شَجَرةعائلة منتدى بريدة.......ادخل ودوّر اسمك!!!

[شيخ بريدة]

بسم الله الرحمن الرحيم وبعد فحبّيت احط هالموضوع اكيد إنه زوين بس ردّوا عليّ هاه.


بسم الله نبدأ:

الجد الأكبر وأبوالعائلة كِلّه هو: شيخ بريدة

وعياله هم:شايب بريدة وسعفةوكربة(سعفة وكربة توأم) ومدحت(وهووالد العوائل المصرية البريداوية) وبريدة(المدير)==>لاتزعل يامديرنا:D .

عيال شايب بريدة هم:

نبع الحنان(وهوابنه المدلّل ودايم يشتري له حنان==>مرته صارت) والبحري ووهج الخيال وكل اساميهم حركاااااات..والحليل وأبوقلب وأبوقلبين(توأم)==>ياكثر التوائم.

عيال سعفة:==>الله يعيننا من كثرتهم:

العَود هو:المرصاع ثم الإمبراطور ومالكوم إكس وفتى العشة وذيبان(ياقدمه توفي رحمه الله منذ ان كان صغيراً) وشعبوط وفهد والصارم وأبوساري والمستشار والميدان وعربجي فاهم(القِعْدة قعدة ابوه سعفة).

عيال كربة هم:

الذهبي والبدائعي والريّان والصيوان(كلهم بأل التعريف).

عيال مدحت(الله الله عالقد والقد الله الله عليه):

علّوني(أبومصيول).....بس==>يقال لهم عيال.
:D

عيال بريدة(المدير)==>هذا مديرنا ولايرضى يصير له عيال همّن اخاف لاحطّينا يتدلّعون علينا عياله ويفصلوننا:D ==>لاعقب له رحمه الله.

عيال نبع الحنان هم:

قرّاض الخشب(ياحووول ابوه منقرض لمين قال بس) وتحيّة وألم وع.السحيم==>اسم غريب. وكذلك من عياله:نور الشمس وعلوان.

عيال البحري:

صدى الذات وبرق1 والجنط وزكريا والديك وماعليك زود.

عيال وهج الخيال:

محبكم والأكاديمي والشامخ وترووووك والقاع والمسلم العربي.

الحليل مات وهو صغير==>عجزت القى اعضاء يصيرون عياله عشان تسذا مات:D استغفرالله.

أبوقلب يوم ولدته امه صايرن مشبوك مع اخوه ابوقلبين عشان تسذا ماجابوا عيال ههههههههههه معليش تحمّل الله يهديك...صراحة ياابوقلبين به واحد عضو بالمنتدى اسمه ابوقلب ولابغيته رح ابحث بالأعضاء ولانب اتسذب عليك رح سلّم على اخوك ياقاطع الرحم.

عيال المرصاع هم:

&..@الخطير@..&(توفي رحمه الله لأنه ترك المنتدى) وأخوه << خطاب >> وبس ذولا عياله.

عيال الإمبراطور هم:

(سعفة الذهبي ) وهو ولده الوحيد الله يخلّيه له قل آمين ياابوسعفة الذهبي(الإمبراطور ذي كنيته).

عيال مالكوم إكس هم:

@الرعد@ وممعط شوش البنات(الرعد دايم مصفـّـقه اخوه ممعط==>اسألوا ابوهم ويعلّمكم وش نزيّن يالرعد معليش رح ورّنا شلون تصفّق اخوك ممعط ياالله.

فتى العشة لاعقب له رحمه الله......:D ==>مات الرجّال.

عيال شعبوط:

أبو مسحة(امسحوا الغبار من قدمه مات الله يرحمه==>موّتنا الأعضاء كلهم)
وأبوريّان وأبوحمد ومتنبي بريدة.

فهد مات من كثرة المشاركات والصارم مات من طول الغيبات وأبوساري مات من الكمبيوترهههههههههههه والمستشار مات من النحتة الي جته عشان صوته العذب ماشاء الله.

عيال الميدان:

أبوس(دايم يجغـّف ابوه).

عيال عربجي فاهم هم:

مجاهد ومجنون ليلى ومجنون هند ومجنون بريدة ومجنون بس عاقل(عياله مجانين إلا مجاهد ولايهانون البقيّة:D :D )ومرابط ومرجوج.

عيال الذهبي هم:

أسير وبس انتهوا عياله.

