== صور لدحديرة الشامية & وقصص ==

[سعفة]

بسم الله وعلى بركة الله <==== والله ياهو نغور
أنا أبحط صور يعني أبحط
ويحك يا كليجا أنت وذيبان ..... تحسبونه بس انتم الي تسافرون فرقعين وتصورون
ترا كمراتكم شارينه من ابوريلين الي يرشن ماء عينوا خير أقول <=== بدا يكد

أنا بعد قبل كم يوم قرر كبير السعف والخوص ابوسعفة الجلعدة لمكة بعد المساحر والقردنه أنا والعائلة الكريمة .. فوافق حبيب ألبي أبوي .. أمر يقول إيه
وسوينا مهرجان بعد ماوافق ... طبعاً المهرجان كله فتاحيا وردا صكاكيا وردا
وحطينا ابوسعفة بالوسط ،،،، طقا طقا طقا طقا طقا <=== هذا صوت القدور بالمطبخ
<========== تقل أول مرة يسافرون

فدحدرنا ملوين متجهين للرس وشرينا تميس وجبن كيري :D وحط رجلك ياولد وحنا نمشي الهرجة لمين دخنة (( يوه يوه أملطي لي خبزة .. أملطي لي خبزة )) يا سعفة ياسعفة صبلنا شاهي من الزمزمية الي حدر رجليك .. طبعاً ذولي خواتي
== أحسن حركة .........>> لا سمعت البزران يقولون لامي ...... يووه يووه وشحيت ؟؟؟؟ تملطين له عدله وانا لا .. لالالالا أبي عدلة أبي عدلة


..... المهم >>> لدخنة والبجادية الله يعينه همن لفينا لرفحاء <==== ضيع قصدي لعفيف همن ضلم
(((( قاضين مشاكل )))) بعد ما مسكنا السريع قال أبوي يالله قم سق بدالي لمين مكة
والله واتكي (( قائد المركبة )) <==== على باله سايقن هلوكبتر :D:D:D:D
والله واحط رجلي وامشي 140 واشوف الي ينغزن من وراي
تدرون من ...؟؟ أمي تقول (( ياوليدي لا تسرع ))
بعد ما وصلنا لمكة ترانا محرمين لا تنسون <===== بس تراه ما انفصخ الحرام
إإإإيه ودويس لمكة ويالله يا سعفة رح دور شقة بالشامية
قال ابوي ماش الشامية زحمة الله يعينه قلت له رح بس لا أشلق وجهك عاد صرت ابوي يقالك تمون تبينا نسكن بالشامية لاء يعني لاء .:bad .:bad .:bad
قال قوه لجياد تراه زينة ورخيصة
وبعد هوشة وحلبة مصارعة وافق بالشامية ......... ونلقا شقة بالعزر والغرابيل

=== المهم وقلت نطق لنا صورتين للشباب == نطربهم عاشت ايامهم
هذي صورة للدحديرة بليل
http://www.s3f.net/makkah/makkah1.JPG

وهذي بعد صورة بس بالنهار
http://www.s3f.net/makkah/makkah2.JPG

وهذي صورة لمطعم البيك // أصلاً المقصد مهب الصورة
المقصد اني يعني اني تراي متعشي عند البيك <===== متهور دافعن عشرة
الا على طاري عشرة يا مدحت شقوقي معك سلف عشرة ) عاشت اايامك يا ألبي
http://www.s3f.net/makkah/makkah3.JPG



=== ياشباب عندي صور دقريات يجوز احطهن فيذا ولا لا
بسرعة الي يجيب لي فتوى انه يجوز ........... تراي ابحطهن والله ان تقعدون اسبوع وانتم تضحكون استغفر الله العظيم ههخخخخخخ # عاشت ايام البراطم


