المساعد الشخصي الرقمي

مشاهدة نسخة كاملة : أين محلات بيع السراميك في بريدة

متجدد
6/8/1429 هـ, 06:34 مساءً
جزاكم الله خيرا
وأتمنى الوصف الدقيق لأني قادم من خارج بريدة
..أبوطلال..
6/8/1429 هـ, 06:38 مساءً
رح لم البقاله وقلهم عطوني 2 حبه سراميك

وراح يعطونك باذن الله
*سـكـر خـشـن*
6/8/1429 هـ, 06:58 مساءً
فيه اكثر من محل ومكااان

عندك هضااب الخليج شماال بريدة مقاابل المخاازن الكبرى بعد كبري الرااشديااات

وبعد المخاازن الكبرى على اليمين بعماارة بودل للآجنحة الفندقية سيرااميك رأس الخيمة

ايضااا على طريق الملك عبدالعزيز المدينه ساابقااا الخزف السعودي والعمراان بعد اشاارة بندهـ وانت متجه جنوووب يمينك العمراان ويساارك الخزف السعودي

وفيه مملكة السيراميك والعمر للسيرااميك عند مؤسسة النقد السعودي


بالـتـووفـيـق

:)
الـهـواوي
6/8/1429 هـ, 07:48 مساءً
لايفوتك الخزف السعودي بعنيزة كل يوم يوصل شي جديد
ابوعبدالله9
6/8/1429 هـ, 08:21 مساءً
بنسبه للسراميك الوطني العمران سراميك الجودة طريق الملك عبد العزيز ممتاز جدا و اسعاره حلوه .
و السراميك الفاخر و المستورد معرض الحجر الازرق طريق الملك عبدالعزيز المنتزة الشرقي تحت شقق بنتل المفروشة قبل محطة
اباالخيل .رقمهم 3852125
السراميك الصيني هضاب الخليج بعد كبري الراشديات شمال .
اخو دريحم
6/8/1429 هـ, 08:54 مساءً
عند خياط شهيرة
سبار
6/8/1429 هـ, 10:05 مساءً
انتبه من السوري اللي قدام كليات البنات بطريق الملك عبد العزيز


نطل فلوس الناس وهرب
متجدد
6/8/1429 هـ, 11:43 مساءً
الله يعطيكم العافية على الإفادة
دهام بريدة
7/8/1429 هـ, 02:42 صباحاً
المعذره على التأخير ، شف يالحبيب تبدأ من الجنوب الى الشمال من شارع الخبيب تخلي بلدية بريدة على يسارك وانت متجه الى الشمال بعد بنك الاستثمار على اليمين واليسار الى اشارة البنك الامريكي الله يكفينا شره أمين طبعاَ هذا وانت متجه الى الشمال ثم فيه وايضاَ فيه امتداد هذا الشارع شارع المدينة مشهور فيه على اليمين واليسار والله يسهل عليك وتقضي حاجك (موفق يامتجدد)
دهام بريدة
7/8/1429 هـ, 02:47 صباحاً
هذي كلمه للاخ ابو طلال ترى هذا منتدى للاشياء الجاده وليست للعلب ، فيه واحد يشتري سراميك من البقاله الله يسامح فشلتنا العب بعيد يابابا المفروض يشطب عليك المشرف :42
سامي الجابر
8/8/1429 هـ, 02:12 صباحاً
شف وانت ماسك الدائري قبل قصر الرصافة على يدك اليمين .... وفية بعد محلات بالبشر
خواش
8/8/1429 هـ, 06:42 صباحاً
اخوي انا شريت سراميك كثير

انتبه لايخدعونك فيه نخب اول ونخب ثاني

انتبه لايعطونك نخب ثاني بسعر نخب اول..... لان النخب الاول هو الافضل

واذا عندك دراهم لاتتعدى الاسباني صح غالي بس بالبيت يعطيك نظره ولمعه

تحياتي لك
فـارس
8/8/1429 هـ, 08:09 صباحاً
المحلات مقابل جامع الراشد بطريق المدينة

الا اذا كان خبري عتيق
بس هذولا اسعارهم معقولة جدا