عيال البدائعي(خويّي أبوعبدالرحمن يابعدهم كلهم ياخلفهم):

مشفوح بريدة ومعاند ومغترب الشرق ومفك14.

الريّان توفّي رحمه الله لأنه تركنا.

عيال الصيوان:

اللاجئ إلى الله والمثنى القصيمي(الله يرحمه) والمتحري والمتدودل.

مصيول ماله عيال لأنه مات من اشعاعاتة الكمرة حقته.

عيال قرّاض الخشب:==>كلهم منقرضين لمين قالوا بس:

الرايات السود وبرجس والمجاهد الصغير والليث والمشعلاوي والأسطورة.

تحيّة وألم ماتوا ياحوووولهم من المشاعر والأحاسيس والكتابات رحمهم الله.

عيال ع.السحيم==>إنسان غامض ولانعرف شجرة عائلته ويظهر إن له ذرّية كثر النمل.

عيال نور الشمس:

البزعة والخلفة(توأم).

عيال علوان:

الجنرال وجدس البأس والريحاني والرزين والرهيب2002 والروشن والرهيف.

صدى الذات وبرق1 توفّوا رحمهم الله من طول الغيبات ولاندري عن ذرّيتهم.

عيال الجنط:

الصارخ والشبل.

زكريا توفّي من قلة المشاركات==>الله يهديه والديك وماعليك زود لاعقب لهم.

عيال محبكم:

الشفرة والصقر والعم علي والعاصف والعبداوي والفدائي.

والبقيّة ماتوا رحمهم الله==>ماودّه يكمّل والله ياهي علثة....لالا نكمّل بالحلقة القادمة إن شاء الله.

ملاحظة: البنات ماحطّيناهن.

ملاحظة ثانية: الي ماحطّينا اسمه بشجرة العائلة نرجوا الاتصال على الرقم:
06060606==>امزح لايعني...بس قولوا لي ولايصير خاطركم إلا طيب.

ونرجوا الردّ وجزاكم الله خيراً وهذا من باب المزح فقط ولاتصدّقون.

[شيخ بريدة]

اتحدّى واحد يجيب نسبه كاملاً إلى جدكم شيخ بريدة.

[الذهبي]

هههههههههههههه

عيال كربة هم:

الذهبي والبدائعي والريّان والصيوان(كلهم بأل التعريف).

وراه عاد انا من عيال كربه ... وش قالولك هدر لاسمح الله ..

=============

الصرااااااااااااحة إبداع

[شعبوط]

هههههههههههه

اجل انا اعيالي ابو مسحه وشلون تذكرة إلى هالحين

وأبوريّان

وأبوحمد ... يولي أبو حمد اولدي حرام عليك باين من اسمه ان شايب

ومتنبي بريدة ..... هذا شكله مثقف ما شاء الله عليه


لاكن اللي فطس من الضحك عليه عربجي فاهم اللي اعياله كلهم مجنين ... يويلي


هههههههههههههههههه

متشكرين شيخ بريدة
=====
ماشاء الله عليه وهج الخيال اعياله احبيبين وهادين عيال وهج الخيال:

محبكم والأكاديمي والشامخ وترووووك والقاع والمسلم العربي.

===========
قراض الخشب .. ابوه منقرض

[البدائعي]

خوذوا نسبي يا شباب

البدائعي بن كربة ( يا سلام ) بن شيخنا ومفتينا والصديق الحبيب بس تراي منب شايب شيخ بريدة

يا سلام صار شيخ بريدة جدي

ما شاء الله تبارك الله


أشكر يا شيخ بريدة شكر يملى الأرض والسماء
شكر من أعماق قلبي

ردوا يا شباب وراكم مسكتين
تكلموا ردوا على شيخنا

[الصيوان]

شيخ بريدة :41 :41 :41 :41




:D :D :D







ooo1 ooo1

:oo

[المرصاع]

يا ناس ولا واحد عزان بولدي اللي استشهد بالشيشان

عقبال لولدي وأنا

وأبوي سعفه الله يعينة

هههههههههههههههههههههههههههه

[الحليل]

اجل ابوس شايب بريده ومت وأنا صغير
الله يهديك
وراه مالي عيال
خخخخخخخخخ
تسلم يالشيبوووووون على هيك موضوع

[الحليل]

شيخ بريده
تكفى نيابة عن
وراه ما نجلد أنا وياك الصيوان
شكله اطرم ولا يهرج إلا شوي
الله يعين اللابتسامات عليه
أقوووووول بريده === احذف الابتسامات
عشان يبدى ما يشارك الصيوان خخخخخخخ

[البحري]

هههههههههههههههههههه.... أبداااااااااااااااع.... أجل ابوي شايب بريدة:D

وعيالي أنا هم صدى الذات وبرق1 والجنط وزكريا والديك وماعليك زود.