=== ومرتن أنا وواحدن من العيال <==== تراه قصة
دخلنا لشركة مكة عقب الاخير ..... أبد وحنا داخلين وأشوف النعال الي يتدربن من بين الدرج (السلالم) قلت لخويي قسم بالله ان ذولا من بريدة ... قال ايه ما يتزحلق الا حقين بريدة كلهم تنسيم .... المهم واناظر الي يتزحلقون ,,,,, وآخرته يطلعون اخواني الصغارين ..
يحلتون النعال ويتزحلقون وراهن بالابيض الاملس الي بين الدرج ويرقون مع الدرج ... لا لا
ومن زين العناد ......... يرقون مع الدرج الي ينزلن .... قراااااده
<======== وش خليتوا اخوكم سعفة :D:D:D:D:D


.......
وتقبلوا تحيات شركة سعف
من التصوير : مصيول علوني
ومن الكنترول : سعفة

والسلام علاكم


..


( تم تحرير الموضوع لـ استرجاع الصور فقط ) الوسيــم

[ظل الخيال....]

تنسيــــــــــــــــــــــــــــــــــــــــــــــ ــــــــــــــــــــــــــــــم عل كل الاذواق...


والله منت سهل ياسعفه وش هالحركات......



اقول انا معي خمسه ريال ابسلفك بس بشرط تصورن بكميراك......اتفقنا اوكي......



يله باي



تحياتي

ظل الخيال....

[الحليل]

ما شاء الله عليك يأبو السعف وش الصور


البيك >>> حررررركة شهيتناااااااااا هههههه


تسلم ويسلم مصيول


لا لا تحط صور حريم لوهن دقريات تفتناااااااااا ههههههههههه

[النبراس]

السلام عليك وبعد/
أنواااااااااع التنسيم....
سعفه....تصدق إني شايفن واحد بدحديرة الشاميه معه كمره..
إييييييه طحت بك...
أثره أنت ... والله ينت دربيه...دب قريح وبزنم..جثثه..
<<<<=====إيقاله طايحن بك...إحلق عيني..ياشيخ
إلا على طاري جثه..ما عنك صور لبو خلق...


لك تحياتي على هيك لقطات..وهيك مواضيع...وبنتظار إبداعاتك القادمه..فلا تحرمنا..،،

أخوكم الصغير وخادمكم المطيع
مجنون هند

[المرصاع]

والله منتب سهل

ياخي ذكرتن بمسحب حراق

هلا بييييييييييييك

[سعفة]

ظل الخيال احترم نفسك لا أشلق وجهك وشي (س)
تبين والله هالحين ابرمك بطراق ان يصيح حمد ولد جيرانكم
المهم ألبي عدل ردك ولا تراي ما عمري احط مواضيع <==== مشكلة عاد

الحليل حبيب ألبي
مشاء الله عليك بكل عاير نشوفك .. كره <=== يقاله مدحه هالحين
الله يسلمك يا خلفهم عندي صور الدقريات اولاه تكفون ودي تشوفونهن
مهب معقول بس انا الي اضحك ....... ودي بعد انتم تضحكون معي أولاااااه تراهن مووت
بس قسم بآيات الله العلي العظيم ++ عساي أموت كل سنة انهن ما يفتنن أبد أبد
والله لو هي ماعليه شيء والله مهيب فتنة ...... وبكيفك

طيب ألبي مجنون هند ...... ذبحتنا أنت وهند الله يعين الارض عليك يا ألبي
<===== ما تمسك له سالفة هو يمدح ولا يسب .. لكن سددوا وقاربوا
واللبيب بالإشارة سده واستريح
والطيور على أشكالها ... لا تلحسة كله
هين هين يالضبان <======= 180 قلب الموضوع

أجل أجل طايحن بي اني اصور بمكة هين هين .... اصور من الاقمار الصناعية
بالعربي انا طويل واصور ولا احد يشوفن <====== يقاله طويل ... هين هين
<===== طافن بهين هين

الا يا مقنون هند على طاري توقيعك
يقول الشاعر
لاصرت بالشماس والقيض حاديك .... طق شاني وعسب للعجيبة

وعاشت ايامك وسلامتكم وانتم سالمين

====
المرصاع حبيب ألبي
ياخي انت ماش <=== ماش ولا حلب
انت ياخي لا رديت ياخي احس اني مهم
احس ان الموضوع يتبارك يا خلفهم ... ما أدري وراه .. أمووووت بك
الا مسحب حراق ... رجاء يا ألبي تراي توي متغدي فتكفى لا تشهين بعد
<====== والله من زين الشهوة
المرصاع ألبي وعيوني وسلاي ومصاريني كلك لي وانا لك <=== بقية الحب بالرسائل
:D:D:D:D:D:D:D:D:D:D:D:D:D



>

[الصيوان]

ههههههههههههههههه

والله ‘نك مهبووووول :D :D :D

أجل صور للشامية ....

