[ سواليفٌ مِن وَحيّ المَزرَعة ! ]

[الفـــارس]

السلام عليكم ورحمة الله وبركاته ..

حيّا الله عيال السواليف .. ياهلا والله ياهلا .. :024:


[ سواليفٌ مِن وَحيّ المَزرَعة ! ]

اللي يقرى العنوان يتوّهق به يحسبه صدّزي ! ;)

هناك ثمّة موقف من أيّام الطفولة والبراءة << امحق براءة :(
أردت أن أسرد منها ما أذكره !
يعني اللي فاضي ورايق يجلس وإلا يورينا عرض كتوفه .. :(
ترى ماورانا إلا الدجّة :d

طبعاً سأتكلم بالعاميّة الريفية أقرب وأوكب للحدث :D

http://www.fedfin.gov.ae/uaeagricent/palmtree2/pic/11.jpg

كنّا بالإجازات مالنا إلا المزرعة .. هي الملتقى ! :eek5

عاد ذاك اليوم ..
مجتمعين عيال عمي كلّهم بمزرعة جدي الله يرحمه :eek5
عاد مسكت معهم سباحة :S
البرتسة صغيرة بالحيل ..
مترين في متر ونص تقريباً ! :eek5
ويالله البس سروال سباحة وطب !

طبعاً كنّا كثارين .. ومتعددي الأعمار .. :d
وأنا يمكنّي أصغرهم ! << والله من يوم ويوم صرّفون يخافون أعلّم عليهم :( !
ذيك الأيّام مالي أصدقاء [ عيال ] كبري .. :eek5
والراس كبير مستحيل أروح مع الصغيّرين :093:

الموهيم ..
من صغر البرتسه يالله يالله تاخذ اثنين بس !
عاد كانوا كل شوي واحد يطب ويسوي حرّكة ..
يايطب صاروخ وإلا على بطنه وإلا عقدة وإلا على احح :d ..

كان عمق البرتسة متر وربع تقريباً ..
وكان فيه فوق فتحة صغيرة تطلّع الماء على الساقي .. !
يعني يصفى من البرتسة متر بس ! :eek5

جوك الذيابه وجابوا خياش وقشاويش وكوّروهن وسدّوا الفتحة بهن ..
طبعاً مخلين الماء يشتغل ويصب على البرتسة !
وحنّا مبوبزين على جدار البرتسه وخذ تشجيع أيّهم أحسن واحد يطب !

كنت انا مع اللي مبوبزين على الجدار الجنوبي من البرتسة ومعي ثلاثة نفر ! :105:
وخذ تصفيق وتشجيع وهبال .. كان العامل باكستاني ماهنا أقشر منه ..
ولا أدري وين طاسن لوه ذاك اليوم ! << نعمتن من الله انه ماهوب به !

:082:

ولد عمي كان سمييييين .. ويقاله أنحف واحد بالعالم :113:
طب المرّة الأولى على احح وخذ تصفيق .. :105:
طبعاً إذا طب مرّة كود نصبر شوي
لين تعبّي الماء اللي انكب مع الجوانب ! :eek5

وجاك المرة الثانية وطب على بطنه << :113:
من قوّة الضغط على البرتسة طاح الجدار الجنوبي اللي أنا فوقه ! :eek5
كنّا مبوبزين وطحنا على مانحن عليه ! :eek5
وكل الماء اللي بالبرتسة انكب علينا :eek5

لاحول ولا قوّة إلا بالله :eek5
عمومتي ماهنا أبرد منهم إلا واحد ! :113:
هم قعدوا يفكرون ويخططون وش يقولون للباكستاني وعمي ذا الحار .. :eek5
وأنا طقطقت نعيلاتي ورحت لأصدقاي الثانين اللي مكبّر راسي عليهم :113:
صفت على كم لفعة على الطاير والبرتسة إلى الحين على هدّته ! :oo

للسواليف بقيّة ! :d

[الخفاش]

هلا والله بألبي الفارس


لا تهيضنا بالمزارع الله من صيد المطايير بالنبيطه وحلتهن بالساقي :d



لي عودة يألبي

[قاهر الروس]

.
.


طبعاً إذا طب مرّة كود نصبر شوي
لين تعبّي الماء اللي انكب مع الجوانب !


ههههههههههههه
ههههههههههههههههههه
هههههههههههههههههههههههههه


أنا اشهد إنك منسم

يالبى قلبكـ أجل خمعت يوم خمع الجدار

حقاً ينسفها ربي نسفا


دمتم سالمين
.
.

[دعبل نجد]

متـــــــــــــــابــــع . . .

والله حماس وذكريات يابوفارس . . .

[ريكي]

.

ابوفارس وانطلق والله من التنسيم

مالنا الا نتكي هنا ونشوف الباقي

ياحبيلك يالدبعصل

.

[الخفاش]

وجاك المرة الثانية وطب على بطنه <<
من قوّة الضغط على البرتسة طاح الجدار الجنوبي اللي أنا فوقه !
كنّا مبوبزين وطحنا على مانحن عليه !
وكل الماء اللي بالبرتسة انكب علينا


ههههههههههههههههههههههههههههههه
ههههههههههههههههههههه
هههههههههههه

معقوله :eek:

والله ياهو تنسيم ولد عمك الدب :d

تحريك تسنه وحيدووه ;)


والراس كبير مستحيل أروح مع الصغيّرين

زودن على كبر راسك تكبره زود :113:


http://www.fedfin.gov.ae/uaeagricent/palmtree2/pic/11.jpg

والله ياهي بلحاله :41

متى نروح لنا يوم ونفطر كراث ونظبط لنا استكانة الشاهي تحت هالنخيلات يالله من فضلكـ :41
.
.
.
.

متابع لكـ يألبي

[فنتاستكـ]

[ سواليفٌ مِن وَحيّ المَزرَعة ! ]
عنوان مؤلفي القادم ! :)
-يصلح رواية-

[دائماً أي عضو يكتب ذكرياته يجعل نفسه دائما بريء , ولا يجيب لنا مواقف هو راس الشر به , مع أني أجزم إن أبوفارس لديه الكثير من هذا النوع :) ]

[c a f f e e n]

ههههههههههههههههههههههههههههههههههه
مهبول هالدب

[خوي السرور]

ختم التميّز ..وبانتظار المزيد من الشقاوي :113:

[جيدا]

متابع متابع .. :d

رجاءاً لاتدّعي البراءه وأنت أقرب ماتكون للشقاوه .. :)

لاتنكر هذا , فلديّ مايثبت هذا .. :)


















:113:

[الـدعساوي]

مهبوووول

اثرك منول نجس

وعندنا تسوي ثقل

بسرعة نبي الباقي

[عـدنــان]

.

طبعاً إذا طب مرّة كود نصبر شوي
لين تعبّي الماء اللي انكب مع الجوانب ! :eek5

وجاك المرة الثانية وطب على بطنه << :113:
من قوّة الضغط على البرتسة طاح الجدار الجنوبي اللي أنا فوقه ! :eek5
كنّا مبوبزين وطحنا على مانحن عليه ! :eek5
وكل الماء اللي بالبرتسة انكب علينا :eek5

.

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههه


تنسيييييييم العزوزات :d


..

[mr.muhmmed]

خخخخخخخخخخخ


والله من التنسيم الفارس


أثرك منسم وأنت ثقل بالمتدى !


