~~صديقتـــــــــــــــي~~في ورطـــــــــــــه~تستخدم حبوب السيروكسات!!!!!!!!!!ساعدوني

[شايله همي بروحي]

السلام عليكم------

ابدخل في الموضوع على طووووووول:eek5

دقت علي صديقتي اليوم المغرب---لي 5 شهور ما سمعت صوتها ولا ادري عن اخبارها---:i121

المهم---------قلت وينك ؟وش الدنيا فيك؟؟؟؟؟

اسكتـــــــــت شـــــــــــوي ----وانفجــــــــــــرت تصيــــــــــح---:confused:

خفت انا قالت عسى ما شر؟؟؟؟؟؟

قالت تصدقين اني"اكل حبوب السيروكسات"!!!!!!!!!انا ما ادري وشن!!!!::pاحسبها مخدرااات:i121

قلت وشن ذولي ؟؟قالت حبوب نفسيه"حقات القلق والأكتئاب!!!!!!!ياعمري هي الله يشفيها--
قلت الحمدلله على كل حال ---موبس انتي اللي يأكلهن----

قالت لا مو المشكله هذي -----المشكله اني جاحده عن زوجي------
ما أدري اسكـــــــــــــــــــت------او اقوله-----اخاف من ردة فعله----
واستخدمتهن فتره---وتركتهن يومين ---وجاني دوخه ---وغثيان---
يعني لازم اداوم عليهن طول حياتي؟؟؟؟؟؟؟؟؟

*****مع العلم ان لها 8شهور متزوجه----وتخاف يقول زوجها انا "متزوج نفسيه"!!!!!!!!!!:i121
(هي بعد الزواج مرت بضروف صعبه جدا)مما اظطر اخوها الى اذهاب بها الى الطبيب النفسي---
دون علم زوجها-------******

عاد انا ضاااااااق صدري مره عليها---والله ما ادري وش اقولها؟؟؟؟؟؟

قلت اسأل اللي حولي والرد لك-----"هي ماله خوات----وامها كبيره في السن"
ولا ودها تقول لقريبتها-----
وانا صديقتها الخاصه---"رغم قطاعتنا عن بعض في الاتصالات"--------


ودي اسألكم تكفووووووووووون اللي عنده علم في ها الدواء

هل صدق لازم تستمر عليه طول حياته؟؟؟؟؟؟؟؟؟
وهل هو عيب انه تستخدمه؟؟؟؟؟؟؟؟؟

والسؤال الاهم----هل تخبر زوجها ؟؟؟؟؟؟؟ام ماذا تفعل؟؟؟؟؟

بجد تراااااي قلقه عليها وابغى الردود العاجله-----

الله يفرج كربت من ترد علي عاجلا غير اجل-------

والله يشفيها وجميع المسلمين-----------

[كراثه فوشيه]

اكيد انه تقدر تتركه لو حاولت واعراض الانسحاب ذي مهيب تدوم
خل تروح لدكتور نفسي وتقوله اناء ابي اوقفهن ووش السوات وهو اكيد بيعلمه
وعلميناء وش يصير عليه

[ملكة الرومانسيه]

اولا انا ما انصدمت يوم انتس حسبيتهن مخدرات :) لأني حافظتس زين وادري انتس توسوسين شوي :)
المهم بالنسبه للحبوب ما اشوفه انه عيب انه تستخدمهم ! ذاء علاج وانا اختس !
وموب لازم كلش نسويه نقوله للرجل ! موب حرام انه تحتفظ ببعض الاشياء لنفسه
عادي تقوله له ، بس اذا هي ماوده موب لزوم !

وكلام اخت كراثه صحيح ، الاعراض ماتدووووووم .. وخل تراجع دكتوره ازين له

[شايله همي بروحي]

اكيد انه تقدر تتركه لو حاولت واعراض الانسحاب ذي مهيب تدوم
خل تروح لدكتور نفسي وتقوله اناء ابي اوقفهن ووش السوات وهو اكيد بيعلمه
وعلميناء وش يصير عليه

اخاف ماتقدر----


وقول يحليلك "منتب شروووووفه":d

تسلمين على ردك

[كراثه فوشيه]

اخاف ماتقدر----


وقول يحليلك "منتب شروووووفه":d

تسلمين على ردك

وشي شروفه ذي عسى مب سبه؟؟

[شايله همي بروحي]

اولا انا ما انصدمت يوم انتس حسبيتهن مخدرات :) لأني حافظتس زين وادري انتس توسوسين شوي :)
المهم بالنسبه للحبوب ما اشوفه انه عيب انه تستخدمهم ! ذاء علاج وانا اختس !