بس شف إنتبه تحط صور التكرنبة :bad :i121 :i121

والله لأغولك <--- وش يبي ذا :D

مشكور أنت وشركك المصنقة :42 :42 :p








ooo1 ooo1
: 12

[الشامخ]

أهلا أخوي سعفة ... المحترم الوقور الخلوق ......الخ

بصراحة الصور حلووه زي اخشيشك ..

معي سلف عشرة وش دعوى أنت صديقي بالحارة تخبر يوم انلفع ولد المذن وجي نهج
لم بيتكم ونلقى المذن يتقهوى عند أبوك ..

صح حنا قوين ما همنا أحد ======>> بزران ..

بس لا تحط صورة التكرونيه تقعد الحين تفتنا .. الله يرحم والديك. أنت ما سمعت بسالفة العجوز وذاك اللي يقول على قولت القايل ======>> ايقاله مسكه سالفه ..

أجل تقول شكلهم ذولا من بريده =====>> وش دعوى اللي من سكولوفينيا ..

أجل املطي لي خبزه .. هههههههههههههههه

شكراً لسعفه على هذا الموضوع الجميل ..


ا ل ش ا م خ

[العبقري]

مشكور وما قصرت اوي أخوي سعفه >>>>>>>>> الهكر .....!!!!!!!!!!!!!!!

بس تبي اقولك شي بيني وبينك لا يدري أحد ........ قرب ...

حط صور الدقريات ولايهمك أحد ما دام انك شفتهن ما فتننك أحنا من باب
أولى ما يفتنا أحد ابد ................. حطهن ولا عليك من أحــــــــــد ......


تبي الصراحه عاد أنت مهبوووووووووووووول خبللللللللللللللللللللللللللل

تذكر مواقفنا مع بعض تذكر والله لو أشوفك الحين لأغولك ..............

شـــــــــــــــــــــــــف تراي ذيــب وفكر بأول كلامي فــــوق ^^^^^^^^ ....

[مدحت شوقي بريده]

شكرا اخويا سعفه
يتهيئ لي ان الصور ديـــة في مكه والا اناغلطان

لالالا مش غلطان والله العظيم في مكه انا شوفت واحد لابس ( حرام ) والله

بلا ذيبان بلا كليجا سعفه وبس

سعفه ام الدنيا <<<< مصر ام الدنيا

[جـــيــ2002ـــدا]

واللة سعفة ذكرتنا ايام الوناسة


ومشككككككككككككور

[محبكم]

هههههههههههههههههههههههه


والله انك بالية ياسعفة،،،

ياخي وين الاخلاص ؟؟؟؟ يعنني رايح لمكة !؟!؟!؟!

والله ما غير تسعسع بالشوارع يالفاهر ولا مصورن ((بنيات)) بعد <<<<<بنيات احلق شنب سعفة تسانهن ما يوحشن...خخخخخخخخخخخخخخخخ


محبك يا البالية

محبكم

[الفارسي]

ياأخوي السعفه

وش المطعم البيك هذا الي تبي إتعشينا عنده لاتنسى عمرى خلاص

[الداعية]

اففا يا سعفه
ولا تعزمنا ولا شي
وين الكرم
الله المستعان بس
خلاص شبباب ابشروا سعفه عليه الشهوه وانا علي اني اعزمكم
والحساب على كل واحد يدفع

[سعفة]