عاد حنا ننتظر احد يفتح لنا الباب

علشان نبداء نكتب << تقصد تولف ههه


أنتظر أخوي الخفاش ؟



ولي رجعه

[كوفي]

أثرك فسحه يا مشرف ولا دريناا ههه:d

[شايب بـريدة]

اييييييه يا أيامن راحت ................ كنا نطب بهالبرتسه ونطافش ونلعب ولاهنا مشكلات ............. والبرتسه الي مابه شبا مانسبح به أكود شبا ولا ماهنا سباحه .............. هالحين كود كلورد ومن هالخرابيط الي تحط بالبرتسه ويالله يسبحون .................................

[الخفاش]

متابع متابع .. :d

رجاءاً لاتدّعي البراءه وأنت أقرب ماتكون للشقاوه .. :)

لاتنكر هذا , فلديّ مايثبت هذا .. :)







:113:


أيه تكفى عطنا من المتخرمات :d

شد عليه :41

أبو فارس و البراءة
_ و +

:d

[عـزتي في سمـو ذاتي]

هههههههههههههههههه

تنسيم يالفارس

ننتظركـ

[دريم]

هههههههههههههههههههههههههههــ
ياعيني على البراءهـ :d
أجل بالدور كل شوي واحد يطب ,, مير كم مرهـ جحدوك يا بو فارس وقالوا مالك دور:d ,, دائما ً يستغل الصغير

ويالله البس سروال سباحة وطب !

شكلك تعني افصخ الثوب و اجدع الفنيله و طب :113:
و إلا بمزرعه و برتسه و معكم دب ,, و تلبسون سراويل سباحه !!

متنبلون هنا للإنتظار بقية السلسلة . . .

[abo-Khaled]

:i125مبروك التميز

[طالب طب]

السلام عليكم ورحمة الله وبركاته ..



وعليكم السلام ورحمة الله وبركاته ..

يا شباب وراه ما أحد رد السلام !!

ويالله البس سروال سباحة وطب !


لا تعيّر :113:

ذيك الأيّام مالي أصدقاء [ عيال ] كبري ..
والراس كبير مستحيل أروح مع الصغيّرين


يعني تروح مع البنيات ؟ >> تم جلد العضو المذكور أعلاه :113:

طبعاً إذا طب مرّة كود نصبر شوي
لين تعبّي الماء اللي انكب مع الجوانب !


هذي بلحاله هههههه ..

مشكور أبو فارس ..

ننتظر !!

[عـدنــان]

شكلك تعني افصخ الثوب و اجدع الفنيله و طب :113:
و إلا بمزرعه و برتسه و معكم دب ,, و تلبسون سراويل سباحه !!

الفــارس ايه هييييييين سروال سبااااااحة !


لكن نبي قصة الحشرة ( أكبرهم أخوفهم ! ) :41

ونبي قصة الحنفيات :d


والله الله كل التفاصيل قلهن !


..

[rèmàn]

.
ماشاء الله أبو فارس ماأعجبه الوضع بالصوتيات جاء بذا ..:d

جيدا افزعلنا ببراءة أبو فارس ..


إستمر أبو فارس ..
متابع ..

بس الله يسامحك حطمت مشاعري اللحين مافيه أمل اسبح قدام ناس :eek5

عاد عارفن لي الوالد مفصللي مسبح لحالي علشان مايحطم مشاعري واسبح لحالي بحوش البيت :024:

[الليــ الأبيض ـث]

يايطب صاروخ وإلا على بطنه وإلا عقدة وإلا على احح .. :d

هههههههههههههههههه .. :d

متاااابع .. :113:

[الخفاش]

وعليكم السلام ورحمة الله وبركاته ..

يا شباب وراه ما أحد رد السلام !!


:41



لكن نبي قصة الحشرة ( أكبرهم أخوفهم ! )

ونبي قصة الحنفيات


والله الله كل التفاصيل قلهن !


أيه يا عدنان الله الله بالفضايح :d

[اسم العضو]

ههههههههههههههههههههههههههههههههههههههههههههه منسسسم :113:


لا تبطي علينا ترانا نحتري ..

[حفيد اعقيل]

الفــارس ايه هييييييين سروال سبااااااحة !


لكن نبي قصة الحشرة ( أكبرهم أخوفهم ! ) :41

ونبي قصة الحنفيات :d


والله الله كل التفاصيل قلهن !


..

0
0
0

تشششش أوي لاه لوإنه أخـوي ذا والله لاأغــوله غـول

هالحين المفروض يســتر عليك

وأثره كب العشـاء (ولكن في التحريش فيما بينهم)

بإنتظـار ماأدلى به مصـدر مسـئول عن قصة الحشـرة

والحنفيات ولانســمح باللف والدوران يابوالفـرس 00


0
0
0

:)

[الفـــارس]

من وحي المزرعة [ 2 ]

كان الفارس حفظه الله أطلق ماعنده محارش الدقر [ العبيد ] << معليش أبو آدم :p
المشكلة إنه دايم يعلك .. لكن النجاسة ماخلت أحد ! :S

مرة من المرارير مجتمعين عمومتي بالمزرعة ..
ويبدو إنه ذاك اليوم يمنع إصطحاب الأطفال ..
لأني ما أدري ليش جاي بلحالي ذاك اليوم !

المراد انهم راحوا يصلون العشاء ..
وأنا كعادتي أجرجر رجليني للمسجد من زود التقى !
وصلت المسجد بتوع المزرعة وهم بآخر الصلاة ..

على دخلتي للمسجد سمعت صوت دباب لاف من عند المسجد !
يوم ناظرت ولاوه [ دٌقري :113: ] ومعه دباب هلا بيييييك والله ياهو مدرهم ! :eek5

أنا من زمان ما حارشت أحد ..
فكنت واقف على باب المسجد وهم الظاهر بالركعة الأخيرة .. !
يوم مر من عندي قلت [ عيال العبندا يشربون ميرندا :113: ]
الرجّال شنّبه طول شنب سئيدة .. يعني وش جابه لي ،
وأنا ذاك اليوم يمكن بسادس ! :eek5

أول ما قلت له كذا جدع الدباب على جنب ولحقن ! :eek5
أنا هجيييييت ودخلت المسجد وإلاهم بأول التشهد الأخير ! :eek5
على طول صفيت وجلست معهم وأنفاسي طالعات مع مكرفونات المنارة ..
يوم دريت ومير يمسكن مع فنيلتي مع وراء وشالن [ وقّفن يعني ] :113:
وعطان طراقين وقال لامريت المرّة الثانية قل اللي تبي تسمع ياحلو ؟ :113:
يالله كمّل صلاتك يابابا :) :eek5
المراد اني سلّمت أمري وكبّرت وكملت صلاتي والعالم كلّه تناظر خدودي :113:

وللمواقف بقيّة :p

[عـدنــان]

0
0
0

تشششش أوي لاه لوإنه أخـوي ذا والله لاأغــوله غـول

هالحين المفروض يســتر عليك

وأثره كب العشـاء (ولكن في التحريش فيما بينهم)

بإنتظـار ماأدلى به مصـدر مسـئول عن قصة الحشـرة

والحنفيات ولانســمح باللف والدوران يابوالفـرس 00


0
0
0

:)





اشم ريحة شر :d


..

[عبدالرحمن الشايع]

ههههههههه
هههههههههههههه



أثريييك ندس .. ضض :113:



ننتضر البقيه .. :)

[عبدالرحمن الشايع]

الفــارس ايه هييييييين سروال سبااااااحة !


لكن نبي قصة الحشرة ( أكبرهم أخوفهم ! ) :41

ونبي قصة الحنفيات :d


والله الله كل التفاصيل قلهن !


..



أشم ريحة فضيحهـ .. !!






:d

[الوحيد المجهول]

الفــارس ايه هييييييين سروال سبااااااحة !


