بشرى خاصه لسكان المملكه وخصوصا اهل القصيم

[ام سليمان]

بصراحه من حبي للمنتدى حبيت اجيب لكم هذي الخبريه الحلوه
واتمنى من الله ان يجعل فيها من الفائده الشئ الكثير
تم وبحمد الله افتتاح اكبر مركز لطب العيون في الشرق الاوسط في منطقة القصيم وبالتحديد بريده
هذا المركز متخصص في طب العيون مع وجود اخصائية بصريات واطباء عيون
ولله الحمد تم افتتاحه وهو مركز طب عيوني مقابل الاماره الجديده دوار المئويه
تحت اشراف الدكتور نصر الدين ظافر وابنه مالك المركز الدكتور محمد ظافر
والمركز على قدر كبير من التنظيم والتميز وهذا شئ يسعدنا ان نجد مركز على مستوى المملكه العربيه السعوديه متخصص بجميع مشاكل وامراض العيون
والاجهزه المتوفره في المركز هي احدث اجهزه في الشرق الاوسط
ولله الحمد ومن جهه اخرى اسعدني تعامل الدكتور نصر الدين ظافر وابنه الدكتور محمد
مع المرضى من حيث التواضع واللطف وقمه في الطيبه والنقاءوللعلم ان المركز سوف يقوم بزيارته اكثر من ثمانين طبيب من خارج المملكه لكي يقوم

بالكشف والتدرب على الجهاز الليزك الحديث واكثر من ستين طبيب واستشاري من داخل المملكه بزيارات مستمره للمركز واكدت لي مصادر

ان صاحب المكان الدكتور افاد ان اختياره للقصيم وخاصه بريده لاحتياج المنطقه ولتطوير المنطقه ولرفع مستوى المكان من ناحية المراكز

الطبيه ويعتبر هذا المركز هديه منه لاهل المنطقه.

واي استفسار عن المركز باامكانكم سؤالي وان شاء الله اجيب لكم كل الاجوبه اللي تحتاجونها
وبامكانكم مشاهدة صور للمركز من خلال شاشات العرض في الشوارع ومن خلال جريدة الوسيله
واتمنى منكم زيارة المركز حتى لااتهم بالمبالغه
واتمنى لكل مريض الشفاء العاجل

[نـواف]

الله يبشرك بالخيييير

[من فرسان بريدة]

سبق صحفي لأم سليمان تشكر عليه :024::026::110:

[غريب احساس]

مشكور على ها الخبر

[بونوره فوق الشجره]

أشكرك بعنف على الخبر

[المحترف.]

مشكوره ماقصرتي
بس لو بكرتي بالخبر كان احسن لأني توني مسوي عمليه

[أبو رُبـــــى]

وش هالحب لأهل بريدة يا أم سليمان .. كلها من مخباتك الله يجزاك خير ..
لكن مبروك الوظيفة الجديدة يا أم سليمان ........هههههههههههههههههه أمزح لا تزعلين علينا .

[سيف الأسلام]

الله يبشرك بالخير خبر سعيد وبريدة كل مالة تتطور

[المرودن]

الله يعطيس العافية يام سليمان

[ذعـــــــــار عويد]

ام سليمان ماشفنا بروشورات عن المركز ولا دعاية ولا افتتاح من مسؤول ولا خبر بجريده يدل على قوة المركز وكما تعلمين هذه عيون

[fahhude]

اللي بل إعلان يقول قريباً الأفتتاح يعني مابعد افتتح............

[فتى الأسياح]

شكرا يا اخت ام سليمان على الخبر الرائع

[الملتوي]

مشكور على الخبرية

[المحروم 9]

الله يبشرك بالخير

[أبوثامر]

مشكورة .. لكن متأكدة أنه أكبر مركز بالشرق الأوسط ؟؟

[ابوعزيز1489]

مشكوره ام سليمان علي الخبر الحلو

[ابراهام]

شكراً على الخبر الرائع

[الحيادي]

شكراً ام سليمان مع تمنياتنا لبريدة والقصيم والمملكة كل التقدم والرقي

[Mr MAFIA]

صراحه اول مره سمع زي هالخبر

انتشاره فقط بالمنتديات ولافيه لااعلانات ولاطاري له في وسائل الاعلان الاخرى
سواء بشاشات الاعلان او عن طريق اللوحات الاعلانيه في الشوارع

فعلا الامر غريب

[المنخرش]

أم سليمان
فيه سؤال .. وعاجل ايضا


فيه كيس دهني فيوق العين (في الجفن)
اعتقد انه كيس ولا هي حبه
وش تكون .. وهل اذهب لأخصائي عيون أم أخصائي جلدية؟

[الحاجب]

جزاك الله خير .. ولكن سوالي هل المركز حكومي او اهلي ...؟

[الهوى الغايب]

الله يبشرك بالخير

[صيته الحربي]

مشكوره يام اسليم

[المنعنع]

حبيبتنا / أم سليمان
- - - - - - - - - - -

مشكورة على هيك خبرية
لكن عندي استفسار؟؟؟
ماسبب إختيار مدينتنا الغالية بريدة لكي يكون فيها هذا المركز الذي لايوجد له بالشرق الأوسط مثيل..

