ياطعم اللعب و الروحات و الجيات في وقت الاختبارات ...!

[الـصـمـصـام]

بسم الله الرحمن الرحيم



مساء الخيرات يا شباب يا حلوين ..

رجاء لحد يطلع إلا وهو قاري هالهمق كله ، و معطينا مما أعطاه الله من قدرات على التوليف ..
زين ... اتفقنا .. ! <=== الأخ تبع مواهب و أفكار ..:d


بما أننا مقبلين على الاختبارات ، و ياما و ياما عطينا و قرينا توجيهات و تعليمات و إرشادات بخصوص الاختبارات .. بس الصراحة لازم نكون واقعيين شوي .. :cool:

[1]

أذكر يوم كنت في المستوى الثاني بالجامعة كنت إلى الآن ما تأقلمت مع الوضع الجامعي .. يعني متعودين على شغل الثانوية [ طقه و الحقه ] ماشين على البركة و دعوات بعض المحسنين ، خصوصاً الوالده الله يحفظه ، أشوفه تهتم تالي الليل و حالته حاله ، و ما غير تدعي لي .. :eek5

و حنا الله المستعان ، الواحد هاجتن به ..

الله من مرة و مرة رحت مذاكرن حق يوم غير اللي علي ، و لا إيقالي أبستغل الوقت و أذاكر حق الفترة الأولى بس ... همن تطلع اللي أنا مذاكره بالفترة الثانية :eek: [ شلدز ] :i121

ترى كل القرقر اللي راح .. مجرد مقدمة بسيطة للحالة اللي كنت عليها قبل الجامعة ..

و يوم دخلت الجامعة قلت خلااااااااااص .. :mad:

لازم أبدأ بداية فعلية بالحياة ..

المهم يوم كنت بالمستوى الثاني و جت الاختبارات النهائية ، و إيقالي متحمس و أحضر الأول ، بس أغيب أحيانا [ نظراً للنوم في موقف الجامعة ] ..! :confused:

بينما كنت في أحد الأيام غاطسن وجهي بالمذكرة أعبي هذه الدميجة مما تجود به المذكرات و الكتب ، و كان الوقت قبيل الفجر .. إذا بي أفاجأ بتهنيق بسيط في الرأس :(

والله و أجدع المذكرة على جنب ، و أبدا بسم الله بفتح الماسنجر ..
و إذا بي أجد واحد نفر كويس .. شرواكم و من يسمع <=== قولوا شرواك الطيب ..:41

و مع كثرة السواليف معه و طول الحكي .. طلع الأخ يمر بنفس الحالة اللي أمر فيها :eek5

[طالب جامعي ] + [سهران وهو يذاكر ] + [ دميجة مهنّقة ] + [ ما تعود يذاكر ]+ [إنترنت في مُتناول الأيدي]

سبحان الله .. نفس الظروف ..:oo

هل تعلمون من هذا الشخص الذي ظللت على هذه الحال أنا و ياه مدة من الزمن .. كان آخرها قبل أمس .


إنه

[ قرناس ] .. نفر كويس من بين الناس .. يطرد الهم و الوسواس ..
قرناس ... لا تسمُّــه الأيدي:eek: <=== حول مخابز السلمان :d




تراي ما قضيت .. باقي خير ..! : 12: 12: 12


شكراً على اللي تحمل هالـ(ـهمق) ..

[ـالـواثـقـــــ]

سيم سيم صديق واثق :113:

مـ ع ـآنــهــ~

كان الله في عوننا جميعا ً :113:

بصراحه يا شباب ، أنا ما أخفيكمـ

أنا أذاكر بس المخّ مايمسك شيء :113:

الله يعين،،،

سلمت اناملك يامبدعـ ، وبإنتظار الــــ [2] ..

[$مــمـــيــــز$]

لي [back]

[A N A S]

http://www.wardaa.com/uploads/fb75d0c624.gif


الله يكون بعون الطلاب والطالبات مع الإختبارات والحر .





تحياتي لكم

[مليار]

أعرف واحد لجت الأختبارات ضرب جدران حوشهم بويه ، وبداء يدور المبات الحرقات يغيرهن ومخابيه مليانة أبويبينات نجفات . والمفك الي على شكل قلم على طول بمخباته . لو تقوله رح أحفر اقبور ما عنده مشكلة ، بس لا تقوله أدرس .