علي الشهوة
وراه شايفن آكل فياقرا جوع يا ولد الريح
انت مته آخر مرة صارت عينك زرقاء بسرعة <==== الزرقاء ولا سلطانه <== ولا حرف
<==================== إيه داري انه هاجتن به الله مير يخلف

الداعية خلفهم انت تقول وش دعوى ما عزمتنا ولا شيء ... دقيت عليك بيجر ولا ترد
على اني مدخلن لك 999 بس ماش انت <==== ماش ولا حلتيته :D:D
لكن مابه فايده الوعد مطعم أبوالعز .. علي الشاورما ابباشر عليكم


الفارسي
شف يا حبي على حسب خبرتي واستنباطي <======= دخلنا فلسفة
انك انسان أنيق وعليك نظارات ... شكلك عصل وطويل وشايلن هم الدعوة بنيجيريا
أمك تحبك وأبوك يطقك ، وفتاحيا وردا ،، صكاكيا وردا <=== لجة بزران جيراننا الله يعينه
واللبيب بالإشارة سده واستريح <====== هذا بدا يرعف خشمة من التحشيش


محبكم
أقول يا خلفهم انا فاهر
وش دعوى يا ألبي ماهقيته منك .... لكن فاهر أهون من مارج
تعريف المراجة لغة == هي الخراب
واصطلاحاً == هي الفهارة بزود
مع تحيات مطينة
تعريف الطين لغةً == هو الثقل والصلابة
اصطلاحاً == هو السائل اللزج الي يتدبق بالرجلين لاوطيته بالبراحة ويتمغلص بين الاصابع ويطلع صوت مثل ( بلغغغغغغغغ ) ( بلغغغغغغغ ) ويكون ثاني اكسيد الكربون بين طبقات الطين وكريات الدم الحمراء وهي عملية فسيلوجية سعفة
ويستخدم في بناء البيوت قديماً <======= قلبه سلامتك .. قصدي الآباء والاجداد



جـــيــ2002ـــدا
ياخي انهبل هبال لا رديت على أي موضوع ما ادري ياخي أحبك <==== قلبه غزل الله يجزاه خير
الا أقول يا ألبي تراي لي سنة وانا منبح صوتي وانا اقول تراه كتبت الله مهيب سذا ( اللة )
ياخي شل النقطتين تراك قهرتن لا أشلق وجهك عاد .... تراه خربت
والله العظيم لا أخلي اذاني واذانك أربع <====== ياقدمك يا مدرس العلوم الابتدائي


مدحت شوقي بريده
الله يعين الارض عليك يالتيح
والله يانت شكلك سبير والسبير الله والصغير ببطن امه بس ولو شكلك ارعاب يحافظ
يا حبي لك يا ام الدنيا يالطعمية
ياخي على حسابي رايح جاي من مصر لمكة بس أخاف تجطلهن وتقول لا عمرة بلاهك
مانتب ملزووووم يا ألبي .... مدحت انزل ابيك

الله يعين ضيده عليك <==== والله من قل ما عرف ضيده
للمعلومية يا مدحت هذي ضيده هي نوع من الحلا ولا يبيعه الا محل روز الي بالصفراء
<======== مسكه السريع
الا يا مدحت ترا معنى السريع يعني توصيل طلبات سريعة مثل ( اتصل نصل )




العبقري
يهلا بحبيب ألبي أجل هكر .. خخخخ وراه شايفن ملبق على جهازك ههههه
ألبي تراك ذيب وفكر بهرجي هذا .... وش السالفة
الا اقول صور الدقريات ممنووووع
تبي اقول لك شيء ابرسل لك صورة الدقرية بالرسالة الخاصة بس اخاف تشهر به
ما تدري يمكن الرجاله ما تسمح <====== مشكلة عاد يا نجوى مشعلاني
<======= ارفقي يا ملكة جمال القصيعة



