...اعترافات فوق طاولة المدرسة ....

[طبيب النمل]

شلونكمـ ..؟ .. شخ ــباركمـ ..؟


اليوم جايب لكم موضوع ولا اروع ...

سهل وبسيطـ ..<< (( على باله اختبار)):re .!

هو كل واحد ووحدة. . يعترف باللي كان " او مازال " يكتبه على طاولته بالمدرسه ..!


مو شرط يكتب يمكن يرسم ..!

يعني وجوه .. او . .. او اسمه بالانجليزي .. او كنيته المرعبه ooo1 ..َ

اي شي ..

طبعاً أنا يوم كنت طالب كنت مؤدب ما أكتب شيء ولذلك أمي تسمين ولدي المؤدب ((والله من الصدق))

بس ولو تراي مؤدب ..

عاد ...
بصراح ــهـ ابي اشوف اعترافات ح ــلوهـ ...

[mr.muhmmed]

يعني .. كيف .. !


اكتب وش كاتب في الماصه .. ؟

[طبيب النمل]

ايه نعم يعني وشي شخاميطك على الطاوله


أو اللي على السجادة اللي تحطة فوق الطاوله ..


ومشكووووووور على مرورك ...

[اللهذام]

يعني .. كيف .. !


اكتب وش كاتب في الماصه .. ؟

كالعادهـ ،،:(

أكود سبورة عشن يفهم !!:d

وهـ بس

[اللهذام]

بالنسبة لي : أذكر بالمتوسطة ماصتي ياكثر الحفريات اللي به
وكل هالفوضى ذي عشن أكتب : أبوعمر في خدمتكم << وش عنده
،
’
موضوعك حلو ياقميل انتا

[الضَمَـادَا ®]

الضمادا..
وكانوا أهلي يلقبوني فيه من يوم كنت صغيرا في الإبتدائية ..
................................

أما عن التحفير بالطاولات فحدث ولا حرج ..

[دريم]

أنا تسد كتبت (( ترقبوا المفاجأة )) :113:
عاد أشغلون العيال ( زملائي في الفصل :113: ) يقولون وشي .. وشي !
مصدقين هالدبش إن وراي شي :090:
موضوع زين ياحلو ..

[روسان]

أهم شي بالماصه الفتحه لشفاط العصير:d

[عراوي]

ياما وياما كتّبت على الماصات ،،

لكن الموقف المضحك والغريب ..

مرّة بثالث متوسط فتّشونا وأخذوا جوالي أنا وكم واحد من الطلاب ،،
ومن القهر الي بقلبي كتبت بقلم صحايف على باب الفصل من منداخل ( إرهاب v إرهاب )
ويجيك الوكيل ويسوي تحقيق إلين توصل إلى ثلاثة ومنهم أنا ..

فعطانا تعهد وأمرنا اننا نمسحه بأي طريقة ،،

من بكره جبت علبة قار ( زفلت ) وتلطيش بالباب ..

يوم جاء يشوف بغا يغما عليه ..

[الطرطعانة]

خخخخخخخخخخخخخخخخخخخ


انا كنت أكتب بريدة تاج القصيم....

[mr.muhmmed]

كالعادهـ ،،:(

أكود سبورة عشن يفهم !!:d

وهـ بس





مقبوله .. منك :p


:031:


اصبر خلنا نتذكر .. ;) اممم :031:



وشسمه ..


هاذي مرهـ وانا في الإختبرات النهائيه
عندنا مادة " E " وانا كاعادهـ ما اقتح الكتاب ..
ابداً ابد وانا فاضي واللي حولي مشغولين بالكتابه
والمدرس اوب حولي .. بديت اكتب اسامي لوحتا سيارات
طبعاً مو اي لوحه فقط الفخمات و الزينات .. و من اللوحات ذولي 7


1_ ا ح ب السعوديه 1 0 0

2_ ا ا ا السعوديه 1 1 1

3_ ا هـ م السعوديه 1 0 0

4_ م ع ى السعوديه 0 3 4


و غيرها ..
امر امل وانا اكتب
قلت خلنا نأخذ قيلولة الصالحين
امر اجيك و اسدله نومهـ إلين قال المدرس
دوك الورقه و وقع امر اجيك و اوقع وامشي ..
و الإختبار مادري عنه إلى الأن اهم شيء الواناسه




..


مشكور على هالموضوع ..



والمعذرهـ على الإطاله :d



والسلام عليكم .. :031:

[ALDB]

مستر والصدز :d

[mr.muhmmed]

عاد بكيفك ..



تبي تصدز الحمدلله ..