الحمدلله أن سعفة مهب ولدي:D



مشكوووووووووور أخوي شيخ بريدة على هذا الموضوع.... التنسيييم اللي مثلك:D


وإلى الأمام ومزيداً من المتخرمات...



يالله سلالالالالالالالالالالالالام

[الرهيف]

ماحديتن:i121







انازعلت:mad:









:i121 :i121 :i121 :i121 :bad :bad :S

[عطش الرمال]

يا ويلي يا انا دايم متسحوت مع الباب

تراي بالمنتدى

وبعدين وراك انكرت منب اخوك الكبير
يوم شاف الجلد الي اجله بالبيت يوم حنا صغيرين حقد علي اني اكبر منه وانكر علشان محد يدري


اوريييييييييييييييييييييييييك <========= له سالفه



مستر عطوش الجد الذي ليس له اولاد احياء لا نه ذهب الى باريس العرب ولم يوجد لهم اثر

[مشفوح بريدة]

وش بلاك انت

وش فيك ياشيخ بريدة

مابقي ولاعضوالااموته كلهم موتهم

لاكن مااقول الااحسن الله عزاك

[الليث]

هههه أجل أبوي قراض الخشب لا ومنقرضين كلنا http://smilies.sofrayt.com/1/r/biggrininvert.gif

بعذره من حبه لنا يقرضنا قرض http://smilies.sofrayt.com/1/r/mdrbig.gif

والله إنك قديم باالّحيل ياجدوهhttp://smilies.sofrayt.com/1/q/sad.gif زاد أقول وش هاالعجاج والغبرات

أجل مانسيت أخوي المشعلاوي بس إن شاء الله يكمل دراسته

ويرجع لنا بالسلامة

<=== متوهق يحسب عنده معلومات http://smilies.sofrayt.com/1/r/nahaha.gif


بس تدري عاد .. ماأقول إلا الله يخلف أنت جدنا .. ماعلينا شرهة

إذا قالوا منتدى بريدة مهابيل http://smilies.sofrayt.com/1/r/dance.gif

طالعين على جدهمhttp://smilies.sofrayt.com/1/r/happy.gif



إلا أقول عطنا عيال بريدة علشان يتوسطون لنا .. والله فكرة وش رايك ههه

[النمر]

وشدعوا

وراك ماحطيت اسمي


يا الشيخ



أنتضر أسمي


:( :( :( :( :(

[علوان]

السلم عليكم

ولله ذرية طيبه

يرجع شايب ابريده إلى جدهم عيسى بن عبدالله بن خميس بن عامر بن زياد بن بدران ، ويرجع نسب عامر بن زياد البدراني إلى بدران بن سالم بن زايد ، وزايد هو جد قبائل آل زايد الذي يرقى نسبه إلى دوسر بن عمران بن عمرو بن عامر بن حارثة بن أمرئ القيس بن ثعلبة بن مازن بن الأزد ، وعمرو بن عامر هو صاحب جنة مأرب وملك قبائل كهلان بن سبأ في ((اليمن))

[شيخ بريدة]

الذهبي-شعبوط-البدائعي-الصيوان:

جزاكم الله ألف خير صراحة شجّعتون على الإبداع:D .

المرصاع:

احسن الله عزّاك==>جدّك يعزّيك:D .

الحليل:

ابشر إن شاء الله ومايصير خاطرك إلا طيب==>جاك الفزعة جدّك:D

شكراً لك وجزاك الله خير.

البحري:

مشكور وجزاك الله خير.

الرهيف:

صراحة إنك ماتشوف يالرهيف ناظر اسمك لاوبعد حاطّك مع الناس المعروفين يعني انت مشهور لاتخلّين احلف إني حاطّ اسمك دوّره وتلقاوه.

عطش الرمال:

صراحة يااخوي آسف ماحطّيتك نسيتك==>ولكن هل يخفى القمر...تبي تجي بالحلقة الثانية إن شاء الله ابخلّيك تنبسط سذاتا:D

مشفوح بريدة:

الله يجزاك خير على التعزية==>وش نزيّن تكسّرت ايديننا من كتابة ذرّيتنا.:D

الليث:

ههههههههههههههه الله يسلمك على الصورة حقت جدّك لاواراقص وانا شايب==>عيب تراك بحضرة الجد التسبييييييير جداً جداً مليان غبرات من قدمه.