اقول ياحبيلتس---"تصدقين ما اعرف اسوي كلامكم ذا"!!!!ولا اعرف اقرأه:d

بس ضحكت علس وانا مالي خلق:d

وش درأك اني موسوسه؟؟؟؟؟؟؟:oo


بعدين بجد صعبه احس تقول لزوجها:p
لان بعض الناس يعتبر الطب النفسي عيب:confused:

واذا جحدت" وانا اختس"ادايم شديد---واذا شافها تأكل الحبوب---سوى سالفه ثانيه:(:confused:

ويبتل اخوها يشري لها بالخفيه؟؟؟؟؟:confused::bad

[شايله همي بروحي]

وشي شروفه ذي عسى مب سبه؟؟

ماتعرفينه؟؟؟؟؟؟؟؟؟؟


لا لا تخافين ذي مديحــــــــــــــــــــه:d:d:d:d:d:d:d:d:d: 12: 12

[ملكة الرومانسيه]

اقول ياحبيلتس---"تصدقين ما اعرف اسوي كلامكم ذا"!!!!ولا اعرف اقرأه:d

بس ضحكت علس وانا مالي خلق:d

وش درأك اني موسوسه؟؟؟؟؟؟؟:oo


بعدين بجد صعبه احس تقول لزوجها:p
لان بعض الناس يعتبر الطب النفسي عيب:confused:

واذا جحدت" وانا اختس"ادايم شديد---واذا شافها تأكل الحبوب---سوى سالفه ثانيه:(:confused:

ويبتل اخوها يشري لها بالخفيه؟؟؟؟؟:confused::bad

هه هه هه :d ياحبي لتس مير

ايه اكتشفت انتس توسوسين شوي ، لأنتس نشبتي بحلق البنيه اللي بالثانوي وتسولف مع مدرسته ونظرتي له نظرة ريبه
ولأنتس حسبتي الحبوب مخدرات :oo
ولأنتس تبي تترجمين رسايل شغالتس وتعرفين وش فيهن



المهم ، مافيها شي اذا علمت زوجه :eek: انتم صاحين ؟
تراه رجله ! :eek: والمفروض يعرف عنه كل شي
اذا ماوقف هو جنبه باصعب الظروف ، من ترتجين يوقف جنبه وانا اختس ؟ :oo

[شايله همي بروحي]

هه هه هه :d ياحبي لتس مير

ايه اكتشفت انتس توسوسين شوي ، لأنتس نشبتي بحلق البنيه اللي بالثانوي وتسولف مع مدرسته ونظرتي له نظرة ريبه
ولأنتس حسبيت الحبوب مخدرات :oo
ولأنتس تبي تترجمين رسايل شغالتس وتعرفين وش فيهن
هههههههههههه والله ياأنتي خطيييييره:i125:i125:i125
اثاريك ذكيه--ماشاء الله-والله اني نااااااسيه---
قلت وش دراه عني:d:d

المهم ، مافيها شي اذا علمت زوجه :eek: انتم صاحين ؟
تراه رجله ! :eek: والمفروض يعرف عنه كل شي
اذا ماوقف هو جنبه باصعب الظروف ، من ترتجين يوقف جنبه وانا اختس ؟ :oo

انتي تبي توهقيننا:025:واذا قال على كلامها انا اخذ نفسيه!!!!!:i121

وانفصلوا :(وسبديه:(هي ماقالت سذا الا تعرف طبيعة زوجها:09::09:

لا لا دوري وانا اختس حل ثاني: 12: 12

[ملكة الرومانسيه]

انتي تبي توهقيننا:025:واذا قال على كلامها انا اخذ نفسيه!!!!!:i121

وانفصلوا :(وسبديه:(هي ماقالت سذا الا تعرف طبيعة زوجها:09::09:

لا لا دوري وانا اختس حل ثاني: 12: 12

لحول
مافيه الا 3 حلول
يا انه تقول له :)
او انه تبتل تاخذهن بالخفاء :)
او انه تراجع الدكتور وتتفاهم معه :rolleyes:

[هايين]

اهلين شايله
العلاج النفسي اصبح في الوقت الراهن مثل البنادول
اما الزوج يجب ان يعرف وبسرعه
والأعراض الانسحابيه من العلاج النفسي لازم تجي بس ترك العلاج يكون بالتدريج
وتحت اشراف طبي
الله يعافيه ويشفيها

[ام الزلمات]

ياختي عادي مافيها شي
خالي واختي وصديقتي
كلهم اكلوهن ال سايروكسات
انا بعد ودي اكلهن علشان اسمن....
خخخخخخخخخخ


عادي تتركهن بكل سهوله
ومهب كود كل شي تقوله لرجله
ترا يمكن تطيح من عينه
لان بعض الحمير..قصدي الرجال..يتهدد على المسيكينه
الله يشفيه
بعدين الحبوب هاذي مايقاله حبوب نفسيه
لان النفسيه علاجه المستشفى
بل يقال لها مهدئه.

[شايله همي بروحي]

اهلين شايله
العلاج النفسي اصبح في الوقت الراهن مثل البنادول
اما الزوج يجب ان يعرف وبسرعه
والأعراض الانسحابيه من العلاج النفسي لازم تجي بس ترك العلاج يكون بالتدريج
وتحت اشراف طبي
الله يعافيه ويشفيها

طيب ياحبيلك ياهايين-----

هي خايفه تكون رده فعله شينه:p:eek5:eek5

خاااااايفه بدرجه ماتتوقعين---
والله ضاييييق صدري عليها-----

[شايله همي بروحي]

ياختي عادي مافيها شي
خالي واختي وصديقتي
كلهم اكلوهن ال سايروكسات
انا بعد ودي اكلهن علشان اسمن....
خخخخخخخخخخ
الله لايحيجك لهن----ياخيتي---عادي تتركهن بكل سهوله
ومهب كود كل شي تقوله لرجله
ترا يمكن تطيح من عينه
لان بعض الحمير..قصدي الرجال..يتهدد على المسيكينه
الله يشفيه
بعدين الحبوب هاذي مايقاله حبوب نفسيه
لان النفسيه علاجه المستشفى
بل يقال لها مهدئه.


انا صرت بين نارين اللي مؤيد بشده انها تقوله---واللي رافض بشده انها ما تقوله----


وش اسوووووووه؟؟؟؟؟؟؟؟؟؟؟؟

[&ضياءالروح&]

ياحبيلك اكتبي بقوقل اسم العلاج
وشوفي وش يقولون عنه
انا فتحت بس لقيت كلام كثير الاحسن انتي تشوفينه
اهم شي مايخوف

[هايين]

خلاص اذا هي تريد تركها وبشده
فلا تخبره وتدعو الله سبحانه وتعالى ان يشفيها وتتحمل الاعراض الانسحابيه










وبعدين مهوب كل من جته مصيبه يستعمل هذلى
اذا اين الصبر عند المصائب

[شايله همي بروحي]

خلاص اذا هي تريد تركها وبشده
فلا تخبره وتدعو الله سبحانه وتعالى ان يشفيها وتتحمل الاعراض الانسحابيه




الله يكون في عونها يارب








وبعدين مهوب كل من جته مصيبه يستعمل هذلى
اذا اين الصبر عند المصائب

ماشاء الله عليك الله لا يضرك ياهايين---ويثبتك---ويصبرك--ويكثر من امثالك--
اقسم باالله العظيم اني احسك"في المنتدى "بمثابة الام:41:41
فعلا ام حنون------------<<<<واقولك مو الواحد على كيفه:ooعصب عليه----->>>

بس الحمد لله على كل حال-----

[هايين]

شكرا لك يابنيتي

:p:023::023::p

[ضايق الصدر]

السلام عليكم .اختي الوقت متأخر الآن وان شاء الله سأفيدك في اقرب وقت ,,
عندي لك الحل الأكيد واليقين ان شاء الله على حسب معلومات علميه أملكها حول هذا الموضوع ,
مثل هذه المواضيع لايفضٌل طرحها ( إلا في حقل أو قسم طبي) , والمعذره لكن هذه أمور طبيه وأدويه نفسيه
لايستهان بها .