الشامخ
عالي الطود <====== تراه يسمع به
هلا بحبيب ألبي
أجل المحترم الوقور الخلوق
وراه الاخ مشتغل مصرية ..... عاشت ايامك والله يانا انشحطت قووووه
أعلمك والله يانت دماااااار
تقولي الصور حلوه زي خشيشك ..... شايفن خشيشتي
ياشيخ لو تشوفن ان تطق نعيلاتك وتملط .... شكلك ما شفت صورتي بالطرايف حاطه مدحت
رح شف الشنبات .. أنت ووجهك الي مابه شنبات <===== فرح ان شنبه يآقع عليه غراب
<======== بغا يقول غبار ...... عاد صز والله ان تصير مهزلة فيذا <=== فيذا يااااي هه
الشامخ ماعمري لفعت ولد مذن انا انا رجل <=== بزراااان هههههههه :D:D:D:D:D



الصيوان
ياخي أحس انك رجل <====== ولا حرف بالهرج
شف يا ألبي أنا أموت بك .... سذا من الله أحبك
شكلك تبي تقول مابقا الا يجيب الاخ مروايس ويتحفنا فيذا :D
أجل انا امهبووول .... أقول لا تمدح
طيب اصبر لا تدز
الا عاد الصيوان حبيب ألبي ..... يعني ما أحط صورة التكرنبه
قسم بالله شوري عليك اتفقوا وخلون احطه والله يا عليه براطم العمر
والله ياهن شيء ................ وعليه شوشة يحبه قلبك <==== ياولد حط رجلك
لكن مدام الدعوى به غول فياولد حط رجلينك

<====== يقالي موت أعقب على الي رادين علي
مشكلة يا فلاح ابن حثلين <======== وش يبي ذا
=== عطوه قطيته خلون ينزلع من الاستراحة <=== متأثر بالعيال :D:D:D


يالله سلالالالالالالالالالام وترقبوا رحلت سعفة للقصيعة وخب روضان
مح الشلاااااااااااااامه

[عطش الرمال]

ههههههههههههههههه

عاشت ايامك يا سعفه وش هالقصص

ذكرتنا بالسفره

الله يقطع بليسك


وبعدين حنا ما حطيناك مراسل بمكه
ببريدة وعسا بعد





تحياتي اخوكم مستر عطوووووووش
ابو عمر

[سعفة]

تسسسسلممممم يا حبيل ميدك يا ألبي
أقول ما عندك نية تشيل هالدهدرة الي بتوقيعك ... منهو ذا
أنا تقل شايفه بحمامات مسجدنا .. وانا ما ادري

ثاني شيء يا حبي انت تقول ما حطيناك مراسل بمكة
والله يا ألبي مصيول لاراح ضف الكمره ولابد يتحف الشباب
باب ماجاء في التصوير والوناسة عساك قل آمين بجفرة مندي
<=== لا تخاف خفيفة تراه نص متر .... يعني جروح على خفيف والجنط يبي يجرح رجلك
يارجال الدنيا تجارب

تقبل جغغفاتي يا بعد سلوتي
وترقبوااااا رحلت سعفة لـ<===== مانب معلم <==== مشكلة يا ابن بطبوطه ولا جابر بن حيان
<==== عاد دور جابر ابن حيان ... الظاهر انه الي غط العصا بالماء ومال
وانا ما ادري . يحسبه اكتشف الذرة لا أرميه
.. كود نرجع تسع سنوات للمتوسطة وعسانا بعد نتذكر العلوم



يالله شلامووووو

.

[@@ عاشق بريدة @@]

يابعد تسبدي با سعفه
ههههههه

[M O T H N N A]

شهتن الله يقطع إبليسك.


وبعدان وشن صور الدقريات مالك داعى أبد.


وأنت بعد الشامخ مالك داعى أبد تشجعه.

[السيد دكتـور]

الله يهلسك سبدي فطست من الضحك



بس الصور ما طلعن عندي ما أدري وراه





على فطنه أخوي الصغير مره حبته عبده ( دقريه من دقريات مكه )
جلس ثلاثة أيام مريض ويسبح كل ساعه

الشقه اللي حنا به دجو من كثر ما يجيبون وايتات


حتى البياره بدت تفتف

[سراج الخير]

شكلك فاضي يا دختور

بس ام الدقر ما طلعت بالثورة :)