النمر:

انت صراحة شفت اسمك بقائمة الأعضاء وانا توّي راعصن على اعتمد الرد يعني خلّصت الموضوع..قلت ابحطّه بالحلقة الجايّة إن شاء الله...هه إن شاء الله باتسر وإنما حصل يجي بعده مايصير خاطرك إلا طيب انت وعطش الرمال ياعيوني المنفقعات ياعييّلي.

علوان:

ترى نسب دوسر قدييييييييم==>تحطيييم....لاوالله صراحة هبال اجل ذولا خوالي تسذاتا نسبهم جمييل.

مشكور على المعلومات جزاك الله ألف خير...اكيد جايبه من موقع عن أسرة آل عيسى.

[Ooعربجي فاهمoO]

عيال عربجي فاهم هم:

مجاهد ومجنون ليلى ومجنون هند ومجنون بريدة ومجنون بس عاقل(عياله مجانين إلا مجاهد ولايهانون البقيّة )ومرابط ومرجوج.


هههههههه هذولاء العيال أجل الأبو عليه السلام

أنا بحياتي كله ماعمري شفت ولد أكبر من أبوه (أو هذا موديل ألفين:D )

أنت ماتدري إن سعفة بعمر أخييّ الصغنن يعني يابعدي قلبت الدور:o

شيخ بريده أشهد إنك شيخ مهستر

تحياااااااااااتي ياحيااااااااااااتي====> على باله سجع:p

تشكرااااااات أنكلooo1

[شيخ بريدة]

الرهيف اعتذر لك عن الخطأ ماحطّيت اسمك ابحطّه هالحين معليش.


بسم الله:

ترى الي قلته والبقية ماتوا رحمهم الله==>مزح ماماتوا وهالحين ابكمّل عيالهم.

عيال الأكاديمي هم:

الرهيف والنمر(لاتزعلون فأنتم عياله المدلّعين ياحبي لكم ياأحفادي==>مصدّق)

عيال الشامخ هم:

ياسر وياسر البريداوي وكيش اسمنت.

عيال تروووك هم:

كليجا وقناص الليل وقرية التوت وقسورة وطعطوش.

عيال القاع هم==>ياكثرهم لأنه شيّب بالحيل:

طربوش وطحنووووووون:@(توأم) ونسيم الليل ونور الصباح و§ الخاطف §
و~ المجرم ~ والقلم السيال و^ الاطـــلال ^ وطالبان(القِعْدة الله يرحمه).

عيال المسلم العربي:

طاب الخاطر(الله يرحمه ماجاء المنتدى وتوفـّي رحمه الله) وولدالسيح.

وعيال << خطاب >> :

لادني وأبـــــو معــاذ.

وعيال(سعفة الذهبي ) هم:

أبوغيث والحضار وبدون اسم.

@الرعد@ وممعط شوش البنات توفــّوا رحمهم الله يومهم صغارين من شدّة الهواش الي بينهم الله يرحمهم ويرحم ابوهم.

عيال أبوريّان هم:

جمران وخلوق.

عيال أبوحمد هم:

ياخيل الله اركبي وفتى التصميم.

وعيال متنبي بريدة هم:

يتيـ(الفرح)ــم وخبل بس عاقل وخبوبي متستر.

عيال مجاهد هم:

جيدا وجساس.

عيال مجنون هند(ياخلفهم ياخويّي اجل امهم هي هند هاه ههههههههههه) هم:

صدى الحق وصدى الإسلام وظل الخيال وسفير الكلمة وسفير المحبة وسفير بريدة==>صاروا سفراء عيالك. ومن عياله أيضاً:شقاوي(الله يرحمه مات من طول الغيبات لأنه راح وسافر للشقة للتجارة==>يقال له بعيدة ومات لأنه غرتز(غرق) بالملح الله يرحمه. ومنهم عفش مطلّقة.

ومجنون بريدة ومجنون بس عاقل من حينهم مجانين وماتوا ولاعندهم عيال==>آسف بس مزح.

وعيال مرابط هم:

عبود وعبووودي وعجيب وعجراوي! وعيسى الطمل وغيـGhayourـور .

