تفضل الصور يامدير المرور! وسوف ننتضرالنتيجه؟

[من فرسان بريدة]

بسم الله الرحمن الرحيم
السلام عليكم ورحمة الله وبركاته وبعد:
هناك مايهدد الماره منذاكثرمن شهرين في شارع الثمانين في البصيريه ودوريات المرور كأن الأمر لايعنيهم؟:112:

المصيبه ان المشكله بسيطه وهي فقط تركيب غطائين.

اليكم الصور (انتضرماسيفعله المسؤول؟) انتضر مشاكات الأعضاء الأفاضل






http://www.moq3.com/img/17012008/kdC51138.jpg (http://www.moq3.com/img/)

http://www.moq3.com/img/17012008/wpv51262.jpg (http://www.moq3.com/img/)

[زوايا إعلامية]

لا حس لمن تنادي

[ابوالوتين]

الشق أكبر من الرقعة بس خله على الله

[سرج سابح]

اللي يعنيهم هو من يقود بحذر ويحترم المارة من مشاة واصحاب سيارت ويعطي الطريق حقه لكنه لايحمل ورقه مكتوب عليها[ رخصة قيادة]
اما مايسبب للناس الحوادث ويتهور بالطريق ويؤذي المارة ويروع العجائز بالبيوت ويحمل تلك الورقه فهو ملتزم بالنظام ويشكر عليه

[زرزور]

يليت الصوت يوصل

[الجريح526]

هذي الغطئين من زمان لم يتم اغلقها كم سياره ارتطمت بها ومع ذلك لم يغلقوها

[BOSS buraydah]

ونهوبه ذي خلنا مانصدمه عطنا الوصف لو سمحت

[BOSS buraydah]

ونهوبه ابطلع من البيت

[memo2003]

خذ قاعده جماعتنا ما يتحركون الا اذا صار الحوادث وماتوا أربع ولا خمسه وبعدها يقولون قدر الله وما شاء فعل وشكرا

[فتى الصفراء]

هو لو صار فيه مطالبة جادة من كل متضرر ضد الجهات المسئولة .

كان فيه كلام ثاني

لكن قالوا قديما ً .. من أمن العقوبة أساء الأدب !!!

وهذا الواقع المرير الذي نعيشه هنا .. للأسف الشديد

محبكم ،، فتى الصفراء ..

[جرثومه]

وش دخل المرور بالسالفة


هذا من بلاوي الشركات والإهمال

ويعدبن الزفلت على البلدية وش دخل المرور مرة ثانية

الواحد بس وده يهرج ،،،،،

[من فرسان بريدة]

كل التحية وتقدير لمن شارك.

جرثومه اذامنب واهم ان سلامة الناس في الطرق وشوارع من اختصاص المرور.

عمرك شايف بنقالي معه سيارة مرور واقف قدام حفره يحتري المرور يجون يصلحونه .

الله لايضرك تعرف اختصاص كل اداره

مرورك قصدي بلديتك يشرفني.

[ADEEL]

بنفس التقاطع لقيت حفره مافيها غطا اتصلت على المرور وعلمته ان فيه حفره مافيها غطا بنفس اليوم صلحو الغطا بعد تقريبا شهر مادري وين راح الغطا اتصلت ثانية وعلمته ان فيه حفره مافيها غطا قالي حنا مكلميين المصلحة دق على المصلحة (انا اودي ادري ليه الاولى ماقالي المصلحة والثاني قال المصلحة)

[جرثومه]

أخوي من فرسان بريدة

شف اللوحات اللي يحطونها أي شركة تريد حفر حفرة أو أي شيء بالزفلت

راح تشوف نكتوب على اللوحة أمانة منطقة القصيم

مو مرور منطقة القصيم

[من فرسان بريدة]

معك يبعدي بس الشوارع وسلامة المرور من اختصاص المرور يعني مثال شجرة طايحةبشارع مثلاُ تقوم سلمك الله وتدق على 993وهم بدورهم يرسلون دوريه:112:تاقف عند الشجرة الي طايحة ويتصلون هم طبعن على البلديه الي بدوره ترسل البنقاليه الله لايكثرهم همن يشلون الشجره .
والا يبعد تسبدي الدري ان الحفرتين الي بصوره الضاهر انه تبع مصلحة المياه
بس المرور هو المسؤول بتنسيق والمحاسبه بثل هـ شغلات
وترى رد الخ عادل يفيدن انا وياك.

شكرا على تشريفك لموضوعي.

[غريب احساس]

بكل مكان حفر . . .