[عـزتي في سمـو ذاتي]

ههههههههه

الله يعين

[خوي السرور]

والله أنك صادز .,. لامنه جت الاختبارات الواحد يدور كل شين يتلهى به ..

يبدا أول مايذن يروح يصلي ويبتل يتسنن

و لو يشوف بيالة متروكة على طاولة الكمبيوتر يروح يوديه ويرجع يطقطق ..

ماهنا مجلتن مايقراه ، وعادي تلقاوه يقراه للمرة الخمسين خلال يومين ..

لعبة ترافيان تشكي هاليومين :113:


الجوال يشكي ..


تبدا الأفكار بتصليح لمبات البيت الحرقانة والنجفات وتنظيف المراوح وفلاتر المكيف ..

أبد كل شي يدهر بالاختبارات ..



عياااااااااال ، اللي يبي السعادة يترك الانترنت :eek5

[الصقلاوي]

.



صراحة فية سؤال محيرن ..
هالحين مادري وراه ماتجي الاشغال الا اذا جت الاختبارات ؟؟؟؟؟



وبعد الاختبارات تروح الاشغال كلّه الواحد فااااااااااااااااااضي مررررررررة !!!



.

[دريم]

أي و الله إنكـ صاج
مير بوقت الإختبارات تزين السواليف و تطلع و تكثر
حتى قناة المجد تزين ,, و الله يا أنا أسنتر عنده و أناظر كل شي
حتى المجد العلمية مادري منين جاء الدين
أجل قناة الأطفال ,, سفروت على شينه يطلع فخم بوقت الاختبار
و بإنتظار باقي همقكم الكريم

[G M C]

كيف حالكم



والله أهم شئ الوناسة


أيه لاأحد يشيل هم


والله أنا بديت إجلس مع شباب شرواكم

بالمسجد علشاان إذكر صح لاني بالفصل نيم

ومامعي إلا دفتر واحد أخربط بووه وإسكت المدرسين

همن خذا دفاتر الدوافير وصور

عاد التصوووير ماكسبهم إلا اللي مثلي


بس لاصرت تبي تدرس بشرط تكوون مع ناس إزين منك بالدراسة

أووب تروح مع عشش=دلووخة


:)

[الخفاش]

أنا عن نفسي عندي لعبه بالجهاز
والله ما أعرج عليه الا بوقت الأختبارات أما بغير وقت الاختبارات أنساه ولا أجيب له طاري
والله ياهي تصير شي :d


الله يوفق الطلاب والطالبات يا رب << ايقاله موظف :d


شرفتنا يابو عبد العزيز :)

[الـصـمـصـام]

ـالـواثـقـــــ /
عندي لك راي طيب عشان يبدا الراس يمسك ..
طول الله عمركـ رح لأقرب سوبر ماركت ، و أطلب صمغ فيران ، و لا تنام الليلة إلا الراس مليص تلييص;)
و راح تشوف نتائج طيبة ..

و هذا له فايدتين

الأولى : أنك تمسك الأفكار ما تطيير
الثانية : أنه إذا كان فيه فيران براسك فهذي نهايتهن بإذن الله .


اللي بعدووووووووووووووووووووووووهـــــ ooo1

$مــمـــيــــز$ /
طبعاً هذا شي أكيد <=== إيقاله فاهم ..


بريدة city /

هلا والله .. وشلونك ووشلون أخوكـ أبو خالد .. تكفى سلم لي عليه ..

أقول والله يالصورة اللي أنت حاطه للهدر اللي يذاكر الظاهر أنهم غلطانين ..

هذا شكله راعي مكتب عقاري ، شف وشلون يقلب هالصفحات تقل يقلب له مخطط أراضي ..

إيه .. الله يوفقنا باختبار الدنيا و الآخرة الأهم ..


مليار /
عادي جداً ياخي ..

عاد تصدق منول أنا و أهلي كنا إذا جا وقت الاختبار نصير رومانسيين ، و راعين طلعات و عشيات بالمطاعم و حركتات ..
يعني الأمور وراثي ..
و الظاهر أن كل المجتمع السعودي النبيل يُعاني من هالأمر ..


