| الـسكـن عـند الـحمولـة | [ ؟! }

[شهد العسل]

صباح و مساء
الحمولة والجلال وريحة الكشنة والقهوة الطايشة والشوشة الطايرة .. :113: !

شفت هالموضوع وأعجبني ..
وحبيت أشوف رأيكم عنه !

تخيلي يعني تخيلي خيال واقعي .. http://www.hyatuha.com/vb/images/smilies/smilies/65.gif !
جاك واحد رجال وعاقل و كل الصفات اللي تبغينها فيه ..
وكل وحده تختلف في الصفات اللي تبغاها !

لـكن شرط هالرجال .. إنه بيسكن عند أهلة !
عند أمه وأبوه وخواته وأخوانه !
يعني راح تصيرين [ مرة حمولة .. http://www.hyatuha.com/vb/images/smilies/smilies/119.gif ] !

ترفضين لهذا السبب وإلا لا ؟
وش سلبيات السكن عند الحمولة .. ووش إيجابياتها ؟!
إذا كنتي من المؤيدات .. وش راح يكون جدولك اليومي عند الحمولة ؟



كل وحده ولها وجهة نظرها .. غير مجبورين على تأييدها !


أنتزركم
ولحد يفهم غلط ترا مهنا شي .. http://www.hyatuha.com/vb/images/smilies/smilies/70.gif !

[الجامده]

مرحبا شهد..لـكن شرط هالرجال .. إنه بيسكن عند أهلة !
عند أمه وأبوه وخواته وأخوانه !
يعني راح تصيرين [ مرة حمولة
ترفضين لهذا السبب وإلا لا ؟
بالتأكيد سأرفض ولي أسبابي ...وش سلبيات السكن عند الحمولة .. ووش إيجابياتها ؟!
وش سلبياته شوفي ياأوخيتي أنا أقول لك وش سلبياته
أولاً: ماتاخذين راحتك ..
ثانياً: بالتأكيد أو الغالب أنه ستحصل مشاكل وخلافات وخلك بعيده أحسن:D
ثالثاً: البعض يستنقص قدرها وربما ستصبح كالخادمه في منزل حمولتها
ومب شرط يكون أمر منهم ولكن ستخدمهم حياءً أو سنعاً اوالى ماشابه:098:
رابعاً: ربما سيكون هنالك شيئاً من الغيره سواء من الأم أو الأخوات أو الإخوان عموما أفراد الأسره وحتى الأب وسمعت من القصص كثير:rolleyes:
خامساً: مدعاة لغثاء البال وتراكم الهموم والأحزان واجتماع الأمراض والأوهام >> أحلى سجع:067: خخ ولا حرف
والقائمه تطول ولكن المكتوب يبي يصير شئتي أم أبيتي:badكل وحده ولها وجهة نظرها .. غير مجبورين على تأييدها !
طبعاً لاشكـ في ذلك:)أنتزركم
ولحد يفهم غلط ترا مهنا شي .. !
جئناكـِ بعد إنتزار .. ومباركـ مقدماً ولا بأس بالسكن مع الحموله ولا يهمك الكلام أعلاه:) ..
إستخيري وتوكلي:D ...

[بنت الشماسية]

حجز رد ولي عودة بإذن الله :)

[ص ــمتي تـ ع ـابيري]

ما ينرفض الرجال علشان هالسبب

لكن طبيعي ماحد يبغيه

وحمولة عن حمولة تختلف

فيه أحد ماله ولا كاره يعني يخلون مرة الولد على رااااااااااااااااحته ولا يحطون نقرهم من نقره
وتطلع زي ما تبي وتروح وتجي وتدبتس
وما عليه إلا من قسمة أو شقته بس هو اللي تهتم له
والطبخ ما تسوي غير طلبات رجله الخاصة وأشياء بسيطه


لكن فيه أحد (اللهم لا تجعلنا ممن سينشب بهم)
ما عندهم شغّلات ومرة الولد مثل البنات
ولازم تنزل تقهوى معهم وتغدى معهم وتعشى معهم
مب حاله

اذا صاروا الحمولة من النوع الثاني
فهذا ما فيه ولا إيجابية
أما اذا كانوا من النوع الأول فهذا من ايجابياته
يطيح عنه الطبخ والتغسيل والكوي

صح انه بتكون ملزومة انه تنزل لمهم كثير لكن يصير على حسب مزاجه
متى ما اشتهت تنزل نزلت


تقبلي مروري
طمطوحة

[شهد العسل]

طموحها جبال
المشكلة وش اللي بيدرينا إن الحمولة من الصنف الثاني !


