالمطعم ولا بوجباته لاتجيب شي من عندك وتولف وتبالغ وتبي الناس تكرهه ..

دعني أعلّق على بعض ملاحظاتك :



2- والله يا جماعة يقومون الناس من الــ طاولة.. تجلس وسخة بــ أكلهم وخرابيطهم..

أليس منكم رجل رشيد يجي يمسح..


على كثر روحآآآتي للمطعم ماكيد شفت هذاا .. بتلة ادخل وألقى الطاولات نظيفات ولا مزدحمااات ..

أو يمكن يصيرون توهم قايمين وماأمداهم يجون ..

3- جاك اللي يمسح الــ طاولة..

أندونيسي ومتزكرت..

ووينه عند روووحه..

يوم جلس ينظف ،، وقرب من عندي.. يوم هب الــ نسناس ( عرق إبط ) الله لا يبلانا ،،،

:rolleyes::rolleyes::rolleyes::rolleyes::rolleyes: :rolleyes:



هههههههههههه أهنيييك على الملاحظة .. والله ياخلفهم إني ماتسيد حطيت وجهي بإبطه ..


جاء اللي ياخذ الطلب ووقف فوق روووسنا...

قسم بــ الله أنواااع شينة الــ نفس..

شنب.. ومعبس ، ويزفر.. قسم بالله لو معي كوبون عشاء مجاني ما عاملنا بهالــ أسلوب..


عقب هذي اسمح لي انت مسيلمة .. قسم ياهو كلاك عينك عينك .. لاتقولي انك ماتعرفه الا أعرفه

هو السوري اللي راسه مصقه أوله .. شنب وأشقر شنبه ... قسم بالله أهني صالح الغدير على العامل هذااا

قمممممة في التعاامل .. وقسم بالله انه يحرج اللي قدامه لابدا يهرج .. لاقسم الله علي وفتحت مطعم

أبرووح أنقل كفالته لي :d .. .. عقب ذي دريت إن اللي قبالي ماعندك أحد .. ( معلييييش :p )



ههههههههههههههههههههههههههههههههههههههه أول مرررررررة أشوف مطعم يجيب لك طلبك بالــ تقسيط..

يا ناس الــ مقصف وهو مقصف ما يعطيك سندوتشة قبل سندوتشة.. يمدهن لك جميع..

والشام شامك يجيب صحن فخار.. بعدوهـ بــ ربع ساعة.. صحن كباب.. 5 دقايق صحن رز.. دقيقتين يجيك حمص..


مهوووب صحيييييح :) .. أنا معك يجيب لك أول شي صحن مخلل .. وبعدين يجيب لك الطلبات دفعه وحده :) ... وبالنسبة للبطااطس من اللي تبي ان صار ماعندهــ .. لكن لعلك مندفع الله يصلحك
أصلا البطاطس وجبة رئيسية عنده يعني مافي أمل يجيب لك صحن مشاوي بدون بطاطس ..


الصرآآآحة أكتفي بالتعلييق على النقاط هذي لأنه بنظري هي المهمة .. أجل تقوول مافي عربيه تشيل الطلبات :113:

جب لي مطعم تكفى عنده عربيه وأعشيك منه .. ياشيخ طييييييييييير ..

ويبدوو انك ماقتنعت بالمطعم أصلا فطلعت شي من XXXXXX ..


ولاتحسبونن ياجماعه ان لي صلة بالمطعم أو اني عميل له .. بس أنواااااع المبالغ بالهرج

وأنتم تعرفون الواحد لامنه ماإقتنع بالشي .. يبي يسبّه باللي هوووبه ..

وأنا مستعد أروح أنا وياك لم المطعم وإذا صار الكلام صح عليك فعشيتك وإن صار صح علي تعشين

..

[غندر]

ههههههههههههههههههههههههههههههههههههههه أول مرررررررة أشوف مطعم يجيب لك طلبك بالــ تقسيط..

[*سـكـر خـشـن*]

اماا السوري ابو شنبااات راافعن ضغطي احس انه مو مقتنع بشغلته واللي معه الآندنوسيين فيهم رجه ووساااخه مع التحفظ عن التصريح وافضل مكاان لهم يغسلوون الموااعين بس يااليت اخونااا صااحب المطعم يشووف حل للمهزله وعن الآكلآت والمشااوي والمقبلآت

وخصوصااا الفتوووش صراااااحه شـي :)

[أبو ربى]

دراما حلوووووووة ومضحكة بريدة ينقصها مطاعم تحترم الناس
لكن شيزان في القمة

[--(سيف الشجاعة)--]

والله ياحبيبي
يازين عالم البيتزا
والصاروخ عالصاج

[RSLAN]

,,


مُـبـالـغ جـداً ;)


[ الشام شامك ] من أفضل مطاعم بريدة ..!