الفـارس الشجـاع /
عسى ما تكلفت على المشاركة <=== هاجتن به الأخ ..
قل أزين من اللي ما يشاركـ أبد ..

و على طاري ذي خذ قصة عجوز تدرس بمحو الأمية ..
قالت له المدرسة : تراتس آخذتن صفر بالمطالعة ..
قالت العجوز : إإإإإيه .. أزين من اللي ما أخذ شيء ..

لو سمحتوا أضحكوا عاد :(

خوي السرور /

يارجال ما عقب حقت اليوم شيء ...!

ياجماعة .. اليوم أنا طالع مبسوط و مستانس ، و يوم نزلت لقيت خوي السرور يحاول يلبق موتره زين <==== على هالتلبيق و المحاولات تقول معه قلابي الله يا كافي ..!
يوم نزل ..

قال مانتب متقهوين بذا ..!

و عطان قصة واحد إيقاله جايب شيء جديد ..
يقول لخويه : تبي تحل زين ..؟ ذاكر <=== لا ياشيخ .. و حنا لنا أربعة أيام نفحط من شان شو ..؟!

الصقلاوي /

بالعربي حنا ماحنب راعين دراسة كلنا ..
أهم شيء سعة الصدر ..

و الدليل أني ما أتحمس لقراءة أو الكتابة إلا بهالأوقات ..
و أحسن مواضيع تفاعل فيذا والله إني أذكرهن ( هن اللي كتبتهن بأيام الاختبارات) ..!


و المشكة لا جت العطلة نعاني من الفراغ العاطفي :eek:



دريم /

هههههههههههههههههه
ضحكتن على سفروت المملوح ...

تصدق كل شي خربان و كل شيء عطلان .. ما يفضى الواحد إلا وقت الاختبارات ..
و ناسة الوناسات هالشعب ..

مير وراهـ ما تجي نتقهوى جميع الليلة ، و نناقش قضية السرقات في جزر الواواق <=== من الفضاوة طبعاً ..

G M C /

الله المستعان .. ما أذكر ذاكرت بالمسجد ، إلا مرة رحت و أخذت اقهوة و الشاهي و التميرات و الكليجا ، و بديت أقلب الجوال ، و ما خليت أحد من المخلوقات أعرف رقمه إلا زهمت عليه ..

همن حولنا كشتة عشان ما نوصخ المسجد ..

الخفاش /
تصدق اليوم الضحى داخلن موقع مستعمل أشوف أسعار الأراضي بمكة و المدينة و جدة ، و أشوف السيارات و أسعارهن .. كل هذا من آثار هالظاهرة ..
مير الله يعين بس ..

شكراً يا بعدي ..

[الـدعساوي]

اقول انا الحمد لله اذا جت الاختبارت خلاص النوم وكل شي بالمسجد لا نت ولا غيره.........كلاك..... هالحين انت وينك

ولا ازودك من الشعر فلة...ز قصدي بيت

اهلي يقولون يارب تصير دايم عنك اختبارات

حط بالاجازة الصيفية يقولون خذ اختبارت.....بس ماتجي

صدز اذا بغيت شغله بالاختبارت ماتبلش بس دق وتلقى الطلب جاهز,,,,,,,,,,الرجاء مراسلتي على999 لتنفيذ الطلب لاتوهقن

عاد تصدق اني استانست يوم قريت الهمق اللي انت كاتبه

احسب كل الناس تدرس وجيدة

واثر العالم مديعة هاجتن بهم:eek: مثل هاللي مطيرن عيونه

قبل شوي وانا ادرس علم نكس,,,,,,,قصدي علم نفس حتى ضيعت اسمه

والله يصك الراس قرقه واجد مثلك قرقك.... الا على طاري قرقك وش يقربلك ابو حطب مولف الكتاب به من قرقك

والله من الدعاء اللي جاوه من الدراسة :(عاد مصري مااشره عليه

انا مادري هاللي ولفون الكتب منين لهم القرق حتى قرق على سنع يعني يظبطون اللغة وكل شي


لا وماتجي وناست الطلعات الا بالاختبارت .......... شفت وشلون هجتبي توي افطن للموضوعooo1