لكن نبي قصة الحشرة ( أكبرهم أخوفهم ! ) :41

ونبي قصة الحنفيات :d


والله الله كل التفاصيل قلهن !

..

ابلش به .. :S

ما تقدر تولف زين :113:

عاد اخوك وتحمله انا لو عندي اخو تسان اتحمله :113:

[الفـــارس]

والله ياهي قهررررررررررر :i121
قاعدن أرد عليكم كلكّم وآخرته يعلّق جهازي ويطفى وأنا أنسّق الرد :(
أبرجع أرد بعد الغداء :(
كلّه من عديش :i121

[عـدنــان]

.

كلّه من عديش

.


:eek5:eek5

.

[الخفاش]

كلّه من عديش

هههههههههههههههه
هههههههههه

:073::073:

والله ياهو نزغه :d

[YUOSSEF]

هههههههههههههههههههههههههههههههههههههههههههههههههه هههه
هههههههههههههههههههههههههههههههههههههههههههههههههه ههه

اجل ولد العبندا يشرب ميرندا :d

:d

[الأسمراني]

.
.
ويالله البس سروال سباحة وطب !


اما سروال سباحه والله ما الظاهر ..:)
الله يخلي سروال السنه :d
وذا طلعوا من المسبح بانت الفضايح ..:113:


<< والله من يوم ويوم صرّفون يخافون أعلّم عليهم !

و خزااااااااه وش تعلم عليهم به ..؟ :113:

.
.

ابو فارس والله اني متابع لك ..
واصل يا حبيلك ..



:)

[وثــاق]

..


..




تنسيييييييم العزوزات :d


ههههههههههههههههههههههههههههههههههههههههههه


عمر داخلن عرض معهم !! :d


ياحبيلتس يا سعة الله .. !!


عمر صوّر لنا البرتسة .. :d


متابعين عمر .. :)



..

..



..




الفــارس ايه هييييييين سروال سبااااااحة !


لكن نبي قصة الحشرة ( أكبرهم أخوفهم ! )

ونبي قصة الحنفيات


والله الله كل التفاصيل قلهن !





عديش والله يانت فضيحه .. :113:


شكله يبي يمسح الموضوع .. :113:


ايييييه الله يذكر إيام عيد الضحيه والهوشات مع الدقر .. :113:



لا يصير الي سطرك أبو شهاب !! :oo


..

[زوايا إعلامية]

متابع متابع .. :d

رجاءاً لاتدّعي البراءه وأنت أقرب ماتكون للشقاوه .. :)

لاتنكر هذا , فلديّ مايثبت هذا .. :)


















:113:



منسم ياجيدا

لك مستقبل في الادب

سجع مهبول

قود باي

[الفـــارس]

أشوف عيال الاحح << عائلتنا .. متنبلين بالموضوع ..
مشكلة تسذا .. مانقدر نولّف :113:

[c a f f e e n]

ايه لا تولف :(عطنا الحقيقة حتى انا ولد عمك بس ما علمتك :(

[حفيد اعقيل]

أشوف عيال الاحح << عائلتنا .. متنبلين بالموضوع ..
مشكلة تسذا .. مانقدر نولّف

0
0
0

وش القصة ,, لانصير في منتديات سـوMle سـتي

الهرجـة كل ســوالم ,,


0
0
كلّه من عديش

هماي قايلن لك إنه يبي من يغوله بحبل غسـيل :)

اللهم اضرب السويلمين بالسويلمين وأخرجنا من بينهم سـالمين:)

0
0
0

: 12

[الوابل الصيب]

ابداع انت ابو فارس بنتظار تلفيعاتك القادمه

[$$جراح$$]

متاااابع,,

[وحيد الخلان]

معقوله تبي تقنعنا يابوفارس انك كنت تقوطر براءة يومنك صغير :d
طلع المستخبى وعلمنا بفضايحك المتنيله بستين نيله ..
وإذا انت مشغول خل عدنان يعلمنا :09:
ولا جيدا ادام عندهـ اثباتات :d


:113:

سيااااا

[الكافي]

حلوووووووووووووو


:eek::eek::eek:

متــابــع يا حلـــو الذكــريــات

وخـــاصةً منــك أحلــى وأحلــى

شكراً لكـــ


:)

[عكروش]

ثاااااااااااااااااااااااااااااااانكس

[abo-Khaled]

الفارس موضوعك رهيب واستمر على زي هلهرج

وحيد الخلان توي اطيحبك اثر الخوال من مصر الشقيقة :i125

[عـدنــان]

معقوله تبي تقنعنا يابوفارس انك كنت تقوطر براءة يومنك صغير :d
طلع المستخبى وعلمنا بفضايحك المتنيله بستين نيله ..
وإذا انت مشغول خل عدنان يعلمنا :09:
ولا جيدا ادام عندهـ اثباتات :d


:113:

سيااااا


مستعد يابو عاصم :d
بس انت اطلب العنوان و ...... أيه
..

الـفـــارس

ننتظرك متحمسين :eek5


..

[غارق]

وقال لامريت المرّة الثانية قل اللي تبي تسمع ياحلو

وشلون قل اللي تبي تسمع يا حلو :confused:
ــــــــــــــــــــــــــــــــــــــــــ

عاشت أيامك وياليت تجيب الحكاوي بعجاله ..
محدثك يا يصبــــــــــر :eek:

[المميز نت]

يالله يابو فارس عطنا قصص من وحي المزرعه

بصراحه وناسه وحماس

[الخفاش]

مستعد يابو عاصم :d
بس انت اطلب العنوان و ...... أيه
..

الـفـــارس

ننتظرك متحمسين :eek5


..



بعض الناس والم للشر :d

[حبة فستق]

ههههههههههههههههههههههههه


,

,
والله ياطفولتك آكشن يا أبوفارس .. !


:d


متآآآآآآآآآآآآبع .

[طالب طب]

فيه واحد من أمس وهو يتغدى إلى الحين :d

>> يقول أبروح أتغدى وأجي أرد عليكم ..

[c a f f e e n]

المميز نت يا ليت تشيل ×××× الي بتوقيعك

[خوي السرور]

ماتعرف سالفة ميزان مع بعض الناس ؟ :re

[الرّجّة]

هلا واااالله ومسهلا ..
يابعد مصراني انت..
الفارس ياحبيلك بعد..
وراك عليه ياخلان ااالوحيد تراو واااالله براءة وحبيب:eek5:eek5..أعلمك انه حبيب..
أذكره منول بااااالتحفيظ دايم قاعدن باااالفصل ومايهرج
لكن حنوتسه بتلة تهرج من اااأكل العلك..
شكلك مغبي قرقك للمنتدى:d


أذكر منول يعني يوم اااانا كبركم على غفلة أبو أربعين:113:
عند عمي برتسة صغيره يسقيبه اااالنخل ..
عاد أنا وعيال عمي
نسبحبه وهي مليانة شباااا وكنا نسبح بسراويل وفنايل
المهم خل أبكمل القصة..
أوتدرون هونت منب مكمل ااااالقصة مشغول عندي بعض ااااالأشغال منب فاضي لكم..:rolleyes:واقفة

إن شاء الله ابرجع لكم اااانتظروا كمالت القصة..
عاد تراي منب مطول يعني باااالكثير كثرن مباركا طيبا فيه ملء السماوات..
المهم ابكمله بالكثير بعد شهر ذي الحجة هذا أن ماسافرت وإن سافرت تراي السنة الجاية ..واقفة



بمان الله

[قرناس]

هههههههههههههه
يازين سواليفك يا أبو فارس
شكلك طرطعانة يوم أنت صغير :d
ياخي أزين ما بالطفولة أن محدن يشره عليك أو يقول تششش .. !!
ميخالف خل أبوك يدبغك ويخلطك بالليل والنهار
بس لاسويت جريمة
( قالوا ايه بزر ماعليه شرهه ) :d
يازينه زيناااااااااه هالكلمة ...
واصل يا أبوفارس

[الفـــارس]

وااااااوتس .. والله يانا فشلن منكم ! :eek5

جهازي بالصيانة من أمس ويبي يطلع باتسر بالليل !
والسواليف كلّهن كاتبهن منذو مبطي وحاطهن بجهازي ! :eek5

لعلي أتشوف لي شينن انتعبّر به لين يفرجه الله ويجي ولدنا :d

أيام سوري ! :p

[الفـــارس]

الخفاش ..

