فِيه أَحدْ مِثلي يعَاني ؟ 10 شهور مو بسيطه ..!!

[سحابه]

سلام الله عليكم ..

كأي بنت من الطبيعي انه كل ما بين فترة وفترة تسمع " ان فلان الفلاني كفو وما مثله أحد
وووو ....وش رايك يابنيتي ؟
عاد انتي لا تستعجلين استخيري اسبوعين , ثلاثه خوذي راحتك "..
أنا آخر مرهـ سمعته قبل سنه تقريباً ..
جلست بعدهـ شهرهـ ماسمعت شيء !! وجاء الشهر الثاني وقضى , ونفس الحكايه !!
بصراحه ضاق صدري ـ مرهـ أقول عين ,والا أحد داعي علي ـ
ثم أتذكر >> انا مداومه على الأذكار وما عمري سمعت كلمه " الله لا يوفقك " من أحد ..
ـ ـ ـ
في الليلة الثانيه من محرم " رأيتهُ في منامي " !!
قمتُ خائفة , أرتجف من البرد >> والمكان دافئ !!
يا إلاهي ماالذي رأيته ؟ اللهم اجعله خيراً ..خرجتُ أتوضاء ,
وما إن شرعتُ بصلاة القيام إلا وهو يؤذن لصلاة الفجر ..
ـ ـ ـ
جلست قرابة الأربعة أشهر و أنا بحالة لا يعلم بها إلا الله ..
كيف عرفن وكيف وكيف .......؟؟
"شخص لا تعرفين منه إلا إسمه فقط , و لا تربطك به أي علاقه ..
وترينهُ كرؤى العين وهو ....." >> شكله داعي بيوم عرفه !!
ـ ـ ـ
جلستُ مع أمي ذات صباح وأخذتُ أحدثها عن مارأيت ..
( يمه قبل فترة شفت اني ........ و.. وبس )لم أكمل حديثي..
ابتسمت أمي " ماشاء الله هذا حظ "
..........................
أنا الحين ودي أقول لأمي ( يمه أنا شفت واحد بالحلم حاجزن )
بس صعبه كذا >>لأن الشخص مو قريب مثل ولد عمك أو معروف مثل ولد جيرانكم ..
أحس عادي لو تقولين/ يمه أناشفت فلان !!
وأنا أحساسي يقول ان أمي تقول / هذى عين جايته ..وانا ودي أطمئنه واعلمه الحقيقه..
ـ ـ ـ

لأن المدة طالت 10 شهور والحال كذا >> أحس ان فوق راس أمي و أبوي علامة تعجب كبيره "!" ..
أي خطوبه على طول تنتهي >> (أذكر صديقتي كلمت علي " فلانه امس عندكم رجال المغرب ؟
ايه كيف عرفتي ؟
الي جاكم امس صديق رجلي .. بس ليش ردهـ ابوك وهو ما ناقصه شي !!
ـ ياعمري ما تدري إن السالفه من زمان وهي كذا ـ ما أدري !!
ــــــــــــــــــــــــ
يــــارب تـــــرحمن




.........
كتبته هنا لأني أثق فيكن يـ بنات بريده ستي و أطلب من كل وحده انه تقولي وش أسوي الحين؟
وخصوصاً حنايا القلب وبنت الشماسيه ..

متابعة دائمة لهذا القسم منذُ أنشئ

[مروم]

اهلين اختي
انصحك انك تقولين لامك عن اللي قالته لك صديقتك
هاذي امك ولازم تقولين له اللي في خاطرك
والله هذا مستقبل والعمر يمشي اليوم جو ناس ماتدرين بكرى يجي احد ولا لا
والله يوفقك لكل خير

[ألماسة حساسة]

السكوت ما عمره نفع أحد حبيبتي اللي بخاطرك قوليه هذاشئ يخصك أنتي

,وإذا كان الرجال مافيه عيب بخلقه أو دينه ورديتيه راح يسألك يوم القيامه
وما فيه أحد كامل...

[هايين]

الله يستخير لك الخيره المباركه

***

صارحي امك وابحثي عن تفسير ذلك الحلم

.......

[بنت الشماسية]

الله يجزاك خير ويرزقك على قدر نيتك

والخير والفائدة مو مقصورة علي أنا وحنايا الخير بالكثير يابعدي

أحس اني مافهمت الموضوع زين مادري يمكن الخلل فيني

لعلي أقراه مرة ومرتين وثلاث والتأني زين بكل شيء :)

الآن على عجلة من أمري وبرجع بإذن المولى لكن تقدير لك رديت يالغالية

:)

[تحكمني قناعاتي]

اهلا عزيزتي..

فهمت حرفك .. لكن لم افهم المبتغى

مازال فهمي لمشكلتك غير كامل اتمنى التوضيح أكثر ...

الله يسعدك

[استغفاري سر سعادتي]

مرحبا ياقلبي ليه تستحين من امك

بالعكس صارحيها وقولي اي شيء في خاطرك

ولا تخفين عليها شيء

الله يوفقك ويكتب لك الخير

[غ دير المح ـبة]

؟؟

قرأت ولكن لم أفهم شيئاً

[شًقِـــآؤٍة صًِغَآرٍ]

لم افهم ماكتبتي إلا القليل ؟؟
ارجو التوضيح أكثر بارك الله فيك ..

[ما تَهَاب]

ترا اللي حولك ماهنا ذهانه وانا اختك وضحي اكثر:)...
الله يوفقك ..

[في داخلي قلب طفلة]

مششششكوره-سبحان الله

[ام رمان]

يا قلبي اختي نفس حالتك ولله وبعد سنه جاء لكن سبحان لله ماخذته وهالحين هي متزوجه مع واحد يسوووووووووووووووووه مليون مره ماريح تاخذين الى المكتوب لك لاتهتمي فوضي امرك الله

[هلا يمه]

عفــوا غاليتي لمـ آفهم المــوضوع بصورة واضحــهـ


آرجو التوضيح ليتسنــى لنا مساعدتــكـ بصورة صحيحــه

وفقتي لكل خيــر هو لــكـ

[(مون لايت)]

لم افهم الموضوع وضحي اكثررررررررر:oo:confused:

[§¤بكرى اكيد احلى§¤]

ترى موشرط الحلم اللي شفتيه يكون بالواقع نفسه لازم تفسري حلمك

[كاكاو سايل]

ترا اللي حولك ماهنا ذهانه وانا اختك وضحي اكثر:)...
الله يوفقك ..


بالضبط سيم سيم ....^^^^^

[لولو المزيونه]

انتي جواتك بدون ماتحسين عندك احساس ان احد موقف نصيبك
عشان كذا تشوفين الحلم
دقي على شيخ واسأليه واذا قال لك حديث نفس
معناها نصيبك لسا ماجا
وباذن الله بيجيك بس طولي بالك