منول مالي خلق اطلع من البيت بس به النت,,,, يقالي وخر عنه

هالحين ادقدق على العيال نبي نطلعه

ولا انا المعزب علشان مايقولون شي او يعييون لانهم كلهم عطل



الصمام والله انك صدقت بكلامك............توي افطن غصب عليك صادز هو يقول شي غلط... امزح ترى الكيبورد هجبي مب انا الكتبة

ومعليش على القرق الواجد

لكن وش اسوي بطلع علم النكس هاللي قريته

والله لو تسألن عن شي اني مااجيب خبره لك ابد ,,,,,,,طار كله ببريدة ستي

اقول لاتشرهون هاجتن بي التسلمات مب على بعضه


مع السلامة : 12

الوعد حقب الاختبارات والله من تشقق الكتب وخاصة هاللي غاثن علم النكس

الله لايعيده:i121

[قرناس]

ههههههههههههههههههه
الله يهديك يا أبوعزيز تعبت وأنا أقول لك ذااااكر أهتم بنفسك
مهب نافعتك السواليف يا أبو عزيز مايصلح ــ بس الشكوى لله مابك رجى حمود هو حمود
وبعدين أنا يابعدي تراي منب أدخل الماسنجر
الا عشان أسلي إخواني الطلبة لهم حق علينا والله :d
لي أهداف نبيلة أنت ماتدري عنه ,, عاد الحين دريت تراوه سرً لايطلع :)
ولا يأبو صمصم تراي وقت الجد أففف وخر بس مصري ماراح ولاجاء
أحيانا يتصافقن عيوني من المذاكرة أدور زيتونة العين
ما ألقاه الا بالشنق همن أعض على لساني وترجع <=== رقلة :d :d

أبو عزيز والله أنك صادز والحال من بعضه أنا اشهد أنه ماتحلى
السواليف والقهاوي الا بالاختبارات .. وراااه ما أدري ,, !
ياخي أنا إذا جت الاختبارات أحس بالفراغ أكثر من الاجازة :confused:
ماعرفت روحي أتنبل بالمنتدى ولا أقرى كتب لامنهجية الا بالاختبارات
الصراحة ودك من الوزارة أنهم يحطون لنا مركز صيفي
وقت الاختبارات يستغلون طاقاتنا :d :d
<<< ( ;) )
بس أعلمك أني حسيت بالأمن والأمان يوم شفت الردود
أثره مهب بس حنا اللي نعاني يا أبو عزيز
إيه كفووو ياعيال علي هذا خبري بكم ,, بلا دراسة بلا هكـ ؛؛ :41 ؛؛
تراي أمزح يقعد الحين حداكم يشق الكتاب يحسبه قوي :d

[[14]المايسترو[21]]

معليش أبا اتفلسف اشوي
طبعاً للإختبارات رهبة وكلون شعر بها قبل بدئها #فينيش#
طبعا أكتب وأنا نصي نوم لأن الظهر والعصر صاكه نومه مع اني شبعان لكن من زود الكسلللللللللللللللللللللل
ثانك يو صمصام

[خوي السرور]

أحيانا يتصافقن عيوني من المذاكرة أدور زيتونة العين
ما ألقاه الا بالشنق همن أعض على لساني وترجع <=== رقلة :d:d

أبتل أقول منسم :d

[وحيد الخلان]

من بوادر التجهّز للامتحانات ولله الحمد :d
قبل امس مغيّرن زيت الموتر .. واليوم غاسله .. وبه لمبتن ترمش عندي بالغرفة ابغيرهـ :113: >> جاب البرنامج كله :098:
يعني الوضع تمام التمام .. بس البليّه كلها من هالنت :eek5
حتى ان اميميتي الله يخليه لي قايلتن لي ونا امك خل عنك هالانترنت لين تقضي من الامتحانات .. ترى ماهوب نافعك ألا دراسك ..
دعواتس لي ياميمتي اني اخلص منهن على خير :eek5
وانتم دعواتكم لي اني اخلص من هالامتحانات على خير :eek5


سيااا

[خرمان توت]

أحسن شي إنك تبلد إحساسك ..


