فزعتكم ياهل بريده

[محترم]

السلام عليكم
هل يوجد في بريده استراحات فيها مسابح كبيره للسباحه بالساعه
او اي مكان يمارس الواحد فيه السباحه
الصراحه رحت لموفنبيك وقالو لي ب3000 ريال واطفالك على 1500
والسلمان ماعنده مسبح
والاستاد الرياضي مسبحهم مابه ماء
نبي مساعدتكم

[أبو رُبـــــى]

شف أغلب الاستراحات التي في شرق بريدة - يعني حي التواجر - القاع البارد فيها مسابح والآجار بـ 300 ريال فقط لليوم الواحد ..
أو الاستراحات التي غرب بريدة .

[محترم]

القاع البارد فيها مسابح والآجار بـ 300 ريال فقط لليوم الواحد
اسبح ب300 ريال
مو معقوله
يعني كل يوم ادفع 300 ريال علشان اسبح
الشهر 9000 ريال
ال3 شهور27000 ريال
اذا موفنبيك ارخص بكثير لانه ب3000 لمدة 3 شهور
ابي فقط مسبح مابي استراحه لان ممارسة السباحه يوميا
فكرة بمسابح جيان ولكن احس انه غير عمليه

[يجيب الله المطر]

ياخي تخاشر انت و مجموعة و استاجر استراحة و حددوا لكل واحد وقت

[المسفهل]

.
.
.

أهــلاً بــالسيــد [ محتــرم ]


الحقيقــة أنــا لا بغيــت أسبـــح شلــت نفســي واللــي حــولــي ورحنـــا لنــادي الأمــل بــالبكيــريــة ، بصــراحــة مسبــح عــاااال العـــااااال ، جــرّب لــكـ مــرّة ورح هنــاكـ والمســافــة بسيطــة والشخــص بــ [ 15 ] ريـــااااال .

:)

.
.
.

[عـزتي في سمـو ذاتي]

عندك مسبح اللسيب بالسيب الدخول (10)ريال ويأجر سراويل سباحة ونظيف

[محترم]

عندك مسبح اللسيب بالسيب الدخول (10)ريال ويأجر سراويل سباحة ونظيف
هات الكروكي تكفى
تراي مادل زين
ومتى اوقات دوامهم الرسميه
واشكر كل اخواني الي تفاعلو مع الموضوع

[محترم]

الاخوان ماعمرهم سبحو
دلونا زي الناس
هذا وانا كاتب فزعه
والا كل واحد يقول وشكاري

[حبروقلم]

مسبح السيب على طريق الخبوب

[*سـكـر خـشـن*]

مثل مااقاال الفااارس فيه مسبح بالسيب وانت على الدااائري الغربي تفرق له كآنك رااايح للغماااااس يجيك على اليسساار لكن تحديداا مدري صراااحه لآني قديم عنه

والآحسسسن رح للي بالبكيرية نظيف

[ابوالعز]

ياخوي كل الاستراحات كذى

[ssoss]

مسبع السيب في السيب الأرياف الغربية