[انوار الحب]

ههههههههههه قويه حمير ؟؟!!
((((..لان بعض الحمير..قصدي الرجال..يتهدد على المسيكينه؟؟))))

انا من راي وانا اختس طب نفسي صاااار شي مهم في حياتنا اما اذا كان زوجها رجل متفهم وعاقل ابد تقوله اما اذا زوجهما مثل ما قالت اختي حمير .. تسكت وافضل تعلاج نفسها في القران
اختك انوار الحب

[أمنيه...وقدر]

الحمد لله كل مشكله ولها حل

قوليلها تروح للطبيب اللي صرف لها العلاج وتخبره انه ماتبغى تستمر على العلاج وأكيد هو بيقولها اذا ممكن تتركه بالتدريج او تستمرعليه ,, وبالنسبه لزوجها فهي تتخذ قرار تعلمه اولا على حسب كلام الطبيب اذا قالها انها لازم تستمر على العلاج مده طويله فهي لازم تخبره وتشرح له الوضع بالضبط , اما اذا الطبيب قالها انها ممكن تترك العلاج خلال فتره قصيره جدا فالأفضل انه ماتخبره (اذاكان زوجه غير متفهم) .

الله يشفيها ويشرح صدرها وييسر امرها ,,

[**سـلطآن القصيم**]

انا من راايي ماتقوله يمكن يدور الزله وترا كل رجال يختلف عن الثااني واذ ىقالت له يمكن ينفصلون :oo


انا اقول لاتقوله وتروح للدكتور وتقوله ابي اتركهم ;)
الله يعينهآ
تحيآتي

[مهاجره بغلاكم]

يوووووووووووووووه يا الرجال

الله يعينه والمسلمين

[تباشير المطر ~]

..



http://www.buraydahcity.org/bnt-buraydah/buraydahcity/wardi.jpg



أختي الغالية شايلة أخبري صديقتك بالتالي :

أن كل مخلوق على وجه الأرض يعاني من مرض في النفس
تماما ً مثل الجسد الكل تأتيه وعكه صحيه صغير أو كبير ويأخذ العلاج لكي يشفى بإذن الله
هل هذا عيب ان يصاب االشخص باارتفاع الحراره ... !
المرض النفسي تماما مثل الجسد وهذا هو الواقع وليس فيه أي عيب ..

ولكن الناس هم من يجعلوا ذلك عيبا ً ولو كل شخص لم ينظر لما يقول الأخر
وجعل نظرته واقعيه لم يكن هناك اي عيوب ..

المهم

أن العلاج النفسي يذهب وهو أسهل من المرض العضلي ..
وأخبريها أن العلاج يبدأ بمساعدتها هي ..
بحيث تؤمن با الله سبحانه أن الشفاء من عنده
وأن تتفأل بالحياة وأن الحياة ليست إلا معبر للأخره
تُكثر من الطاعات والإقبال بإخلاص إلى الله سبحانه
وأن تجعل قلبها معلق به سبحانه ..

انتي اختي شايلة عددي عليها مالديها من من إيجابيات في نفسها وأهلها وحياتها
وبإذن الله ســتتحسن إلى الأفضل وتتتركها ..

أختي أعتذر على الأطالة ولكن والله بإذن الله انها ستتحسن إن قامت بذلك ..





وردي : أنُثوتنَا رحيقُ وردْ !



..

[شايله همي بروحي]

اشكر كل كن قام برد على موضوعي ----جعله الله في موازين حسناته------


دمتم

[شايله همي بروحي]

اختي نوره 11

جعل الله ما كتبته في ميزان حسناته----

اشكرك على توجيهك الرائع----سلمتي---
وانشاء الله يوصل----

[استغفاري سر سعادتي]

اولا الله يشفي صديقتك

ثانيا اعتقد من حق الزوج يعرف

والحبوب والله مااعرف عنها شيء

استغفر الله واتوب اليه ...

