مشغل ....... ليتني لم اعرفه..؟

[لوليتا]

اللسلام عليكم ورحمة الله وبركاته ....!!

ببداية هذا الموضوع احب ان اوضح لكم السبب في كتابة هذا الموضوع...
اولا: لكي لاتنخدعوا بهذا المشغل وبالعاملات الغير امينات..
ثانيا:لكي لايضيع مالكم هبائا منثورا..
ثالثا:لكي لاتندموا وتتحسروا ...

ببداية الامر اغرتنا الضحكه واغرنا الكلام والعروض ( الكاذبه ) وصدقنا كالأغبياء ..
انا لا اريد ان اطيل عليكم هذا الحديث وان ادخلكم بمتاهات هذه القصه وتفاصيلها ..

اتفقنا مع تلك العامله على عرض معينه لكنها لم تفي الى بالقليل القليل القليل ..
وكان عملها غير جيد ابدا ...

ومن هذه الاتفاقيات ان تعمل لنا مكياج وتصوير بزواج قريبه لنا يوم الزواج (الحفله) انا وقريباتي
طبعا طريقة المكياج مو حلوه ابد بس اضطرينا نتقبلها لان لم يككن لدينا الوقت الكافي ...
المهم بعد ماعملت لنا المكياج والتصوير حاسبناها ودفعنا حسابها بالكامل ولم يبقى سوى استلام الصور...


فيما بعد اليوم اللذي ذهبت لاستلم به الصور انفت وانكرت انها استلمت مني االمبلغ فحاولت بجميع الطرق لاستطيع استلام الصور رفضت استامها الا من بعد ان اسلمها المبلغ مره اخرى ...


من بعد عدة شهووووووور اتفقنا على نصف المبلغ لكي تسلمنا الصور بعد تسليمها المبلغ سلمت الصور لنا ولكنها احرقت جميع الصور ولم تبقي الا صور للعروسين وصور الباقيه احرقتها جميعا فهي خدعتنا مرتين...


والله يشهد على ماأقول وعلى كل حرف كتبته ونطقت به وان يحاسبني اشد الحساب انني لم اكذب ولو بحرف واحد ان هذا ماحصل معنا

انه مشغل دار شام ببريده لماذا كل هذا...؟



وشكرا

[الميسم]

اختي الغالية لوليتا انتم اخطيتوا من ناحية التصوير ....كيف تخلون وحدة اجنبية تصور لكم..انتم توثقونها؟؟؟؟ ترى مالهم أمان،،،الصحيح اذا الوحدة ودها تصور تخلي احدى خواتها والا قريباتها اللي تثق فيها ...لأن المرأة بالزواج بتكون بكامل زينتها وجمالها والواجب انها تنتبه لنفسها ..وتنتبه من غدر المصورات ...وتكون درس للجميع........وتقبلي تحياتي...........................

[تحكمني قناعاتي]

الله يصلحك

طيب انا اقولك اذا ودك تصوري

انا مره رحت لوحده من زميلاتي كان زواجها 2 العيد طبعا هي داعيه وملتزمه ماشاء الله عليه

تفاجات قالت الحين بتجين مصوره

طارت عيوني

بس انا بقولك كيف

هي جابت منها بس كاميرا

وصديقتي جابت ميموري ودخلته جوا كاميرت المصوره وخلته تصوره على كيف كيفه ..لين تشتري كاميرا هي بعدين وتشغله بعدين

بي هاه لو تضيع اميموري تروح بخبر كان ..

والمصوره بنت جيرانهم

قلت ماشاء الله عليه شوفي الناس مايسلمون ارواحهم كذا

عموما هذا درس لكم وان شاء ربي يكون معكم وهي حسبي الله عليه

وابد لايضيق صدوركم ماهنا الا العافيه ..مشكووره عزيزتي

[متخصصة تمويل .ولكن]

الله لا يعطيها عافية على هذا الكذب
ولا يضيق خلقك الله هو راح يأخذ حقك منها الا ما تخاف ربها

[هايين]

يجب على المسلمه ان لاتسلم رقبتها لايا كان
لان الصوره من الممكن طباعتها اكثر من مره بالنقاتف
والله يستر علينا
وانا لااحب المشاغل في عمل الماكياج
وفري لنفسك مكياج يناسب بشرتك وارسميه انتي افضل

[مايكبرني لقب@@]

بصراااااااااااااااااااااااااااااااحه غلطتوا غلطه كبيره وشلون تخلون الصور عنده لهالوقت ماخفتوا !!!

إن كانت أحرقتهن فأمرهن هين لاتزعلين بس المصيبه إن كانت تكذب.......

ونصيحه يابنات أصحوا تجيبون أحد من خارج العائلة يصور .....

إن كنتي مضطره أنت جيبي الكاميرا والعده وخليه تصور وتتكل ....

[ღ ليالي نجــد ღ]

أقص ايدي اذا محرقه الصـور

وانتم شلون تصورون عند وحده ماتخاف الله ,, الله لايعطيه عـافيه




’

[مجموعة مشاعر]

وبس تسكتون .......... دورو صاحبة المشغل وتفاهمو معها ..............