ياهلا والله باللي عمته مرت خالي امين :113:
وهـ بس ياحبيلك بعد :p
ترى عادي تشاركنا بسواليف من ماضيكم المليء بالمطايير :d

على طاري المطايير !
اليوم قاعدن أكلّم جيدا .. عاد داخلن جو الله يدفع البلى ، تقل أكلم كندورورارايس << هي تسذا اسمه :p ؟
الموهيم .. كنت أتمشى بالحوش .. :eek5
وإلى بمضلتنا مطيار وش حليلة ! :eek5
وأخذت النعلة بدون شعور .. !
ووزيته عليه وأثاري باب الكهرب مفتوح شوي يعني يدخّل البس !
إيه وشطفت النعلة المطيار وطلعت مع الفتحة ودحدرت مع الدحديرا ووقفت بالشارع ،
يوم طلعت وإلا الجماعة طالعين يصلون المغرب .. !
واااوتس والله ياهي إحراج ..
شكل ابو بنت الجيران اللي يبي يزوجن بنته شره علي :p: eek5


قاهر الروس ..

أهلاً وسهلاً بالخاصين كلّهم :p
ياحبيلك ياقاهر .. والله من الرجولة بعد :p
تشرف كثيراً كثيراً يتواجدك ردّك هنا ياغالي ! :)
دم قريباً ! :)


دعبل نجد ..

أهلاً دعبولي ..
تسلم لي يا أمر ! :106:
أتشرف بمتابعتك ! :)


ريكي ..

هلا والله بالغالي .. هلا هلا
تكفى لاتقول دبي ! :eek5
ترى طايحن من وزني 15 كيلو عقب الحليب :d
تسلم تسلم ياغالي ..
واقصر شوي على المصريات تراي أنشحط ثمن تبلشون بي ! ;)
عاد والله من ثقل الدم .. واااااااوك تقل قار ! :cool:


فنتاستكـ ..

حياك الله بو عزومي ! :)


c a f f e e n ..

الدب والمهبول جابتهم أمك ياهالشين ! :(
وخّر خلّك بعيد :(
أمزح [ وردة حمغاء ] :106:

[c a f f e e n]

عسى ماشر جهاز الحبيب :eek5

[الخفاش]

وااااااوتس .. والله يانا فشلن منكم ! :eek5

جهازي بالصيانة من أمس ويبي يطلع باتسر بالليل !
والسواليف كلّهن كاتبهن منذو مبطي وحاطهن بجهازي ! :eek5

لعلي أتشوف لي شينن انتعبّر به لين يفرجه الله ويجي ولدنا :d

أيام سوري ! :p



يا ألبي تامر على جهاز وحيد الخلان :d

وان تسانه عيا تعال لمي أصنع لك جهاز :p

[الخفاش]

الخفاش ..

ياهلا والله باللي عمته مرت خالي امين :113:
وهـ بس ياحبيلك بعد :p
ترى عادي تشاركنا بسواليف من ماضيكم المليء بالمطايير :d

على طاري المطايير !
اليوم قاعدن أكلّم جيدا .. عاد داخلن جو الله يدفع البلى ، تقل أكلم كندورورارايس << هي تسذا اسمه :p ؟
الموهيم .. كنت أتمشى بالحوش .. :eek5
وإلى بمضلتنا مطيار وش حليلة ! :eek5
وأخذت النعلة بدون شعور .. !
ووزيته عليه وأثاري باب الكهرب مفتوح شوي يعني يدخّل البس !
إيه وشطفت النعلة المطيار وطلعت مع الفتحة ودحدرت مع الدحديرا ووقفت بالشارع ،
يوم طلعت وإلا الجماعة طالعين يصلون المغرب .. !
واااوتس والله ياهي إحراج ..
شكل ابو بنت الجيران اللي يبي يزوجن بنته شره علي :p: eek5

] :106:[/INDENT][/COLOR][/INDENT]


:d:d:d
:d:d
:d

الله من الهستره
يا ويلي هالمطيير آمن ومطمأن ما يدري أنه يبي يجيه مقرود :eek5
ترا هذا من ترويع الامنين ;)

[مفتون بريدة]

ههههههههه

ياويلي يا ولد عمك المفرض نغرمونه وتكتبون على البسه ممنوع سباحة الدببه هههههههه

[جيدا]

ماتعرف سالفة ميزان مع بعض الناس ؟ :re

:095::095:

خلنا خويا ياحبيبي .. :010:

[A N A S]

والله شغل أكشن وأنت صغير .



تحياتي لك

[بريدة العز]

ههههههههههههههه ..

تنسيــم عمر !

[هتلر بريدة]

[QUOTE=الفـــارس;988193]الخفاش ..

ياهلا والله باللي عمته مرت خالي امين :113:
وهـ بس ياحبيلك بعد :p
ترى عادي تشاركنا بسواليف من ماضيكم المليء بالمطايير :d

عمته ..آمــين.. وش دخل عم...،آ.لانروح بعيد



[COLOR="Gray"]لكن منهي عمته منيين..:i125طب بالغاويط..:d


كمل حبيبي عمر..!!


بإنتظاركـ .

[abo-Khaled]

الفارس عسا ماشر الجهاز

لاتخلين اتهور واطقلك لابتوب

وافا اثري موصلت قائمة الخاصين

واحسن خلنا نتحمس لسواليفك

[المميز نت]

الفارس بصراحه حمستنا مرة:)


ننتظر القصة القادمة

وعسا الله يشفي جهازك :d

[عبدالرحمن الشايع]

..




نــنــتــضــر الــتــكــمــلــهـ .. :)

[الفـــارس]

من وحيّ المزرعة [ 3 ]

في أحد ليالي رمضان ، وتحديداً في العشر الأواخر ! :eek5
والشيبان يصلون القيام :eek5

كنّا نلعب بالسياكل بالشارع اللي عند المزرعة .. :048:
طبعاً ممنوع اللعب بالشارع ،
بس لا غاب البس إلعب يالفار ! :d

قدّر الله علي علي وانقطع جنزير سيكلي .. :eek5
وكان بي زود اهبال وابليس راكبن راسي الله يتسفينا الشر ..
حاولت أطيّح حدى عيال عمي وأظف سيكله بس ماقدرت ! :(
ورحت أدوّر بالملحق سيكل أظف جنزيره بس مالقيت ! :eek5

وأنا طالع كنت أخطط شلون ألعب على أحد وأظف سيكله ..
لعله طلع ولد عمي توه قايم من النوم واقترحت عليه يدفّن وأدفّه
بسيكلي اللي منقطع جنزيره ! :106:
استانس لأنهم من الرياض ولا معه سيكل :113:

الموهيم تهاوشنا أيّهم اللي يركب الأول ..
وحطينا قرعة اللي تطلع له هو اللي يدف ، وطلعت علي ! :eek5
لعلي دفيته .. ومن زود الهبال إذا قابلنا أحد من عيال عمي أدفعه عليه وأهج !
ثم يتصادمون ويتهاوشون وأطلع منه أنا :113:

سويت كذا 3 مرات .. بس ماهوب كل مرّة تسلم الجرّة ! :eek5
بالرابعة كان ولد عمي ظاف سيكل عامل المزرعة << مقاسه 26 كبير :oo
الموهيم قابلنا ودفعته عليه لعل اللي أنا أدفه كسر الطاره يمين وهج به على الجدار ..
أما أنا هجت بي على السيكل الكبير اللي مقابلنا و صارت بي الدّقة !
كان به حديدة فوق الكفر ما أدري وش تبي ! :eek5

الموهيم ..
عجزت أوقّف روحي ولعلي طحت واستقبلتن هالحديدة واضربتن من عند الجبهة !
جبهتي انشّقت وبدت تخرخر دمّان :eek5
ودرعمت للحريم قلت أموت عند أُمي أحسن لي :eek5
يوم دخلت من اللعانة جدعت روحي بينهن عشان ينهبلن :bad
الحريّم ياويلي صرّخن واللي تصايح واللي جابت قماش وحطته بمكان الدم
واللي كزت ولده ينادي أبوي من المسجد ! :eek5

راح الولد للمسجد وقال لأبوي ..
وأبوي يحسبه جرح عادي قال إيه يحطون به لصقة
ويشوي إن شاء الله وكمّل صلاته ! :eek5
يوم جاء ولد عمي اللي مرسلاته الحريم قال يقول حطوا به لصقة ويشوي :113:
وياويلي نطّن به الحريم قالن قل له يبي يموت ولدك ! :(
وأنا يقالي مغمى علي وأنا أدري وش يقولن << :113:
صدز أثرهن رحومات ياعمري هن :eek5

جاء أبوي وشالن للمستشفى وخاطون وعيّدت بدون جبهة ! :eek5
ومازالت الآثار باقية << أدري كل من شافن يبي يدقق بي :113:

وللتوليف أقصد السواليف بقيّة :p

[طالب طب]

الحمد لله على سلامتك أبو فارس وسلامة الجهاز ..

طفولة شقاوة :113:

لعله طلع ولد عمي توه قايم من النوم واقترحت عليه يدفّن وأدفّه
بسيكلي اللي منقطع جنزيره !

الموهيم تهاوشنا أيّهم اللي يركب الأول ..


هههههههههههههههههه .. الله ياخذ ابليسك ..

شوي وقوي عين :113:

[الكافي]

:037::037::037:


أطــرف موقف الصـراحة :116:

تسني أشـوف فلــم :054:

الله يهيدك ضحك ومصارخ ومسكن بطني بهـاالليول :024:


تــابعـ المسيرة والونــاسة وحنــا معك :082:

سجـل واحــد متابــع :eek:

شكــراً لكـَ

:)

[الخفاش]

وياويلي نطّن به الحريم قالن قل له يبي يموت ولدك !

ههههههههههههههه
هههههههه

الله من المبالغة بالحريم بعد :d

والله ياهي وناسه أذكر لبغيت أغيب عن المدرسه رحت لم أمي وقعدت أتلوى عنده ايقالي مريض
همن عاد تقولي خلاص ياعمري رح نم همن شف الكشره وين واصله من الضحك :d
ولو أروح لبوي تسان قالي رح ومع المشي يشوي :eek5


وناسة يوم كنا صغارين << وش عنده التسبير :d


تسلم لي على التوليف يابو فارس :d
والحمدلله على سلامة السيكل ولا أنت هين :090:

[فنتاستكـ]

عجزت أوقّف روحي ولعلي طحت واستقبلتن هالحديدة واضربتن من عند الجبهة !
أقـول عســى الحديـدة ما جاهـا شـيء ..
وإلا أنـت هيّـن ! :)

[A N A S]

وأنا يقالي مغمى علي وأنا أدري وش يقولن


يلي منب قايل .




تحياتي لك

[$$جراح$$]

والله إني رحمتك عاد :eek5

والله ياهي قشه :017:

لكن اللعب يلعب بهله :109:

[G M C]

بسم الله عليك قلبي >>:023:

أأأأجل بك علمت الجووده

خخخخ

عااااااد تصدق إعرف بوجه أكس وفي والي تبي

لو يبتل يقص لك تسن تمل ماقضى من كثر القصص

ذي تهوشت مع *** وذي من الطرطعان


اااااااااالخ


:)

[فنتاستكـ]

×××××××× أقتباس محرر

أحـل اللغــز ؟ !!
.
.
كلامي موجه للفـارس .. ok ..
آســف جداً عزيزي:)

[غارق]

^
فنتاستك كان ما رديت عليه وكن كأنك لم تسمع ولم يقل
ــــــــــــــــ

سلامة عمرك يا الفارس ولا تعود لها <<< اللحين يجي واحد يقول يا ثقل طينة غارق ياناس هههه

:)

[المميز نت]

والله موقف صراحه موت


الله سياكل بمزرعة


هلا بيك وبالليل ومع عمك مادري خالك<<< اللي هو هو:d


مشكور أخوي الفارس على هذا الموقف الرائع

لي مرة إن شاء الله أشوف علامة الجودة :113:

[الضــمــضــام]

اهااا

تصدق مزريعتكم بجنب مزيرعتنا

ثانتسيو...

[الوحيد المجهول]

اللعانة


اوقل بس لا تلعن :d

.

.

[الفـــارس]

وإنقلب موضوعي هوشة ! :bad

[c a f f e e n]

انا اسف :eek5

[بريدة العز]

وأنا يقالي مغمى علي وأنا أدري وش يقولن <<
صدز أثرهن رحومات ياعمري هن

قسسم بالله يآنت منسّم يآعمر .. وعربجي و لكيــع و شطآني .. وكل شئ .. ذذ

:d .. أثرك رآعي مخمخه من زمآن !

ومازالت الآثار باقية << أدري كل من شافن يبي يدقق بي

مآبه كلآم نبي ندقدق بس متى نشوفكـ :d

ننتظر البقيــة يآمنسم !

:) !

[الوابل الصيب]

هلاااااااااااااااااااااابيك يالفارس

اجل مغمى عليك الله يهددددددددديك بس

بنتظار شلخاتك السابقه اقصد القادمه

[وثــاق]

..
..





استانس لأنهم من الرياض ولا معه سيكل :113:

جـايدن باللعب على أهل الرياض بس ! :(



شكرا ً عزيزي , ونتظر البقيّة , وإن شاء الله مب خآرب جهازك عشان تعطينا البقيّة ! :)








..
..

[M.Owyed]

:eek5

[ عمر ] والله يا أنت حركاتكـ دلع ، خل عنكـ بس !


إلا على سالفة جيدا من هو اللي يبي يزوجكـ بنته ؟ :p
الحميدة ولا أبو تج :d !


متابعين لجديد نجاسكـ ;) !

..،

[عـدنــان]

.


عمر طولت علينا يالله كمل !

ترا اذا ما ذا ......... أيه :d
^^ أفهمه عاد أنت

بانتطااااااااارك !



إلا على سالفة جيدا من هو اللي يبي يزوجكـ بنته ؟ :p[/COLOR]
الحميدة ولا أبو تج :d !


ياشين اللي داخلن عرض ;)

[مليار]

ابوفارس ياخي أنا مشبه عليك أنت وطريقة كلامك !!

