خبـــــــــــــــــــــــــــــــر عاجل كليه التاهيل تعالو شوفو

[من قدي بنت ولد جدي]

:eek::eek:بســـــــــــــم الله الرحمــــــــــن الرحيــــــــــــــــم
الســــــــــــــلام علـــــــــــــيكم



الى كليه ((كليه اتأهيل اعداد المعلمات ))
صدر هذا السنه 1429قرار بنظام الجامعه وهذا النظام ليس فيه تقدم في التعليم بل على منع القهوه
وغلاالكافتريا وعدام قبول الطلبات التي تصل نسبهم 94 ,و68وقبول الوسطه النسب القليله التي تصل 70
وهذا يادي الى جلوس البنات في البيوت والفراغ عندهن وضياع الى من حفظ الله
.كيف تمنع القهوه هل هذا يضر البنات وكيف تمنع وتباع في الكافتريا والترمس يصل الى 15 ريال هل هذا يعقل

[حلوه بضحكتها]

والله يالغلا لاحياة لمن تنادي

نادينا اشتكينا قاطعنا الكافتريا (( ماعندك احد))

[إيـليـا]

مو غريبه عليهم يالغلا تعالي شوفي الشغل عاد جوى الكفتريا الحمدلله والشكر

تبين نصيحتي افطري فبيتكم حبيبتي وروحي للكليه احسن شي

الله يكون بعونا ان شالله ويطلعنا منها عاجل غير آجل قولو اميييييييييييييين 00

شكرا لك غاليتي

[د/ بريدة]

الله يعين ويوفق الجميع إن شاء الله ...

وانا ضد مدارس البنات ...

[حلوه بضحكتها]

هم اصلا يبوننا نصوم من 6 الى 2 الظهر

ياليت احد يجيب لنا ايميل او منتدى دكتور عبدالمنعم وكيل الجامعه متأكده ماراح يعجه الوضع الحالي....!!!!!!!!!

ومو مسألة منع قهوه وغلا كافتريا حتى بعض القرارات ماطبقوهن ...!!!!!!!!!! يعني اللي عاجبهم طبقوه والا ماعجبهن خلوه على جنب

حسبي الله على كل ظالم

[آسير الأااااااه]

الله يكون بعونكم على الظلم


اكيد في نسبه من الكافتيريا لل........؟؟؟

لكن الحل المقاطعه

وعليكم بحلاوه القهوه اطعم:060::060::094:

[بايعه بقرش]

الـــــــــــــــــــــواســـــــــــــــطــــــة



فـــــــــــــــــوق الــــــــقـــانــــــــون

[قصمنجيه]

خخخخخخخخخخخخخخخ الشكوى لله يااختي وش نسووي فيييهم هم مافكروا فينااا

يفكروون بها المكافئه اللي يعطونااا ايااه مايدرون كلها تروح كتب وطلبات لهم ولا الحين ثلاث اربااعه للكفترياا

ولا ذااك اليووم المستخدمه الي عند الباب تفتش وتقووول عسااكن للمرّ << تدعي علينااا تقل من جيبه نجيب القهوه

حسبي الله عليييهم .. لاحياة لمن تناادي

[حبووبهـ]

الله يخلف علينا بس
من جد كليتنا اردى كليه من ناحية القوانين
قوانينهم وانظمتهم ع كيفهم واذا قلنا شي قالوو انتم تبع الجامعه مادري ليش تبع الجامعه بالانظمه الي مو من صالحنا والانظمه الي كنا نتمى اننا نكون طالبات جامعيات علشانها يحرمووننا منها خلاص نظمننا نظاام جامعه مفرووض بكل شي مو بلي يبونه والي مايبوون يمنعوونا
كليتناااا تسيب ودماااااااار ومافي احد واقف عليهم
حرمه ومعطينها سلطه اكييد بتتقيووى
اجل شفتوو رئيسة قسم يسالونها البنات عن اشياء هامه طلع من المكتب وتخليهم يحاكون انفسهم من دوون لاتبين لهم اي شي لو مره مرتين ماعليش لكن دايما كذا لي 3 سنواات بالكليه عمري مارحت لها ابي شي وتعبرني ومو بس انا اعتقد كل بنات قسمي يعنوون منها رئيسة قسم العلوم والرياضيات اكيد معرووفه مافيني اذكر اسمها هل يخفى بس والله ملينا من انظمتهم وقراراتهم اجل يقلون لسنه الثانيه الباقيات احظرو المواد الي معاكم من اول
ولم حظرو قالو لا خلاص بنختبركم وصارو البنات ومايحضرو والحين راجعين يقلون اجلنا الاختبارات لازم تحضروون حرااام عليهم لعبوو بغيباتنا وحظورنا لعب
اعتقد المواد الي معااي من اولى وصلت نسبة الحرمااان بسب عدم ثباتهم ع رائي كل يوم رائ
مو معطيننا نظام نمشي عليه وبس
مليييييييينا واعتقد البيووت ارحم لنا من المصخره الي صايره بالكليه..

