!!!!!!! مـــــــر الزمـــــــــــــــــــان !!!!!!!!

[وحيد الساده]

قريت وسمعت الكثير عن شريط مر الزمان رغم اني قليل الاستماع للأناشيد وغيره ولكن حب الفضول شدّن اني اشرى و اسمع هالشريط للمنشد خالد العويد
سمعت الشريط عدة مرات يعني مانزل من مسجل الشبح السوداء حقتي ابد :D والحقيقه اني احترت تسثيربالشريط ...إن قلت إن الشريط يصلح مع شرطان الغناء فهذا صحيح والسبب مادري ....وإن قلت إنه يصلح من شرطان النشيد فهذا صحيح لان كلماته نزيهه ومافيه موسيقى.:(

سمعه معي بعض الشباب وبعد سماعه جاز لهم الاسلوب وشرو منه كم نسخه

سؤالي ليش كثيرين يحاربون هالشريط رغم انه خالي من الموسيقى وكل القصائد هادفه

ليش مايكون هالشريط وامثاله بالاسلوب طريق لكسب الكثير من الشباب اللي يسمعون الغناء طالما هو بنفس الاسلوب المحبب للشباب خصوصا انه خالي من الموسيقى والكلمات الغراميه وحنا ندري ان التحريم للغناء بسبب الموسيقى والكلمات الغراميه.


سؤال يحتري إجابه شافيه من الرافضين لاسلوب هالشريط ooo1

[مدحت شوقي بريده]

هلا براعي الحبحر

خالي من الموسيقى ( خالي من الكلسترول )
خالي من الموسيقى ... وانا خالي وعممومتي كلهم من الدوسري ... ههههه

من ناحية الشريط ياوحيد القرن ... عفوا وحيد الساده
انا سمعة الشريط

بس عندي ملاحظه ... انــه اقرب من الغناء للأناشيد هذا الأمر الأول

الأمر الثاني ان الشيخ ابن جبرين حفظ الله ميده
تكلم عن الآناشيد في الوقت الحاضر وانه لا ينصح بها لميلها للتغنج وغيره
وانها ابتعدت عن مسارها الصحيح والمفترض لها

الأمر الثالث وهو خاص بالعويد .. احتفظ فيه لنفسي وياليته يترك الأناشيد
لأنها يمكن ان تضره .. لا .. ان تنفعه
وهويعرف السبب

وشكرا لك ياراعي الحبحر اجل الخوال من دلهي
امووووه ه ه ه

[الحليل]

مر الزمان نشيد عادي صح انه يميل إلى الغناء ولكن عاد الشكوى لله

ويكفي إن أبو معاذ الشيخ سلمان العوده اجازه ....... وشكراً لك ياو حيد السعادة ...

[نبع الحنان]

أقول يا راعي الحبحر...

قسم بالله إنك سذا (( اصبع الإبهام مرفوع )....
ياخي علم بعض ناس.... ليش مهاوشات ومطاقات علشان هالشريط...

تخ تش مير عاد....:)

[وحيد الساده]

هلا براعي الثوم والفول والطعميه :D

مسحت شوقي :D :D هلابك

نعنبو شيطانك يامدحت ...ريحت الثوم تفوح بكل اقسام المنتدى من خشك :o
يعني ما تاكل الوجبه إلا لازم معه زبيل ثوم ....ماعندك حل للوضع .. الله يعين اللي يبي يسجد بجنبك بالصلاة :D

............
شف اخوي انا ما اقدر احتسي بشي يدخل ذمتي ..بس (اعتقد) ان لفظ غنا مافيه شي
طالما ماصاحبه موسيقى وكلمات ماجنه أو عبارات مسيئه للدين والذوق..
وابواننا واجدادنا كانو يغنون ويهيجنون وهم باشغالهم و بالسفرعلى البعارين (يقال ابوه من العقيلات) واعتقد أنهم ماهم مرتكبين معصيه والعلم عند الله ..والغناء والنشيد واحد