خله رموز أنت كان معك (هايلكس 97 ) ؟

[صرخة ملك]

بسررررررررررررعه تراي متحمس

[زكام]

أقول الفارس
شكل واحد داعين عليك وعجزت تسذب:d

ننتظر البقية:eek5

تحياتي

[Mr. Marwan]

دائماً مبدع اخي الفارس
0
0
ننتظر البقية
0
0

[غارق]

صار روتين يومي للدخول لهذا الموضوع .. :d

أخبرنا يالفارس اذا انك وقفت عشان ما نضيع أوقاتنا في الدخول مرة أخرى :p ..

[خوي السرور]

الفارس ، بالله عطنا كم أرنب خل نستانس وضحك :d

عدنان رح رح عن هالموضوع خل يولف علينا أبو مارس على راحته .

[عـدنــان]

.



عدنان رح رح عن هالموضوع خل يولف علينا أبو مارس على راحته


ايييييييييه هين برووووح !


بعدين تعال عمر أوب يتسذب أبد البته :p

ولو هو يتسذب أحمد ربك انوه يقص عليك قصة

وثاني شيء ،، وشلون أقول انه يولف وانا ماحضرت هالمواقف والسواليف :41

<<< أوب يكد أبد !

عديش , قدس الله روحه !


..

[الفـــارس]

:p

والله إني فشلن منكم .. :oo

القصص ما أدري وين راحن وكود أعيدهن ..
ومن تالي عساي ألقى وقتت أنام به :bad << يدّعي أدري !

إن شاء الله قريباً :p

[غارق]

تكفا يا خوي السرور قفل الموضوع خخخ :d:d

[مليار]

تكفا يا خوي السرور قفل الموضوع خخخ :d:d

ليش ؟
الأعضاء متفاعلين مع الموضوع والدليل أغلب الردود تقول نحن في الأنتظار . فلماذا التنكيد ؟

الموضوع جميل وله قارئيه .

واشكر أخوي الفارس على هذا الطرح الجميل الذي يربط بين الطفولة والبرأة ، وكذلك يبين قصص بيأتنا الحقيقية بما أنا القصيم على العموم بلاد زراعي وكثيراً من عوائله من استخدم الزراعة سوى في الماضي او في الحاضر .
وهذه القصص أحسن من قولة ( طعسنا ، فحطنا ، درنا ، ...الخ ) .

[غارق]

ليش ؟
الأعضاء متفاعلين مع الموضوع والدليل أغلب الردود تقول نحن في الأنتظار . فلماذا التنكيد ؟

الموضوع جميل وله قارئيه .

واشكر أخوي الفارس على هذا الطرح الجميل الذي يربط بين الطفولة والبرأة ، وكذلك يبين قصص بيأتنا الحقيقية بما أنا القصيم على العموم بلاد زراعي وكثيراً من عوائله من استخدم الزراعة سوى في الماضي او في الحاضر .
وهذه القصص أحسن من قولة ( طعسنا ، فحطنا ، درنا ، ...الخ ) .


تكفااا يا خوي السرور امسح رد مليار بعد :092:

[دكتور]

اقتراح :
اتمنى من احد المشرفين يفرد لهذا الموضوع موضوع اخر يكون من دون ردود مع بقاء هذا الموضوع .
شكراً

[مليار]

غارق أنت ودك تصيح على الطريقة الأسلامية ؟

[بريدة العز]

طيب وش رآيك تقص علينا قصـة هذاك اللي نطل البوم الرهينه

نائب المشرف العام حق قرناس

:) !

[غارق]

^
^^
^^^
ماذا عن خلف الكواليس يا بريدة العز

[بريدة العز]

^
^^
^^^

مآفيه الا كل خيراً ياللحية الغانمة !

[أبو حمد البريداوي]

فضيحة جديدة :


كان عمي ( الحار ) دايم يقول :

[ انتبهو لعمر المكّار ]

ههههههههههههههههههه


يقصد الفارس !

( مراسلكم من البركة المنهدمة بـ سعة الله )


.

[عـدنــان]

.





فضيحة جديدة :


كان عمي ( الحار ) دايم يقول :

[ انتبهو لعمر المكّار ]

ههههههههههههههههههه


يقصد الفارس !

( مراسلكم من البركة المنهدمة بـ سعة الله )


.



هههههههههههههههههههههههههههههههههههههههههههههههههه ههه

والله ياهي فضيحة ماشافت الجادة

ننتظر رد عمر وجحدته واذا بيجحد نضع حوار بينهم :041:


.

[حفيد اعقيل]

فضيحة جديدة :


كان عمي ( الحار ) دايم يقول :

[ انتبهو لعمر المكّار ]

ههههههههههههههههههه


يقصد الفارس !

( مراسلكم من البركة المنهدمة بـ سعة الله )

0
0
0

وبـدأ مسـلسـل كب العشـاء في حلقته الأولى (1)

ننتظـر رد المصدر المســئول 00 ؟؟

0
0
0

[الفـــارس]

الرجاء من المشرف إغلاق الموضوع حتى إشعار آخر :113:

[A N A S]

الرجاء من المشرف إغلاق الموضوع حتى إشعار آخر :113:

أعرف واحد بلش http://www.buraydahcity.net/vb/images/smilies/biggrin.gif


تحياتي لكم

[عـدنــان]

الرجاء من المشرف إغلاق الموضوع حتى إشعار آخر :113:

فــااااااااااات الأوااااااااااان !


عمر يـا قـ ....! < اكمله ;)


..

[الجارح الذابح]

والله ينا فشل منكم بعد الجهاز مايشتغل خخخخخخخخخ كل شوي مطلع لنا كذبه:(

[الفـــارس]

فــااااااااااات الأوااااااااااان !


عمر يـا قـ ....! < اكمله ;)


..

قــ م ر ! :)

[$مــمـــيــــز$]

ليش ؟
الأعضاء متفاعلين مع الموضوع والدليل أغلب الردود تقول نحن في الأنتظار . فلماذا التنكيد ؟

الموضوع جميل وله قارئيه .

واشكر أخوي الفارس على هذا الطرح الجميل الذي يربط بين الطفولة والبرأة ، وكذلك يبين قصص بيأتنا الحقيقية بما أنا القصيم على العموم بلاد زراعي وكثيراً من عوائله من استخدم الزراعة سوى في الماضي او في الحاضر .
وهذه القصص أحسن من قولة ( طعسنا ، فحطنا ، درنا ، ...الخ ) .



ينقل إلى الساحة المفتوحة ،،



:113:

[الخفاش]

الرجاء من المشرف إغلاق الموضوع حتى إشعار آخر

زين الأعتراف بالحق فضيلة

بلش يبلش فهو مبلوووش :d

[مليار]

ينقل إلى الساحة المفتوحة ،،



:113:

أن كنت تبي تغيظاً في قولك هذا فأنا أصلاً غير متابع للكشكول ، ولكن أرى الأعضاء متابعة لهذا الموضوع .فلن ـ أكترث بنقله . أو تركه .
واما إذا كان قصدك شيء أخر فأعوذ بالله من الحسد .

[الفـــارس]

[ 4 ]

في أحد أعياد الفطر ..
كان العيد بالمزرعة !
بعد ماتعيدنا وصلوا الناس الظهر ..
كانوا أهلنا يتفرقون ..
كلّن ينام ببيته ويرجعون يجتمعون العصر !

أبوي الله يحفظه ما عنده به !
مستحيل يخلينا نجلس مانروح للبيت ! :113:

عاد سماحتي يوم طلعوا يصلون الظهر ..
كان فيه بيوت طين زبنت حداهن
وتغبيت لين دورون وملوا ومشوا للبيت ! :eek5

كنت ليلة العيد مزيّن [ نبيطه ] 5 في 3
عشان أجدع طرطعان الفحم فوووووووق ! :041:
ويصير طرطعاني أعلى شي !

