بين (طير غيمار) و (دعبل نجد)... "عدت والعود أحمد"...

[طير غيمار]

"عدت والعود أحمد"

السلام عليكم ورحمة الله وبركاته


حقيقة أني محرج من الإتصالات التي أتتني من أخوتي وأحبتي

وها أنا ذا ألبي طلبهم وأعود ولعلي أكون عليكم خفيف الظل

وأشكر من كان السبب في عودتي إليكم عشيري "دعبل نجد"

ولن أطيل عليكم فالموضوع هو من حقوق "دعبل" ولكنني أستشرته في وضع الرد على قصيدته

لأني لم أعلم بالموضوع حال وضعه وكثرت عليه الردود من الأعضاء الأفاضل

وغير مناسب أن أضع الرد في الصفحة الثانية فقد لايحصل الغرض الذي من أجله وضع الموضوع

فأشار علي بهذا الرأي وهو صاحب الشأن فله حق في تلبيتي له مرداه

وسأورد لكم قصيدته وردي المتواضع عليها وهن كالتالي:

قال دعبل نجد :
يـا استـاذ هَـد اللّعـب وارفـق علينـا
مالـي ومـال العولمـه والجمـاعـات
هــذي ثقـافـة قـــوم مـــا تحتـويـنـا
وش دخلـي بافكـار قــوم وثقـافـات
ان كنت تبغـى مـن علـوم الغابرينـا
اهل الكرم والجود واهل المـروات
نعطيـك منهـا اشكـال غـث وسمينـا
هــذي ثقافتـنـا وشغـلـك خـرافــات
يااستـاذ مـالـك حــق تفـخـر عليـنـا
شغلك ترا يا استاذ شغل الخواجات
والمسـالـه لا صــار لحـقـت يديـنـا
والله فلا لـك مهـرب منـا ومنجـات
انخى السهم * واعيال عمه واخينـا
وانخـى رجـال ماتعـرف الخيانـات
يـا استـاذ هـد اللعـب وارفـق علينـا
مالـك ومـال المهـزلـه والاهـانـات





وردي المتواضع على الشاعر الفحل دعبل نجد هو:

ابتديــــت القــاف يارب تعـيـنـــا ### يا منـــزل آيــات ٍعظـــام ٍومنجـات

آي ٍترج القلـــب دوي وحنيـــــنــا ### مــن يتبــع الفرقـــان فايــز بجنــات

ودعبل نخى نخوة وحنــا أنتخيــنا ### وأقول يادعبـل خذ جتــك الأبيــات

وأبشر بعزك لو تبينا نصيـــنـــا ### حنا ترى ضـد العــوالم عصــابات

من العولمة وش عاد؟ مــر جنيــنا ### لاهوب علـــم ٍلـــي ولابـــه مفادات

قل ياشبيه الليث وسط العرينا ### آمــر تدلــل ياحبيــبــي وبسكــات

أشـــر بعيــنـــك ولونــك تبينــا ### نهــد الجبــال اللـي تسمى سروات

أشرت لربوعي وياللـــه مشينـــا ### وأخذت لي معول ورحنــا جماعــات

وأنا أشهد أنك قلت صدق ٍيقينا ### منتب من أهل الكذب ولا اللواقات

وكل الذي عديــت يلقـــاه فينـــا ### حنا الكرم والجود حنا البطـــولات

حنا هـــل بريــده وماقيــل فينــا ### ألا هل الدلــه رجــال الشجــاعات

عدونا يلقــى عجــــاج ٍدفيــــنــا ### وخوينا يبشـــر بكــل الـكـــرامات

وبناتنا في جوف حصن ٍحصــينا ### نسوقهن في درب عــز وصيــانــات

ماتلتفت بالـــدرب يســر ويمينــا ### ولاتتبــع يامعــاذ تافــه وموضــات

حنا رجال من قـــديم السنيــنـــا ### مانلتفــت للكلــب* راع النمامـات

وحنا رجال ماجزعنــا وبكيـــنـــا ### علــى مضيـــع جنــيــه ولاريــالات

وحنـا ترانـــا لاعـــدينـــا عدينـــا ### نــــورد العــدوان قــوع ٍغمــيقــات

ومعروفنا يومــه فعلنـــا نسيـنا ### واللي فعل فينـا نحفـــظ الجمالات

وحنا عبــاد ٍمافسقنــا وطغــينا ### و للكــريم الـــرب حنــا مطــاعــات

وبثوب عز النـفس حنا أكتسينا ### ماقــلـــت ياسيـــد لأمــــير ووزارات

ماقلـت غيــر ألا لربــي ألتجيــنا ### هو سيـــدي ربـــي وكـــل البريـات

وحنا سيـوف ماثلمنـــا وهفيــنا ### بارق لميع السيف خضب بقطرات

ولضيفــنا نذبح جــزال وسمينا ### ونونسه لاضاق وقت النكــــــادات

وحنا سند للجار وقــت الغــبينا ### لياجاه من بقعا مصايب وصكات

وهذي وصايفنــا رجـــال قسيـنا ### على البهيم أن قام عاذل وشمـات

ودعبل دعاء دعوة وحنــا دعيـــنا ### يارب بارك فــي جميـــع المســارات

وختامها صلــو عـــدد ماقريـــنا ### من دفــة المصحــف ســور ٍوآيــات

(*):تكرمون .

كتبت القصيدة بتصرف كحذف بعض الأبيات التي أحتيج إلى حذفها

وشكرا لـ دعبل نجد على أن كان سبب في عودتي للمنتدى بينكم...

وتقبلو فائق تحياتي ...

[دعبل نجد]

طير غيمار . . .

الله يجملكـ يالغالي , ومثلك والله اعتز بمعرفته

ورجعتك يالغالي هي امنية من قديم

والشكر لك اولا واخرا . . .

[عبدالسلام بن خالد]

,

أهلاً بعودتك ,



حقيقة مشتاق للمعرف ذا ,

أتمنى ألا تقطع بنا .. ,



محبك ,

[الخفاش]

أهلا بالغالي طير غيمار

صح لسانكـ ولسان دعبل نجد

عوداً حميداً يألبي



:)

[الــنــهــيــم]

يا مرحبا بالسـهم يا مرحبا به
.............. عد الطيور الي تغرد بالأشجار
الشعر بعدك يالغلا وش يبا به
.............. أنت الذي للشعر رمز ومفخار

[فارس 7]

حنا هـــل بريــده وماقيــل فينــا ### ألا هل الدلــه رجــال الشجــاعات

عدونا يلقــى عجــــاج ٍدفيــــنــا ### وخوينا يبشـــر بكــل الـكـــرامات

وبناتنا في جوف حصن ٍحصــينا ### نسوقهن في درب عــز وصيــانــات

ماتلتفت بالـــدرب يســر ويمينــا ### ولاتتبــع يامعــاذ تافــه وموضــات

حنا رجال من قـــديم السنيــنـــا ### مانلتفــت للكلــب* راع النمامـات

وحنا رجال ماجزعنــا وبكيـــنـــا ### علــى مضيـــع جنــيــه ولاريــالات

وحنـا ترانـــا لاعـــدينـــا عدينـــا ### نــــورد العــدوان قــوع ٍغمــيقــات

بعدي ياااطير

الله لايهينك ودي ترجع توقيعك كل ماشفت صقر تذكرت طير غيمار :d

ياحبيلك بعد

[طير غيمار]

أهلا بالغالي أبوعاصم

أنا والله أفخر بمثلك وفالك البيرق...

----------------------------------------
عبدالسلام:
تشتاق لك الجنة يابعدي...

وأبشر لن نقطع بإذن الله

وشكرا لمرورك...
----------------------------------------
الخفاش:
صح بدنك يابعدي

شكرا لمرورك...
---------------------------------------
النهيم:

يا مرحبا بالسـهم يا مرحبا به
.............. عد الطيور الي تغرد بالأشجار
الشعر بعدك يالغلا وش يبا به
.............. أنت الذي للشعر رمز ومفخار

صح لسانك ياأبومعاذ:
مليون مرحب بالنهيم وهلا به
.............. الصاحب الطيب للأشعار بيطار
حلياك منهو للجوازي يشابه
.............. مايشبهك ورع له الديس درار

وأشكرك على المرور...
----------------------------------------
فارس 7:
بعدي أنت والله

ولاهـنت...