ناس تفسد عيني عينك وجزاك الله خير على انك علمتينا عن المشغل

[درة المصونه]

ليش التصوير

[ام اصايل]

الله يهديج انتي ماتعرفينها ومحد جربها اشلون تجبينها تصوركم

[§¤بكرى اكيد احلى§¤]

طيب ليه ماتقوووووووووووولين من هي وتبع اي مشغل عشان تكون درس لها ةلغيرها

الى متى ونحن ندلس ليش مانوووووووووووووضح

دايما اقول انبح حلقي احذرو من المشاغل والله يابنات انا رايحه احجز كوافيرا يوم درت اني عروس بلشت تبي تصورنا ورتني كل صور العراااااااااااااايس اللي مصورتهن محتفظه بهن؟؟؟

من يامن ماتنشرهن للشباب او بالنت؟؟؟

اللي تبي تصور ترى التصوير موصعب جيبي كاميرا توب تصويره وصوري مره نايمه ع الورد ومره تضحكي ومره تناظري فوق ومره تحت ...........الخ

سهللللللللللللللللل

[صـيـتـه]

بصراحه هذا المشغل مرره يخوف انا مجربته

[غ دير المح ـبة]

أنا ماأفضل التصوير ,,
ولا أحبه

ياناس إبعدوا عن الشر وغنو له

[شًقِـــآؤٍة صًِغَآرٍ]

ياوووووووووووويل حاااااااااااالي ...خوفتينــــــــي الله حسيبه اشكالهن بعد تخووف ..؟؟
الله لايوفقهن وخياطتهن تجيب المرررض خربت لاختي فستان ب 1500بس طيرنا عقله ككخخخخ

[بايعه بقرش]

وش مدريك و إذا كانت نشرت صورك ؟
او

تخليهن إلين تسافر نهائي !!

[**هند**]

أشين مشغل مر علي ..
لاخياطة ولا كوفيرة .. الله يقرفهم
لا ونصاين عينك عينك .. حسي الله عليهم

[sway]

ربي لا يكشف ستركم ان شاء الله وربي ينتقم منها ان شاء الله

طيب ليه ما بلغتي البلدية يتخذون الاجراء اللازم

[هلا يمه]

لندع كل شي جانبا ...


لدي سؤال واحد ؟!

كيف تجعلون صوركم بهذه السهوله باأيدي الغرباء !!


كيف تأمنون على صوركم بهذه الصوره ؟!


آعلموو آنه هؤلاء بملبغ بسيط يدفعون اعمارهم فداء فكيف بصور !؟

وربما لديهم نسخ غيرها

فاأتقو الله بحق آنفسكم ولاترمو آنفسكم بالتهلكه


اللهم آسألك الستر والعافيه في الدنيا والاخره

[هلا يمه]

عزيزتي باأذن الوالي سيحميكم الله

لاتقلقي فقط رددي

(اللهم من آرادنا بسوء فاأشغله اللهم بنفسه وآجعل كيده بنحره)

[باكينام]

تصدقين اختي لوليتا صار لاختي مشكله مع هذا المشغل ــ’’حسبي لله عليهم وبالذات الحيوانه ام خيري ــ’’

تخيل اختي بتفصل عندهم فستانـ’’ وعطتهم المديل والاقمشه ــ’’ عاد هي كل اشوي طلبه من اختي قماش ــ’’

اول شي عطتهم ثلاث امتار وقالت يكفي ــ’’ وجاء مره ثانيه وطلبت عشره امتار ــ’’وجاء مره ثالثه وطلبت ــ’’قبل


يومين من الزواج ثلاثين متر وشلون قعدت تزين بأسبوع عــشرة امتار وبيومين بتزين ثلاثين متر

’’واختي نحيفه ماتحتاج كل هاذي الامتار ــ’’ شكلها تخيط كسوه للكعبه ــ’’ وحنا ماندري ــ’’

والافستان له سنتين عندها والى الان ماخذناه ماخلصته ومازينت فيه شي رااح مديله ــ’’

مااقول الاحسبي الله عليها

[جهينهـ]

يؤ وربي ان ماثق في اي احد عااااااااد الى اللحين مابعت عمري وطيب لا سمح الله ماتوفقت مع ابن هالحلال!!!!

بتبتل صورنا

لا حاشا لله

[رسمتك للبدر صوره]

حسبي الله عليها ماتخاف ربها

[ملكة السراب]

أقص ايدي اذا محرقه الصـور

وانتم شلون تصورون عند وحده ماتخاف الله ,, الله لايعطيه عـافيه




’


الله يهديكــــ ياأختي لاتدخلين برأس البنت مووويه حرام عليك

مو كافيها الي فيها إتقي الله انتي الآن تخوووفينها

الله يصلحكــ

أختي المفرررررررررررروض ماتروحي لمشغل إلا فيه احد

مثني عليه ومعررروف

والله لايوووووفها الي لعبت عليكم

دمتم بوووووووووود

[في داخلي قلب طفلة]

اختي نصيحه مايصلح التصوير الاباالبيت

[( بناتي حياتي )]

غاليتي زمن الثقه راااااااااااااح

كيف تثقين بوحدة مصورة يمكن عندها ميه صورة لك وانتي ماتدرين

بس عسا الله يحفظك من كيدهااااااااااا

[أحلام حائره,,]

.
الله يستر عليك وعلينا ,,,,,,,

[مس بريداويه]

اح اح اح اح وش ذااااااااا العالم

الله يجزاك الف خير على التنبيه
صدز الحين كل شي ينخاف منوه

[حديث الساعة]

وانتي مصدقه انهن احترقن,,,

عاد حاقده عليك عشانك ماعطيتيه فلوس والله ان تبيعهن او تشهر بكن الله يستر عليكن ,,

لو انا مكانك اروح انا ومجموعه حريم قويات ونعطيه من هالحكي اللي يخليه ترجف من الخوف وناخذ منه الصور ونهدده بالشرطه والهيئه..

والحين روحي لاتمشي عليك كذبته طلعيهن من عيونه وكلمي صاحبة المشغل ,,



والمشغل اول مره اسمع به ..

[شموخ نجد]

التصوير حرام بكل صورة واشكاله بفتوى من الشيخ ابن باز رحمه الله تعالى