يعني العلاقة طردية ، كل ما شلت هم للامتحانات ، كل ما قل أدائك فيها ..
والعكس صحيح ..
كل ما تبلد إحساسك وروّقت أكثر .. تبي تمشي الأمور معك إن شاء الله ..
وهكذا دواليك < تحلف إن له أسبوعين يحفظ هالكلمة :d

^
نصائح مجرّب :d

[فارس نت]

والله أنك صادز .,. لامنه جت الاختبارات الواحد يدور كل شين يتلهى به ..

يبدا أول مايذن يروح يصلي ويبتل يتسنن

و لو يشوف بيالة متروكة على طاولة الكمبيوتر يروح يوديه ويرجع يطقطق ..

ماهنا مجلتن مايقراه ، وعادي تلقاوه يقراه للمرة الخمسين خلال يومين ..

لعبة ترافيان تشكي هاليومين :113:


الجوال يشكي ..


تبدا الأفكار بتصليح لمبات البيت الحرقانة والنجفات وتنظيف المراوح وفلاتر المكيف ..

أبد كل شي يدهر بالاختبارات ..



عياااااااااال ، اللي يبي السعادة يترك الانترنت :eek5

تعرف اللعبة:p

[التويجري]

:oo:bad:oo

[A N A S]

:oo:bad:oo



أعرف واحد جاي يتطنز بنا معاشر الطلاب :eek5



تحياتي

[عبدالسلام بن خالد]

,

هلا أبو صمصام ,


تحس من الفضاوة أنه داخل السواليف ,

مايدخله ألا بالأختبارات ,

الله يجيب الأختبارات اللي نشوفك به .. :D

,

تصدق بالاختبارات .. تكثر المشاركات بالمنتديات ,

ولا قبل مالك خلق تشارك ,

,

ننتظر الباقي يابو صم ,


تحياتي ليك ,


محبك ,

[حفيد اعقيل]

0
0
0

قبل يمن الله عليّ بالهداية >> (فاهمن غـلط )
كانت قـهوة العصر تمتد لفترات أطول وقت الإختبارات , وكنت بس ألهي أمي
أخاف تفطن لي و تقول ( قم ياوليدي إدرس )
والله ياشـاهي العصر إنه يغدي طعمه غير
وكل شئ له نكهه , وإلى صليت العشـاء الآخر
ولقيت أحـد بالعـاير ( هذي راحت عليكم)
كنت أسـتانس وأقعـد أسـولف معه وأنشـده عن رقم نعاله من الفضـاوة

عـاد تصدقون إني امنول لاشـفت بسـة ( تعرفون البسـة ) أقول في نفسي
والله ياسـعده لاهم ولاغم ولاإختبار ولاغيره :)

0
0
0

إييييييه ياأيام الغوص ,, الله المســتعان

روحوا ناموا تراي مانب نافعكم ,,

0
0
0

[خرمان توت]

^
طيب أنا ماكد سألت خويي عن رقم نعاله ؟ < وده يقول أي شي من القهر :eek5

[.: بصمة :.]

،
المشكلة إذا كنت تراجع قبل الإختبارات !!
يبدا يجيكـ مر وغثيان متى تجي الإختبارات ونقضي من همه !!



،
بصراحة إذا كنت مشغول أدرس صح
أما إذا كنت فاضي تصير الدراسة دردبيس !!




،
وفق الله الجميع !!

[هب لك مصيبة]

و الله انكم فاضين قم ادرس انت واياه ازين لك ولي ولنا وللجميع

[أسد بريدة]

لا

لاجت العطلة بعد الإختبارات على طول


تصير فاضي صدز من الكسل ( الناس توه ما بدت تروح وتجي )

[وحيد الخلان]

0
0
0

قبل يمن الله عليّ بالهداية >> (فاهمن غـلط )
كانت قـهوة العصر تمتد لفترات أطول وقت الإختبارات , وكنت بس ألهي أمي
أخاف تفطن لي و تقول ( قم ياوليدي إدرس )
والله ياشـاهي العصر إنه يغدي طعمه غير
وكل شئ له نكهه , وإلى صليت العشـاء الآخر
ولقيت أحـد بالعـاير ( هذي راحت عليكم)
كنت أسـتانس وأقعـد أسـولف معه وأنشـده عن رقم نعاله من الفضـاوة