وعيال مرجوج:

هيه(الباكستاني أمه باكستانية لأن ابوه كان يردد هيه هيه مرجوج هيه بريدة هيه ولذلك سمّته امه هيه)وعرافيط وعـــــــــلاوي وهمقمق وهابي وهادي(توأمين) وهادي الطبع.

وعيال أسير:

هاني وهاوي الجرافيكس وإبريه وولد الخب وولد أهله.

وعيال مشفوح بريدة هم:

قمر بريده(ماطلع على ابوه...ابوه مشفوح وهو قمر ههههههههههه)

ومعاند مغترب الشرق ومفك14 لاعقب لهم رحمهم الله:D

وعيال اللاجئ إلى الله هم:

وسطي.

والمتحري والمتدودل ماندري عن ذرّيتهم.

وعيال الرايات السود هم:

آآآآآخر العنقود.

والبقيــّة منهم من مات رحمهم الله==>بتلة هي حلى يموّت كل العالم:D :D ومنهم من لانعرف ذرّيته==>والله ياهي علثة:D .

و: 12 مع السلامة.

[النبراس]

السلام عليكم وبعد/
هذولا مهب من عيال هند..هذولا حقين الحريمه الأوله...
وصرحتن الموضوع مهبوووووووووووووووووول
ويحمل التجديد والاثاره..
التجديد + الاثاره = الابداااااااااع

وتسلم يا أبو الجميع،،،،،

إبنك الصغير وخادمك المطيع
مجنون هند

[برق البصر]

وينك يا شيخ بريده


وراك معطين الخامس ومصفر الطبلون ولا تمر من عندي





خلاص زعلت عليك:bad :bad :bad :bad :bad :bad



يا ويلك من ويلاه


مع التحيات برق البصر:S :S :S

[نور الشمس]

ههههههههههههههه

الله يجعله شجرة مباركة ..

اجل ابوووووووي نبع الحنان ...

وعيالي البزعة والخلفة .. لا وبعد .. تؤم .. والله مانتب سهل يا جدنا ..

[صراع الأمواج]

انا ميت بس جيت ابرد على الموضوع و ابرجع
وراك موتتن على طول قسم بالله اني ما مت<====== مصدق
و بعدين حاطن القعدة ( القعدة و الا الحجة ) < ===== ايقاله يحطم
اجل ابوي القاع ...... انا شاك الصراحة من اول بس الحين عرفت منهو الوالد
مشكوووووووووووووووووووووووووووووور
يا جدي شيخ بريدة
تسلم و ما قصرت
ابدااااااااااااااااااع < ----------- احسبه مرافيء
تقبل تحياتي الله يرحمك

[أبو سلمى]

ياعمري يا انا .....

ناسييييييييييين ...

أنا ولد الخب

الاصل والفصل ....

والمدرسة كلّه بعد .......

لكن ....!!!!!!

أمري إلى الله .....

وش أزيّن .....

لكن ....

على فطنة :confused:


تراك نسيت واحد له تاريخ عريييييييييييق ..... قل منهو...؟؟؟؟؟؟















جاكم الزاحف الأول .......


الله يغفر له .... ويرحمه ....

[برواه بروته]

وش دعوى ياشيخ بريده

وراك ماحطيتن

[الونة]

الى الليث انت غبي اسمك الليث وحاط التوقيع صورة حصان

:eek: :eek: :o :confused: :42 :42

[ياسر البريداوي]

واللي ما لقا اسمه

[عطش الرمال]

ما يصير يا شيخ بريدة مرتين منب به


والله وقسم والله لاصيح

ايه تبي تنتقم

اوريك

مسترعطووووووش

[شيخ بريدة]

ولد الخب-ياسر البريداوي:

صراحة مع احترامي الشديد لكم مااقدر أقول إلا انتم عميان:D ==>ماتشوفون يااخوان ناظروا اسمائكم هالحين اجيبهن لكم اصبروا شوي.

عيال الشامخ هم: ياسر وياسر البريداوي وكيش اسمنت.
وتجدها في الحلقة الثانية ياياسر البريداوي(اعني اسمك).

اما انت ياولد الخب:

وعيال أسير: هاني وهاوي الجرافيكس وإبريه وولد الخب وولد أهله.
وشكراً لكما ياولد الخب انت وياسرالبريداوي.

مجنون هند- نور الشمس- طالبان:

جزاكم الله خيراً على الرد والتشجيع.

