اه اه عباتي

[الماسه حساسه]

السلا م علكيم : 12
---بنات انا بقولكم قصة عباتي
بس طبعا ابغى مساعدتكم
انا مره كنت اسولف مع خالتو وقالتلي انه فيه
عبايه اسمه الراهبه وانه مثل العبايه الأسلاميه
بس الفرق انه من الاعلى قطعتين يعني
قطعه على الكتف والثانيه فوق الراس ولا تبان
انه قطعتين شكلها مرره عادي بس الفايده
انه اذا طاحت من على راسك ما تسحب با الأرض انا بصراحه اعجبتني العبايه وجتني
فكره:rolleyes:افصل زيها وانا بصراحه محتاجه عبايه
جديده بما اني مقبله على الكليه 0 وكبرة الفكره براسي ورحت محل العبايات وقلت له عن العبايه وقال
ايه اعرفها انا يوم قال كذا طرت من الفرحه :dماتوقعت انه يعرفها لانها مومنتشرة المهم
عطيته المقاسات وخلصت وسلم الفاتوره وبعد عشرة ايام موعد التسليم انا كنت متحمسه
وانتظرعلى احر من الجمر وبعد عشرة ايا م
راح اخوي وجابها فتحت الكيس
وطلعتها وانا متفائله ولاكن يا للهول ماذا ارى:eek:
تخيلو العبايه اكمام وضيقه ويوم شفت الي حاط
فوق الراس:i125 ياويلي لو على موتي ما البسه
صار حاط زي القبعه :(بس من النوع الوسيع
انا جاني الصياح :eek5والله قهر متخيلته ستر
المهم رجعت العبايه وانا تبت افصل عنده
انتهت القصه
الحين ابغكم تقولون من سمع با العبايه هذاي
وين القاه
انتظر ردودكم

[**ضفاف**]

بصراحة ماقد سمعت به
شفت مرة وحدة أجنبية بالرياض لابسه عباية على الرأس لأكن من الأمام كأنها قطعتين على قولتك,لحقته أبنشدها منين لكن ضيعتها..تراه ساترة مرة,مب مثل العبات المغربية

[الماسه حساسه]

تسلمين اختي ضفاف شكلها هي نفسها خساره
هي بها سفطه مع ورى من عند الكتف مو مره واضحه
مشكووره اسعدني مرورك

[maynez]

ايه هذي عباية سيدتي...................>>>>>>>>>>الله لايبلاناااااااااا

الله يعينتس

[**ضفاف**]

هذي تسمى العباااااااااات المغربية
إذاكانت على الرأس ماتبين ,لاكن إذا صارت على الكتوف طلع شكلها حلو وملفت يعني ماااااااااااتصلح
خوذي العبات وعطيه الخياط ...يخطلك تنوره لك ولإختك, ولا خليها للكشتات ,وحدة ملقوفة:d

[الماسه حساسه]

ايه هذي عباية سيدتي...................>>>>>>>>>>الله لايبلاناااااااااا

الله يعينتس

مشكووره اختي امين الله لايبلانا ويثبتنا

[الماسه حساسه]

لا ابشرك اختي ضفاف اني عطيتها اخوي
وقلت رح قله ماقلنالك فصل كذا واشوا رجع الفلوس لان
داري انه هو الغلطان

[ريشة بمشاعري]

السلام عليكم
هاذي عبايه الطربوش منتشره شفتها بالسوق
المهم بنااااااااااااات ياغالياااااااااااات يادرر
لا تسمعون باي احد يقولكم ان هاذي العبايه اريح او اخف او او ......الخ


العبايه=عباده


تخيلي بس وانتي ترفعينها على راسك تعبدين الله وتسترين جسمك وانتي تلبسين القفاز تزيدين عبادتك ولما تلبسين الشراب تكونين زدتي واحسنتي في العباده


العبايه نلبسها عشان نتستر عن الرجال فليش ندور الزين منها ....... ؟؟


اللهم احفظ نسائنا من التبرج والســـفور
وادخلهم جناتك وجعلهم ياربي من الحور

[الماسه حساسه]