الحق يُقال ,,


وبعدين إذا صرت ما اقتنعت بالمطعم ومتعشي غصبٍ عليك , حنا وش نسويلك ؟ :d


الصراحه في أشياء قلتها أنت مو بالمطعم أصلا ..

وبعدين تقول أنت : [ بين كل طلب وطلب ربع ساعه ] هذا مو صحيح أبداً , وين عايشين حنا ؟

هو أكيد بين كل طلب وطلب مده قصيره وهذا دليل إن الأكل طازج فـالطلب هذا خلّص وهذا توّه على النار !



شكرا حبيبي ,, :)




,,

[بلبل الغابة]

يابن الحلال عماله شائفين انسهم وسخيين

[شـــــامخ]

يارجال من يوم دريت انهم عمال مطعم اللقاء اللي بطريق عنيزه منول غسلت ايدي

ماحد الله عليهم دام البحار مازال متألقاً

[yosef008]

مــــــــــــــــــــاقــــــــــول شـي؟؟؟؟؟؟؟؟؟؟؟؟؟؟؟؟؟؟؟؟؟؟

[عبدالله]

كان رحتوا لمطعم الديرة أكل نظيف وطيب

[أبو الميس]

لم أجرب الأكل فيه...
كل طلباتي سفرية!!!
والحق يقال روعة بكل المقاييس...
خصوصا الخبز والشاي الشامي,,,لايعلى عليه

[ابو شذى]

طبخة زين وبس ( وقف عنده )
إدارة سيءة جداً ... فوضى وعدم توزيع للمهام داخل المطعم
دخلت آخر مرة وجلست في أحد الطاولات , وبعد الطلب سألت السوري ابو نفس شينه قلت له : كم ياخذ وقت ؟؟
قال من 40 إلى 45 دقيقة ؟!!
لعنبو بليسك واحد كباب وواحد ريش ساعه إلا ربع ؟؟؟
طبعاً مشيت وخليته يبربس على غيري ... !!

[نصراوي بريده 11]

الله يحموم تسبد عدوك ياخي مالقيت غير المطعم هذا به مشويات به الف طعش مطعم بريده ومن افضلها سنيز والا الكمون

[حنشول]

الصراحه المطعم مادري عنه
لاكن اللي يسبونه اكثر من اللي يمدحونه
لاكن الكثير يمدح الطعم
واذاصار بالمطعم سوري وعنده زباين يكبر راسه يصيرون الزباين حشرات


ومبروك لك يانصر على الرائد وماجاهم شي

[عاشق الهارموني]

يوه يوه يوه حامت كبدي انا

[مهجول]

احس انك جالس يوم كامل تخطط ع هالمطعم حرام عليك ياخي بعذرهم الشباب هبلت بهم هبال قلبت رووسسهم من الهبال عاد تعرف انت عيال وشباب القصيم وخاااصه (بريده) الله يهديهم قوولو امينوانا طبعا منهم واولهم بعد الله يهدي الجميع ويعين اللي ما ياكل من بيت امه وابوه والعز وريحتا زينه ولا المذله والريحه الشينه مير اسكت لو تبي عشت عيشه زي العالم بس تذل رووحك والسلام عليكم ورحمة الله وبركاته

[نـــNAــونا]

المفروض مواضيعكم تدعم بالصور

حتى يبان الحق صرنا ما ندري من نصدق

مره ثانيه اللي يبي ينتقد يصور لنا الوضع حتى نكون بالصوره

[أخصائي]

هذي وجهة نظرك نحترمها

بس الحق ان المطعم رهيييب والدليل الزحمه اللي عنده

الا اذا كل هالناس ما عندهم ذوق هذا شي ثاني

تحياتي لكم

[صريح جد]

الحقيقة ازين شي عندهم الخبز

[ABUTHAMER]

...

....


لاتعليق ......،،،،

....

...

[hams almsha3r]

الشام شامك

لو الجاهل عنه ضآمك

:)

دإأيم النآجح محآرب ^_^

وإأنأإ دإأيم إأروح له ماشفت اللي تقولهـ