مسالة إن الشيخ ابن جبرين ماينصح بسماعه فالشيخ على عيني وراسي بس مايكون لدرجه ان الكثيرين يحاربون الشريط وهالنوع من الاناشيد وكأنه غناء محرم رغم إن الكلمات جميله وهادفه وبدون موسيقى ..اما التغنج فانا معك إن فيه نوع من التغنج بس ماياصل الى أن يعتبر هالشريط مسئ خصوصا انه بديل مناسب لشرطان الفنانين والغناء المحرم شرعا بسبب الموسيقى والكلمات .. ooo1

[وحيد الساده]

:D :D هلا الحليل ( والله من فقر الدم عند بعض اهل البصر ):D

الشيخ سلمان وغيره على العين والراس:41



............................

نبع الحنان
هلا راعي القلب الدوار :D

داري انك فرحت بالموضوع علشان الربع حاسو المقابله اللي انت مسوي
بس وش نسوي .......السبب ابوس... تقل سوس ..... دايم يحوس ....ooo1

[محبكم]

اخوي الغالي صاحب الاقتراحات الرائعة<<<<<<والله من قله خخخخخخخ،،،،،،تراي امزح


شف يا بعدي ترا والله ملينا من النقاش بهالموضوع.......رجاء رجاء,,,,,قفلواالموضوع قبل ما يصير فيه اساليب و الفاظ هي اللي تقفل الموضوع...


اتمنى من الاخوة جميعا،،،،،اذا ارادوا مناقشة مثل هذا الموضوع ....

الا يلمزوا اي شخص بأي كلام.......وان لا يخرجوا الموضوع عن اطاره المحدد...

مع اني اظن ان الموضوع ،،،،،،،،لن يقدم ولن يؤخر....


والله اعلم.،،،،،،،،،

ومشكوووووووووووور اخوي وحيد..


محبك دوما


محبكم

[المرصاع]

بما أني معجب الشريط فلن أرد

لأنك قلت (( سؤال يحتري إجابه شافيه من الرافضين لاسلوب هالشريط ))

تشكرااااااااااااااااااات حبيب ألبي وحيدوه

[نور الشمس]

وحيد السادة ..

حقيقة اعجبني طرحك لهذا الموضوع .. ولمتابعتي لجميع مواضيعك .. الاحظ ويلاحظ غيري التطور في اسلوبك واقتناء المواضيع المفيدة .. تحياتي لك واتمنى الاستمرار على ذلك ..

اما ما يخص الموضوع الام ..

فانا من اشد المعارضين له ولألحانه .. تتفق معي انها تكون اقرب الى الاغاني ..

اما عن قولك كونها قد تكون وسيلة لجذب الشباب لسماعه وترك الأغاني ..

فأعتقد ان هناك قاعدة فقهية تقول (((( درء المفسدة مقدم على جلب المصلحة )))) ..

ولهذا اقول حسب رأيي ان الشريط هو مفسدة .. ولهذا نحذر منه ..

وعن الشيخ سلمان انا احترمه واقدره كعالم .. لكن لا تجب علي طاعته في كل ما يقول ..!!

ولأضرب لك مثالاً بسيطا على الاختلاف في هذا الشريط ..

الشيخ سلمان قد اجل التصوير .. واما الشيخ ابن عثيمين فهو قد حرمه ..

من تطيع ومن تمتثل لقول هذا او ذاك ؟؟

لاشك ان الشيخ ابن عثيمين له علمه وله سمعته وله سنه الذي يفترض اننا نمتثل لرأيه ..

ولهذا .. من رأيي اننا ننكر هذا المنكر ونعدل من منهج النشيد الإسلامي الذي بدا يتخذ مسارا آخر غير ماكان عليه في السابق ..

واخيرا تبقى هذه وجهة نظري قابلة للقبول او الرد ..!!