بنت الشماسية
بإنتظارك !


الجامدة
:113:
عن نفسي لو تحبين نجوم السماء ماسكنت عند حمولة .. :113: !ّ
شرفني مرورك !


:)

[الجامده]

أما اذا كانوا من النوع الأول فهذا من ايجابياته
يطيح عنه الطبخ والتغسيل والكوي
شوفي طمطوحه :)
بعد إذن شهد
بعض الرجاجيل وأغلبهم يبيه هي اللي تطبخ له وتغسل له وتكوي له
وأكيد هي بعد ماترضى تخليهم ياخذون شغله
وبكذا ماراح يطيح شي من أشغاله اللي هي بتسويها لو كانت ببيت لحاله ..
والصراحه عصرت مخيخي ولا لقيت ولا إيجابيه وحده:045:

[نيران]

ترفضين لهذا السبب وإلا لا ؟

لا طبعا ما أرفض الرجال ما ولدتهم الشجر عشان أطلعهم عن أهلهم إلا إذا كان هو مقتنع

وش سلبيات السكن عند الحمولة .. ووش إيجابياتها ؟!

سلبياته ما راح تاخذي راحتك زي بيتك لحالك ..

ايجابياته سعة صدر عن الوحدة في بيت لحالك خصوصا إذا كان الزوج راعي طلعات

إذا كنتي من المؤيدات .. وش راح يكون جدولك اليومي عند الحمولة ؟

بصراحة ماأتوقع يكون لي جدول إلزامي لازم أسويه لأني ما أخذت الحمولة أنا أخذه الرجل ..
يعني اللي أبسويه مو واجبات علي أحطلهن جدول

[乂♥ متفائلة ♥乂]

وجـــــهة نظري
مستحييييل ارفض رجال بموووواصفاته عشاان السكن

صحيح التعااامل مع الحموووله صعب جدآ بس كل وووحده وشطااارته !

[ص ــمتي تـ ع ـابيري]

غاليتي / الجامده

اذا كان بيت الحموله فيه خدامات والرجال متعود انه الخدامات يغسلون ويكوون ويطبخون

ما راح يرفظ وهو متعود من يوم هو شاب على كذا

وبعدين تاخذ الغداء أو العشاء أو الفطور وتروح لقسمه
وما عليهم منه
ولا تسبع ولا شيء

وزي ما قالت نيران أزين من الوحده خصوصا اذا كان رجال راعي طلعات
ولا يحب يطلع بمرته لأهله أو اللي تبي كل ما طلع
فهمتين ؟

[شهد العسل]

[ أنا أتكلم عن السكن مع الحمولة وليس السكن بجنب الحمولة ]



أنتي متزوجة على زوج وإلا على حمولة .. ؟!
كيف تاخذين راحتك بلبسك وطلعاتك وجياتك وبنومك وأكلك وتربيتك لأولادك
وبكل حياتك ؟!!


أنتي متزوجة عشان تطبخين وتدهرين .. للحمولة !!
وإلا متزوجة عشان ترتاحين وتاخذين راحتك ؟!
إن ما أخذتيها وأنتي متزوجة .. متى تاخذينها ؟!

أنتي متزوجة على رجل .. ماتزوجتي على رجل وأمه وخواته وأخونه وأبوه !



وجهة نظري .. :) !

[..هوجــااس..]

بلخيــر يابعد تسلاي:)

ياحليلتس تقل اشم ريحة هذا وشسمه:D
ماقريت هذا تراي >>> ولحد يفهم غلط ترا مهنا شي .. !


