المساعد الشخصي الرقمي

مشاهدة نسخة كاملة : ...[ عـآلمـ الديـكور والأثـاثــ ., بـ/ ذوقنـا يزين ..! { إستشارات التأثيث}

BU7OOR
8/8/1429 هـ, 11:42 صباحاً
.

الـسـلام عليكم معشر المحتارين بالتأثيث ورحمتهـ وطيب بركاته ..!

صبـاحكم / مساؤكم ..!
قرار وشغل ..!


~[ فكّرتي بهالصيفيه تغيرن غرفتتس ؟


تعدلينها ؟!


تصبغينهـا ؟!


تفرشينها ..

لون الأرضية وشكلها ( سيراميك - موكيت) ؟!


ومحتارة ..!
.

فكرتوا تغيرون مجلسكم ., صالتكم ..]~

تفرشون بيتكم ..!

ترممونه ؟

ومحتارة بالألوان والستايل ؟
.

~[ حبيتوا تغيرون مطبخكم ..!
أو تجملوونه .؟
بتشرون لوحات ..
أو تحف ..
ومحتارين ..!

.
هنا نستشير بعضنـا ..!..]~

وأكيد لايخلو المنتدى من الذويقـات ..!


فكرة الموضوع نبتت .. يوم إني قررت أصبغ غرفتي وأفرشها ..!

ومـحتارة !:d

شاورت :/

قالوا لي جلدي الجدران ..<- زي تجليدات الفنادق ..!

بس أنا : (:/) أبي أصبغ ..!

قررت إني أنا اصبغ غرفتي الصغنوونهـ بنفسي ..!

وشجعوني ناسات:d ..!

وبعدين استخرت ..!

<-أخافـ سطول البوية يموتنوالا يهجن والا ينكبن :d ..!

أستشرت بعد ..
وقالت لي وحدة من الوحدات القدعات ..
[ إضربي غرفتك باللون اللي تحبينه ..!
فـ مثلا أنا احب البحر .. أصبغ سماوي والأأثاث كحلي ..
بتعيشين جو بالغرفة .. وبالالوان اللي تحبينها]
<- ترا مب اشيقرية ابد ..:d

.

إمممممم ..!

هنا إذا حبيتي تطرحين استشارة تأثيثيه ..!
حلو لو توضحين مساحة الغرفة ..!
والألوان اللي تحبينها ..!
والشبابيك ..
هل الشمس تدخل منها أول لا ..<- [ق غ ج ش] جهة الشباكـ ..!
والألوان المقترحة .! <- اللي تحبينها ..
وبعد اللي يعرفون بمحلات الأثاث ..!
يدلوننا على محل حلو للأثاث ..!<-يمدحونه لنا:d
طبعا أتوقع أن أغلب استشاراتنا بتصير بـ محيط غرفتنا القميله ..!
والأشياء البسيطة ..!
فـ / على سبيل الاكزامبل :113:
لايف ستايل , سيتي ماكس ..
عليهم تقليعات بخرابيش الغرفة تهبل <-طبعا اوقات :/
وبعد كليرز <- بس على طول يتكسرن أو انا ناعمه بقوة :113:
وإذا تبون مواقع تأثيث ..!
كل شي:d بريالين :113:


.
هيااااا يابنااات شغل شغل ..!:016:

واللي جربت تصبغ غرفته بايدهاا تعلمنا بـ التجربة والنتائج..

الموضوع منكم وإليكم ..!:)






: )


:)
BU7OOR
8/8/1429 هـ, 02:52 مساءً
أبدأ ../


غرفتي صغيررهـ ..

وبـ أحط فيها سرير وكومدينه ومكتب صغير للكمبيوتر المكتبي ..<- الملابس والتسريحة بغرفه ثانية ..!

المهم ../

ودي أصبغ الغرفه كما اسلفت انفا <- :113:

بس قالت لي امي جلديها بورق جدران أحسن ..!

فـ سمعا وطاعة ياأماه <- اللهم لارياء :113:

فـ أنا ودي أجلد مقلم ..!

بيج بـ أورنج ..!

والسرير بيج والستارة والمفرش اورنج ..!

وبـ أفرشها بموكيت مشجر أورنج ببج ..

فـ أبسأل ..