الونة:

مشكور على السبّ....ايه تسبّ الأعضاء بموضوعي بعد منب حاطّك بالشجرة==>يتمنّن:D

برق البصر - عطش الرمال - برواه بروته:

آسف ابحطـكم هالحين أما برواه بروته ماادري وش قصــته وش معنى اسمه عجزت افهمه....لعله يوضّح شويّ.
_______________________________
تكملة للحلقات السابقة:

وعيال برجس هم==>ياكثر عيال هالشايب ذا:

عطش الرمال(ولده العَود)==>ياحوووول جادعه ابوه بالرمال وهو عطشان وسمّته امه تسذا.ومن عياله أيضاً:

وبرق البصر وبرواه بروته(الظاهر إن برجس مايدري إن برواه بروته هو ولده لكن الله يهديه لازم يعرف عياله) ومنهم ايضاً: جاكم الزاحف(يوم ولدته امه كان يقال له ثقل وسمّاوه ابوه المصرقع برجس..ايه سمّاوه جاكم الزاحف.....وعاد مات جاكم الله يرحمه من كثرة المشاركات مثل ولد عمه فهد==>يقال لهم عيال عم اصلاً هم رجل واحد.

ونكمّل بعدين إن شاء الله لأني مشغول ياعييّلي تعرفون جديدكم مشغول بالنخل والمزيرعات==>ناظروا انتم ايه ناظروا جدّكم الي اكبر منكم يشتغل وانتم قاعدين بس معتكفين على الانترنت==>يقال له مايجلس عند الانترنت.

طيب ياالله نشوفكم إن شاء الله في حلقة اخرى...ونرجوا الإكثار من الردود عشان يقرأه اكبر عدد من الزوّار.

ودمتم بخير وعافية إن شاء الله.

[الليث]

الونة

أنا ماني غبي الله يسامحك ( أنت ماتفرق بين العجل والفجل هههه )

بس مليت من التصاميم وجازت لي الصور للخيول اللي من أخوي

شعبوط وحطيته

<==== مصدق قال قصة حياته ههههه

وإسأل شيخ بريدة عن إني منب غبي

<=== يحسب شيخ بريدة أبوه هههه

: 12 : 12
:D :D

[الحليل]

شيخ بريده ؟؟؟؟؟؟
يا عزيلك جنك البناااااااات
بس شوري لا تحط لهن شيء عاد يهقننااااا
بلا بنات بلا خرابيط ؟؟؟ هذه شجرة الأولاد ؟؟؟؟؟ يالله انتن زين لكن شجرة
هاهاهاهاهاها
ما تستحن أفاااااااا

[الحليل]

أقوووووووووول
وش هالنار يا غزال من البدوان خخخخخخخ
زعلت طقي برأسك الحيطة


شيخ بريده تعال أبيك























لا تحط بناات وش نبي بهن خخخخخخخ










س لا م







وللذكرى كثير من الحليل

[شيخ بريدة]

تباشير-غزال من البدوان سابقاً- منب حاطّ فرع نسائي...كسل يااخيّتي لأن اساميهنّ يجيبن النوم تصدّقين عاد به وحدة اعرفه يقال أنهار وأغادير مابقي إلا نحط اسماء بناتنا دورات مياه وجبال ووديان وش الي بقى غيّرن اسمائكن وخلّكن متطوّرات وحطّن اسماء مثل:

السنعة بنت اهله وحصّة ومنيرة ونورة وطرفة واللولوة والجوهرة وقماشة وخزنة وعنزة:D ==>خاطمتن عرض وهيلة ورقيّة==>لن ننسى هذا الاسم:D .

جزاك الله خير يالحليل على الهواش.

اقول يااخيّتي تراي امزح معتس بس اتحدّاتس تحطين شجرة عائلة منتدى بريدة للنساء اتحدّاتس اصلاً تبي تصير صغيرة لأن النساء بالمنتدى شويّات ولله الحمد.:D

[ابو الحسن]

وراه ماكتبتن مع العايله هذي تبي حق:i121

[شيخ بريدة]

ياابوالحسن....بسم الله عليّ وراك توّك تردّ عليّ المفروضن إنك جايذن قبل عشان احطّ اسمك معهم طيب نبي نحطّك بالحلقة الجايّة ان شاء الله اصبر يااخي وشّو حنا آلات تراي ابوكم لازم تحترمونن وإلا لا ياتباشير صح:D .