عـاد تصدقون إني امنول لاشـفت بسـة ( تعرفون البسـة ) أقول في نفسي
والله ياسـعده لاهم ولاغم ولاإختبار ولاغيره :)

0
0
0

إييييييه ياأيام الغوص ,, الله المســتعان

روحوا ناموا تراي مانب نافعكم ,,

0
0
0

طيب يابيي .. زبيرياتك كم مقاسهن :09:
^^
بداية مشروع الفراغ :113:

[وحـيــد الـجـزيـرة]

ياحبيل ميدك.يابو عزوز..تسيف انت تسذا..تهجبك بوقت الإمتحانات..خبري بك مسنترن بالساحه..لكن بهالأقوات تهج بك..بالسواليف..هههع :113:



عاد تصدق..ان حقين الثانويات التجارية..انهم فالينه.. :113: >> هجت به..





طلعت مع عبدالرحمن الــع.. :d

[بريدة العز]

أعوذ بالله ..

هالأسبوع ذا هو القلق .. لا أنت تختبر ولا تدرس و تشيل الهم ..

حتى المشكلة ماتلقى أحد ..

أووف بس .!

[أبو الوليد الخالدي]

صدقت أبو عبد العزيز << يمون بدون ما يشاور


ويا طعم الفلسفة والخربطة (والمحاولات الشعرية تدّهر)

أهم شي الفكة

[هايلكس بريداوي]

ياخوي لاتتعب عمرك وخذ صيفي ولا شتوي لان الملابس الضيقة ايام الاختبارات مفيدةلجسم خالي من المواد الحافظة

اوه نرجع للموضوع معليش تعرفون صميت لي كم كتاب وبعد شوي بطلع ولا ادري وش الي بحنجرتي لانقله لكم من معاني متعوووووووووووووب جداجداجداجداجداعليها

[بس أنـا]

هههههههههههههههههههه

والله انكم منسمين فطست من الضحك على معناة الشباب

[A N A S]

يالله ييسر ويجي يوم الإثنين ونعطلع ونفلها .




تحياتي لكم

[الـدعساوي]

يالله ييسر ويجي يوم الإثنين ونعطلع ونفلها .




تحياتي لكم

يالله ييسر ويجي يوم الاحد ونعطلع ونفلها ... فرح

[الـصـمـصـام]

..

الحالة بالاختبارات

7
7
7
7


أطلقت في ظلمات الليل عبراتي *** و نمت كي أسحب على اختباراتي
و قلت : يا ويلي و ين أنا غادي *** و قعدت أشرب البيالات تلو البيلاتي
مع فصفص(ن) مالح شقق براطمنا *** و متابع التلفاز و حتى الدعاياتِ
يالله أنا طالبك إنك توفقنا *** و تكرمنا بحظ(ن) كله نجاحاتِ
و تصلح لنا دنيانا و هوايلها *** و طيب الختام ارزقنا عند المماتِ

[الحلة464]

شـــرواك الطيب الصمصام
ياأخي أيام الإختبارات رهيبه سواليف بالمسجد أقصد (دراسة ) وماشيه بالبركة
بس الجامعة مادخلناه بسبب حكي الناس عاد شكلي أبرجع منتسب بالرياض ( يوم شاب ودوه الكتاب)
شكرا على هالسويلفات اللي توسع الصدر

[منكس الطاتزيه]

والله ان موضوعكم جى بوقت تسذا:41
انا مهاراتي ماتطلع الا بالاختبارات...اي احد اشوفه اسولف معه
واصير نشبة حلق :Sوماانبلع ابد:Sبس اقرقر ولا انا مهو كثيرن قرقي:d

...لو اشوف افلام كرتون انسدحت عند التفزيون:pبس اهم شي مااذاكر
وكل شي يطلع يجنن لو اشوف فلم وثائقي طلع ابطل شي بالعالم مع العلم انه قديم ومدود:d:d:d
ومااقر ولادقيقه على الكتاب:d



حتى اني ماتعودت على دراسة كتب وشغل صح
متعود على ورقتين ومشي حالك والدرجه كامله<<<ياسفابتس ياايام الاهليه(قلب ينبض)