[ظل الخيال....]

انا ماسمعت الشريط.....بس شكله مافيه شي والله اعلم?>>>>والله ينت ملقوووف وشوله تدخل وانت ماسمعته....




تحياتي

ظل الخيال....

[عبووودي]

هلا عمري انا مثلك معجب بالشريط والقلوب عند بعض يا شيخ انا ابي الجواب

سؤال يحتري إجابه شافيه من الرافضين لاسلوب هالشريط .

اخيك...عبووودي

[وحيد الساده]

:rolleyes: محبكم :rolleyes:
مانبي نقفل على الموضوع وش عندك:mad:
..
أكيد خفت :D
اخوي محبكم لاتخاف الموضوع بتاعي ومايخربه أحد لا بهمز ولا لمز ولا نغز :D
بس مجرد استفسار لأني بس شفت الكثير ممن يرفض الشريط وانا مستغرب:(

.................................................
المرصاع :rolleyes: شكلك ذويق مثلي انا جاز لي الشريط لولا زود التكلف :rolleyes:


................................................

[وحيد الساده]

:rolleyes: عطر المنتدى وعبيره (( نور الشمس))
احترم وجهة نظرك ولكن مهما كان الكلمات ماعليه خلاف والحان القصائد وطريقته
زينه بس أعتقد إن تكلف المنشد بتغيير نبرة صوته هو اللي خلى بعض الناس يرفضون الشريط ..

.................................................. ............

((((((((((((((( الحين جاء دور ربعي اللي موهزينن بالشحط :D )))))))))))))))
.................................................. ...............

مبدع التصميم ... ظل الخيال : 12

فتوى على الطاير ياظل الخيال :D.ماسمعت الشريط وهذا حتسيك :D وشلون لو انت اللي منتجه وش تسوي :D :D


...............................

عبوووووووووودي نجم الاقتراحات :rolleyes:

مبطي وانا قايله ذوقك المفروض نستغله بتطوير المنتدى ;) بس ماهنا احد يقدر المواهب المدفونه :D

[الداعية]

هدوووووووووووووووووووووووووووووووووووووووووووووووو وووووووووووووووووووووووء
حسكم واصل الشارع
بسم الله الرحمن الرحيم
السلام عليكم ورحمة الله وبركاتة
اما بعد
الاخ خالد العويد يقول هذا الحان شعبيه وهو ادرى لا تقعدون تطولون الهرج
به قاعده اصوليه
اللي ماله داعي ماله داعي
فارجوا منكم لا تكثرون الهرج خلاص يا شاطرين ياحلوين

[برجس]

والله يا اخ وحيد ولايهونون باقي الربع :)

ان الشريط فيه مبالغات كثيره

منها ماهو بالصوت والآهات

ومنها ماهو بادخال بعض المؤثرات وعلى قولتهم التركات :)


هو المبدأ على نهج مثل هالاشرطه

وهو بالتالي مما يجر الساحه الانشاديه لاكثر تطورات واكثر ابتعاد عن المنهج السليم

لاسيما وان الاشرطه الانشاديه ليست فقط للترفيه

لكنها ايضا اسلوب دعوى

وبصراحه لو يسمح المشرفون اني انزل اناشيد لمنشدين معروفين وتسمعهن لمسكت راسك من القهر والغبن!!!!!

تسان تقول ذولي اغاني مهب اناشيد


وان بغيت تسمع وحده منهن ادخل معي بالمسنجر وارسله لك


والله اعلم



معليش ودي احاتسي الداعيه

يالداعيه اشك انك كنت عربجي سابقاَ :D

ههههههههههههههههههههههه


تراي امزح معك ياخلفهم :)

[&العذب&]

الشريط حلو صراحة لكن النشيد الي باسم الشريط مااعجبتني صراحة..