ابوالحسن نبي نحطّك ان شاء الله بس اصبر علينا شوي ترانا مشغولين شوي معليش:)

تباشير: ترى الخال يعصّب بسرعة ترى الجدّ قويّ دايم يهبد كليجا ومرأته العجيّز تلهط كرّاث ويحب القهوة هو ودايم متعلّقن بالنخلة من يوم ماولدته امه:D .

تراي ابوكم يعني ماينبغي لكم تسذاتا تقولون لي هالحتسي ياتباشير.

انتظر ردّتس السريع ماشاء الله.:D

[شيخ بريدة]

والله ياانا ماادري وش تهذين به احتسي زين.


اي فرع يابنت الحلال تششششششششششششششش ماادري وش تقولين وش فرعه وش كار البلدية بشجرة عائلة منتدى بريدة للعيال==>ياحووووول مابش بناااات:D .

اقول روحي زيّني شجرة ازين لتس بلحيلتس مع الشرذمة الي معتس:D ==>امزح لاتزعلين بس ايــّسي ازيّن شجرة ثانية ماصدّقت ازيّن هالشجرة ذي تبين احطّ للبنات وحدة خاصة وشو انا شغّالة:D .


تراه لازم تعطيننا المقسوم عشان نحطّ لكن شجرة زين:

خ لا ص==>يقال لي اقلـــّد الحليل:D .


مشكورة على الحماس والردود بالصراحة تستاهلين الشجرة الي بجنب بيتكم خططي به اسماء الحريم الي بمنتدى بريدة و...خ لا ص.

[وحيد الساده]

أشوى ماحطيتن من ذريك ياشيخ بريده :bad كلكم شهبان

اصلا انا سلالتنا مماليح انا تقل لبنانيooo1 طويل ومملوح وشعري ناعم
واشقر وعيوني عسليه :i125
ماهوب مثلك انت عيالك واحفادك تقل :suu

[جــيــــــــــدا]

:mad: :( :mad: :( :mad: :( :mad: :( :mad: :( :mad: :( :mad: :mad: :( :mad:

لــيـــــــــش ماحطيتن والا تحسبن بنت ماهقيته ياشيخ بريده ،،،،،،

بــــــــــــــــــــــســــــــرعه ،،

حطـــــــن وحطلي عيال ،،،،

بااياات ،،،

:mad: :( :mad: :( :mad: :( :mad: :( :mad: :( :mad: :( : : :( :mad: :( :mad: :( :mad: :( :ma

[شيخ بريدة]

=


عيال الليث هم:

أبوالحسن(ياحليله الي قاعدن يهاوش جدّه) وجيـــدا والونــّة وولدالسادّة(ماعلينا منك غصبن عليك تصير من عيالنا:D ==>تراه ماودّي يصيرون عيالي واحفادي حقين رياضة ويبون يفتحون منتديات رياضية بهالمنتدى ابداً ماودّي فهمت زين.


نكمّّّل بعدين============== خ لا ص.:D


وحيدالسادّة:

يقال لك هالحين مملوح اخاف مخلل=>يقال له ينكــّت.

جـــيـــدا:

عسانا نخلــّص من اعمامك الي قاعدن احطــّهم من كثرهم اصبر عليّ ياوليدي...ابشر بسعدك ياوليدي جيــــدا.

تباشير:

خلاص عيب تتكلمين على الجدّ الخال الشايب المعرعر==>عاد احترمي نفستس خلّيتس تردّين على موضوعي واحترمي نفستس تراي تسبيييير ورجل شَهْم==>يشحط نفسه(يمدح نفسه).

[الليث]

الله يقطع ابليسك ياشيخوه http://smilies.sofrayt.com/1/r/biggrininvert.gif

وش قالوا لك مظفّة أنا http://smilies.sofrayt.com/1/r/cheese.gif

أي واحد ماحطيته من قبل تحطهم بي http://smilies.sofrayt.com/1/r/mdrbig.gif

لا وبعد حاط لي وحيد السادة .. أكيد من حبي اللي يفشّق الجدران للرياضة http://smilies.sofrayt.com/1/c0/rofl.gif

بس ماعليه مايكفي الحبحر اللي مع وحيد http://smilies.sofrayt.com/1/c0/evillaughter.gif... والله ياهو يغّري http://smilies.sofrayt.com/1/c0/lol.gif

<==== إقاله يحب الحوار( الحار ) http://smilies.sofrayt.com/1/c0/rotlaugh.gif





تباشير:

طويلي بالتس يابنت الحلال .. أنتي ماتعرفين شيبان هاالوقت ( الحليل وشيخ بريدة ) تراهم نص لفه http://smilies.sofrayt.com/1/h0/hollering.gifhttp://smilies.sofrayt.com/1/h0/nut.gif

[الحليل]

ممتاز عليك يالشايب ما نبي بنااااااات
الله أكبر والعزة للإسلام

[شيخ بريدة]

الليث:

ياحليلك ياابيّي......هههههههههههههههههه اجل مظفــّة.