بالنسبه لرأيي :cool:

اذا الرجال ماعليه وجايزنلي ولأهلي << اخس والله تححححححححكي:rolleyes:
اقزره عندهم كم سنه لجل عين تكرم مدينه مدري هذا وشسمه <<(هو صح المثل؟:re)


ولا الصراحه الأفضل وإن حصل يعني وماعليه كلافه يحطلي لو شقه مسروقه <<بدت التنكف:113:


وشكراً:cool:

[نيران]

شهدهد من قال لك إن اللي عند حمولة تطبخ وتدهر على قولتك ؟؟؟؟؟؟؟؟؟؟؟؟

مو كل الحمايل كذا .. حمايل أول اللي مرة الولد خدامة .. أما الحين بالعكس فيه حمايل يحشمون مرة الولد عشان راحة ولدهم ..

وبعدين حتى لو كانت لحالة ببيت راح تطبخ وتدهر .. وش الفرق يعني بس تزود شوي ..

وجــــــــــــــــــــــــهة نظر

[الجامده]

اذا كان بيت الحموله فيه خدامات والرجال متعود انه الخدامات يغسلون ويكوون ويطبخون
وإذا صار بيت الحموله مافيه خدامات .. ماذا ستفعلين حينئذً ؟!
وفرضاً عندهم خدامات وإذا طنت براس أبو الشباب إنه مايزين الشغل غيرتس وأنتِ ماتشوفين الجادِّه .. ماذا ستفعلين حينئذٍ؟
وبعدين تاخذ الغداء أو العشاء أو الفطور وتروح لقسمه
وما عليهم منه
ولا تسبع ولا شيء
ههههه حلوه صارت بمطعم تاخذ وجبته وتروح ..
لا ياأوخيتي تشتغلين وتأخذين ماتشتغلين ماتاخذين يعني أكيد بتصيرين تستحين تأخذين وانتي ماسويتي شي ولا قطيتي معهم بالشغل ...وزي ما قالت نيران أزين من الوحده خصوصا اذا كان رجال راعي طلعات
إذا كان راعي طلعات أروح لم أهلي مب أقعد أتسزابلهم
ولا يحب يطلع بمرته لأهله أو اللي تبي كل ما طلع
فهمتين ؟ طبعاً هو يبي اللي يريحه وانتِ بالطقاق:oo

[شهد العسل]

شهدهد من قال لك إن اللي عند حمولة تطبخ وتدهر على قولتك ؟؟؟؟؟؟؟؟؟؟؟؟

مو كل الحمايل كذا .. حمايل أول اللي مرة الولد خدامة .. أما الحين بالعكس فيه حمايل يحشمون مرة الولد عشان راحة ولدهم ..

وبعدين حتى لو كانت لحالة ببيت راح تطبخ وتدهر .. وش الفرق يعني بس تزود شوي ..

وجــــــــــــــــــــــــهة نظر



رأيت هذا .. وماتكلمت من فراغ !
برأيك أنتي .. بتحط الزوجة رجل على رجل ويجاب لها الأكل ويشال عنها وكأنها ضيفة شرف !!
وكل هذا عشان [ راحة ولدهم ] ؟!
مستحيييييل يصير هذا .. لابد لابد من الشغل !
ولاتسويها _ أقصد الزوجة _ إلا إذا كانت قليلة حياء مع إحترامي للجميع !

وأنا معك مو كل الحمايل كذا ..
لكن وش اللي بيدريني إن هذي الحمولة تسعى لراحة وسعادة ولدها ؟!
تلقينهم مثل الشيبة بالشعر !


وبعدين حتى لو كانت لحالة ببيت راح تطبخ وتدهر .. وش الفرق يعني بس تزود شوي

ياحبيبتي فيه فرق واضح وكبير ..
أنها تطبخ لها ولزوجة فقط .. وإنها تطبخ لحمولة كاملة !
وأنها تشتغل ببيت صغير يحويها هي وزوجها فقط ..
وبيت [ حمولة ] والناس وعياله وبناته داخل وطالع عليهم !
وين الراحة والحرية هنا ؟!

وفرضاً مشينا هذي .. وباقي الأشياء الثانية
من لبسها وأكلها وطلعاتها و و و و ... إلخ
كيف تاخذ راحتها هنا ؟!