اخوكم & العذب &

[محمدالمساعد]

جميع إخوتي وأحبتي المشاركين في هذا النقاش ، والذي أرى أنه هادئ على العكس مما حدث في المقابلة مع عزيزي خالد ، أوجه لكم أيها الأحبة أزكى تحية .
بالفعل لقد كثر الهرج والمرج حول هذا الشريط ، ومع الأسف خرج الكثير عن حدود اللباقة سيما بيننا كأناس مشاركين في منتدى ينبغي لأعضائه الابتعاد عن الكثير من اللغط الذي لا يفرقهم عن غيرهم من أصحاب الأساليب المعوجّة .
نعم الكل له وجهة نظر ؛ ولكن ينبغي أن يطرحها بشكل علمي حتى يستطيع الاقناع ، وعليه أن يحترم رأي الطرف الآخر مع أنه يخالفه ، فلا نغفل أننا نتناقش في موضوع هو أساساً مجرد وسيلة من وسائل الدعوة وليس هدفاً في حد ذاته .
والأهم الذي أود ذكره هنا ، هو أن هذا العمل هو أول عمل يطرحه عزيزي خالد بعد التزامه - ان شاء الله - وعودته من الساحة الغنائية ، وحسب ما أعلمه بأن عدداً من المغنيين إلى وقت ليس بالبعيد يحاولون الاتصال به ، فلا تكونوا عونا لهؤلاء على أخيكم حتى وإن راى البعض أنه مخطئ ، بالفعل لم يتطرق أحد لهذا الجانب الحساس جداً ، فضلاً عن أن ما ذكر لا يعدوا أن يكون في مجمله وجهات نظر .

وآسف للإطالة .

ولكم خالص تحياتي ........!!!!!!!!

[نور الشمس]

الأخ العزيز محمد المساعد ..

اشكرك على هذه المشاركة وعلى هذا التعقيب نيابة عن اخي وحيد السادة ..

من ناحية تشجيع المنشد لا يقتصر على جمهوره بل ويشمل زملاءه المنشدين من امثالك اخي في الله ..

نعم نحن ندعوا له بالنوفيق في حياته الجديدة ونسأل الله ان يثبته على ذلك ..!

لكن لابد وان نذكر سلبيات اناشيده واناشيد غيره ومنهم انت اخي محمد ..

لانه بذلك ربما يعدل من مفهومه ويعدل من اناشيده ومن ثم يركب في قطار المبدعين ..

تعلم ان الجمهور لا يرحم يقول للمحسن احسنت وللمسيئ اسأت ..

واخيرا تقبل تعقيبي بصدر رحب بعيدا عن العدواة .. بل والله مادعاني لذلك الا اني اريد الخير والتوفيق لاخي خالد ..

تحياتي .

[الرزين]

( يأيها الذين آمنوا أطيعوا الله وأطيعوا الرسول وألوا الأمر منكم .....)

ما دام الشيخ ابن جبرين قال أنه ما يصلح فهذا يعني أنه ما أحد يقدر يرد عليه هالشئ

[برجس]

أخي الرزين

حبذا لو تعدل كلمة اولو في الآيه


اخي محمد المساعد ..

لاشك ان كل مسلم يحب الهدايه لاخوانه المسلمين


والله انه ليسعدنا ان يهتدى المرء من الظلاله الى النور

وينتشله الله من مواطن الفساد

ولكن الاخ خالد ليس مطلوبا منه ان ينزل شريط طالما لم يشتد عوده في الالتزام

هو استبدل حياته السابقه بالخير

فالواجب ان يصبر ويحتسب ويأطر نفسه على هذه الحياه الجديده

لانه اخي الكريم يترسم خط انشادي

واذا حاد عن ذلكم الخط

لربما اهلك نفسه واهلك من يسمعه

وانا اقول اهلك تجاوزاً

والا المسأله لا تصل ان شاء الله الى الهلكه




هدانا الله للخير والفلاح

وثبتنا الله واياكم على نعمة الايمان والطاعه