[هامتي فوق]

مرحبا اختي
:oo احب اقولكـ انه مايصير ان صديقتكـ تخبي مرضها واستخدامها للحبوب عن زوجها بالعكس راح يقول عنها انها كذابة وكانت طول الفترة تخدعني
والحل المناسب انها تكــــــــــلم الدكتور اللي شخص حالتها عن المشكلة اللي اهي فيها وانا متاكدة انه راح يعطيها حل وفي الجلسة التالية من موعدها مع الطبيب تاخذ زوجها معاها علشان يعرف تشخيص حالتها بالتفصيل
راح يستصعب عليها هالشي مع علاقتها بزوجتها في البداية وهالشي طبيعي وبعدها الزوج راح يقدر ان زوجته فتحت له قلبها وصارحتة وراح يكون واثق ان كل شي يصير معاها بتقوله له
عكس اذا اكتشفها اهو راح ينصدم فيها وتتغير نظرتة ومعاد يثق فيها ولاحتى يصدقها

واتمنى ان الله يشفيها عاجل غير اجل ويسعدها مع زوجها يارب واسفة على الاطالة
اختكـ// هامتي فـgggق

[دلوعـ بريده ـة]

والله أنا رايي إنها تستخير قبلـ كلـ شي
الحياة تجاربـ وأولـ الحياة ممكنـ يتفهم بس بعدينـ لو يطقـ عود عييرها
ويمكنـ يلقاها علثه في يوم سئ ويتهمها ويتزوج و ذيكـ الساعه تتمنى الموتـ ولا قالتـ له
وبعدينـ مثلـ مافيه علاج طبي فيه علاج طبيعي من ربي
أختيـ سمعتـ عن الجرجير وربي إني جربته وقلتـ لكذا وحده يعانونـ نفسياً
وربي كلهنـ يدعنـ لي وصدقـ تتغير حياتسـ تصيرينـ متفائله وتحبينـ الحياة
ومثلـ ماأخذته وهو مايدري تتركه وهو مايدري ويادار مادخلكـ شر
والله يشفيها واهم شي الإستيخااااااااااااااااااره

[khaledjaser]

هذة حبوب القلق وتصلح للاكتئاب وعادية جدا ولكن عند البدء باستخدامها يجب اخذ جرعات بسيطه ومتباعدة وبالتدريج يتم زيادتها حتى تصل لحبة باليوم يعني يمكن اول اسبوع تأخذ نصف حبة يوم بعد يوم والاسبوع الثاني نصف حبة يوميا والاسبوع الثالث حبة يوميا وتستمر فترة لا تقل عن ثلاثه الى ستة اشهر حتى لوحست بتحسن بعد الشهر الاول يجب ان تستمر ولا تقطع استخدام الحبوب الا بعد ستة اشهر الى سنة ومن ثم تبدأ بتركها تدريجيا كما بدأت بها تدريجيا حتى لا تتعرض للاعراض التي ذكرتها وهي الاعراض الانسحابية من صداع وغثيان ودوار وغيرها ولاتسبب هذة الحبوب او غيرها من الادوية النفسية الادمان عليها بل مثلها مثل اي علاج اخر ولكن مشكلة الكثير من الناس عدم فهم كيفية استخدامها وكيفية تركها والتي تتركز على التدرج وعدم تركها فجأة والله اعلم .

[شايله همي بروحي]

استغفاري سر سعادتي
هامتي فوق
دلوعة بريده


اشكركم جزيل الشكر على ردودكم الجيده

[(مون لايت)]

الحـــــــــل الاخـــــــــــــــيرتروح للدكتور اللي وصفهنله وتقول ابي اتركهن وهو يقلل عدد الجرعات بخبرته الين يطلع من جسمه ومايصلح تتركهن فجأة وماأنصحه تقول لزوجه اي شي لأنه كل شي صار بغير علمه ورح ياخذ فكرة عن زوجته انه جحود ولايثق فيها واحتمال يطلقه الله يستر

[مس بريداويه]

ماله الا تسال كذا طبيب نفسي وموب لازم يدري زوجه ..لان لا طق عود بعصى يبي يعايره اذا كان من نوعيه فئه من الناس ..وربي يشفيها

[شايله همي بروحي]

يعني تقولون لا يدري زوجها!!!!!!!!!!