عاد انا بصفه عامه اكرررره الدراسه:42 وتجين ضيقة صدر لاقعدت ادرس:eek5 وعيوني تصير زي تسذا :eek:وودي بس اتلهى بأي شي:rolleyes:

ولااخفيكم عاد لاجت التهنيقه:i121تهنق دميجتي ومافيه تفاهم ولا حرف واحد يدخل


متى اغمض وافتح والقان بأخر يوم
:bad


سي ياااا:103: <<<زعنان

[هب لك مصيبة]

أنت غلطان يابو عبد العزيز المفروض انك تعرف ان الجامعة تختلف عن الثنوي .=>الله يذكره بالخير عساك عرفته

[ولد السوريه]

هههههههههههه
اذكر يوم انا بالثانوي علي اختبار رياضيات المهم قمت الساعه 4 يقالي ابدرس وارآجع

ماش مالي خلق والقى بالصاله مجلة اختي " حياة " عاد من

زين الامور المهم وابنطح على سريري واقعد اقلب بالمجله لمين جت الوالدة

مر تنهبل و ......الباقي مشفر الله لا يوريكم هما امي تحبن

الله يوفقنا بالاختبارات

[abo-Khaled]

والله يالموزوع فلة


اقول ماتجزمون

نروح نرفع خطاب للملك عبدالله نشكيلة الحال :eek5

ونقولة يشيل الاختبارات عن بكرت ابيها :d

نقولة حنا طلاب صراحة المخ والمخيخ عندنا جيم وريحت الكتار طلعت

فالله يجزاك خير وخر الاختبارات

وشرايكم مهب خطاب عاد الي يبي يصير معي بالخطاب يعلمن :d

[بدر بن عبدالله]

آآآآآآآآآآآآآآآ هـ هـ هـ هـ يا أبو عبد العزيز ذكرتن بأيام الاختبارات والله يا هي نكد،
وسبحان الله كل شيء يحلو بالاختبارات حتى لو تقعد تناظر الجدار عادي أهم شيء
ما تذاكر، الله يا أيام الاختبارات أيام طوينها باقي اليوم ذكراها<< على قولت أبو ضبعان،
والحمد لله إني خلصت من الجامعة وافتكيت من الاختبارات اللي تجيب الهم وعقبالك
يا أبو عبد العزيز، وذكرتن أيام الاختبارات نجيب شاهي ومعمول بالتمر<< شاهي ومعمول بالتمر ما تجي<< بس أنت مشه يا أبو عبد العزيز هماه اختبارات والله لو يجيبون وشو إن تاكله هماك ما تذاكر، ولا بعد تبدأ تطلع الذكريات والسواليف،ولعب البلاستيشن بالاختبارات يدهر، وتلقان جادعه لي مدة ومغبر من زود ما هو مجدوع، بس هماه تجي الاختبارات أطلعه وخذ لعب كووورة، خله على ربك يا أبو عبد العزيز وشد حيلك بالاختبارات،

وماودي أطول عليك، وتمنياتي للجميع بالتوفيق.

* ودمتم جميعاً بود.

[abo-Khaled]

بلاختبارات

كل شي يصير وشزينة


العشا نتعشى من بعد صلاة العشا علطول ولا اكل بشويش علشان ماغص

واخر من يقوم انا وتشوفن من زود الحرص اساعد امي

اشيل معة الاكل

ولا ويكثر ترددي على شرب الما و تكليمي بالجوال

كل شوي سالن عن مسالة

ولا بر الوالدين يزود بالمتحانات يعني اي شي الوالدة تبية بلبقالة حاضر اروح بس

ابطي شوي تسحب رجلين وهمق مع ولاد الحارة

[الضابط]

تدري اين تكمن المشكله
المشكله في الدراسه هي اننا لا نعرف نتعلم..<<يتفلسف لا احد يصحح
اذا اردت دوره قبل الامتحانات فليس لدي ماااانع راااح تستفيد منها

[ثبت الجنان]

مشكووووووووووووووووووووووووووووور

[حبة فستق]

أذكر إني باتسر عندي إختبار
والآن الساعة 1:38 ص بالليل ما بديت :eek5
الله يعين يا رب :eek5