الضايع
2/5/1423 هـ, 10:47 صباحاً
بسم الله الرحمن الرحيم
قصتي مع ابو عمر فشيلة من جد , يعني الوجه عنده صار لازم يلبس سروال سِنة
وعلشان ما اطول عليكم .
اقولكم بحدا مزارع القصيم الرطبة بهوائها العليل النظيف طبعا اكا الوقت مابوه حرايق
وقبل صلاة الجمعة بنص ساعة رحنا انا وعيال عمي نفحط بالمزارع ( فراغ ) بهيلوكس تسعين على ايامها طبعا , ومع الحماس والتفحيط ويوم جاء دوري سبحان
الله انكسرت الركبة حقت السيارة , وش ذا الورطة اوه وش هالبلشة
المهم مع الهواش والتلعين وانت اللي بك وانت اللي مابك
جلسنا نشر عسى واحد يتبرع ويرحمنا وياقف خصوصا اننا شهبان ماعندنا شيء يغري
ولا والمخابيت فاضية يعني بالعربي دجة
ومع الصبر جاء الفرج الا وذاك السوداني راعي ددسن غمارتين ومعه نفرين هندي
وياقف جزاه الله خير
ونركب وحنا ماقلتكم ثلاثة واحد الكبير طبعا ركب مع احد النفرين قدام
وانا وخوي الثاني طبعا ركبنا ورا ومعنا نفر هندي
وطول الطريق خوينا اللي قدام يناظرنا ويضحك ويتبسم ( من زين الوجه عاد ياصفيرة الشاصي )
المهم يوم نزلنا مسكنا خوينا قلنالوه تعال وراك تناظرنا وتضحك
قال الله يلعنكم تدرون وش يقول السوداني قلنا لا
قال ان هذولا اخوياء محلتين علي بيض قبل امس ومكسرين قزازة الدينا ( العربجية على قولة جلوفة الخبوب ) الله من الفشيلة صار وجهي انا طقعة مصلوخ بعجاج
والسوداني ابو عمر الى الحين موجود وانا الى اتهجج عنه....
قصتي مع ابو عمر فشيلة من جد , يعني الوجه عنده صار لازم يلبس سروال سِنة
وعلشان ما اطول عليكم .
اقولكم بحدا مزارع القصيم الرطبة بهوائها العليل النظيف طبعا اكا الوقت مابوه حرايق
وقبل صلاة الجمعة بنص ساعة رحنا انا وعيال عمي نفحط بالمزارع ( فراغ ) بهيلوكس تسعين على ايامها طبعا , ومع الحماس والتفحيط ويوم جاء دوري سبحان
الله انكسرت الركبة حقت السيارة , وش ذا الورطة اوه وش هالبلشة
المهم مع الهواش والتلعين وانت اللي بك وانت اللي مابك
جلسنا نشر عسى واحد يتبرع ويرحمنا وياقف خصوصا اننا شهبان ماعندنا شيء يغري
ولا والمخابيت فاضية يعني بالعربي دجة
ومع الصبر جاء الفرج الا وذاك السوداني راعي ددسن غمارتين ومعه نفرين هندي
وياقف جزاه الله خير
ونركب وحنا ماقلتكم ثلاثة واحد الكبير طبعا ركب مع احد النفرين قدام
وانا وخوي الثاني طبعا ركبنا ورا ومعنا نفر هندي
وطول الطريق خوينا اللي قدام يناظرنا ويضحك ويتبسم ( من زين الوجه عاد ياصفيرة الشاصي )
المهم يوم نزلنا مسكنا خوينا قلنالوه تعال وراك تناظرنا وتضحك
قال الله يلعنكم تدرون وش يقول السوداني قلنا لا
قال ان هذولا اخوياء محلتين علي بيض قبل امس ومكسرين قزازة الدينا ( العربجية على قولة جلوفة الخبوب ) الله من الفشيلة صار وجهي انا طقعة مصلوخ بعجاج
والسوداني ابو عمر الى الحين موجود وانا الى اتهجج عنه....