هذا اخر كــــــــــــــــــــــــــــــــلام؟؟؟؟؟؟؟؟

[زمرد2]

أطلعي على هذا الرابط وأطرحي مشكلتك للمختصين
http://www.bmhh.med.sa/vb/forumdisplay.php?f=1

:41:41:42:42

[ام عبووودي]

انا من رائيي انه ماتقوله وتحاول انها تتركها عن طريق طبيب لان في بعض الازواج الله يهديهم يفهمون غلط وهو مابعد عاشره سنين وفهمه علشان كذا بيقول وشوله اخذلي وحده نفسيه وخاصه انه ماجابت عيال من
2\لازم تترك الحبوب فورا لان لاقدر الله لو تحمل يمكن يسبب انجاب جنين مشوه
3\اذا كانت خايفه انه اذا تركتهن ترجع له الحاله تحاول انه تقرا على نفسه لان شكل اللي به نفس وهو اللي يسبب اكتاب فخليها تقرا "فيه كتيبات تباع عن الرقيه الشرعيه وماتشوف شر ان شا الله
بس موب من صالحه انه تخبره لان موب كل شي يقال للرجل خصوصا انهم توهم متزوجين ؟؟؟

[شايله همي بروحي]

تحاول انه تقرا على نفسه لان شكل اللي به نفس وهو اللي يسبب اكتاب فخليها تقرا "فيه كتيبات تباع عن الرقيه الشرعيه وماتشوف شر ان شا الله



صدق يجي الأكتئاب من نفـــــــس او عيــــــن؟؟؟؟؟؟؟؟

ياليت احد يفيدنا؟؟؟

[%*%الحلوة%*%]

http://www.buraydahcity.org/bnt-buraydah/buraydahcity/banf.jpg


والله ما ادري احترت الصراحه تقوله وإلا لا

إذا كانت تقدر تروح مره ثانيه للدكتور وتقوله تبي تقطعه لاتقوله

وإذا كانت ما تقدر فالشكوى لله تقوله بس أحس انه بينهبل ولا سوت اي شي يقول ايه نفسيه وما ادري ايشة

الله يشفيه عاجل غير آجل ما له إلا الدعاء


بنفسجي : بَاقةٌ تُنيرُها البَهجَة !

[$$$*نوني الخبر*$$$]

الله يشفيه ويعافيه اااااااااااااااامين

[غ دير المح ـبة]

معليش مره متأخره , المشكله لها تقريباً 15 يوم.

بس حبيت أشارك برأيي وهو إنها ماتقول لزوجها أي شي في هالفتره لأنه بأي مشكله بينهم راح يعايرها بالنفسية . تروح للدكتور وتسأله إذا فيه إمكانيه تتركهن , إذا كان نعم , إنتهت المشكله
أما لو كان مافي إمكانيه فالحل إنها تشتكي لزوجها من آلام وتعب وووووتطرح عليه إنها سمعت عن حبوب مهدئة وتسميهن بإسمهن وتبي تجربهن , وتشوف النتيجة وردة الفعل من زوجها

وياليت لو تعلميني وش صار عليها؟ تراي ماني شروفه أبد.<<<< :d

[غنوجة نجد]

اللهـ’’ يشفيهـا يارب..
حبيبتي,,, صراحه ,, مااعرف هالحبوب....
خليها تراجع الدكتور اللي صرفها لها...يمكن عنده علاج اهون اوطريقه..
واكيد ماراح تستمر... تخير زوجها احسن .. مصيره يعرف,,بتفاهم

[غ دير المح ـبة]

صدق يجي الأكتئاب من نفـــــــس او عيــــــن؟؟؟؟؟؟؟؟

إيه النفس والعين تجيب كل بلا , الله يحفنا بحفظه ويكفينا شر خلقه

[نهال]

رأيي بعد تجربه(لأني تناولت سيروكسات لمدة سنة واكثر ثم تركتهن - بفضل الله - ولي اربع سنوات الآن تاركتهن..

اولا: لاتخبر زوجها بأمر مراجعتها للطبيب النفسي لأن تناولها للسيروكسات مؤقت ( فترة ثم تنتهي ) بعد التدرج في الدواء مع الطبيب النفسي .. ولاداعي ان يعلم زوجها بأمر علاجها ..لأنه سيظل يعايرها إن غضب منها بأنها( مريضة نفسيا)

ثانيا:الطبيب محمد الصغير في الرياض ممتاااااز جدا في علاج الاكتئاب وبالتدرج في وقف العلاج ..