تعرفون محل بويات عندهـ ورق جدران زين ؟

ماودي أغاامر ..ودي بشيء مضمون ..!

وبعد الموكيت كان تعرفون محل زين عندهـ تشكيلات جديدة وحلوة ..!



بسررررعه ياحبي لكم إذا عندكم خلفية
. ودي أخلصه هالاسبوع ..
** حَـنيـنُ الأُخـوَّة **
8/8/1429 هـ, 03:32 مساءً
موضوع جميل من عضوة اجمل ..


لكن ياحلوتي مايمديك اسبوووع .. اصبري شوي عشان ماتقررين قرارات خاطئة ..


وعلى فكرة ::
أذكر عندي صورة مقاربة لألوانك راح ابحث واحاول اجيبها لك ...

وممكن شوية اسئلة : الحين انتي بتشترين أثاث جديد .. أو عندك بعض القطع راح تتحتفظين به من غرفتك الأولى ؟؟؟؟؟؟؟؟؟



بإنتظار جوابك لأحاول المساعدة ..

وغرفة سعيدة مقدما
** حَـنيـنُ الأُخـوَّة **
9/8/1429 هـ, 01:22 صباحاً
هلا بحووورة ..

شوفي الصورتين الي أبحطهن إن شاء الله لك .. وتاملي وحاولي تسوين زي الصورة .. طبعا بشكل مقارب ويماثل ميولك ... - في حالة أعجبوك- .
الصورة الأولى :

http://www.mlfk.net/download/2136489f5aa599d41.jpg

لاحظي اللوحات فوق السرير .. وإضافة الأخضر أضفى جمالا وجاذبية على البرتقالي والبيج ..
لاحظي الخداديات على الأرض ..

الصورة الثانية :
http://www.mlfk.net/download/3958489f5aa5a9402.jpg

وشوفي هنا الفن خلف السرير بإمكانك تسوينها بنفسك .. وورينا إبداعاتك ..
** حَـنيـنُ الأُخـوَّة **
9/8/1429 هـ, 01:25 صباحاً
http://www.mlfk.net/download/2136489f5aa599d41.jpg


http://www.mlfk.net/download/3958489f5aa5a9402.jpg


يارب تطلع الصوووورة عشان عيون الغاليييين
BU7OOR
9/8/1429 هـ, 07:31 صباحاً
وممكن شوية اسئلة : الحين انتي بتشترين أثاث جديد .. أو عندك بعض القطع راح تتحتفظين به من غرفتك الأولى ؟؟؟؟؟؟؟؟؟

أنا أبشتري سرير وكومدينه .. أما طاولة الكمبيوتر موجودة ..! مع بعض التحف البسيطة <- انارات ولوحة وساعه جدارية ..


http://www.mlfk.net/download/2136489f5aa599d41.jpg

واااااااااااااااااااااااو ياقلبييه .. مااشاء الله تجنن ..!
حررررررررركة والله اتعب وانا اقول تهبل ..


بس مشكلتي إني احب البسييييييييط ..!<- كلن يتطنز بي :113:

يعني مااحب اكثر لوحات وخرابيش .. مع انهن يجووزن لي قوة بس ماش .. <- راسه يابس :113:


وهـ وهـ وهـ بس .. تسلميين والله اني استحيت .. ماشاء الله عليتس ذوووقـــــــ ..


:106:
شهد العسل
9/8/1429 هـ, 07:38 صباحاً
جميل .. لي عودة إن شاء الله !
وبما أنك تحبين البسيط .. فسهل إرضاءك :d !
BU7OOR
9/8/1429 هـ, 08:18 صباحاً
^
وهـ بس شهدهد احتريتس ..!

أنا مخلصه من التأثيث وأمي بتلفعن من كثر ماغيرت رايي ..!


والحين/


أبي محلات عندها أشكال حلوة للموكيت ..!

وياليت اللي رمموا بيووتهم يقولون لي عن أشكال الورق والتجليد <- قررت أحط ورق حائط :)



<- طموح ابي أخلصه باسبوع .. :113:
شهد العسل
9/8/1429 هـ, 08:27 صباحاً
مقلم .. يعني مخطط ؟
إن كان مخطط .. أنصحك لاتحطينة
بيطلع إسبوع حلو .. وبعدين بيصير كئيب وتملينه !