مانتب مصدز على راحك يا البي .. :p

[الـمـتـمـيـز]

عآآآآدي يالمستر ’’’’



أجل معك 430



تشهو ياقلبي ’’’’ :d

[عبدالرحمن الشايع]

.


هههههههه ..

يآمآ ويآمآ ..


لكن مآ آحب آقولكم شي إلا إذآ طرآ لي شين هووين .. :113:

[الـمـتـمـيـز]

8


والله من الهبآآآآآل تسآآآآن بي علم ’’’’

[السباح n80]

الطلاب والكتابه على الماصة حدّث ولا حرج
مره من المرات أول ما استلمت ماصة قعدت كالعادة أتأمل وش مكتوب فيها ومن ضمن ما وجدت طالب كاتبن:
أنا الحين في اختبار ثالث ثانوي وزاره وموزوز وش اسوي ابي حل . .
ومن هالكلام طبعا آويتله . . ,
موضوع حلو يازين

[ألفارس الاسود]

هو هو يا مستر محمد

[عشقاً سكن وجداني]

اهنيك على هالموضوع

السنه الي راحت كنت باول ثانوي الطاوله كله شخاميط وبه مدرس ناشبلي بذا
اول مايدخل يجيب معوه تنر يخلين امسح بس انا بي انوع اللعانه ;) اذا مسحته يبقى شوي على الطاوله كل يوم اقوي عليه بالقلم لين يبين اخذت اسبوع على هالحال آخر شي عطان الوكيل استدعاء وتعهد وماطبيت الفصل اسبوع كااااامل

[كيك]

والله ما كنت أكتب كنت أحفـــر >>>> خخخخخ
بصراحة أحيـــاناً تكتشف موهبة بالنحـــت مدفونة داخل وجداني . .
بس بصــر
احة المــاصات الي كنت أحصــل عليــها كانت في حالة سيئة يعني مهب جديدة . .

[هتلر بريدة]

أذكر بالمتوسطة أكتب :


سكري القصيم

برازيل القصيم

[الـدعساوي]

الكتابة على المصات مظهر غير حضاري .... ايه هين يالمؤدب

والله الكتابات مثلك يابوعاصم مؤدب ماأكتب شيء ... الصدز واجد:d

والله ماأذكر شيء اذا ذكرت قلت لك

والله من الفضايح بعد ماعندك غير هالمواضيع:d

[الواقعي 9]

الصراحة اني راعي خرابيط واجده وشخاميط > جايزن لي خطي

بس اشخمط بدفاتر سبشل للشخمطه والتفنن ( ما احب اشخمط بالماصة )

واكثر شي اكتبه ( بريدة ) واسمي

بس الوكاد اني قرقه وما اسكت ابد

موضوع منتاز جدا

[Roony1]

انا والله مرة كتبت :



بريداوي يجرح ويداوي >>>> اللي هو انا ..


ومرة king-510

ومرة .dn:n >>>>>>>>> يعني بريدة



ومرة يــاحووول يــاللـي مــالــهـ بـريــدة >>> لأننا بالرياض


ومرة كتبت roony1


مشكور اخوي

وننتظر الباقيين

[المميز نت]

أهم شي بالماصه الفتحه لشفاط العصير:d




هههههههههههههههههههههههههه:d
ياقدمه :d



=============================



أما عن الكتابات اللي كتبته بالماصة :d


كتبت شي غريب جدا :d


بصف رابع بدينا بالتجويد

وكان المدرس شرحه ممتاز

فارتحت للتجويد واهتميت به

فمرة قال الاستاذ حروف

أظنهن حروف التفخيم

خص ضغط قظ :d


فأنا من باب حفظ المعلومة كتبته بزاوية الطاولة :113:



موضوع جميل جدا أخوي :d


بارك الله فيك :)

[ريداوي]

انا ما اكتب الحمد لله

[-الذهبي-]

أيه ذكرتون ولله ينا مجرم شخاميط من القهر منب كنت أكتب بقلم عادي أكتب بـ قلم سبورة ضد المسح

ومن الكتابات :

اول شئ طبعا: رسم السيارات ومن القهر عندي دفتر اشخمط به أقالي بس مادري وش اللي جاين على الماصه

ثاني شئ : الجدار وأنكت صورة شفته :طبعا بالنت

http://img129.imageshack.us/img129/1596/3645p147146ch0.gif

[See_you]

كنت اكتب عاش النادي الفلاني عاش اللاعب الفلنتاني وكنت اكتب لوحة سيارة الوالد ع ك س 450

الموضوع جدا حلو


see_you