اقول انزل ابيك بكلمة خشم(كلمة راس)































ايه انزل شوي بعد




















اقول يااخي من اين لك هالرموز الي خلــّتن اتقطــّع من الضحك خصوصاً==>يقال له عربي فصحى...ايه خصوصاً مع حتسيك ذا يالشايب الصغيـــّر.


الحليل:

معركة وجهاد صارت هبهبهببهبهههاهاهاهاهااهاهاهاهاه==>يقال له نص لفــّة يبي يورّي الليث.



الليث اسمع عاااااد منب تاركك ابحشّ بك حشٍّ مهب صاحي مثل حش العجيّزات بالصبح مع الكرّاث والملح وخبز مخازب السلمان والشاهي ياسلاالالاللالالام وبعده حشٍّ مهب صاحي....ايه انا ابحشّ بك مثلهن اجيب كرّاث وطقــّته==>يقال له يبي يقلـّد العجز....اسمع تسانك تبي تهجّ من المنتدى نبي نزعل عليك.

[الليث]

كلش عاد ولازعل ياشيخوه

بس الرجعة أعذرني تبي شي ثاني آمر ... وحشّ فيني لمين تقول بس تراي محللك وخذ راحتك

أما البرنامج أنا كنت منزله في المنتدى هذا قبل ماينقل

لكن لحين مهوب عندي رابطه ولاعندي وقت أحمله لك على النت أعذرن

وتلقاه عند بعض الأعضاء أطلبه منهم واسم البرنامج Get Smile

يالله أشوفك على خير

[المهند]

لله يهديك نسيت وانت عليك الشرهه ياشيخ
إرجع( ورجع بسمته) قصدي ارجع واكتب اسمي: 12 : 12

[أبوس]

[SIZE=5][FONT=times new roman][COLOR=crimson]يا حليلك
يا شيخ بريدة ..
أجا تقول أنا ولد الميدان .. ها ها ها ها ها
وهذه جغفة لك بعد
يا حليلك حليلاه ....

[شيخ بريدة]

الليث: جزاك الله خير لالالا منب حاشٍّ بك ابد ياعيوني المنفقعات ياحفيدي ومشكور على تحطيم جدّك.

المهنــــّد: بالحلقة القادمة إن شاء الله وهذاه تجي وابعيده عشان خاطرك ياحفيدي==>بدينا من هالحين.

أبوس:جزاك الله خير على التجغيف تراك شفطت خدودي==>مصدّق.

[شيخ بريدة]

وعيال جــيـــدا هم:

المهنــــّد(العَوَد ولده....الله يعينك على ابوك يالمهنــّد هههههههههه).


شكراً لكم على التفاعل ترن ترن...إذاعة شجرة العائلة تحييكم اسألوا والشجرة تجيب==>يقال له محاضرة ههههههه.

استغفرك ربي واتوب إليك.

[الحليل]

الليث توى أقرأ موضوعك انا شايب
يا؟؟؟ شيبون

ترى الليث هو علطول
هو السبير بعد شيخ بريده

وانت يا شيخ بريده

كل يوم مفلرخ


عنبوذا تقل فقاسه

[أبوس]

ذبحتون من الضحك ..
الأخ الحليل .. ردوده رائعة ..:D : 12

[شيخ بريدة]

اجل تقول انا كل يوم مفرّخ ياالحليل....اجل تدري وش انت يمل الحراويل ياابوسراويل
انت الحليل ابن خليل بن جليل بن طليل بن صليل بن صهيل بن هديل==>بنيّة صارت بن شيحان بن ملافخ بن سعدون بن قراد بن بعير بن فيل بن ثعلب==>انقلبت حيوانات.

انت من بني ثعلب......اعذرن فهذا ليس انت بل الحليل الي بالانترنت اما انت ياابومحمد فأنت فصل وأصل من بني شيخ بريدة الشايب التسبيييير المفرّخ يومياً خمس أفراخ ماشاء الله لاحول ولاقوة إلا بالله.

[&العذب&]

مشكور بس وين&االعذب&