وأبشر بالتوقيع..

والله لايهينك...
---------------------------------------

وتحياتي للجميع...

[مستكة]

^^ عيني عليك باردة يابعدي أنت ^^

[الـدعساوي]

هلا والله بك يالغالي

انا ماعمري قريت موضوع طويل

بس يوم شفت تقل به هوشة ومادري وشو

جت مسرع قلت يمكن يبون فزعة..... وخر عنه انتر كنتنتال هذا مصارع ماتعرفونه:d

بس يوم شفت ولاه مراحب وتراحيب قلت خلنا نرحب معهم

مع الخيل ياشقراء

اقول

ياهلا والله بالصاحب الغالي........... تبي تدري منهو هذا طير غمار

صاحب ماينباع وتراه غالي.......... احبك حب حب البس للفار;) لاتشره علي

ياطير غمار وش ذا القطاعة....... وينك لاصير طاح عليك جدار

عطنا علومك وابشر بالسناعة,,,,, ناس تعزك وهم من اهل الاخيار

اقول لاتشره بالشعر

لاني اول مرة اولف شعر

وجيت اكمل بس عجزت قضى شعر راسي من التفكير والتوليف

[فنتاستكـ]

عـوداً حميـداً ..
أحييك على هذا الشعر الجزل ..

وحنا رجال ماجزعنــا وبكيـــنـــا ### علــى مضيـــع جنــيــه ولاريــالات

وحنـا ترانـــا لاعـــدينـــا عدينـــا ### نــــورد العــدوان قــوع ٍغمــيقــات

أهنيـــــــك :)

[عمر اليحيى]

ياهلا والله ابو صالح

عودا حميدا

ياحبي لك واني وله عليك

وبعدين اثرك شاعر من ورنا يالــ.... ؟!!

وحنا رجال ماجزعنــا وبكيـــنـــا ### علــى مضيـــع جنــيــه ولاريــالات

وحنـا ترانـــا لاعـــدينـــا عدينـــا ### نــــورد العــدوان قــوع ٍغمــيقــات

قده وقدود يابو صالح :41

ابو صالح فزعه لاتقطع بنا ..

وقل لابو جبل يدخل تكفى ...


محبك

[وحيد الخلان]

عوداً حميداً بن اسعد عمر قلي ..
حياااك بعد انقطاع يابوصالح ..

:)

[الـصـمـصـام]

طير غمار ..
عد كما كنت .

أشعر بشيء من الحنين <=== عشّق أجل .. :113:

[طير غيمار]

مستكه:
تسلم والله لايهينك

وشكرا على المرور
----------------------------------------
الدعساوي 608هلا بك يالله حيه

أولا شكرا عل قراءة الموضوع وأن ماعمرك قريت الطوال

ثانيا تشكر على المعلقة التي وضعتها

وشكرا عى مرورك...
----------------------------------------
فنتاستك:

هلا بالغالي

وأنا أهنئك على ماخبئت من الجزالة...

تشكر ياأستاذي على المرور...
---------------------------------------
عمر اليحيى:هلا هلا هلابك

يالله حيه

خبرك الطقس والمناخ يؤثرن فيالشاعرية

الله لايهينك--------------------------->سلم لي على راعي الأرقام

---------------------------------------
وحيد الخلان:هلا والله الله يحييك

ألا أبسألك---------------------------->حتى الآن وحيد الخلان مالقيت خويا على شان تغير اسمك

شكرا على المرور...
---------------------------------------
الصمصام:حياك الله هلابك

أبشر سأعود... ولكن؟

أشعر بشيء من الحنين <=== عشّق أجل ..

قاضييييييييييييييين

والشكر للجميع...

تحياتي العطرة...

