ثانوية الغزنوي .... بادارة بنقالية

[فـارس]

كنت جالس مع احد اقربائي في احد المجالس العائلية
وانفتح الكلام عن اخطاء المدارس
وعدم اكتراث الادارات
يقول انه في ثانوية اول حرف من اسمها الغزنوي (اعتقد انها في سلطانة)

يتحدث عن قذارة مقصف المدرسة
وانه وجد يوما ذبابة داخل الساندوتش
وان احد زملائة ايضا وجد حشرة داخل الخبزة فهرع لاخبار المشرف ليتخذ الاجراء اللازم حيال البنقالي المتعهد للمقصف

بصراحة المشرف يقول ما قصر
رفع حاجبية مستغربا
ولم يكتف بذلك
بل نطق بها بلسانه قائلا (غريبة).....وبس

البنقالي حق المقصف
يطلع يسن السكين برصيف حوش المدرسة عيانا بيانا
لا ويشتري العصير اللي كرتونه ب9 ريال (غسال عصير)تكرم نعمة ربي
وما اظلمه يقولون انه يشتري عصير زين خاص لطلبات المعلمين فقط
(يعني مسوين فيها طبقة نرجسية)يحق لهم يتدلعون مهب مدرسين ؟؟؟؟

سئل طيب الذكر هذا البنقالي سؤال شخصي :
ليش ما تصير نظيف وتهتم بالمقصف
فاجاب مشكورا ولا اظنه مأجورا
ليش انا صير نظيف
كلوا طالب بيشتري نظيف والا وسخ
لازم هوا يشتري
عسان ما في مكان تاني يشتري منه

واذا غاب القط العب يافار
وشلون عاد اذا صار اصلا ما في قط
والا القط مضبط الفار
وما بالفار فار طاهر

[فـارس]

في المتوسطة بنفس الحي

كان احد الطلاب غائب للالم الم بحنجرته

ساله المعلم من الغد
ليش ما جبت الواجب
قال كنت غايب
قال ليش غايب
قال حلقي يوجعن
قال وانت تمشي على حلقك ؟؟؟؟؟؟؟

ياسلااااام والله على التربية
ياسلام على الاخلاق
افحمت الطالب والله يا مربي الاجيال
المفروض ما حطوك معلم
المفروض يحطونك تحاكم المساجين في سجن ابو غريب
اي عنجهية
واي تربية
واي تعليم
اذا سيارة السمكري تبي سمكرة
وبيت السباك يخرخر موية
وبيت الكهربائي ما في نور
والعلم نور
وفاقد الشي لا يعطيه
الله لا يعطي العدو عافية

[فـارس]

الكل مر من الموضوع مرور البخلاء

شكل الموضوع عااادي ببريدة

تعودنا كذا صح

ومادام ان القاضي راضي

ابلع موس وخلييييك ساكت

[قـرقو]

ازين خلهم يطلعونكم رجال
من هالحال واردى

[قـرقو]

والله جيل !!

والله مواطن كلب

حنا يوم حنا كبركم تدري وش نسوي ؟؟؟؟؟؟
بعض المرات نلقى خنفسانة بوسط الخبزة وتدري وش تسوي ؟؟؟؟؟؟؟؟
نفعصه بوسط الخبزة وناكله بالهنا والشفا وماضرنا شي هذانا رجال كبر الحمير

واكثر شي نلقى ذبان بوسط الشاهي تدري وش نسوي ؟؟؟؟ نطلع الذبانة ونقص ريشه ونجدعهن بوسط الكوب ونشره وماضرنا شي نعمة يالله لك الحمد

[See_you]

هذا حال المدارس عندنا

لكن ما نقول الا حسبنا الله ونعم الوكيل على المدراء و الوكلاء

اللي ما همتهم مصلحة الطالب ابد


مشكور اخوي على الموضوع


تقبل مروري

[بلبل الغابة]

مع احترامي وتقديري لك ياحبيب بالله هذا عذر يقول حلقي . طلابنا اليوم للاسف ضيعناهم بكثرة دلالنا لهم ( غياب . واهمال . وعدع مبالة . وضعف المستوى . ) الاقليل منهم حتى اني سمعت انا اغلب الطلاب لازم يغيب بالاسبوع مرة او مرتين

[المعتز بدينه]

ومع ذلك .. فما تزال بعض الوزارات الحكومية تشتكي .. ولكن (( لقد أسمعت لو ناديت حيا , ولكن لا حياة لمن تنادي )) ..