هل تكون الإجابة .... لكثرة أشجار البرسوبس (البليهي)







دمتم بحفظ الله ورعايته..

[قرينتش]

الله يبشرك بالخير

[صافي النية]

خبر جميل والله اختي فكل شكري لك,,

[أنا شاطر]

منتب سهله يآم سليمان

آحس آنك ماسكه ميكروفون وواقفه قدام باب المركز:confused:

[المبتسم]

شكرا لك يا ام سليمان على الخبر الحلو

[المنخرش]

يارب ترد

[جمراوي]

مشكوره ام سليمان علي هالخبر!!!! بس هالكلمتين ازعجتني ..ان صاحب المكان الدكتور افاد ان اختياره للقصيم وخاصه بريده لاحتياج المنطقه ولتطوير المنطقه ولرفع مستوى المكان من ناحية المراكز ؟؟؟؟؟
(ويعتبر هذا المركز هديه منه لاهل المنطقه)خيري ما شا الله ان كان كذا جعله الله بموازين اعماله

[نفرمسكين010]

واتمنى من الله ان يجعل فيها من الفائده الشئ الكثير

[classic]

والله بشرى سارة ..

[ربيعي]

الظاهر فيه مركز آخر شبيه به افتتح في الصفراء
سؤالي هل هو نفسه أو مختلف عنه

[ام سليمان]

نواف
من فرسان بريده
احمد الحازم
بو نوره فوق الشجره
اشكركم على تواجدكم في متصفحي
المحترف:الحمد لله على سلامتك والعفو ماسويت الا الواجب
يااخ ابو ربا:شي طبيعي اني احب اهل بريده لاني منهم ومااحتاج شهاده من احد
اما على الوظيفه اللي تقول عنها فياريت توضح كلامك اكثر واحنا نتكلم بموضوع جدي يعني مافي مجال للمزاح والتسليه

[ام سليمان]

سيف الاسلام:مشكور على المرور
المردون:الله يعافيك وشاكره لك
اخ ذعار:طبعا انا اعرف ان العيون مو لعبه عشان كذا ماجبت لكم الخبر الا بعد ماتاكدت منه
فهودي:المركز تم افتتاحه وبامكانك زيارته شاكره لك على المرور
فتى الاسياح:العفو ماسويت الا الواجب
الملتوي:العفو شاكره لك على تواجدك في متصفحي
المحروم:اشكرك على المرور
ابو ثامر:العفو وانا ماكتبت هذا الموضوع الا لاني متاكده من كل كلمه فيه
ابو عزيز:العفو شاكره لك على المرور

[ام سليمان]

ابراهام:شاكره لك على المرور
النيسبوري:العفو واشكرك على تواجدك في متصفحي
مستر مافيا:اخوي الخبر اكيد والاعلانات موجوده بشاشات العرض وجريدة الوسيله وباللوحات
اخوي المنخرش:اشكرك على ثقتك لكن للاسف انا مو دكتوره ولا اخصائيه ياليت تسئل اهل المعرفه
يمكن يفيدونك واسفه لتاخري عليك بالرد
الحاجب:المركز اهلي وشاكره لك على المرور
الهوى الغايب:شاكره لك على التواجد في متصفحي

[**الحياة كلمه**]

جزاك الله خير

[ام سليمان]

صيته الحربي:العفو خيتو وحياك
اخ المنعنع:ولو ان سؤالك فيه نوع من السخريه ولكن مااعتقد ان اشجار البرسوبس
لها وجود واذا مااعجبك الموضوع مااعتقد في شي يجبرك عشان تقرأه
قرينتش:ياهلا فيك وشاكره لك على المرور
صافي النيه:اشكرك على ذوقك وعلى تواجدك في متصفحي
انا شاطر:لا احساسك خاب هالمره وشاكره لك على المرور
المبتسم:العفو

[ام سليمان]

اخ جمراوي:مافي داعي انك تنزعج من الواقع والله يجعلها بموازين اعماله
نفر مسكين :اشكرك على المرور
كلاسيك:اشكرك على المرور
ربيعي:هو نفسه وشاكره لك على التواجد في متصفحي
الحياه كلمه:واياك ان شاء الله وشاكره لك على التواجد

[تحكمني قناعاتي]

ممكن اذا ماعليك امر ترسلي لي رقم المركز

الله يعطيك العافيه الف شكر ع الخبريه

[ما تَهَاب]

اشكرك ام سليمان على هذا الخبر.. والله ينفع فيه ..


أم سليمان
فيه سؤال .. وعاجل ايضا


فيه كيس دهني فيوق العين (في الجفن)
اعتقد انه كيس ولا هي حبه
وش تكون .. وهل اذهب لأخصائي عيون أم أخصائي جلدية؟


اعتذر على التدخل ولكن لعلي افيدك ..