[بيض عيون]

ياهـلا بهم اللـه حيهم . .
قصيد جـزل
صح لسانكـ ,, مدد بلا عدد أبوصالح ولايهون أبوعاصم
حقيقة ماعندي شي أقوله إلاكم بيت ويعدن خماتسيرعند قصايد الإخوان
عاد أقـول:
يـامـرحبـا بـالـسـهـم والـيـوم أنـا جـيـت
أعــلـــن ودادي للـخـــوي الـمـثـــالـــي
إن قلـت مـاقـلـت وإن قـلـت مـاأوفـيـت
قــدركـ كـبـيـــر ولايــوفــيــه مـقــالـــي
حـنـا ربـوعــكـ الـيـا مـنـكـ تـعــزويـــت
نـاتيكـ كـل أبـونـاعـن يمـيـن وشمـالـي
نـروم للـعــلـيــا ونـخـل الـحـتــاحــيــت
نخـلـيـهـا لـمـدورت العـلـوم السفـالـي
وأنـت يـادعـبـل طيـب الذكـر والصيـت
يـانـســل الأجـــواد طـيـب الـفـعــالـــي
أنـتـا عــزيــز وبـالـمـعـــزه تـعـلـيـــت
أغــلـيـكـ مــن غــلاكـ حــر جــزالـــي
وسلامتكم
المعذرة طلعت عن قافيتكم لكن خبرك أبوصالح طقس مناخ
تقبل مروري . .

[_العائد الأول_]

واخيرا أتيت ..
أهلا بك أيها الشاعر الفحل
يالله عاد وين دعبل يولم لك المفاطيح..

كنت عازما على معارضتك لكن الصوارف شغلتني عن ذلك..

ياهلا والله صفقوله ياناس
:074::074::074::074::074:


محبك:
العائد الأول

[طير غيمار]

أهلا بعزيزي بيض عيون "الخزامى"

وتشكر على المشاعر الطيبة

ولي عودة للرد على أبياتك

ولك فائق شكري...

----------------------------------------
العائد_الأول:
أهلا بأبي محمد

شرفني مرورك وأثراني إعجابك

وش حيلك بالنسبة للعزايم ترانا جاهزين...

تحياتي للجميع...

[عمر اليحيى]

سلم لي على راعي الأرقام

^^^^^

تم طرد طير غيمار

هع هع هع هع هع هع هع هع

الله يقطع شيطانك يابو صالح :113:

اثرك الى هالحد ماتنسى (( ماشاء الله الله لايضرك ))

<<<<<< تراى جواله مليان ارقام وتفداك يابو صالح

محبك
الراهي <<<< خاصة لك ابو صالح

[الشفاف]

شعر جزل يا أستاذ أبوصالح ..
ممكن توضح لي معنى طير غيمار ؟!

[ناقد سعودي]

من الخطأ وضع هذا الموضوع وما فيه من الجزالة

في هذه الساحة الكشكولية المخصص لعبث الكلام ....

+++ أطلب من منبر هذا الموضوع ان ينقل إلى الساحة المفتوحة أو يفتح قسم خاص بالأدبيات ...

[طير غيمار]

أهلا بك ياعمر خالد

هههههههههههههه ماتنسي أبد

وتفدان أرقامك أنت ولا غيرك مابغيت


تشكر عل متابعتك للموضوع يالغالي..

تحياتي العطرة...

[أبو محمد النجدي]

أبا صالح عودًا حميدًا أيها الصديق العتيق .

كتبت ردًا فور طرحك للموضوع وحينما ضغطت على [ أرسل الرد ] أتى حدهم [ وأنت تعرفه ] وقام بفصل المودم وخرج ولم يتسنى لي الدخول ..دونك إياه فأقم عليه [ حقًا ] نستمتع به جميعًا وليكن حُميمات على تل يُدعى الزعتر :d

كالعادة والشهادة مجروحة بهذا الشعر الجميل .

[طير غيمار]

أهلا بك عزيزي الشفاف

إجابة على سؤالك أقول وبالله التوفيق:

معنى طير غيمار:
إطلاقة ثناء تماثل طير شلوى , طير حوران , طير السعد , طير سنجار

ومعناها غيمار هضبة كانت ماكر للصقور يصطادن فيها

وكذا طير سنجار سنجار ضلع بالعراق وكان ماكر للصقور وعقب الحرب ماعاد هو ماكر


ومما قيل من الأبيات في طير غيمار:

سج القدم للعز يا طير غيمار = عليك باليمنى وجنب يساره
وماغرد القمري على خضر الاشجار = منى لمن بيض المواقف شعاره ...