الاستقلالية حلوة وحلو إن الانسان يبني حياته لوحدو مع نصفة الثاني .. زي مايقولون !
وبعيد عن التقيد وعن أعين ومراقبة الأهل !


وجهة نظر .. :) !

[المهرة]

اهلاااااااا شهووووووووووده

اقول يااااااااااااااااااقدمك <<تمــــــزح يمه

عاااااااااااادي اسكن مع الحموله بس اذا صار بيتهم فاضي<<خخخخ غيرتي شي
احس انها صعبه وااااااااااايد وخاصه بهالوقت وحنا مو مثل امهاتنا اول والحين الام العاقله والواعيه والذهينه والفطينه ترفض ان عيالها يسكنون معها بعد الزواج،،لانها تدري ان كثرة المخالط تجيب المشاكل وتشين النفس

يعني (من بعيـــــــــــــــد لبعيـــــــــــــــــــــد احسن)

شكرااااااااا لك عسوووووله.......... وتقبلي مروري

[أم فـهـد]

اختي سكنت عند حمولة كم سنة
ويوم طلعت تقول فرق 180 درجة عن أول
تقوم على كيفة
وتطلع على كيفة
وتشتري على كيفة
وتستقبل ضيوف على كيفة
وتلبس على كيفة
وتاكل وتشرب على كيفة
وتنام على كيفة
وكل شي على كيف كيفة ههههههههههه
..
وبصراحة ماأيد الرجل اللي يسكن عند أهله الا اذا كانوا كبارين وماعندهم أحد
..
واللي أشوفه هالحين الأمهات تغيرن
يحاولن يحشمن حريم عيالهن
لان عيال هالحين مب مثل عيال أول

والام اذا تركت بنت الناس بحالة هي اللي بترتاح
لان كثر المخالط مامن وراه الا المشاكل ووجع الراس
..

[مجموعة مشاعر]

شهد العســــــــــــــــــل

http://www.wz63.com/up/uploads/a7df082cb7.gif (http://www.wz63.com/up)

اعجبتني سسسسسواليفكن وارئكن

واعجبتني وجهة نظر نيران :41 وانا الحين مستعجلة

بس انا مع الراي الي يقول حمولة تختلف عن حاموله

يعني الوحدة اذا اخذت رجل ماعنده الا امه واخوات صغار تختلف (

والوحدة اذا اخذت رجل ماشاالله اخوته كثار بالبيت وحريم عيال

يعني تغطي ولا تاخذ راحته بكل شي بالاضافة الى سلبية كبيرة تعاني منها الزوجات وهي ان الزوج ما يسولف معها ويمكن ما يشوف زوجته طوووول اليوم

عموما الناس اجناس والي اجتماعية تسلك مع الخلق وتاخذ حقه وقت اللزوم ولا تصير مهكاكة


اما عن الجدول فلا اعتقد ان الكثير لهن جدول:eek5 غير طلعات مع اهلهن والطلعات العادية سوق مستشفى

اما التمشي وروحة الزوجين مع بعض لاي مكان ...((( على حسب الزوج))) وش يمنع بعظهم يعوض زوجته لانها ساكنه مع اهله بالتمشي ومخصص لها ايام تختار وين ترروح

ايقالي مستعجله هههههه عندي حتسي كثير بس الرجال لاصار زين اخلاقه مايعيبه السكن مع اهله وش حنا بدون اهلنا ..ولكن لتعيش مرتاح هناك قوانين للعيش مع الاخرين .. مثل من عندي: 12

وسوال مهم يطرح نفسه.... لو ايقالك رجل اخلاق ومال وو...... بس مقطوع من شجرة ماله احد تاخذينه ؟؟

[مناااير 222]

أنـــاا من وجــهه نــظري مـــستحــيل تــرتااحين
تـــســكنين مع نــااس أول مــره تــشووفــينهم
أطــلع من بــيت أهلي الـــ ع ــزيز وأروح أكرف
لــنااس مــااأعــرفهم ..
حــتى أصــلا هم مــاارااح يــرتــااحوون
أحــسن خـــلك عــزيزه وبــيت لــ ح ــااالك
ولك ممــلكه خــااصه بــك لــحاالك
وبيت الــ ح ـــمووله مــااتقدرين تتصــرفين بشي
وتــربيه عــياالك كـــلن يــتدخــلبه .. أصـــلا متى
بــتشووفــين عــياالك إلا عند الــنووم
يــقووول الـــمثل ::
( زد غــباا تــزد حــباا )

ســــــــــــــــــلاااااااااااااااام

[صديقة الشمس]

:)

موضوع جميل

صحيح انه حمولة تختلف عن حمولة

بس مثل ما قالت{ شهد العسل } انا وش يدريني عنهم ..!