[1000حيل]

والشكر موصول لاخي
من فرسان بريدة
والله انك فارس بريدة عقب هاذي

[ثلاثي الابعاد]

طيب ما شاء الله هذاهم حاطين علمات واشارات تبين ان فيه حفره :rolleyes:

ما تشوف :eek5

اخوي جرثومه (( س )) يعني ((سؤال )) لماذا تدفع رسوم استمارة السيارة للمرور ؟

[أبو رُبـــــى]

ما عندك سالفة هذا اختصاص المرور والكروش والقايش والتنقش والوساخة في غرف الاستلامات

[مشــاركــ]

لعب x لعب

[1000حيل]

بالنسبه لمن يسال عن الموقع
امتداد شارع الثمانين بالبصيرية شارع الخدمة ومقابل اشارة البصيرية وبجوار الصيدلية
شمال ثلاجة المنجم
ممكن تراه على الرابط
http://wikimapia.org/#lat=26.325898&lon=43.953799&z=18&l=0&m=s&v=2

[ثلاثي الابعاد]

اهــــــــــــــــــــــــــا

امتداد شارع الثمانين بالبصيرية شارع الخدمة ومقابل اشارة البصيرية وبجوار الصيدلية
شمال ثلاجة المنجم

يعني بالجنوب : 12

[مسلم لله]

لا حياة لمن تنادي

[dirislam]

لو تخالف قصو إذنك ...
ولو يخالفون ما يخالف ...
قمة التناقض ...
لو في الغرب كان يفصلون مدير المرور ولا يشبكونه ثانية ...
عش رجبا تجد عجبا

[الزلم ابن الزلم]

الله المستعان

.

[نـواف]

هو لو صار فيه مطالبة جادة من كل متضرر ضد الجهات المسئولة .

كان فيه كلام ثاني

لكن قالوا قديما ً .. من أمن العقوبة أساء الأدب !!!

وهذا الواقع المرير الذي نعيشه هنا .. للأسف الشديد

[من فرسان بريدة]

كل الشكر وتقدير لمن ساهم وشارك في الموضوع.

ونحن من هذا المنبر نطالب بتغييروان تكون الخدمات افضل وأن يحاسب المقصر اين كان قطاع عام اوخاص مجموعات او افراد

ويامسؤول لم نرى اي تحرك .

[منتتجي]

عساهم يصحون

[1000حيل]

ابشرك
البرميل مصدوم امس
واليوم جيبين برميل ثاني وحاطين عليه بلك


وش تقول عقب هذي

يعني مافيه علاج لهذا الامر

كل حفره رايح يحطون عليها برميل

الشكوى لله

[,,الدعيسة,,]

لا حس لمن تنادي

[مصيفين]

لازم يتوفى أحد رجال المرور أو موظف من البلديه علشان يصلحونه

إذابغيت تصور مقاطع مضحكه الله لايبلانا رح عند هالحفره

وين المجلس البلدي وين الناس

لاحول ولا قوة إلا بالله

[سبار]

تدري وش يقهرن الحفريات اللي مال امها داعي عشرين سنه وهم يحفرون شارع الثلاثين بالفايزية والا طريق المدرسة الهندية اللي ما فيه امل انه يكتمل نموه

[عبودي77]

تحية ل من فرسان بريدة

والله انك صادق بس لاتنسى امر الحفريات والله اني متعقد منها

[ابن جلا]

والله فشيلة

[أشهب الال]

ياجماعة الخير نحن نحمل المرور كل شيء 00 والمرور بدوره ماقصر حملنا كل شيء 00 أرجعو لنظام المرور الجديد أتحدى تجد فيه بند واحد لصالح المواطن00 صحيح بيقولون كل الأنظمة وضعت لصالح المواطن00 ولكن أتحدى واحد يلقى فقرة واحد تقول 00 يحق لقائد المركبة 0 أن لا ينزل من مركبته 00 أو يحق لقائد المركبة أن يرفض تفتيش سيارته في مكان مظلم أو بعيد عن أعين الناس 0 أو من رجل مرور يظهر عليه علامات المراهقة والطيش0 أو أن يقيم دعوى على رجل مرور قام بإيقافة بدون سبب0 تصوروا مره كنت أمشي بالطريق بأمان الله رابط الحزام أمشي بسرعة نظاميه ملتزم بالمسار0 فلحت بي سيارة مرور يقودها شاب وصوت بالميكرفون على جنب ياراع000 وقفت وأنتظرت قليلاً ثم صوت لي بالميكرفون وقال الرخصة والإستمارة فكيت الحزام وطفيت السيارة ونزلن ومعي الرخصة والإستمارة وكان كل شيء نظامي0 طالعها ولا أعرف هل يعرف يقراْ أم لا ثم أعطاني إيها 00 تناولتها منه وسألته 0 وهوبسن أحد أبنائي (يكرمون) ممكن سوال قال ( وش تبأ) قلت عسى ماشر هل أنا أرتكبت خطأ 0قال لو إنك مرتكب خطأ جازيتك0 قلت طيب ليش وقفتني0 قال ماهوب شغلك0 أنا فسرتها أن سيارتي قاهرته لأنها نوع جيد ومشهور 0 وحب يقول لي أستطيع أهينك بالرغم من فراهة سيارتك0
سؤالي في مثل هذه الحالة هل ورد في نظام المرور الجديد أنه يحق لي إعادة إعتباري 0لا أعتقد!!!

[1000حيل]

والله انك تستحق الشكر والتقدير
اخي من فرسان بريدة
بل انك فارس بريدة


ابشرك عقب الصور شالو الر\براميل امس الاربعاء وزفلتو الحفر


مزيدا من الفضائح يا فارس بريدة

حتى نرى بريدة زهرة

[إبراهيم اليوسف]

تمت الصيانة ولله الحمد