وقيل أيضا:
إن كان تبغى الحق يا طير غيمار=الناس ما عادت على عهدها ذاك
ناس على همك تواسيك لخطار=تمشي معك حتى ولو دست لشواك

وقيل أيضا:
جنب عنه خله لقصاف الاعمار= واحفظ وصاتي يارفيع المنارة
واسلم ودم بالخير يا طير غيمار= وصلواعلى المختار ماغار غارة

وقيل أيضا:
عينتم محمد غدا طير غيمار = يشيل لو ان الظلاف غطسني
ولد مناحي لعتمس راي الاشوار = يعطي مطاليبه بضحك وتمني

وقيل أيضا:
وقـلـط بهـا الـبــاشق علي طير غيمار = يـامـشـتـكـي بـرد الشــتاء والـقــوايل

وقيل أيضا:
يوم الردى ماينخى لو يموتا=ياكثر من نخا على طير غيمار
مع قول تكفى مايحب السكوتا=مولمٍ لمثلها قحص الامهار

وقيل أيضا:
حامل معه مرسول من طير غيمار=وأشوف وضعه شبه وضع إنسيابي
أبيات ناقشها بلولو ومحّار = يسمو بها فن الخطيب الخطابي

وقيل أيضا:
اريد اشوف افعال يا طير غيمار=الله يهديكم للدروب الرشيده

وقيل أيضا:
يتلون ابو نايف مثل طير غيمار= خضه وعند الله توالي طلاعه

وقيل أيضا:
على عدوه صلها طير غيمار = خلا عمدهم مرذي الاجناب منثور

وقيل أيضا:
ولاخاب ظنه يوم جاه متعني=رفرف بجنحان السعد طير غيمار
وعانق حراراً للسماء يصعدني=وشعت على دربه مصابيح الانوار

وشكرا لك أخي الشفاف على أن أتحت لي تقليب الكتب التي أعادتني إلى أيام الماضي

تحياتي العطرة...

[دعبل نجد]

وأنـت يـادعـبـل طيـب الذكـر والصيـت
يـانـســل الأجـــواد طـيـب الـفـعــالـــي
أنـتـا عــزيــز وبـالـمـعـــزه تـعـلـيـــت
أغــلـيـكـ مــن غــلاكـ حــر جــزالـــي

:p:p

احرجتنا يالبيض ؟ ؟

[طير غيمار]

شكرا لك أخي "ناقد سعودي"

على الإطراء السخي

وعلى مرورك وعلى الإقتراح الجميل

فدونك المشرفين...
----------------------------------------------------------------------
أبومحمد النجدي:

أهلا بك مشرفنا الغالي

وأنت موكل بإخراج الحق من أبا عاصم

فلك عليه مداخل وأنفاق

وشكرا لمرورك...

تحياتي العطرة...
د.طير غيمار...

[التويجري]

ماش ياغير طيمار ..

صايرن ثقل من تالي .. :d

[طير غيمار]

التويجري:
أصبر خل أدخل بالدرجة وأوريك---------------------->:01:


تشكر حبيبي على مرورك...

شرفت ولا كلفت...:d

تحيات العطرة...
د. طير غيمار

[mr.muhmmed]

اهلا وسهلا بك يا طير غماره

مشكور أخوي

[هايلكس بريداوي]

رائع جدأ

[طير غيمار]

الخالدي:
أهلا بك عزيزي..

حللت بيننا أهلا ووطئت سهلا..

---------------------------------------
هايلكس بريداوي:

أنت الأروع ياأبوصالح يالذيب...

تحياتي للجميع...

[<وائـل>]

وش خليت بابو صالح للي بعدك


أبداااااااااااع وشهادتي مجروحه

أتمنى لك مستقبل زاهرا

كنت ابأل عن معنى طير غيمار فسبقني بها عكاشه

.................................................. ....