لذلك من أولها اكون في بيت مستقل احسن وابتعد عن المشاكل واكون انا مرتاحة وهم كذالك .

[ح ـايلـــيـة]

http://www.hyatuha.com/vb/images/smilies/smilies/32.gif


No comment !

[أوركيدا عيون الجواء]

إحم إحم << شمت ريحة حمولة و هجمت تناقش

ترى استاااااااااااااانس على مواضيع الحمايل ميشان اعرف اطباع الناس قبل ان اقع ضحية << أوخس

ايه و ما ادراك ما السكن

(( أسكن عند الحمولة )) << مـــــــعــــــــــــــــصـــــــــــــــــــ ـي !!

و الله لو يصير ملك نازل من السماء بيسكنن عند اهله اني لا افجر به خيييييييييييير يا طير

و الله ببيت لحالي انام و اقوم و امخمخ و اشاخر و انابط ومآخذة حريتي على الاخر

اما عندهم لا تستهبلين كثير << تروح قيمتك
لا تسولفين كثير << تفقعين روسهم
لا تآكلين كثير << دجيتي بهم
لا تكلمين باللفون << أشغلتيهم كل من كلم اثره مشغول
لا تروحين لاهلك دايم << بيحمقون عليك مخلية ولدنا
لا و لا و لا و لا << الاصرف انك من البداية عززة مكرمة تقعدين ببيتك لحالك
و اذا بغيتيهم روحي لمهم و الا اعزميهم يجون لمك و ان كان عندهم بنت كبرك خليه اختك تنام عندك و تكشتين انتي و اياه و فليه معه على الاخر بالسوق و بالروحات و الله وحدة اعرفه مخليه خوات رجله تقل خواته و هي و اياهم وناااااااااااسة .. بس انتبهي الام لا تغطين عليه و الا تدقرين معه على شئ ترى ذي الام فشيلة اما البنات عادي مشيه وتمشي
و قولي للبنات تراكن خواتي و اذا حسيتي انهن تضايقن منك بشئ قولي معليش معتبرتكن أخـواتي اسفة


و يــــبــــــــــقـــــــــــى انو لكل عائلة و لكل شخص و لكل مجتمع عاداته و اطباعه
يمكن اذا اعرستي غيرتي وجهة نظرك 180 درجة مااااااااااااااااتدرين عن الدنيا

و بكذا ينتهي الدرس و ترى ابآخذ اسمك اعطيه المطيرة <<<<وه البنية متعقدة اليوم شارحة درس وه

[رموز]

على قولتكــم " حمولة " عن " حمولة " تختلف ..!
يعني فيه ناس بيخلونك أميرة ..!
و يحطونك فووق راسهم ، أحتراما لك ، وحبا لولــدهم ,

و في ناس الله يهديــهم يحطون دوبهم من دوب الزوجة ، ويضيقون عليها عيشتها ..!


يعني بإختصـــــار المسألة نسبية ، و الرأي الشامل و الكلي لا يُحسب في مثل هذا الموضوع : )


أما رأيي بأن أوافق أو لأ ..