حبيبة قلبي ريشة بمشاعري انا ما اقصد عباة الطربوش فهمتي خطاء انا شفت العبايه الي تقصدين ونفس الي فصلها لي المحل
العبايه الي اقصد اسمها الراهبه وشفتها على وحده وشكلها نفس العبايه العاديه مايوضح اتمنى انكم تشفونها

[بنوته مشاكسه]

انا اعرف العبايه الي تقولين
وهي ساااااااااااااااااتره نفس العبايه العاديه وماتلفت النظر
ومو اسمه الطربوش
انا اعرف محل يبيعه باالرياض
وهي زي ماقلتي مو منتشره
ان شاء الله ابفصل زيه

[أشيقرية]

وعليكم السلآم ورحمة الله وبركاته

أنا قد سمعت بهالعباية وشفتها على ناس وااااجد ..

بس شكلها ذكّرني بـ عباية قساوسة الكنائس !

يمكن تكون ساترة لأنها وسيعة ..
بس صراحة ما أتنازل وألبسها وأشبّه نفسي بـ قسيس !

<- هذا رأيي فيها :) ~

غاليتي ..،

استمري بـ لبس عباءة الراس المعروفة ..
ولا تبحثي عن شكل جديد أو مريح ..
فـ لو على الشكل والراحة ..
عباءة الكتف موجودة ..
لكن !
فضلي الستر أيا أخيّه :) ..،
والبسي عباءة الستر المعروفة بارك الله فيك ..

وُدّيْ ~

[ريشة بمشاعري]

اشيقريه ادامك الله عزا وفخرا للمسلمين



تعجبني من تلبس عبائتها لعبادة ربها....

[الماسه حساسه]

بنوته مشاكسه
اشيقريه
ريشه بمشاعري


شكريااااااااااااااات على فزعتكم الله يعطيكم العافيه

[$$$*نوني الخبر*$$$]

انا عندي هالعبايه بس بصرااااحه خياااااااااااال مريييييحه انا شفتها مع مدرسه عندنا قصيميه وسالتها وقالتلي محل بالرياض يفصلها وفصلتها بس خيااااااااااال مررره حلووه وساتره
بس ترى الطربوش غير وحده ثانيه هاذي مو الطربوش لوبيدي اسميها البطريق
هاذي كانهاجكيت تحت وفوقها عبايه عاديييه

[الماسه حساسه]

اخيرا فهمني احد مشكوره نوني بريده مثل ماقلتي شكلها تقل بطريق هههههههه

[*..لــــورا..*]

.


فاااااهمينتس يالمااااااسه



بس أنا أقووووووووول نفس كـــــــــــــــــــلام
أشيقريه



من أسمه الرااهبه
ماأدري وشلون قايل الأســــــــــــــــــــم





دمتي لمحبيكـ




:)

[محمد العبدالله]

.


إيييه...قصدك عباة 2×1.؟ ( كم مرّةً ذُكِر أسّمًَا للّعْبَاة.؟):d
اللي تجي على الكتف و الراس.؟!
هي تفيد و تفك أزمة بس وين اللي يضبطها, يعني ما يخليها مثل ما قالن الأخوات هنا تكل قِس أو تكل خيمة متحركة.
شفت العباة هذي على وحدة وسألتها وقالت :
عند المشاهير اللي بالرياض,
وممكن يسوونه اللي هِنا..أو ممكن ترسلينه عن طريق مشاهير اللي فـالقصيم وبدورهم هم يرسلونه للفرعهم اللي فالرياض.





لعلّي أفدت.