اجتمعنا أنا وكم نفر من عيال عمي
ولا ندري وش نسوي !
بالمزرعة بلحالنا !
والظهر بعد .. هلا بيك !

طبعاً ذيك الأيّام العيد بالمربعانية ..
أنواع البرد .. والأمطار والوناسة !
لعلي تذكرت النبيطة ..
ومسكت معنا نطرطع فحم ! :113:
الظهر الله لا يعادزبنا !

طلعت النبيطة من المكان السري << :d
وقلت هااتو فحمكم أوريكم وش أسوي به ! :113:
وناسة تسذا .. كلن يعطيك تطرطع له ! :113:
يعني مافيه خساير أبد .. وأنت المستانس الأول :113:

إيه .. وحلتنا الُولى ..
طبعاً الظهر الشمس فوقنا ..
ولا نشوف نور الفحمة ..
بس نسمع الطقطقة !

كان فيه 60 نخلة تقريباً طواااااال !
وتحتهن تبن ! :eek5 << لا تعيّر ! :070:
يوم نبطت الثانية .. صرت استعجلت عليه ..
يوم وصلَت الأرض بدت تطرطع .. ! :eek5

وين ؟! على التبن ! :eek5
أنا مافكرت به أبداً ..
حتى إني قلت عطونا الثالثة .. :113:
يوم جلسنا شوي وإلا وش تشوف ! :eek5

التبن قاااااااب نيران !
العيال واحد منهم قال أبدق على الدفاع المدني
قلت أنا يااااااويلك !
<< تسد صار مثل تسذا واتهمون وكتبت تعهد
وهو ماهوب أنا وشلون لا صرت أنا ! :eek5

قلت لعيال عمي تعالوا يا XXX :113:
ورحنا نركض للبيت بتوع المزرعة ..
وازبن المطبخ وخذ القدور :113:
وكل واحد مسك له قدر وعبيناهن ماء !
كل هذا تم في سرعة فاااااائقة :113:

والحمد لله سيطرنا على الحريق
بعد نصف ساعة يمكن ! :113:
شرايكم بالقيادة عاد << :113:

عمومتي العصر شافوه وسألونا عنه ..
قلت أنا ياقدمكم بعد .. توكم تشوفونه ؟! :113:
هذي له أكثر من اسبوع معلقين به الدقر :re

ولهن بقية ..
عسى الله ييسرهن :P

[المميز نت]

ورحنا نركض للبيت بتوع المزرعة ..
وازبن المطبخ وخذ القدور
وكل واحد مسك له قدر وعبيناهن ماء !
كل هذا تم في سرعة فاااااائقة



ههههههههه :113:

والله يا أنتم تنسيم بعد

الحمدلله ستر الله



قلت أنا ياقدمكم بعد .. توكم تشوفونه ؟!
هذي له أكثر من اسبوع معلقين به الدقر


:113: والله ياهي تصريفه على كيف كيفك


تسلم والله يالفارس على السواليف اللي توسع الصدر :)


شكرا لك..

[G M C]

الله يهديك تتسذب على عمانك !

المشكلة بووه أخوووك وين القدووه الحسنة !

ميير كم جااك من طراق من أبوووك ؟


ذكرتن بموقف حصل لي

بالطرطعان>>الشرووخ هي تسذا

ذاك الوقت يمكن بالرابعة أو بالخامسة

طاااقن هاااك الشمااغ ألــ new

ومعي الي تفحط مادري وش يقاله

هذا وأنا مارحت للعييد يعني بعد الصلاة مباشرة

والله وأشبه يوووم قعدتت تحولس>>تدووور حوولي

ويحترق شمااغي حرق واضح

وثوووبي بس أهوون شوي

ويجي أبوووي يسوي جين جاان

هذا وصلى الله وسلم على نبينا محمد

كم جااك من طراق من أبوووك؟ :072:

[A N A S]

عاد سماحتي يوم طلعوا يصلون الظهر ..
كان فيه بيوت طين زبنت حداهن
وتغبيت لين دورون وملوا ومشوا للبيت !


طيب وش قالك أبوك العصر يوم شافك .


أتوقع انه طوووووووووووووووووووووط :cool:



تحياتي لكم

[الفـــارس]

لا أحد يكثر الأسئلة :113:
يكفي اللي وقفنا عليه :p

[الفـــارس]

[ 5 ]

على وقت موديل 91 ..
شرى أبوي كابريس 91 وكالة :S
<< المحششة ! :d

تقريباً بعد ماشراه بـ اسبوع ..
كنا [ ساكنين ] ببيت المزرعة ذيك الأيام !
عاد طلعت أنا وولد عمي أكبر من بـ 4 سنوات !
وش جابه لي ما أدري :113:
قاعدين نسولف عند باب البيت ..
أنا بزر قوووة لا تحسبونن كبير << :113:

عاد يوم انتبهت وإلا فيه بس [ قطو :d ] فوق الكابريس !
أخذت حصاته وحلته عليه !
لعله صارت بالقزازة اللي ورى
ودخلت داخل السيارة !
يعني انكسرت القزازة !

أنا قلت وااااااوتس .. ياويلي !
أصلاً الطلعة الظهر ممنوعة !
واجتمعت طلعة الظهر وجريمة .. ياسلاااام ! : (

ولد عمي فرح انه مسك علي شي .. !
وأنا كنت بزر ذيك الأيّام !
عاد ذلن .. سو كذا وإلا ترى أبعلم !
جب لي ماء وإلا ترى أبعلم !
وأنا أتطلبه أقول تكفى قل انه حدى التكرن !
<< ياويلي باليهم !

ماش الرجّال ذلّن ذلّة ! : (
أذن العصر ودخلت البيت وتفرقنا .. !

وأنا داخل لقيت مرة عمي أم هذا :113:
قلت : نورة :113:
ترى تو قاعد أويدز على الشارع
وشفت ولدتس خليل حلت حصاته
على قزازة كابريس أبوي وانكسرت !
وشوله يسوي كذا ؟!
على كيفه هي ؟!
قالت اخس أوريك به ! :113:

بعد الصلاة شفت عمي الحار :113:
قلت عم .. ترى خليل قبل الصلاة قاعد أويدز
وشفته كسر قزازة كابريس أبوي الجديدة !
<< الله من اللعانة ! : (

وبعد شوي شفت أبوي ..
وقلت يبه ترى خليل كسر قزازة الكابريس !
أبوي قال الحمد لله حصل خير ! << انقهرت أنا :113:
صح انه ضاق صدره .. بس ما توقعته كذا !
قلت بنفسي ليتي معترف دامه تسذا مبرّد ! :113:

طبعاً ولد عمي ياويلي مايدري وش السالفة ..
مايدري إني قلبته عليه !

كان بالمزرعة .. يوم دخل ويقابله عمي !
قال عمي من اللي كسر القزازة ؟!
قال هو : حدى الدقر مر بالسيكل وكسره وهج !
عمي .. قال : أنت الدقري والله .. والفعه ! :070:

وكلن يهوشه المسكين !
ولا دري هو إني قلبته عليه :eek5

عاد ولد عمي هذا متزوج الحين :113:
قلت له السالفة هالايّام !
والله ياهو حمق علي :113:

وهذي الكذبة الوحيدة اللي كذبتها بحياتي :p

لهن بقية باقية ! :113:

[$مــمـــيــــز$]

عمي .. قال : أنت الدقري والله .. والفعه !