اذهب اخي لأخصائي عيون .. وفيه مركز الأستشاريون لطب العيون بالرياض ممتاز بإذن الله..
والذين اعرفهم من اطباء هذا المركز .. د.العمرو وهو غني عن التعريف الله يشفيه .. و د.السلوم واعتقد انه اعرف من العمرو بحالتك والله اعلم..

اسأل الله لنا ولك الشفاء ..

[ريم الأفق]

ام سليمان جزاك الله خير أنا سبق وجيت المركز عادي لا كبير ولا شي فكيف يكون أكبر مركز بالشرق الأوسط وفيه مستشفيات كبيرة متخصصة في طب العيون! لكن أهم شيء يكون الطبيب ممتاز .
المركز موجودفي العمارة اللي مكتوب عليها الخيال عند سامرة.

[عذبة البسمة]

اذا كان المركز هو نفسه اللي في عمارة الخيَال ..
فانا أقول أنه لا هو أكبر مركز متخصص ولا هم يحزنون ..

أنا كانت عندي مشكلة في عيوني
ولفيت كل بريدة بحثا عن المركز المذكور دار راسي
وانا وزوجي نقر ونقير يقول انت تحلمين وين شايفة المركز هذا لايكون وانت نايمة ..
وانا أقول بإصرار الا شايفته بالوسيلة بعد
مركز شكله شئ وممتاز وأكيد بنلاقيه على أطراف بريدة لانه كبير ومساحته واسعة ..
المهم تعبنا من الدواران
ويوم سالنا دلونا الطيبين على محل صغير مظلم بعد يقولون هذا هو >قسم بالله أني أحسبه محل جولات <
واللي دلونا عليه كان في العمارة سابقة الذكر اللي فيها الخًيال ..
ويوم سألت قلت ليش مظلم وين الأطباء قالو مافيه الا طبيب واحد > وماخذ إجازة هههه< قسم بالله كأن السالفة نكته ..


بالمختصر >>> الدعاية والأعلان عن هذا المركز أكبر من المركز نفسه <<<
والحمد لله على كل حـــــــــــال ..

[الحاجب]

ام سليمان شكراً لكي ، سؤالي : انا عندي ضعف بالبصر . وهل الكشف مجاني لاكون على بينه هل احتاج الى اللزك او غيره ,,,,,,؟

[المــــــوج]

خبـــر مفرح




لكن الله لايجعلني احتاج اليه

[ام سليمان]

تحكمني قناعاتي:
اختي رقم المركز:3833949
باامكانك الاستفسار عن اي شي
وياليت اكون خدمتك ولو بشي بسيط
ماتهاب:العفو واشكرك على التواجد
اختي ريم:اولا شاكره لك تواجدك
ثانيا:انا لما قلت اكبر مركز بالشرق الاوسط مااقصد الحجم ولكن اقصد
الاجهزه الحديثه اللي فيه مو موجوده على مستوى الشرق الاوسط
وبامكانك زيارته للاطلاع على جهاز الليزك الحديث وكذلك جهاز ازالة الماء الابيض
عذبة المبسم:اشكرك على تواجدك
وكما ذكرت سابقا المركز كبير ليس بحجمه ولكن بالاجهزه الموجوده فيه

[ام سليمان]

الحاجب:
على حسب علمي ان الكشف غير مجاني ولكن بالنسبه لليزك
في فحوصات قبل العمليه هي اللي تحدد مدى قابلية عيونك لعملية الليزك وهل هي مناسبه او تعاني من مشاكل اخرى كالقرنيه المخروطيه وغيرها
وباامكانك زيارة الاستشاري على موقع المركز اللي ذكروه اخواتي وان شاء الله يقدر يفيدك اكثر مني
شاكره لك على التواجد
الموج:اللهم امين
شاكره لك على التواجد

[أشهب الال]

[size="6"]يأم سليمان إتقي الله بنفسك والقراء 00ماهذا الهراء والدعاية الممجوجة 0 يظهر إن لك مصلحة من هذا 0 غرفة مظلمة تقولين أكبر مركز بالشرق الأوسط0
ذكرتيني بنكتة الدريبي لما كان رئيس بلدية بريدة عملو المنتزة المعروف حالياً 0 مساحتة مايديور بها السيكل وصرح أنه أكبر منتزه بالشرق الأوسط0 يظهر إنك عجوز ولا تزالين تفكرين بأفكار الدريبي0 أو ماعمرك تعديتي دوار المئويه ولا شفتي مراكز طبية أو تجارية0/size]

[ام سليمان]

اخ اشهب:انا اعرف تقوى الله قبل اكتب هذا الموضوع وقبل يجيني ردك ومااعتقد في بكلامي اي هراء او دعايه ممجوجه
واذا على الغرفه المظلمه اللي تقول عنها يكفي ان الدكتور نصرالدين ظافر مدير (مركز مغربي سابقا بالمدينه) انارها بخبرة 25سنه
واذا على اني عجوز او غيره فااعتقد مهما كان عمري اتمنى اني عرفت ارد عليك
اشكرك على التواجد في متصفحي