دحيم السلوقي <--مواصفات طفق الاصل لـ(سعفه)

[تخ تش]

http://www.eqla3.com/vb/images/avatars/a24.jpg
يبلغ من العمر 25 سنة هجري , وقد بلغ من الشهابه مبلغاً عظيماً , تخرج من الثانوية قبل سنتين بمعدل زي وجهه وبما ان والده ذو نفوذ استطاع ان يدخله كلية الملك فهد الامنية لكنه ما لبث ان حط رجله منها ... ثم ادخله كلية الطب ( لعنبو الواسطه) فلما شاف المقرارات جاه انهيار عصبي ادى الي شوته بوز من الجامعة ........ يعني ان دحيم السلوقي سربوت مقطع اربع وملعون والدين ولا ينفع لشي .

في يوم مشمس ممطر في فصل الخريف عزم دحيم للذهاب الي التضبيب استيقظ باكراً الساعة 2.5 ظهراً ( العطال شين ) ثم ذهب الى والدته وتقهوا معها ( لحس مخ ) في محاولة لبلف دراهم منها :
دحيم السلوقي : هلا بالغالية
امه : ما قلتلك تغسل وجهك اذا قمت من النوم
دحيم : انشا الله .......... يمه ابي اروح اسلم على خالتي في الديره وابي قرشين للبنزيم
امه : ما شالله .... لله يهديك يا وليدي .... وعطته شلقه من الدراهم ( خلو عنكم اللقافه ... كم كم )
شغل الددسن حقه الاربعه وثمانين خطوط اللي شاريه له ابوه هدية نجاحه من اول ثانوي ( تبي تسئلون تقولون وش شراله يوم نجح من ثاني ثانوي ... شرا له كفرات خط وركب له توانك وشنطه .... وفي ثالث ثانوي ما شراله شي لانه ما نجح الا عقب ما طفر بابوه من المدرسن ) ودعس بالددسن لخويه ورفيق عمره اللي ما يسوى قشر بصله فقعس الطرطنقي
http://www.eqla3.com/vb/images/avatars/Image4.jpg
ما امداه يوقف عند الباب الا والطرطنقي قد ركب ومنشق نص وجهه من الفرحه

دحيم السلوقي : وين السلوقي علشان الصيد
الطرطنقي : وشوله السلوقي وانت موجود
السلوقي : من شاف سيقانك مضارب القولف غسل يده
الطرطنقي : زعلت تراني لا اقدر على زعللك
السلوقي : خسئت يا ابن الطرطنقي
الطرطنقي : الله يسلمك ( يحسبها مدحه )
ذهبو وقطعو المسافات وتوقفوا لتزود بالوقود .... واثناء تعبئة الوقود كان العامل الذي يعبء البنزيم يدخن فنقز عليه دحيم السلوقي قائلاً : يا صديق ما فيه دخان هنا تبي تقبس بنا انت
ثم انطلقوا وهم في الطريق داعسين والغبار يدخل من كل جهه في الددسن من التناسيم
السلوقي : كأن الشريط بايخ ( تقل هالحين يسمعون شي )
الطرطنقي : والمطلوب ( من زين النفس )
السلوقي : افتح الدرج يا تيس جب شريط لــ ابو حمد بشير
وصلو الي المكان وقبل اي شي رمو المطازيز بنكهة الترنج اللي مسويتها ام دحيم لأختها بالديره ..... ثم بداء البحث

الطرطنقي : شف الضب هناك
السلوقي : اهب ما اقوا شوفك ....... عطني البندق
الطرطنقي : يكفي عيونك
السلوقي : يبيلها فشق هع هع هع هع هع ( كانها بدت المصاله )
الطرطنقي : ترى بهدك على الضب بخخخخخخخخخخخخخخخخ
السلوقي : وشذي ضحكه والا الخرطوش انشق
الطرطنقي : الظاهر امك ماحطه سرك في ورشه
السلوقي : تكفى ياللي اهله محنطين سره يوم سمعو بالاستنساخ
الطرطنقي : ذكرتني ... بالله ممكن تسلفني خشمك علشان البوري خربان بخخخخخخخخ
السلوقي : على طاري الخشم ... بالله سلفني سيقانك ابي اعاير الزيت هع هع هع هع هع
الطرطنقي : هج الضب
السلوقي : وين .... ايه ايه ..... اسكت

طاع طاع طاع طاع ........

هج الضب وكلما قربو عظ الضب صرواله وهات يا نحشه ( اصلا الضب طاق الشورت حق الجري ولقى هالمسبه قال اتسلى فيهم )ولما غربت الشمس قالو : فل نذهب الان ونأتي له بكره ونلعن والديه ( لو تقول لهم هالحزه صاح صاح صاح كان دنها بتسوه )
رجعو الي المنزل فلما دخل السلوقي البيت وجد امه بأنتظاره
امه : وراك تأخرت يا وليدي
السلوقي : الضب ملعون الوالدين ( كب العشا ... خار )
امه : اي ضب
السلوقي : هاه ..... بس خالتي لزمة علينا ... وخويي سمير قال ابسلم على عمي ( لاعب على امه يقول اعرف واحد اسمه سمير )

==========
حقوق التشليح والسمكره والتوضيب مزبونه لـــ تخ تش
ثم ذهب السلوقي للأنجطال في مخدعه بعد ان ضرب في خمس لتر حليب بغال واغمي عليه :eek5