[غريبة الديار]

انصحكم بالعباة العادية اللي لها مسكة في اليد بس


مريحة جدا ولا تقعدن تدورن غيره ترا بس تبي تتبهذلن

ما لقيتنه

ارجو ان تتقبلو مروري

سي يو

[الماسه حساسه]

بريده ذات اهميه مشكوره حبيبتي افدتيني:41
النمره الجارحه يا حوبي لك نصيحتك على العين والراس:087:
وشكرا لكل الي ردو وافادوني:046:

[تلميذة الايام]

هــلا الماسه

بغيت اخبركـ عن وحده مفصله نفس العبايه اللي ذكرتي عند الدرع

مافيه منه جاهزه يفصل تفصيل بس انتبهي للاكمام لانه يجي منه اشكال شي مخصر باكمام وشي عادي

نفس العبايات العاديه حتى شكله باللبس مو واضح ( صراحــه من ناحيه الستر ما اشوف فيها شي مخالف )

مشكله التفصيل لازم توضحين له كل اللي تبغين يعني من ناحيه السعه والاكمام تكون عاديه
.

.

[الماسه حساسه]

اهليين حبيبتي تلميذة الايام اول مره اسمع بها المحل وين هوبه مشكووووووره نورتي

[ღ ليالي نجــد ღ]

هذي العبايــه يسمونهـا اثنين في واحـد

يعني اذا بغيتيها ع الراس او ع الكتف


وانا من رايي البسي يا راس ياكتف وخلي الحوسه




’

[هايين]

انتبهي
دخلو علينا بعباه الكتف فرفضناها

وبداؤ يدخلون بعباه الراهبه

ديننا ليس فيه رهبانيه

ولكنهم يريدون التدرج

فأحذري ثم احذري

[الماسه حساسه]

دوسريه ودعانيه
هايين
مشكورات على المرور وعلى ها الطله الحلوه

[00جوجو00]

اسم الراهبه يخوف
خليك على الاسم الثاني اثنين في واحد احسن <<<ههههههههه
العبايه ذي انتشرت الايام هذي كثير وصار الواحديشوفها كثير
تلقينها عند المحلات الكبيره المعروفه لتفصيل العبايات خياطهم مضبوط<<< خليك من المحلات الصغيره شغلهم ماهو لذيك الدرجه

[تلميذة الايام]

اهليين حبيبتي تلميذة الايام اول مره اسمع بها المحل وين هوبه مشكووووووره نورتي

هلا فيكـ

اذا انتِ من بريده فالمحل له فروع كثيره وفيه منه بالسوق الداخلي ( القبه)

واي استفسار انا بالخدمه

[تلميذة الايام]

بس شكلها ذكّرني بـ عباية قساوسة الكنائس !

يمكن تكون ساترة لأنها وسيعة ..
بس صراحة ما أتنازل وألبسها وأشبّه نفسي بـ قسيس !

<-هذا رأيي فيها :) ~


انتبهي
دخلو علينا بعباه الكتف فرفضناها

وبداؤ يدخلون بعباه الراهبه

ديننا ليس فيه رهبانيه

ولكنهم يريدون التدرج

فأحذري ثم احذري

أعلم مدى حرصكم على سد الذريعه ولكن ليس كل جديد منبوذ بل يجب علينا ان نحكّم الشريعه والعقل فما

كان موافق لهما أخذنا به وان كان محتمل فيه الشبهه ضربنا به عرض الحائط

اعتقد ان تسميتها بالراهبه اجحاف بحقها فليس فيها من الرهبانيه شيء ( والله اعلم )

[نبض الفؤاد]

يارييييييت تنزلون صورتها00000اذا ممكن 00

[وَرد]

يمكن زي حقت السوريات

انا شفته بمسلسل باب الحاره حريمهم يلبسونه!!

[سموووره]

هذي العبايه موجوده عند نايت بيرد بالعثيم وبدون اسم عندهم صارله اكثر من سنه

واول ماطلعت كانو يسمونها عباية باب الحاره يعني مثل الي كانو يلبسوها الحريم بالمسلسل...

وعادي تطلبي تقولي ابغى عبايه كتف راس ويعرفها على طوووول وخصوصا بدون اسم لانهم اول من جابها..


اتمنى اكون افدت...