:113:

[عبدالرحمن الشايع]

[ [COLOR="DarkRed"]5 ]



وهذي الكذبة الوحيدة اللي كذبتها بحياتي :p

لهن بقية باقية ! :113:


تعااااااال تعااااااااال صدناااك .. :090:


وش لون تقول الكذبه الوحيده اللي كذبته بحياتك ..


وأنت قبل شوي تقول ( عمومتي العصر شافوه وسألونا عنه ..
قلت أنا ياقدمكم بعد .. توكم تشوفونه ؟!
هذي له أكثر من اسبوع معلقين به الدقر )


أممممممممممممم هاه وش تقول .. :090:




:028:

[الفـــارس]

أقول أنت الدقري والله :(

:113:

[c a f f e e n]

العنصريه المقيته ما تصلح يا ابن عمي الدقر بهم رجال ومشايخ ماله داعي استحقارهم

[عـدنــان]

العنصريه المقيته ما تصلح يا ابن عمي الدقر بهم رجال ومشايخ ماله داعي استحقارهم


;)

.

[الخفاش]

عمي .. قال : أنت الدقري والله .. والفعه !

واوتس والله يانا تخيلت الموقف :d
واوك أحس أن خد ولد عمك أنسلت الجلد اللي به :d


وهذي الكذبة الوحيدة اللي كذبتها بحياتي

قل غيره تكفى :d




: 12

تنسيم أبو فارس

[أبو محمد النجدي]

ههههههههههههههههه الفارس والله من الشر اثرك يابن اللذينا :113:



وأبوي يحسبه جرح عادي قال إيه يحطون به لصقة
ويشوي إن شاء الله وكمّل صلاته ! :eek5


وبعد شوي شفت أبوي ..
وقلت يبه ترى خليل كسر قزازة الكابريس !
أبوي قال الحمد لله حصل خير !


هههههههههه كسرة ثلج الوالد ماشاء الله ... والله من البروده
هالحين كابرس وكالة وتنكسر القزازة ويقول حصل خير .
ياحبيله :p
لله دره يا شيخ
طيب أبو فارس بما إنك مجرم لو كانت السيارة سيارة عمك [ الحار ] يا [ مكار ] تتوقع وش أقل شي يبي يسويه ؟ :confused:

[الليــ الأبيض ـث]

عمي .. قال : أنت الدقري والله .. والفعه !

والله يأنت XXX .. :d

[Mr. Marwan]

ه
هه
ههه
ههههه
هههههههه
ههههه
ههه
هه
ه
0
0
ننتظر جديدك

[طالب طب]

هههههههه ..

أنواع التوريط أبو فارس ..

وأنواع البراءة :084:

[بريدة العز]

أبوي قال الحمد لله حصل خير ! << انقهرت أنا
صح انه ضاق صدره .. بس ما توقعته كذا !
قلت بنفسي ليتي معترف دامه تسذا مبرّد !

لو انت اللي كآسرهآ تسآن لفعك .. بس نفق !

[الفـــارس]

ملزمين نكمّل ؟ :eek5
<< كل الباقيات يفشلن :113:

[عبدالرحمن الشايع]

ايه ايه ملزمين :d

[طالب طب]

نعم .. إننا ملزمون ..:113:

إننا نحتريك الحين وفي كل وقت منذ مبطي ..:113:

[زكام]

ايه ملزمين :(

وإلا وشوله منزلين الفرشات والعزب عند باب الموضوع :060:


كل شوي نكز واحد نشوف وهو انت جيت ولا لا :09:

يله عطنا الباقي ولا ترى به أحد يكمل عنك وكب العشاء صدز :d

[الوابل الصيب]

بنتظــارك ابوفــارس


يفشلن ولا مايفشلن نبيهن

[بريدة العز]

أهم شئ ننبسط من شسمه !

[خوي السرور]

أنا عندي سالفة تسد قاله لي أبو فارس ،، تسانه أبطئ علينا ، قلته بداله :d

[الفـــارس]

كره :(

ما أسمح لك .. !
اللي بالمشرفين للمشرفين ! :(

[الخفاش]

أنا عندي سالفة تسد قاله لي أبو فارس ،، تسانه أبطئ علينا ، قلته بداله

أقول ما ودكـ تصكـ موضوع شاعر السواليف :d

[طالب طب]

أنا عندي سالفة تسد قاله لي أبو فارس ،، تسانه أبطئ علينا ، قلته بداله :d

كره :(

ما أسمح لك .. !
اللي بالمشرفين للمشرفين ! :(

بدينا بكب العشاء ..

إيه يالله يا أبو سر عطنا ..

تقل أبطى الرجال علينا :d

[خوي السرور]

إي والله تقل أبطئ ، شوي بس خل اكتبه وأرجع :d

[[14]المايسترو[21]]

يحلليل الدببة كلهم ((إقاله عصل))
متابع

[الوابل الصيب]

تأخرت عليــنا أبوفـــارس

[بريدة العز]

يالله كبوا العشاء ..

يالله ياخوي السرو

<== يمون ;)

[YUOSSEF]

:eek5
:eek5
:eek5
:eek5

رحمت ولد عمك خليل

:eek5:eek5

[هايلكس بريداوي]

الله يبارك بعمرك

[الفـــارس]

الموضوع ذا إلى الحين مافكه ولد السرور :113:

يارب أفضي وأروّق عشان أكمله ! :eek5

[وحيد الخلان]

إيه وتقول يابوفارس , وش وصلنا :09:

[طالب طب]

وراكـ عجل يا أبو عاصمـ :113:

[سراب]

تراك ماكملته
:d

[بدلها]

أبطال يوم من أيام الصباء ))) فسره

أشكرك حبيبي على الذكريات الجميلة

[الضَمَـادَا ®]

طبعاً كنّا كثارين .. ومتعددي الأعمار .. :d

أتوقع أن كثارين جمع قصيمي على وزن فعالين ..

ومن أمثلتها :

صغارين

كبارين

كثارين

وغيرها ..

والله ذكرتنا بالمزرعة ..

ضمن ملوكـ السرعة ..:)

[nama-الشامخ]

:090: ههههههههههههههههههههههههه
ســـــــــــــــــويلفه حـــــــــــــــلوه
ذكرتني بشقاوتي ننتظر البقيه
ولك مني اجمل تحية
يالمبدع دائما وأبدا
:073:

[mr.muhmmed]

سبحان الله ..
الحمد لله ..
الله اكبر ..

[الفـــارس]

يُمنع رفع المواضيع القديمة ! :)

[مكتّف النمله]

هههههههههههههههههههههههههههههههههههههههههههههههههه هههههههههههههههههههههههههههههههههههههههه

هههههههههههههههههههههههههههههههههههههههههههههههههه ههههههههههههههههههههههههههههههههههههههههههه

هههههههههههههههههههههههههههههههههههههههههههههههههه هههههههههههههههههههههههههههههههههههههههه

<<<هذا المستخدم في نوبة ضحك عارمه بعد قرأته لاثنعش صفحه متتاليه :d<<تراي ناجح بالعربي وقصم:cool:


اجل من وحي المزرعه يابو راااس ياحبيل سعة الله بس وياليييييل الصرقعه :rolleyes:




كاااااااااانت أيام :eek5

[الفـــارس]

شكراً لمروركم جميعاً ..
وأعتذر عن عدم إكمال الموضوع ! :p


29/4/1429 هـ, 06:40 صباحاً !!

الموضوع تَم سنة إلا شهر ! ;)

صكه ياخوي السرور تكفى ..
ماهوب وقته يرفع !!