مشكور خيو

[احلى واحد هنا]

آن الآوان أن نرفع هذه الشكوى لحقوق الإنسان حتى تسمع أصواتنا

وتعطينا حلاو فكس من كثر مانبحّت حلوقنا من التصويت والشكاوى ،،

[صريح جد]

اشوف ها المبزرة كاثرة شكاويهم ضد مدارسهم وش السالفة ياخي اكيد لاطلعت من المدرسة مريت احد ها المطاعم وبلعت منهم وهم اردى واوسخ من مقصف مدرستكم ولا سبيتهم جب معك فسحك وخلاص

[منتتجي]

شكاوي كيدية فقط لاغير

[فـارس]

منتجي

مسكين ما تدري .........

والظاهر انك ما تبي تدري

والا نسان معروف انه عدو ما يجهل
وهذا منطقي..
ولكن ان يكون عدو ما يعلم
فهذه ام المصائب

[فـارس]

اشوف ها المبزرة كاثرة شكاويهم ضد مدارسهم وش السالفة ياخي اكيد لاطلعت من المدرسة مريت احد ها المطاعم وبلعت منهم وهم اردى واوسخ من مقصف مدرستكم ولا سبيتهم جب معك فسحك وخلاص


على طاري مبزرة .... انت طيب ؟؟؟؟

يعني يا ياكلون وسخ بالمدرسة؟؟
او يجيب معه فسحة
ليش حطو بوفية بالمدرسة اذا بيحطونها بالنكهة البنقالية ؟؟؟
بعدين المطاعم برا تحت مسؤلية البلدية والبلدية عندها الاف المطاعم تصعب السيطرة عليها
مو زي ادارة المدرسة ماعندهم الا مقصفن واحد
لكن لو المدير مو مستفيد والله ما يسكت
لكنها مشاريع استثمارية للمدير واذنابه

[فـارس]

والله جيل !!

والله مواطن كلب

حنا يوم حنا كبركم تدري وش نسوي ؟؟؟؟؟؟
بعض المرات نلقى خنفسانة بوسط الخبزة وتدري وش تسوي ؟؟؟؟؟؟؟؟
نفعصه بوسط الخبزة وناكله بالهنا والشفا وماضرنا شي هذانا رجال كبر الحمير

واكثر شي نلقى ذبان بوسط الشاهي تدري وش نسوي ؟؟؟؟ نطلع الذبانة ونقص ريشه ونجدعهن بوسط الكوب ونشره وماضرنا شي نعمة يالله لك الحمد

بالعافية على قلبك
اجل تنشف الذباب وتنقمه تنقيم
والله من القذارة بعد
وتحب قصاميل الصراصير شكلك
المفروض تتوظف بمصلحة الصرف الصحي وبدون بدل ريحة
لانك اكيد راح تستمتع دام هذا حالك

[فـارس]

هذا حال المدارس عندنا

لكن ما نقول الا حسبنا الله ونعم الوكيل على المدراء و الوكلاء

اللي ما همتهم مصلحة الطالب ابد


مشكور اخوي على الموضوع


تقبل مروري


اشكر لك مرورك وبيض الله وجهك وكثر الله من امثالك

الله يصلح الحال

[حـنيت]

اشكرك من كل قلبي على الموضوع الطيب


لكن يرجال زي هالأشكال حار بحار

" بالموفهوم العربي "


واحد من العياال .. بالمدرسه هالأيام ذي شراء شاهي .. لقاء فيه وصاخات .. بغض النظر عن الذكر اعزكم الله

رجع المقصف وكب الشاهي بوجهه < هذا ما اقصده عن حار بحار

والله يحفظنا من كل مكروه يارب

[ام الزلمات]

