المساعد الشخصي الرقمي

مشاهدة نسخة كاملة : سؤال لمن لديه خبره عن المدارس الابتدائيةالاهليةلان عندي ولد ابدرسه ويتحاج رعاية خاصة

mohd221
9/8/1429 هـ, 05:50 صباحاً
سؤال عن المدارس الابتدائية الاهلية الخاصة لان عندي ولد ابدرسه ويتحاج رعاية خاصة لانه ماينطق الحروف بشكل جيد وخواااف مره وجسمه صغير يعني يوم تشوفه تقول عمره اقل من خمس سنوات وحتى تصرفاته تقول عنه ابو خمس سنوات مع انه مكمل ست سنوات وزود
ولاادري هل اسجله بتمهيدي او ادخله مدرسه من المدارس الاهلية بالاول ابتدائي اغديهم يراعونه افضل من مدارس الحكومة
ولاادري اي المدارس الاهلية في بريده تراعي الطلاب المستجدين اكثر شي ؟

ارجوكم جزاكم الله خير شيروا علي ترا والله محتااار مع هالولد
خواش
9/8/1429 هـ, 06:17 صباحاً
اخوي تبي نصيحتي

لاتدخل ولدك مدرسه اهليه تراهم يدمرون الاطفال ولايعلمونهم

اعرف اطفال يدرسون بمدرسه حكوميه اذا اجتمعو مع اطفال بمدرسه اهليه تحس اللي بالحكوميه يعرفون كل شي واجتماعيين وحقين المدارس الاهليه مايهتمون بالحيل

انصحك نصيحة اخ لاتدخله الا حكوميه ماضرنا وماضر اللي قبلنا وذا على الاهتمام وش بيسون المدارس الاهليه مثلهم مثل غيرهم بس اللهم يدرسه مدرس اجنبي ماعنده ذمه خلك بالحكومي على الاقل السعودي عنده ذمه

هاذا ماعندي
العاصف
9/8/1429 هـ, 01:04 مساءً
انصحك تدخله في مدرسه أهلية ... وإذا نجح من الصف الثالث انقله للحكومة ..
لكن بشروط :
شف لك أفضل مدرسة أهلية .. من ناحية المعلمين ..
حاول تتابع ابنك أول بأول .. وتثني على المدرسن بشكل مستمر
وتتابع مستوى وسلوك ابنك ومشاركاته في النشاط ... ورااح يبدع .
بس لاتكون مثل أولياء الأمور يجيك ينافخ ويرفع خشمه على المدرسين .. عند حدوث أتفه الأسباب ..
علشااانه دافع قروش ..
ومن ناحية المدارس عندك مدارس الرواد ببريدة ..
والله يوفقك
عزوبي محترف
9/8/1429 هـ, 07:23 مساءً
شف فيه مدرسه متميزه اسمع عنها هي مدرسه المنتزه الابتدائيه وهي فقط حتى الصف الرابع ثم يحولونه الى مجمع المتفوقين انا حسب ماسمعت انها الاميز وبالنسبه لطفلك لاتخاف هو اول مايبدأ ويحتك بالاطفال صدقني بيصير اروع من العاديين ومايمنع انك تستشير اخصائي نفسي يفيدك في هالموضوع
mohd221
9/8/1429 هـ, 08:34 مساءً
اخوي تبي نصيحتي

لاتدخل ولدك مدرسه اهليه تراهم يدمرون الاطفال ولايعلمونهم

اعرف اطفال يدرسون بمدرسه حكوميه اذا اجتمعو مع اطفال بمدرسه اهليه تحس اللي بالحكوميه يعرفون كل شي واجتماعيين وحقين المدارس الاهليه مايهتمون بالحيل

انصحك نصيحة اخ لاتدخله الا حكوميه ماضرنا وماضر اللي قبلنا وذا على الاهتمام وش بيسون المدارس الاهليه مثلهم مثل غيرهم بس اللهم يدرسه مدرس اجنبي ماعنده ذمه خلك بالحكومي على الاقل السعودي عنده ذمه

هاذا ماعندي

اخوي خواش اشكرك على تفضلك بالرد وبالنسبة للمدارس الحكوميةاحس انهم حارين شوي على الطلاب واخاف على الولد يصير له شي وانا ماعندي مشكله بالفلوس المهم الولد يكون في مدرسه عندها رعاية خاصة للتلاميذ المستجدين
ياليت بس احد يقولي افضل مدرسه اهلية ببريدة تعتني بالاطفال اكثر من اللازم وليس هناك مشكلة بالرسوم
mohd221
9/8/1429 هـ, 08:38 مساءً
انصحك تدخله في مدرسه أهلية ... وإذا نجح من الصف الثالث انقله للحكومة ..
لكن بشروط :
شف لك أفضل مدرسة أهلية .. من ناحية المعلمين ..
حاول تتابع ابنك أول بأول .. وتثني على المدرسن بشكل مستمر
وتتابع مستوى وسلوك ابنك ومشاركاته في النشاط ... ورااح يبدع .
بس لاتكون مثل أولياء الأمور يجيك ينافخ ويرفع خشمه على المدرسين .. عند حدوث أتفه الأسباب ..
علشااانه دافع قروش ..
ومن ناحية المدارس عندك مدارس الرواد ببريدة ..
والله يوفقك