الموكيت عندك القفاري .. فيه أشكال روعه !

أنتي إختاري الألوان قبل كل شي !
** حَـنيـنُ الأُخـوَّة **
10/8/1429 هـ, 12:03 صباحاً
أو ممكن تروحين لمحلات الموكيت وتشوفين الخيارات الموجودة يمكن يطري لك شي ما كان بالبال ........

ورق الحائط حلو جدا لكنه غالي شوي ..
كنت ابسوي غرفتي كذا ولكن صارت التكاليف حوالي .. 2000 ومير أهوووون .... خخخخخخخخخخخخخخخخخخخخ



وسويته بوية .. والحمدلله طلعت حلوة والكل جازت له ..
BU7OOR
10/8/1429 هـ, 01:08 مساءً
شهد العسل ../

والله احترت ..! أنا اعشق الجدران المقلمة وكثير يقولون لي بتملين ..!

بعد مشاورات قررت أجيب كتالوج ورق حائط .. عسى أقتنع بأحدهم ..!


بريدااويةبحته ../
إن شا الله بجيب كتالوجاتهم ..!

وبالنسبة لورق الحائظ إذا كان غالي فـ الله موسعه أبضربها بويه ..

بعذررتس تهونييييييين والله :113:

بس الغرفه صغيررة مرررة مااظن تكلّفن كثير ..

مدرررري شلون أشكرتس قسم ودي امطختس وهـ بس ..!

فكرة اضافة التفاحي بالغرفة .. تجنن .. ومرة أخوي بعد تقول لو تضيفين عنابي ..!


الله ييسر ..



بس مشكلتي إني احب البسييييييييط ..!<- كلن يتطنز بي

يعني مااحب اكثر لوحات وخرابيش .. مع انهن يجووزن لي قوة بس ماش .. <- راسه يابس

خواتي الشريرات:113: يوم قروا الجملة ذي قعدن يضكن علي يقولون دام انتي ماتحبين القراشيع مين يحبه :113:

<- وميير ان وجهي طااح :113:


مشكورين والله لايحرمن من ارائكم بريداوية بحته وشهدهد ..

وبإذن الله لاخلصت من الغرفة وكلّش أبنزل صورهـ ..!



موفقات حبوبات
** حَـنيـنُ الأُخـوَّة **
10/8/1429 هـ, 07:41 مساءً
هلا بحووورة
ياحبي لخواتس .. صراحة كنت اقووول غريبة مابيّّن على بحور إنه تحب البساطة .... خخخخخخخخخخخخخخخخخ وفضحنتس خواتتس...


أقووول يوم إنتس منهبلتن بالمقلم .. مهب لازم الجدران .. حطيه بخدادية أو اكسسوار او جدار واحد بسسسسسس ...

أو حزام مقلم يصير بوسط جدران الغرفة بشكل أفقي<< فهمتيني؟؟!!

وكذا تحققين رغباتك بدون مشاكل..
أم جديده
11/8/1429 هـ, 03:15 صباحاً
موضوع حلووووو ويستحق التميز والتثبيت يابحور ..

يالله بنات صوتن معي للتثبيت..


أول صوت: أم جديده
BU7OOR
11/8/1429 هـ, 09:51 صباحاً
بريداوية بحته ../
وهـ بس بي الصيحهـ وش رايتس مـاتجين معي والله شكلتس ذويقه وهـ بس ياعالمين :106:

وكل اقترااحاتتس درر وقسم انتس شييييييي...

الله يعين على هالروم ..

وآبد لابلشت أبدق عليتس مالي دخل .. حتى لو بالمحل اصور لتس وارسل <- ونششبه :113:


أم جديدة../
وهـ وهـ وهـ يااحبي لقلبتس ..

أما تثبيت مرة وحدة :113:

هو ان كان الناس محتاجينه ومهم بيظل بالصفحة الأولى ..

إما ان كان محد بيستشير ومـب محتاجينه فـ وشوله :113:

والله يسمع منتس يثبّت <- تناقض :113:




مشكـورة ع المرور يآ ألبي وماقلتي راايتس!؟
خيالة المذنب
12/8/1429 هـ, 02:38 صباحاً
.
.
بما إنه براسك تسوين الجدار مقلم:d..