والله يالبنقالي ماخذ راحته بلمقصف
غريبه والله اذكر ان الجذاعين منجس وخاصه جذاعين القصيم
مهنا اشطن منهم
اسحبو البنقالي من المقصف وحطوه بوسط الساحه
وطيحو به دق
الين يتفل العافيه

[فـارس]

اشكرك من كل قلبي على الموضوع الطيب


لكن يرجال زي هالأشكال حار بحار

" بالموفهوم العربي "


واحد من العياال .. بالمدرسه هالأيام ذي شراء شاهي .. لقاء فيه وصاخات .. بغض النظر عن الذكر اعزكم الله

رجع المقصف وكب الشاهي بوجهه < هذا ما اقصده عن حار بحار

والله يحفظنا من كل مكروه يارب


حنيت

ام الموذي (اسم مرررة مميز)

اشكر لكم تفاعلكم ومروركم

حلوه حار بحار

هنا الا جنبي محمي بكل المقاييس
وش خلاهم يتفرعنون علينا الا الصلاحيات اللي يتمتعون به

لو بنقالي سرق او سوا له جرية
ما يخلونه
يمسكونه
و............................ يسفرونه
وياخذون عليه تعهد انه ما يرجع للسعودية
الا بعد سنة
ويجيب معه شهادة حسن سيرة وسلوك
ويشترط عليه يجيب معه خمس بنقالية
وبس

[مجرد أحساسـ,,]

واكثر شي نلقى ذبان بوسط الشاهي تدري وش نسوي ؟؟؟؟ نطلع الذبانة ونقص ريشه ونجدعهن بوسط الكوب ونشربه وماضرنا شي نعمة يالله لك الحمد

ههاي ريشه حللللللللللللللللوه أجل هي عصفور:065:

هاللحين ماتدري أن الذباب له جنحان وانت تقول مبزرة
وترا الرسول حذر من الذباب وانت تخالف الرسول يعني ماعندك علم أبد
وثانيا لو تجيب أختر ألفاظ زينه أحسن

أرجو أني ما أخطيت عليك بشي لكن مجرد إنتقاد

[قـرقو]

^
اخوي يبدو انك لاتعرف هذه المعلومة لصغر سنك وجهلك فاتمنى ان لاتقارع من هم اكبر منك سنا وقدرا وعلما مثلي


فالاصل قص ريش الذباب واكله لان نصفه داء والاخر شفاء كما ورد في السنة

[قـرقو]

قال الرسول صلى الله عليه وسلم ( إذا سقطت ذبابه فى إناء أحدكم فليغمسها
ثم ليلقه فإن فى أحد جناحيها داء وفى الأخر دواء ) أو كما قال صلى الله عليه وسلم .

[قـرقو]

أجرى العلماء بحوث علمية على الذباب فوجدوا أن بعض يرقات الذباب تحتوي أجسادها على
بعض المواد التي تسمى بـ"بكتيريوفاج" و التي تساعد على سرعة إلتئام الجروح ولهذا
فقد يفيد وضع ذبابة فوق جرحك..

لقد لاحظ بعض الأطباء أن الجروح التي وقف
عليها بعض أنواع معينة من الذباب ونمت عليها بعض من يرقاته قد شفيت بصورة طيبة وعلى
العكس فإن الجروح التي لم يقف عليها الذباب ولم تنمو عليها اليرقات قد تلوثت!!




وهذا طبعا لا ينفي ما تعلمناه صغاراً بأن الذباب يجلب الأمراض..ولكن كما
يقولون ..لكل قاعدة شواذ..ومن السموم الناقعات دواء، ويذكرنا هذا الكشف بنصيحة
لرسول الله صلى الله عليه وسلم لنا بأنه إذا سقطت ذبابة في شراب أحدنا فليغمسها
كلها و بعدها يتناول شرابه دون خوف من إصابته بأذى وقد فسر عليه السلام السبب في
هذه النصيحة بأن الذباب تحمل على أحد جناحيها الداء و على الآخر الدواء..وهي عادة
ما تسقط على الجناح الحامل للداء..فإذا غمست في الشراب تعادل الداء مع الدواء
.