اخوي العاصف اشكرك على تفضلك بالرد يالغالي وانا معك ودي ادخل ولدي بمدرسة اهلية لكن مادري اي المدارس الاهلية افضل من ناحية العناية بالاطفال المستجدين
مع ان هالولد خامس ولد لكن كأنه اول واحد يدخل المدرسه من ابنائي لانه خواف وجسمه صغير واي واحد يهاوشه ولو شي بسيط يبدى يصيح
mohd221
9/8/1429 هـ, 08:53 مساءً
شف فيه مدرسه متميزه اسمع عنها هي مدرسه المنتزه الابتدائيه وهي فقط حتى الصف الرابع ثم يحولونه الى مجمع المتفوقين انا حسب ماسمعت انها الاميز وبالنسبه لطفلك لاتخاف هو اول مايبدأ ويحتك بالاطفال صدقني بيصير اروع من العاديين ومايمنع انك تستشير اخصائي نفسي يفيدك في هالموضوع

اخي العزيز عزوبي محترف
اشكرك على تفضلك بالرد وبخصوص مدرسة المنتزه لااعلم عنها شيء هل هي اهلية او حكومية
ALHR
9/8/1429 هـ, 08:59 مساءً
مدارس الرواد ..:41
عزوبي محترف
11/8/1429 هـ, 08:42 صباحاً
اخي العزيز عزوبي محترف
اشكرك على تفضلك بالرد وبخصوص مدرسة المنتزه لااعلم عنها شيء هل هي اهلية او حكومية

حكوميه
الملاك الوردي
12/8/1429 هـ, 02:50 صباحاً
شــــــــفا الله إبنك وعافاه

أنصحكـ بمدارس الرواد عندهم أيضا دروس تقويه مسائيه,,,,,,,,,,, للكبار بس ماأدري عن الصغار

وإذا شفتوا حالته تحسنت نصيحه إنقلوه لمدرسه حكوميه
mr.khaled
12/8/1429 هـ, 03:03 صباحاً
الله يعينك ويعين إبنك

أتمنى تجد حل لإبعاد الخوف الملازم لإبنك فأنا أرى أن هذا بداية الطريق للحل

وليس المدارس الأهلية هو الحل

قد يكون إستشارة طبيب نفسي هو الأفضل

تمنياتي لك ولإبنك بدوام التوفيق والنجاح

شكراً لك وتقبلوا تحياتي
mohd221
17/9/1429 هـ, 06:42 مساءً
مدارس الرواد ..:41

اخوي بارك الله فيك وتقبل الله صيامك
mohd221
17/9/1429 هـ, 06:42 مساءً
حكوميه

اخي العزيز شكرا على التوضيح

وتقبل الله صيامك
mohd221
17/9/1429 هـ, 06:44 مساءً
شــــــــفا الله إبنك وعافاه

أنصحكـ بمدارس الرواد عندهم أيضا دروس تقويه مسائيه,,,,,,,,,,, للكبار بس ماأدري عن الصغار

وإذا شفتوا حالته تحسنت نصيحه إنقلوه لمدرسه حكوميه

نصيحتك مقبوله وبارك الله فيك
وتقبل الله صيامك
mohd221
17/9/1429 هـ, 06:47 مساءً
الله يعينك ويعين إبنك

أتمنى تجد حل لإبعاد الخوف الملازم لإبنك فأنا أرى أن هذا بداية الطريق للحل

وليس المدارس الأهلية هو الحل

قد يكون إستشارة طبيب نفسي هو الأفضل

تمنياتي لك ولإبنك بدوام التوفيق والنجاح

شكراً لك وتقبلوا تحياتي

اشكرك على تفضلك بالرد اخي الكريم وقد راجعت به اخصائي نفسي وطمني عليه

جزاك الله خيراَ وتقبل الله صيامك
شموس وأقمار
17/9/1429 هـ, 09:05 مساءً
أنصحك تدخله روضة حتى يتعلم كيف المعاملة مع الي في سنة ويصير عنده بعض الجراءة
اما اذا دخل الإبتدائي راح يتفاجاء باحجام الطلاب الي أكبر منه وراحي نصدم أكثر من عدم جراءة على الحديث بشكل جيد


ولو أصريت على تدخيله هذي فأنصحك بمدارس الرواد على حد ما سمعت عنهم والله أعلم .
ابوتركي222
18/9/1429 هـ, 04:54 صباحاً
لا تضيع فلذة كبدك بمدرسة أهليه
ومالك الا مدرسة حكومية
زخآت مطر ,,
18/9/1429 هـ, 10:37 مساءً
أخي الكريم .,

أولاً : تمنياتي لابنكـ بالشفاء ..

أحببت أن أبدي رأيي وهو الانتظار لمدة سنة ويتم اعداده في المنزل
وتدريبه على طريقة النطق مع مدرس خاص بصعوبات التعلم ..

** أعرف مدرس مصري الجنسية مختص بهذا**

وفي العام القادم يكون قد تأهل من حيث النطق ومواجهة المجتمع
أتمنى التركيز على زرع الثقة في النفس خلال هذا العام

ثم اختيار المدرسة الحكومية الجيدة والتماس معلم متميز في الصفوف الأولية


.,’ وفقكم الله ’,.



أ. صفية البراك
ماجستير في المناهج وطرق التدريس
أبوعلي لحل المشاكل
22/9/1429 هـ, 08:01 صباحاً
أخي العزيز :
مامثل الحكوميه لاتهمك الأهليات يخربون عيالنا ويعودونهم على الكسل والنوم وأغلب المدرسين أجانب مايدرون وين الله حاطهم ,,, شف الفرق بين العيال الصغيرين اللي بأهليه واللي بحكوميه وفرق بفصاحة اللسان واحكم .
واغلب عيالنا يتعلمون فصاحة الكلام50% من المدرسه فإذا صار بأهليه ماضنه يتعلم شي ..