فأعتقد إنك تعرفين رايي في الموضوع :113:

[ألوان الشروق]

الحذر الحذر من السكن عند اهل الزوج نقلا عن صديقتي المتزوجه من قصيمي
سؤال لاهل القصيم وراهم يعاملون زوجة الولد كانه غريبه بعدين عندهم اعتقادات سخيفه مايعرفون حقيقة الزواج
الشيئ الثاني كل ماسافر ولدهم لازم يروحون معه مايخلونه مع زوجته ياخذ راحته .. كن ماعندهم ولد غيره مع انه له اخوان اكبر واصغر منه... ويحبون بقوة التخريب بين الزوج وزوجته بالكلام والخرط الفاضي

[أم فـهـد]

غاليتي / الجامده

اذا كان بيت الحموله فيه خدامات والرجال متعود انه الخدامات يغسلون ويكوون ويطبخون

قليل اللي يخلون الخدامة تطبخ الطبخ عليتس
وإذا كان عندتس سلفة بنفس البيت تعالي شوفي المقارنات وأحيانا يسوون تفرقة عشان مصالحهم طبعا بعضهم

ما راح يرفظ وهو متعود من يوم هو شاب على كذا

وبعدين تاخذ الغداء أو العشاء أو الفطور وتروح لقسمه
وما عليهم منه
ولا تسبع ولا شيء

بعض الحمايل لازم تجلسين معهم وتاكلين معهم مب تصكين على نفستس
أجل وش فايدة أنه ساكنه عند حموله إذا كانت بتصك على نفسه
وبعضهم ياويل عيالتس لو يحوسون بالاكل لازم يكونون مؤدبين ولايكبون شي حتى لو هو صغير ومايفهم
والاكل أنت اللي بتطبخينه حتى لو زوجك مسوي ريجيم أو يتغدى بالدوام أو أنت ماتبين أكل لازم تسوينه
وإذا كنت حامل وأتعبتس الوحام ماعليهم منتس لازم تسوين
لكن لو كنت بلحالتس الزوج يبي يعذر
وبعضهم مايبونتس تحوسين بالمطبخ وتجربين طبخات
وإذا ماضبطت طبختس يافضيحتك يقلاقل
ههههههه
كلن يدري عنتس وعن حوستس


وزي ما قالت نيران أزين من الوحده خصوصا اذا كان رجال راعي طلعات
ولا يحب يطلع بمرته لأهله أو اللي تبي كل ما طلع فهمتين ؟

الزوج إذا كان راعي طلعات أنت تقدرين تشغلين نفستس ترتبين تسوين طبخة
تغيرين من ترتيب البيت
تكلمين صديقاتس أو خواتس
وممكن تعزمين أحد
والنت بعد ممكن تستفيدين منه بأشياء واجده
لكن عند الحموله تجي فترة ملل أو مشاكل ساعته ماودتس تطلعين من قسمتس
ولاتحبين تجلسين مع أحد
وإذا جلستي بقسمتس قالوا وش عنده ذي دايم راجنة فوق ماتبينا
..





هههههههههه
ههههههههههههههههههههه
ياويلنا جالسين نحرض البنات انهن مايسكن مع الحمايل
كله منتس ياشهد :096:
تراي مالي دخل بكن وبرجالكن وبحمايلكن :D
ههههههههههههههههههههه
..

[بنت الشماسية]

عدنا :)

الحمولة = بنين + بنات >> لاتسكنين لأنك ماراح تاخذين حريتك وعلشان ماتصيرين دبلة تسبد :113:

الحمولة = الوالدة + الوالد (أو أحدهم) >> اسكني , لأنه صعب يطلع ويتركهم وبرهم واجب :41

^
^
ماتلاحظين قلبته معادلة :D

إذا مافهمتي أجيب ورقة وقلم وإذا لزم الأمر واستعصى أجيب لك هندسة :113:

[أم فـهـد]

الحذر الحذر من السكن عند اهل الزوج نقلا عن صديقتي المتزوجه من قصيمي
سؤال لاهل القصيم وراهم يعاملون زوجة الولد كانه غريبه بعدين عندهم اعتقادات سخيفه مايعرفون حقيقة الزواج
الشيئ الثاني كل ماسافر ولدهم لازم يروحون معه مايخلونه مع زوجته ياخذ راحته .. كن ماعندهم ولد غيره مع انه له اخوان اكبر واصغر منه... ويحبون بقوة التخريب بين الزوج وزوجته بالكلام والخرط الفاضي

ألوان الشروق منين أنت؟؟

مع الأسف فيه القليل من الحمايل يرون مرة الولد عبدة عندهم
وهالحين بدوا يتغيرون أشوف ماشاء الله الأم هي اللي تدور رضا زوجة الإبن لإن بعض عيال هالحين يدور رضا نفسه وزوجته
لكن عيال أول أهم شي أمه حتى لوكان على حساب زوجته