لتاكيد المعلومه


حدثنا ‏ ‏قتيبة ‏ ‏حدثنا ‏ ‏إسماعيل بن جعفر ‏ ‏عن ‏ ‏عتبة بن مسلم ‏ ‏مولى ‏ ‏بني تيم ‏ ‏عن ‏ ‏عبيد بن حنين ‏ ‏مولى ‏ ‏بني زريق ‏ ‏عن ‏ ‏أبي هريرة ‏ ‏رضي الله عنه ‏
‏أن رسول الله ‏ ‏صلى الله عليه وسلم ‏ ‏قال ‏ ‏إذا وقع الذباب في إناء أحدكم فليغمسه كله ثم ليطرحه فإن في أحد جناحيه شفاء وفي الآخر داء ‏

[فـارس]

اجل الله يعطيه العافية هالبنقالي
بارن بعيالنا يوكلهم فسحة ذبان
يبي جروحهم تلتئم
عسى العدو انشالله للجرح اللي ما يبرأ

[رفيــع الشانــ]

مشكور أخوي
للأسف لاتوجد متابعة ومراقبه لمقاصف المدارس
عامل المقصف يعمل ماشاء
مجرد عمل بسيط يقوم به أحد منتسبي المدرسة بالمرور على المقصف كل يوم ومراقبة عمل العامل
إذا كان كانت إدارة التعليم عاجزة عن متابعة المقاصف تؤكل هذا العمل الى البلدية

أعذرني صاحب الموضوع/
قرقو نعت المواطن بالكلب
ورضيت على نفسك تشبيهك بالحمار
فلا غرابه على رضاك بهذا الوضع
بالنسبة للذبابة الرسول صلى الله عليه وسلم لم يقل تؤكل

تقبل مروري وتحيتي؛؛؛

[الوساااام]

المفروض تدخل البلديات في الاشراف على مقاصف المدارس ....!

[فـارس]

والمفروض المبزرة ما يدخلون المنتديات
ويجيبون ورقة موافقة من ابوهم عشان يشاركون بتعهد انهم يحكون حكي رجال والا
مع الف سلامة

[ملكة الرومانسيه]

أين الرقابه عنهم ؟

[شيكوماتي]

بسيطه لو كل طالب جاب اكله من بيتهم كان مافيه مشاكل .

[هلا بيك هلا]

انا من طلاب ثانوية الغزنوي


كل الكلام اللي تقوله كذب

[أبو خالد111]

طيب اذا كان المقصف تبع الوكيل وتروح تشتكي على مين

حاميها حراميها

[سعيد بن مسعدة]

هذه حال المدارس أقولها وأنا معلم ، لأن ما هناك طلاب يستحقون الجهود في يوم الأربعاء كانت مباراة المنتخب ومن ضمن الجمهور مجموعة رافعين شعار توقعوا وش مكتوب فيه :





مكتوب وبخط عريض
بلا اختبارات
فأي شعب هذا الشعب المتخلف وآخرتها يحطون الملامة على المعلم وعلى إدارت المدارس .............

[دحومي]

والله جيل !!

والله مواطن كلب

حنا يوم حنا كبركم تدري وش نسوي ؟؟؟؟؟؟
بعض المرات نلقى خنفسانة بوسط الخبزة وتدري وش تسوي ؟؟؟؟؟؟؟؟
نفعصه بوسط الخبزة وناكله بالهنا والشفا وماضرنا شي هذانا رجال كبر الحمير

واكثر شي نلقى ذبان بوسط الشاهي تدري وش نسوي ؟؟؟؟ نطلع الذبانة ونقص ريشه ونجدعهن بوسط الكوب ونشره وماضرنا شي نعمة يالله لك الحمد

احلق شنبي ان كنتوا تزينون كذا للالقيتوا الشطه داخل الخبزه قمتوا تهاوشون تحسبونه دم ياخي كل ماقلنا شي قالوا حنا يوم كبركم نفعل و نفعل الله من الكذب انتم يوم انتم كبرنا مثلنا واردا بعد لاكن يوم كبرتوا اقالكم تبي تربوننا اجل لالقيت خنفسانه اكلتوها هيييييييييييييييين ان كان هذا صدق انواع الكذب :102::025:

[معشي الذيب]

والله جيل !!

والله جيل !!

والله جيل !!

والله جيل !!

--