والخااااااااااااافي اعظم

[العديلي]

السلام عليكم ارجو من اخوتي في كلية اعداد المعلمات انهن ما يسكتن على القرار البايخ مع احترامي للجامعه صارت الجامعه كانه مدرسه , واذا كان قصدهم ان القهوه تشغل البنات عن الدراسه فهاذي حجه غير مقبوله و الضاهر ان اسس المنع اساس مادي بحت علشان يدعم صندوق الطالبه , ارجو من جميع البنات رفع الشكوى و المعانات للعبد المنعم تراه حقاني و رجل مايقصر ...تقبلو تحياتي.

[@ بيدبه @]

يا بنت ولد جدها
يعني حبكه على بنات الكليه ما يشربون القهوه الا في الكليه
ليش ما تشربيها قبل الدوام في البيت مع امش وابوش

[buraydah.city]

مو غريبه عليهم يالغلا تعالي
تبين نصيحتي افطري فبيتكم حبيبتي وروحي للكليه احسن شي




وبس............!

[ضب مقلي]

الحمد لله والشكر


والله انهم اوب صاحين


اجل القهوه تمنع

لكن --لا مناداة لمن حياتي

[إكسير]

هي واقفة على القهوة وبس ؟ ؟ ؟

أنا أسمع ولا زلت أسمع عن تخبطات مب صاحية في كليات البنات . . .

في التأهيل أو التربية . . . أو كلية الاقتصاد الغريبة الأطوار . . بصراحة فيها لعب وبلاوي عجيبة . .

وما دامـ إن العميدة " من الجالية العربية " فحدث ولا حرج . . .

وإن شاء الله بكتب مقال في الصحف بعد اتفاق مع أحد الصحفيين عن التخبطات في كليات القصيمـ . .

ولا زلت أجمع أحداث حدثت في تلكت الكليات . . .

فلكمـ الله يا بنات القصيمـ .

[**بنت منيره**]

والله يا أنتم شاديين الظهر بالدكتور العبد المنعم والله مادري عنكم
وصندوق الطالبات مايكفيهم الفلوس اللي ياخذونه اول السنه عساهم المر ودايم ايقالهم مسوين حفل للطالبات <<هذا بالتربيه ,,ما نشوفه للعميده فقط,,,وهومن هالمكافاه,,ما قلنا شي بس على الاقل نشوف هالحفل
والا عاد الكافتريا بقاله خايسه وارتاحي

[حورية بريدة]

الله يعينكم

وش الكليه بلا قهوة

انا يصكن راسي بالكليه لما اتقهوى

اشوى اني ماادرس به الحمددددددددددددلله

[‏!تميميه فله!]

الله يعينكم بس حنا بكلية اقتصاد بنلحقكم اسمع يقولون ذا العميده بتشيل الطاولات عشان ماينشغلن الطالبات عن الدراسه<وخر عنه بس ويلي طلبتي عبدالمنعم أنا أقدر أجيب لك رقم جواله ومكتبه وش طلبتي بعدو أذ تبينه ارسله لك
‏ ‏

[حديث الساعة]

الحل للمقصف
انكم تسوون مقاطعه لمدة اسبوع اتفقوا متى ,,
وانشروا عن طريق المنتديات رسائل الجوال واكتبوا بالقاعات وحتى على جدران الكليه
والله دول تعدلت من المقاطعه مهوب عاد مقصف يتبع لوحده ماتخاف الله ,,,

[من قدي بنت ولد جدي]

مشكورين على الرد والتفاعل

لا ازيدكم من الشعر بيت شفتو اخر قرار نزل كنت بالمحاضره ذاك اليوم مادرينا الى ودخلو علينا وقالو اسكتو ولا حركه ولاوحده تتحرك من محلها وبدو تفتيش على الجوالات يقلون مانبي جوالات بلتوث بسم الله تقولن ارهابين او معنا شي خطير او مخبين معنا مسدسات او رشاشات
ولا بعد شوفو النكته الثانيه يدورون على الطاولات ويفتشون الكياس الي فيها صورشوفو ايش الوقاحه خير ان شاءالله