ممكن تخلين جدار واحد مقلم وتصبغين الجدران الباقية بدرجات المقلم او حسب ماتشوفين بس يكون بألوان الجدار المقلم..!

وممكن بأحد الجدران [ السـادة ] تحطين اطارات وبراويز ولوحات نفس الوان المقلم.. حتي تكون رابط يربط بين الجدارين وماتصير الغرفة مشوشة..!

.
تحمست معك وحبيت اضيف بس:094:..

تقبلي مروري ياست الحلوات.. :)

.
.
BU7OOR
12/8/1429 هـ, 02:28 مساءً
خيالة المذنب ../

رأي سديد . والظاهر اني ابـ اسوي كذا ..!

ياحبي لقلبك كل يوم تحمسي :113:



:106:
** حَـنيـنُ الأُخـوَّة **
12/8/1429 هـ, 06:46 مساءً
ليتي أقدر أجي وأعاونتس بنفسي يالغالية .. تستاهليين والله ...

و إذا بغيتي شيء انا تحت الخدمة ..

طيب عندي لك اقتراح أنا مرة سمعت من استشارية نفسية تقووول : كل إنسان عنده خريطة ذهنية بداخله .. وإذا مل من المكان الي هو فيه .. وحب يجدده .. فإنه لن يستطيع تجاوز هذه الخريطة .. فمن يريد التغيير الحقيقي .. عليه أن يوكل هذا الأمر لشخص آخر - بشرط يكون عنده ذوق والي حوالينه معجبين بذوقه - حتى لو كنتي انتي ما أعجبك ذوق هذا الشخص ..


وبكذا راح تحسييين بالتغيييير الحقيقي ..


شرايك تجربين هذي الحركة يا بحوورة؟
BU7OOR
18/8/1429 هـ, 05:04 صباحاً
^

بريداويــــــــةبحته ../

ياحبيلك حبيلااااااااهـ ياناس ..!

بس ماش هالدكتورة ماتعرف <- ماجازت له الفكرة :113:


ذووقي صعب ومااقتنع بأحد :) ..

الله ييسر


<- تقل ان اهلي كرشو سالفة غرفتي :113:
BU7OOR
1/9/1429 هـ, 12:51 صباحاً
:067:

تم لطس الغرفة باللون


{ الوردي:098: }

:eek5


والله المستعان والحمد لله ع كل حال :d...



:113:
D&H
1/9/1429 هـ, 08:57 صباحاً
هاااااااي
موضوع في غايه الروعه
وحلو ومفيد

بحور حبيبتي
الوانك روعه
اممم
يقولون اللحين الموضه الدارجه بالاسواق العالميه
الورق الجداري >>> للمعلوميه دهنات الجزيره اللي بالمنتزه عنده ورق خيال واشكال جديده
>انصحك تمرينه تشوفين وش استايلاتهم
(((في موضه جديده تصلح تسوينها بجدار واحد من جدران غرفتك وهي انو تصبغينها بلون معدني مطفي
**فضي ونحاسي وذهبي,,
روعه جربيهم :)
وبالتوفيق
D&H
1/9/1429 هـ, 09:14 صباحاً
طيب بحور معليش لون الغرفه حلو خلي ديكورك لونه ليمون او ابيض او موف
ترى حلوه الالوان ذي مرا
BU7OOR
1/9/1429 هـ, 10:58 صباحاً
^


يااحبي لك والله ..


كان نفسي بأوراق الحائط بس ماكتب الله ..!


جزاك الله خير وذوقك بالألوان مرة حلو ..


الله ييسر
ح ـايلـــيـة
1/9/1429 هـ, 11:50 صباحاً
^
الله كاتب إنه مايصير
مب ماكتب الله :)

وشسمه ماعلينا
الحين منتبااارك الغرفة الجديدة :113:
وصوري لنا لون البوية عشان نقترح لتس لون الاثاث
والموكيت إذا بتحطينه

وانصحتس تحطين فينيل [ أرضية زي شكل الخشب ]
وإذا مافهمتي أصور لتس غرفتي وارسله لتس :113:
لأن الفينيل يعيش وهو حلو :)

وشسمه بعد أشتري خداديات وارميهن بالأرض
بشكل عشوائي يعطي الغرفة شكل :)

ولي عودة إن شاء الله