لكن أنه يسافر بأهله هذي مافيها شي حتى لو عنده إخوان أصغر منه أو أكبر لأن الأم ربت وتعبت ومن حقه إن ولده يسافربه
مب يعني تزوج خلاص إنتهى البر لا يختي بر الأم إلى الممات
لكن على الزوج أنه ينظم السفر يعني مرة للأم ومرة للزوجه عشان كلن ياخذ راحته وكلن ياخذ حقه
وإذا كانوا متفاهمين يروحون مع بعض

وبالنسبة للي يخربون على الزوج أنه يكون واعي لهالأمور ويقوم بواجبه لأهله ويحث زوجته على إنه تقوم بواجبه وتقدرهم
والكلام الفاضي ينسفه ورا ظهره ..
لكن بقولتس شي أحيانا الغيرة تعمل عمايلها
بمعنى هذا الولد كان يودي أهله ويجيبهم ويجلس معهم
وبعد ماتزوج خلاص صار الاهتمام كله للزوجه!!
فشي طبيعي أنه يصدر من الأهل تصرفات لأنهم حسوا أن مرة ولدهم أخذته عنهم وانشغل عنهم ومايعطيهم جزء من وقته
وكل هالأمور تعتمد على الزوج
إذا قام بواجبه لاهله وماقصر معهم وبنفس الوقت حسسهم إن زوجته له قيمة وماأحد يغلط على الثاني

والقلة مهما سويتي وحشمتي مايفيد
هذولا عليه إنه تقوم بالواجب وتحترمهم ولاتخالطهم كثير
وتحتسب وتصبر عليهم
ورب مايضيع حق أحد
..

[*حبيبه*]

يا أختي في الله ما عمرك سمعتي المثل القديم الي يقول من انصح في دار ورثه والدنيا ماتستاهل وشوفي نفسك لو زوجت اخوك تجلس عند امك وتحشمه وتقدرة وتخدمه وش يكون موقفك منه ردي علي ؟؟؟؟؟؟؟؟

[ألوان الشروق]

الموضوع مافيه اعتراض عن بر الابن بامه لكن نتكلم عن العادات الشينه اللي يسوننها وقصدهم الأذيه والعداوه والحسد والغيره

[سوآلف حرف]

اذا كان الولد فيه الصفات الي تعجبن فانا بهذي ابواقق اسكن عندهم
وبعدين يحله الف حلال

[ح ـنايـا الـ ق ـلب]

شكراً شهـدهـد ..

آنــا لا أؤيـد السـكن عند الحمولـة :113:
لانـه البنت متزوجه تبي الراحة النفسيـة ..
والله قلق إذا تزوجت وسكنت عندهـم ..
أولاً راح تكون محاسبه على كل شي تسويـة
ثانياً ما راح تاخذ راحته ولا بشي بالبيـت ..

وأسلم من المشاكـل
بيت بلحالـه :)

[أوركيدا عيون الجواء]

الله يصج عدوج يا شهدهد

اليوم بالكلية فتحت هالموضوع مع البنات قلت شرايكن تسكنن عند حمايلكن
قالن ايه عادي

قلت هاه؟..أومير يصيجن علي خلون ما أسوى قرش <<كله منك

[ألوان الشروق]

حبيبه ...
لو تسكن زوجة اخوي عند امي وخواتي مايرضين هالشي لانه ماارضى له بشي ماارضاه لنفسي
لكن لو كانت امي بلحاله بتكون هي مضطره تسكن عند امي وبكذا الواحد يسلم امره لله ويخاف من الله لانه بيكون يوم من الايام مثله تحتاجين احد يجلس عندك ..

[شهد العسل]

أشكر الجميع على المرور والتعليق !

والله يستر بس لايقعدون يدعون علي الحمايل .. :113: !
بنات ترا عادي أسكنوا عند الحولة ..
ويمدحون بعد تنومين بغرفة الخالة .. :113: !
أهم شي لايجين شي .. :113: !



:)