ولا اي وحد معها كيس فيه صوره يوخذ منها ها ها ها الحمد الله بس
وش ها القرارات هذا قرار جامعه بعد ؟؟؟

[لارين]

شوف اختي كذاا يااويلي

بس المقاطعه حلووه الله يستر ان ماطبقو النظام بكليتي
اغديه عميدتنا الجديده حبيبه ومتفهمه

[! w..h..y]

اثره مو بس حنا نعاني!!



الاخ إكســــــير الله يحفظك ويرعاك لاتنسى كلية العلوم الصحية بجانب كليات القصيم

,,,

مقيوله البنت ماله الا بيته وعياله وحنا نقول لآ نبي ندرس ونتوظف واجواء الكليات تنفِـر للاسف ماترغِـب


اقول ورا مانقابل ميماتنا بس هن الي بهن الاجر ويوم تكبر اعمارنا ندرس محو أميه قسم بالله هناك مدلعينهم وتنجحين ونتي نيمه ولاااا مدرسه اهليه !

جــربن :)

[Moonlight]

اقول لكم بنات لا تطيعونهم
وكل يوم جبين زمزميات وحتى لو هن فاضيات بس لا تستلمون لأنه صراحة ماصرت يتحكمون وش نشرب وش نأكل بعد بها الشتاء ماتركنا القهوة بالثانوي الحكومية والله كنا نجيبها ومديرتنا العسل ماقالت لنا كلمة الله يذكره بالخير

وبعدين من قال إن نظام الجامعة كذا نظام الجامعة يدفع الطالب 3 ريال ويفطر اللي يبي يعني بس مبلغ رمزي وبعد بوقت الغداء يتغدى ، وحنا يالبنات محجرين علينا مع كل محل مايكفي أن الباب مايفتح إلا بعد الصلاة يعني لو الوحدة ماعنده إلا محاضرة واحدة لازم ترتز وتنطق لين يفتح الباب والله حاله
أهم شي لا تسكتون عليهم
ولا بعد تفتيش اقول يزين عميدتنا بالأدبية إنسانة محترمة لأبعد الحدود الله يوفقه بجميع أموره

[*سـكـر خـشـن*]

اناا من رأئي انكم تسوون جمعية لحقووق الطاالباات وتكوون منظمة وفيه توااصل بينكم او على الآقـل دااخل الكلية الوااحدهـ وتدخلوون على العميدة وتنااقشوونه وقوولوو له تنفذين مطاالبناا ولآ بنفصل امـــــزح :)

صدقووني اهم شي لآيآتي الخطااب اوالنقااش بصورة فوضووية وستروون نتآئج بآذن الله مرضية للجميع


بالـتـووفـيـق ،،

[مخاوي الزعل]

اصلن هم يبون يكرهون الطالبات بالدراسه علشان مايبلشون بتوضيفهن

[@@الوتين@@]

اذا مو معجبكم شي اجلسو ببيوتكم احسن لكم........................
.................ماطاح من النجوم اخف لسماء....................

[ذكريات طفوله]

يابنات لاتستسلموووووو قاطعوووووووووووووووووووووووووووووووووووووووووووا
حتى لو على اخر رمق
سالت امينة الصندوق عن السبب قالت وبكل صراحه عشان الكفتريا لايخسر
يعني وهو على احسابنا ناس مالقت احد حسبي الله عليها

[بلبله99]

السلم عليكم................
الله يكون بعونكم ولو السلافه على إنهم مايبون تنشغل الطالبات عن الدراسه كان ماباعوه بالكافتريا حقهم بالعكس بدال الطالبه مايكون فطورها جاهز تحتاج إنه تمسك دور على الكافتريا وأنتم ماتخفى الزحمه عليكم وهذا يضيع وقته أكثر......
لكن منقول إلا حسبنا الله ونعمنا الوكيل


حتى حنا بالتربيه الكفتريا كنه محل ذهــــــــــــــب؟؟

مره نسيت أجيب معي فناجيل للقهوه ورحت أشتري أكواب منهم عطوني أربعه بريال وليتهن كرتون بلاستـــــــــيك!!

والكيس أصلا كله فيه 100حبه بريالين!!!!!!!!!!!!!!!!!!